Fréttablaðið - 12.10.2008, Side 10
10 12. október 2008 SUNNUDAGUR
AÐ VEITA ÞETTA VIÐTAL ER STÆRSTI VIÐBURÐUR LÍFS MÍNS Frank Hvam og Casper Christiansen veita aldrei viðtöl en eru ánægðir með hversu vel Íslendingar hafa tekið þáttaröðinni Klovn. FRÉTTABLAÐIÐ / ÓLAFUR RAFNAR
Frank: Heyrðu, ég er með nokkrar
stöðumælasektir frá síðustu heim-
sókn okkar til Íslands og var að spá í
hvort þú værir til í að borga þær næst
þegar þú ferð til landsins. Ég fór í
bankann áðan og ætlaði að kaupa
íslenskar krónur sem þú gætir haft
með þér en þá var búið að loka á öll
viðskipti með íslensku krónuna. Ég
var því að spá í hvort þú vildir taka
við þessum dönsku krónum og borga
sektirnar með þeim.
Hvers virði er íslenska krónan eig-
inlega í dag spyr Casper. Þegar blaða-
maður segir þeim að hún flakki ein-
hvers staðar á milli 20 og 30 danskra
króna lifna þeir allir við, en verða um
leið miður sín.
Casper: Nú ættum við að kaupa íbúð í
Reykjavík. En ég finn til með íslensku
þjóðinni, þetta er ótrúlegt, er þetta
ekki ótrúlegt?
Frank: Já, þetta er svakalegt, við
finnum til með þjóðinni. Íslendingar
eru vinir okkar og okkur finnst leitt
ef þjóðin er að verða gjaldþrota. Þetta
er til dæmis fyrsta viðtalið sem við
veitum saman í mörg ár. Við veitum
helst ekki viðtöl og aldrei saman, en
við erum mjög ánægðir með hvað
Klovn hefur gengið vel á Íslandi. Þess
vegna við vildum gjarnan veita
íslensku blaði viðtal.
Það hefur frést af ykkur á Íslandi
undanfarin misseri. Hafi þið verið að
taka upp, eða hvað eruð þið að gera
þar?
Casper: Nei, við vorum að hugsa um
það, en það varð ekkert úr því. Það
yrði of dýrt. Fyrirtækið okkar
Nutmeg Movies er mjög lítið þannig
að við megum ekki við því. Svo fannst
okkur ekki rétt að taka upp þátt þar
einungis af þeirri ástæðu að það væri
smart. Hugmyndirnar verða að fæð-
ast og þróast með okkur − við getum
ekki þvingað hugmyndavinnunni í
gegn. Þegar við áttuðum okkur á því
Finnum til með Íslendingum
Casper Christensen og Frank Hvam hafa slegið í gegn á Íslandi með þáttunum Klovn. Þættirnir hafa verið sýndir í Danmörku
frá árinu 2005 en Íslendingar voru fyrsta erlenda þjóðin sem uppgötvaði þessa ágætu skemmtikrafta og fékk sýningarrétt að
þáttunum. Frank og Casper voru fúsir til að veita Fréttablaðinu viðtal af því að Íslendingar hafa opnað þeim leið. Þeir hafa haf-
að það að væri ekki að gera sig að
taka upp á Íslandi hættum við við.
Frank: En við komum oft þangað og
njótum þess að vera á Íslandi. Ég kom
fyrst þangað með bróður mínum og
við fórum í dæmigerða karlaferð,
keyrðum á fjórhjóladrifnum kagga í
eyðimörkinni og skoðuðum landið. Ég
hreifst af miðnætursólinni og nætur-
lífi Reykjavíkur og vildi endilega fara
aftur eftir þessa fyrstu ferð.
Casper: Já, og svo varstu að tala um
við mig hvað þetta væri frábært land
og frábært fólk. Við fórum því í ferð
saman og það var frábært. Þegar við
erum á Íslandi förum við næstum
aldrei út fyrir miðbæ Reykjavíkur.
Erum á Dillon og viljum helst kaupa
íbúðina fyrir ofan Dillon.
Frank: Jú, reyndar förum við alltaf á
Humarhúsið á Stokkseyri og keyrum
framhjá fangelsinu í leiðinni. Það er
óttavekjandi staður. Við verðum mjög
meðvitaðir um að vera réttu megin
við lögin þegar við keyrum fram hjá
Litla-Hrauni.
