Fréttablaðið - 22.09.2008, Blaðsíða 39
MÁNUDAGUR 22. september 2008 23
Spore er hugarfóstur Wills Wright
og er hann maðurinn á bak við
SimCity og The Sims-leikina.
Wright er einn af virtustu mönn-
um í leikjabransanum og er vana-
lega settur á sama stall og Sid
Meier og Shigeru Myamoto. Allir
þessir menn hafa mikil áhrif á
iðnaðinn og leikir þeirra seljast
vanalega í milljónum eintaka.
Hvað er Spore? Ein leið er að
kalla leikinn „Sim Everything“,
sem sagt allt Sim-tengt. Leikurinn
líkir eftir þróun lífsins frá frum-
lífinu í hafinu allt til tuga milljóna
ára síðar þegar lífið hefur sig á
loft til stjarnanna. Eini munurinn
er að áhrif spilarans móta þróun
lífsins í Spore. Það er erfitt að
fyllast ekki pínu stolti við að þróa
líf frá frumu allt til þess að það
teygir sig í átt til stjarnanna og
vita að maður átti hlut í þróun
þess lífs.
Það er hlutverk spilarans að
þróa lífveru frá upphafi lífsins og
leiða hana áleiðis í þróun sinni og
til þess hefur hann ýmis tól og
leiðir til að fara. Viltu að Spore-
dýrin þín verði kjötætur, græn-
metisætur eða kannski hvort
tveggja? Viltu að þau verði með
tvær eða fjórar eða jafnvel sex
hendur! Hvað ætli Charles Darwin
myndi segja yfir furðuverum
Spore?
Forritin til að búa til dýr og far-
artæki eru eitthvað sem hægt er
að eyða miklum tíma í. Það er
virkilega einfalt að nota þau og að
mörgu leyti er þetta eins og að
leika sér með leir eins og maður
gerði sem krakki og tekur ekki
nema andartak að búa til.
Viltu ná árangri með hernaði
eða sameina ættflokkana og að
lokum alla plánetuna undir þínum
fána? Allt eru þetta möguleikar
sem standa til boða þegar Spore
er spilaður og allan tímann er
hægt að velja hvaða leið er farin.
Að flokka leikinn er erfitt, hann
er í raun fimm leikir í einu, sem
skiptast í frumu-, dýra-, ættbálka-
, siðmenningar- og að lokum geim-
part sem er langstærstur hluti
leiksins og er hægt að vera tímun-
um saman bara í honum að kanna
himingeiminn og nema nýjar plá-
netur og breyta þeim eftir eigin
þörfum. Hvern hefur ekki langað
að hanna plánetu sem er með
gulan himin, blátt land og bleikan
sjó? Möguleikarnir eru miklir.
Maxis-hönnuðir Spore sáu sér
leik á borði og gáfu út í byrjun
sumarsins forrit sem býr til dýrin
í Spore og er hluti af lokaleiknum.
Með þessu gat fólk byrjað að búa
til dýr strax sem síðan var hlaðið
upp á Sporepedia-kerfið sem er
kjölfesta leiksins. Áður en leikur-
inn kom út höfðu notendurnir búið
til fleiri dýr en finnast á allri jörð-
inni! Þessi tala heldur áfram að
stækka og að auki munu bætast
við ýmis farartæki og hús. Fólk
getur gerst áskrifendur að því
sem aðrir búa til í gegnum leikinn
og það gerir að verkum að hver
nýr leikur sem er spilaður í Spore,
svo lengi sem að þú ert nettengd-
ur, mun tryggja fjölbreyttan leik
og þú hreinlega veist aldrei hverju
þá átt von á.
Hægt er, innan leiksins, að taka
upp myndskeið og senda það beint
inn á YouTube til að sýna vinum
sköpunargáfu þína.
Svona flókinn leikur er ekki án
vankanta. Að vera hálfpartinn
fimm leikir í einu gerir það að
verkum að það þarf að horfa á
leikinn sem eina heildarmynd og
hvað hann býður upp á en ekki
dæma hann fyrir ákveðna hluta
hans. Þetta er frumlegur og fjöl-
breyttur leikur sem býður upp á
skemmtilega spilun og höfðar til
margbreytilegs hóps.
Sveinn A. Gunnarsson
Fimm leikir í einum frábærum leik
TÖLVULEIKIR
Spore
Kominn út fyrir PC/Mac.
PEGI Merkingar: 12+ Leikurinn inni-
heldur atriði sem geta valdið óhug.
Upplýsingar um PEGI merkingar má
finna á www.saft.is.
★★★★
Frá frumu til stjarnanna í einum leik.
Abba-aðdáendur sem voru búnir
að panta sér pakkaferð til
Stokkhólms næsta sumar þurfa
nú að endurskoða ferðalagið sitt
því opnun Abbasafnsins í
Stokkhólmi hefur verið frestað
um óákveðinn tíma.
Safnið átti að opna fjórða júní en
það varð mun flóknara og
erfiðara að breyta gamla tollhús-
inu í Stokkhólmi í Abbasafn en
menn sáu fram á í fyrstu. Þeirri
hugmynd var því slaufað og nú er
leitað að öðru húsnæði. Undirbún-
ingur safnsins var langt á veg
kominn og umsjónarmennirnir
biðja aðdáendur að örvænta ekki.
Abbasafnið verði opnað fyrr eða
síðar á nýjum stað. Miðað við
gríðarlegar vinsældir Abba í
gegnum tíðina er ljóst að safnið á
eftir að njóta mikilla vinsælda.
Abbasafni
frestað
EKKERT SAFN Í BILI Abba-aðdáendur
gráta.
FÆRÐ ÞÚ
HAUSTUPPBÓT?
Næsti útd
ráttur verð
ur
24.09.200
8