Fréttablaðið - 15.12.2008, Blaðsíða 18

„Þó hart sé í ári og allar stofnanir
hvattar til að skera niður útgjöld
þá breytum við ekki þeim vana
okkar að bjóða foreldrum í hangi-
kjöt fyrir jólin. Okkur fannst svo
veigamikið að halda í þessa hefð
að efna til samveru og gleðjast,“
segir Hulda Guðjónsdóttir, full-
trúi skólastjóra Háteigsskóla.
Hún segir þennan sið hafa verið
tekinn upp í desember árið 2000
svo þetta sé níunda árið í röð sem
hann sé við lýði.
Þótt raðirnar að kjötkötlunum
nái yfir allt stóra holið í Háteigs-
skóla og upp á skólastofugang þá
gengur afgreiðslan ótrúlega fljótt
fyrir sig og innan stundar eru
allir sestir við rauðdúkuð borð og
farnir að gæða sér á hangikjöti og
kartöflum, uppstúfi, grænum
baunum og rauðkáli.
Borðsalurinn er tvísetinn í tvo
daga meðan á veislunni stendur
en þriðja daginn kemst unglinga-
deildin að í einu lagi með sínum
foreldrum. „Hangikjötsveislan er
mjög vel sótt. Í fyrra voru þetta
eitthvað um 800 skammtar sem
afgreiddir voru. Við erum með
um 380 nemendur og umsjónar-
kennararnir borða yfirleitt með
nemendum sínum í sal. En þar
fyrir utan eru að minnsta kosti á
fjórða hundrað gesta sem koma.
Þó tekur borðhaldið ekki meiri
tíma en svo að ég held að enginn
hafi tafist verulega frá vinnunni
sinni. Þetta er mjög skemmti-
legt.“
Nóg er að gera hjá Huldu eins
og öðru skólafólki þessa dagana.
Fyrir utan próf var Háteigur, nýj-
asta fréttablað skólans að koma
út í ellefta skipti þetta árið og er
hægt að skoða það á heimasíðu
skólans www.hateigsskoli.is
gun@frettabladid.is
Dýrmætt að halda í hefðir
Háteigsskóli lætur ekki kreppuna hafa áhrif á þá hefð að bjóða foreldrum nemenda í hangikjötsveislu
með börnum sínum á aðventunni. Veislan stendur í þrjá daga enda um átta hundruð manns sem mæta.
Forskot tekið á jólasæluna. Mikinn jafning, namm. FRÉTTABLAÐIÐ/ANTON
JAKKAFÖTIN er ágætt að draga fram
tímanlega fyrir jólin og skoða vel með tilliti til
þess hvort þarf að hreinsa þau. Ekki er gott
að uppgötva það á síðustu stundu.
Velbon þrífætur
mikið úrval
Gott úrval af fóðruðum
leðurstígvélum fyrir dömur.
Stærðir: 36 - 40
Verð frá 16.750.- til 21.650.
Tösku og hanskabúðin • Skólavörðustíg 7 • 101 Reykjavík • Sími 551 5814 • www.th.is
Góðar jólagjafahugmyndir
Mikið úrval af handtöskum, skjalatöskum, dömuveskjum, seðla-og leðurveskjum,
ferðatöskum að ógleymdu hinu landsfræga úrvali af dömu- og herrahönskum.
Líttu við í verslun okkar eða skoðaðu vöruúrvalið á www.th.is.
Alla þriðjudaga
Hringdu í síma
ef blaðið berst ekki