Casper: En keyrum samt alltaf of
hratt fram hjá því, af því okkur finnst
staðurinn svo skelfilegur.
(Þeir hlæja mikið!)
Fyrsta þáttaröðin af Klovn er sögð
byggja á raunverulegum atburðum, er
eitthvað hæft í því?
Casper: Langflestir þættirnir eru
byggðir að einhverju leyti á atburð-
um sem við eða einhverjir sem við
þekkjum hafa lent í. En við ýkjum og
bætum miklu við þessa atburði.
Frank: Ég hef til dæmis aldrei skeint
mér á danska fánanum.
Casper (flissandi): En þú hefur fengið
magapínu á Borgundarhólmi.
Frank: Einmitt. Við ýkjum atburði
sem við höfum heyrt um, en sannleik-
urinn á bak við atriði í þáttunum er
oft á tíðum hroðalegur og mun verri
en það sem birtist.
Casper: Já, við gætum okkar vel á því
að sannleikurinn komi aldrei í ljós,
hann er of hættulegur! Við gætum
ekki komið í stólinn hjá Lars Hjortsö
í nýja þættinum hans, „Stund sann-
leikans“ (þátttakendur eru tengdir
við lygamæli og spurðir persónulegra
spurninga). Við gætum átt á hættu að
ljóstra upp alltof mörgum svakaleg-
um leyndarmálum sem varða bæði
okkur og vini okkar.
Hvernig hefur gengið að fá vini
ykkar til liðs við ykkur og taka að sér
hlutverk í þáttunum? Lars Hjortsö
hefur til dæmis brugðið sér í hlutverk
raðnauðgara. Er ekkert mál að fá virt-
an fjölskylduföður og sendiherra H.C
Andersen til að taka að sér slíkt hlut-
verk?
Frank: Ef við tökum Lars sem dæmi
þá er hann skemmtikraftur sem alltaf
er til í að fara út á ystu nöf. Við byrj-
uðum allir í uppistandi. Þar notar
maður sjálfan sig í brandarana og
verður ófeiminn við að ganga lengra
og lengra með grínið. Lars er dæmi-
gerður fyrir þá sem koma úr þessu
umhverfi. Hann er aldrei hræddur
við að fara alla leið sem skemmti-
Frank Hvam er fæddur árið 1970. Hann
ólst upp í Örum Sönderlyng, sem er
1300 manna bær á miðju Jótlandi. Frank
stundaði nám í dýralækningum við
Konunglega danska landbúnaðarháskól-
ann í ríflega þrjú ár en hætti þá og sneri
sér að uppistandi og gamanleik. Kærasta
Franks heitir Anja Frasig. Hún starfar sem
klippari hjá Zentropa. Þau eiga eitt barn.
Casper Christensen er fæddur árið
1968. Hann ólst upp í Birkeröd á Norður-
Sjálandi. Hann hefur verið starfandi
skemmtikraftur í Danmörku í um það bil
tuttugu ár. Hann byrjaði með uppistand
eftir að hann kynntist því þegar hann
var skiptinemi í Las Vegas seint á níunda
áratugnum. Kærasta Caspers heitir Iben
Hjejle. Þau eiga samtals þrjú börn.
➜ FRANK OG CASPER
Frank og Casper hófu samstarf árið 1999 í þættinum Casper og Mandrilaftalen
sem sýndur var á DR2. Síðar fóru þeir í gang með fyrstu dönsku svokölluðu ,,sitcom”
þáttaröðina, Langt frá Las Vegas.
Klovn hóf göngu sína árið 2005 á sjónvarpsstöðinni TV2 Zulu. Þættirnir eru unnir af
fyrirtæki Caspers og Franks, Nutmeg Movies, í samvinnu við Zentropa kvikmyndafyrir-
tæki Lars Von Trier og Peters Aalbæk fyrir TV2 Zulu.
Þegar við
erum á Ís-
landi förum
við næstum
aldrei út
fyrir miðbæ
Reykjavíkur.
Erum á Dill-
on og viljum
helst kaupa
íbúðina fyrir
ofan Dillon.