Fréttablaðið - 10.10.2008, Qupperneq 10
10 10. október 2008 FÖSTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 0
3.005 0,00% Velta: 0 milljónir
MESTA HÆKKUN MESTA LÆKKUN
HLUTABRÉF Í ÚRVALSVÍSITÖLU: Alfesca 5,45 +0,00% ... Atorka
3,35 +0,00% ... Bakkavör 9,79 +0,00% ... Eimskipafélagið 1,50
+0,00% ... Exista 4,62 +0,00% ... Glitnir 3,91 +0,00% ... Icelandair
Group 15,50 +0,00% ... Kaupþing 654,00 +0,00% ... Landsbankinn
19,10 +0,00% ... Marel Food Systems 71,70 +0,00% ... SPRON 1,90
+0,00% ... Straumur-Burðarás 7,08 +0,00% ... Össur 82,80 +0,00%
GENGISVÍSITALA KRÓNUNNAR: 200,48 +14,75% Áhlaup var gert á reikn-
inga Kaupþings í Bretlandi.
Fjármálaeftirlitið tók Kaup-
þing yfir í fyrrinótt. Yfir-
lýsingar Darlings síðasti
naglinn í kistuna. Erlendir
fjárfestar reyndu að losa
sig við íslenskar eignir.
Samruni SPRON og Kaup-
þings varð ekki. Ríkið hefur
tekið við stjórn allra stóru
viðskiptabankanna þriggja.
Stjórnendur Kaupþings óskuðu
eftir því seint í fyrrakvöld að Fjár-
málaeftirlitið tæki við stjórn bank-
ans. Skilanefnd hefur verið sett
yfir hann og tekur hún yfir vald
hluthafafundar. Stjórn Kaupþings
hefur sagt af sér.
Þetta er gert í þeim tilgangi að
tryggja „fullnægjandi innanlands-
starfsemi bankans og stöðugleika
íslenska fjármálakerfisins,“ segir
í tilkynningu Fjármálaeftirlitsins.
Þetta gerðist um hálftvöleytið í
fyrrinótt. Þá höfðu Sigurður Ein-
arsson stjórnarformaður og Hreið-
ar Már Sigurðsson forstjóri setið
fundi í höfuðstöðvum Fjármálaeft-
irlitsins.
Fjármálaeftirlitið hefur því nú
tekið við stjórn stóru viðskipta-
bankanna þriggja, Glitnis, Lands-
bankans og Kaupþings.
Sigurður Einarsson, stjórnarfor-
maður Kaupþings, segir að bank-
inn hafi búið sig vel undir niður-
sveiflu á verðbréfamörkuðum og
við hafi blasað að gengi krónunnar
hefði verið of hátt skráð. Lausa-
fjárstaða Kaupþings hefði verið
góð í lok september og áform
hefðu verið uppi um að kaupa upp
skuldabréf sem bankinn hefði
gefið út. Þá hefði bankinn „varið
eigið fé með því að færa það í
erlenda mynt,“ auk þess að draga
úr vexti lána hérlendis. Lausafjár-
staða Kaupthing Singer & Fri-
edlander hefði einnig verið góð,
„líkast til best meðal allra banka í
Bretlandi,“ segir Sigurður í yfir-
lýsingu.
Eftir að Glitnir lenti í erfiðleik-
um og ríkið tilkynnti að þrír fjórðu
í bankanum yrðu keyptir hófst
atburðarás „sem enginn sá fyrir
eða gat haft stjórn á,“ segir Sig-
urður.
Eftir að Icesave-reikningar
Landsbankans lokuðust hefði fólk
farið að taka peninga út af Edge-
reikningum Kaupþings, enda þótt
þeir lytu öðrum lögmálum.
Í kjölfar yfirlýsingar Alistairs
Darling, fjármálaráðherra Breta,
um að Íslendingar hygðust ekki
standa við erlendar skuldbinding-
ar sínar hafi Singer & Friedlander
verið settur í greiðslustöðvun.
„[V]ísuðu lánardrottnar þá til þess
að greiðslustöðvun dótturfélags
væri vanefnd ... og því ígildi
greiðslufalls. Skipti þá engu að
lausafé móðurfélagsins væri nægj-
anlegt og staða þess góð.“
Óvíst er hverjir eigi að stýra
bankanum.
SPRON er ekki hluti af þessari
yfirtöku, þar sem samruninn við
Kaupþing var ekki genginn í gegn
í fyrrinótt. Það eina sem vantaði til
að ljúka samrunanum var sam-
þykki Fjármálaeftirlitsins.
ingimar@markadurinn.is
Ríkið hefur tekið við
stjórn allra bankanna
Á ÚTLEIÐ Hreiðar Már Sigurðsson forstjóri og Sigurður Einarsson stjórnarformaður
ganga út úr húsakynnum Fjármálaeftirlitsins í fyrrinótt. FRÉTTABLAÐIÐ/ANTON
„Enn sem komið er hafa atburðir
síðustu daga ekki truflað starfsemi
okkar,“ segir Gylfi Sigfússon, for-
stjóri Eimskips um þrot bankanna.
„Það hefur ekki verið nein sér-
stök pressa að utan og það lítur
allt vel út með söluna á Versagold
Atlas og ég get ekki séð að atburð-
ir síðustu daga hafi haft nein áhrif
á hana,“ segir Gylfi.
Eimskip byrjað í maí að skera
niður starfsemi sem ekki tengdist
kjarnastarfsemi hér og segir Gylfi
félagið njóta góðs af því. „Helsta
málið er þetta víkjandi lán sem
þeir Björgólfsfeðgar gengust í
ábyrgð á fyrir okkur, en við höfum
sest niður með hinum Nýja Lands-
banka, til að fara yfir stöðuna og
ég hef enga ástæðu til að halda að
nýi bankinn taki illa í að fram-
lengja lánið,“ segir hann. - msh
Engin áhrif á Eimskip
„Ætlum við að skilja eftir þá arf-
leifð að Íslendingar hlaupi frá
skuldbindingum sínum erlendis?“
spyr Agnar Hansson, forstjóri Ice-
bank.
Hann segir ekki mega höggva á
góð sambönd við útlönd, líkt og
raunin virðist vera í tengslum við
starfsemi Kaupþings og Lands-
bankans í Bretlandi eftir að ríkið
tók þá yfir. Slík mistök geti komið
niður á greiðslumiðlun við útlönd í
framtíðinni.
Agnar segir Icebank hafa átt í
góðum viðskiptum við útlönd fyrir
sparisjóðina í aldarfjórðung. Nú
virðist sem bankinn sé að verða sá
eini sem geti státað af því að standa
við allar sínar skuldbindingar við
erlenda aðila, að hans sögn. - jab
Góð sambönd haldi sér