Fréttablaðið - 15.12.2008, Blaðsíða 24

15. DESEMBER 2008 MÁNUDAGUR2 ● hvati
Ágæti lesandi,
Íþróttasamband fatlaðra
hefur gefið út tímaritið
Hvata síðastliðin 18 ár og
er hlutverk blaðsins, sem
venjulega er gefið út tvisv-
ar á ári en kemur út að þessu
sinni í styttri útgáfu og er
nú dreift með Fréttablað-
inu, að segja frá og kynna
starfsemi sambandsins.
Þegar litið er til þjóðfélagsað-
stæðna og þeirrar brekku sem er
fram undan í íslensku þjóðfélagi,
þá þótti stjórn Íþróttasambands
fatlaðra ekki við hæfi að leita til
einstaklinga og fyrirtækja með
beiðni um styrktarlínur og aug-
lýsingar eins og venjulega til kost-
unar útgáfu blaðsins, nógu erfitt
væri ástandið. Stjórn ÍF tók því þá
ákvörðun að ekki væri við hæfi að
gefa blaðið út á jafn veglegan hátt
og verið hefur, en á móti kemur
að með þessu móti fær blaðið
meiri dreifingu og var því ákveð-
ið að nota tækifærið til kynning-
ar á starfi Íþróttasambands fatl-
aðra, þó sá viðburður er hæst bar
á árinu þ.e. Ólympíumót fatlaðra
í Peking, fái mesta plássið. Það
er því von okkar að lesendur fái
smá innsýn í starf sambandsins og
hversu víðtækt það er.
Íþróttasamband fatlaðra, ÍF,
var stofnað 17. maí 1979
og er eitt sérsambanda
ÍSÍ. Öll félög innan ÍSÍ
er iðka, æfa og keppa í
íþróttum fatlaðra eru
aðilar að ÍF.
Skrifstofa ÍF er í
Íþróttamiðstöðinni í
Laugardal. Sérstaða ÍF
miðað við önnur sérsam-
bönd er sú, að ÍF hefur
ekki aðeins með eina
ákveðna íþróttagrein að gera. Ís-
landsmót ÍF eru haldin í bocc-
ia, bogfimi, borðtennis, frjálsum
íþróttum, lyftingum og sundi. Auk
þess fara fram æfingar og eða
keppni í fleiri greinum t.d. fim-
leikum, golfi, keilu, knattspyrnu
og vetraríþróttum.
Fatlaðir einstaklingar á öllum
aldri æfa í dag hefðbundnar
íþróttagreinar bæði innan íþrótta-
félaga fatlaðra og einnig með al-
mennum íþróttafélögum. Auk Ís-
landsmóta á vegum Íþróttasam-
bands fatlaðra eru haldin ýmis
íþróttamót á vegum félaganna,
innanfélagsmót og opin mót.
Mikilvægi íþrótta þarf ekki að
útskýra fyrir neinum en þó má
með sanni segja að í því ástandi
sem nú ríkir í þjóðfélaginu séu
íþróttir mikilvægari en nokkurn
tíma fyrr. Á það ekki síst við um
fatlaða einstaklinga sem oft eiga
ekki jafna möguleika á að stunda
önnur áhugaefni. Æfingarnar eru
mikilvægur þáttur í lífi margra
fatlaðra einstaklinga sem margir
hverjir eiga erfitt með að breyta
út af vananum. Því er það eink-
ar mikilvægt að hægt sé að halda
starfseminni óbreyttri.
Í september síðastliðnum fór
fram Ólympíumót fatlaðra í Pek-
ing í Kína. Má með sanni segja
að þetta mót hafi verið tilkomu-
mesta mót sem fatlað íþrótta-
fólk hefur tekið þátt í fram til
þessa. Það er almennt viðurkennt
af þjóðum heims að fatlaðir eiga
ekki síður rétt á að keppa í íþrótt-
um en ófatlaðir. Fatlaðir Íslend-
ingar hafa tekið þátt í alþjóðamót-
um frá upphafi íþróttastarfs fyrir
fatlaða á Íslandi og gengið vel. Má
þar að mestu þakka að búið hefur
verið að undirbúningi og æfing-
um af sömu festu hjá fötluðum
sem ófötluðum frá byrjun og einn-
ig að Íslendingar hafa átt einstaka
afreksmenn og konur innan sinna
vébanda. Frammistaða Íslendinga
hefur verið slík að eftirtekt hefur
hlotið og er landið vel þekkt fyrir
fatlaða afreksíþróttamenn.
Árið 2009 fagnar Íþróttasam-
band fatlaðra 30 ára afmæli sínu og
verður starfinu af því tilefni meira
beint að innanlandsverkefnum. Ís-
landsmót í hinum ýmsu greinum
verða haldin eins og venjulega og
margt annað verður á döfinni. Út-
gáfa ýmissa bæklinga og upplýs-
ingarita er mikilvæg í útbreiðslu-
starfi sambandsins. Eins hafa
sumarbúðir á Laugarvatni sem
hafa undanfarin ár fengið vegleg-
an styrk úr Pokasjóði verið mik-
ilvægar fjölfötluðum einstakling-
um sem margir hverjir hafa þetta
eina tækifæri til að stunda íþróttir
og útiveru. Annað atriði er að gefa
mismunandi fötluðum börnum og
unglingum tækifæri á vettvangi
Norðurlandanna en þátttaka í nor-
rænum barna- og unglingamótum
hefur oft verið hvati fyrir börn
víðs vegar að af landinu og mörg
þeirra hafa síðar meir orðið okkar
mesta afreksfólk. Það má því með
sanni segja að starfið sé fjölbreytt
og skemmtilegt.
Það er von þeirra sem stuðla að
íþróttum fyrir fatlaða að þessi út-
gáfa Hvata veiti landsmönum inn-
sýn í það helsta sem hefur verið á
döfinni og hversu starfið er viða-
mikið.
Íþróttasamband fatlaðra færir
öllu íþróttafólki, þjálfurum og
öllum velunnurum sínum inni-
legar þakkir fyrir samstarfið og
óskar þeim sem og öðrum lands-
mönnum gleðilegra jóla og far-
sældar á nýju ári.
Sveinn Áki Lúðvíksson, formaður ÍF.
Óbreytt starfsemi mikilvæg
HLUTVERK ÍF
• Að hafa yfirumsjón með þeim
íþróttagreinum sem fatlaðir
stunda á Íslandi.
• Að annast útbreiðslu- og
fræðslustarf varðandi íþrótt-
ir fatlaðra.
• Að vera fulltrúi Íslands varðandi
erlend samskipti er tengjast
íþróttamálum fatlaðra.
• Að gæta hagsmuna allra þeirra
fötlunarhópa sem eru innan ÍF
en þeir eru:
Þroskaheftir, hreyfihamlaðir,
sjónskertir, blindir og heyrnar-
lausir/skertir.
Fyrsta sunnudag á nýju ári stend-
ur Íþróttasamband fatlaðra að Ný-
árssundmóti fatlaðra barna og
unglinga. Mótið er eitt af fyrstu
stóru mótunum á nýju ári en aðal-
verðlaun mótsins eru Sjómanna-
bikarinn eftirsótti. Sjómannabik-
arinn hlýtur sá sundmaður sem
vinnur besta sundafrekið sam-
kvæmt stiga- og forgjafarút-
reikningi. Sigmar Ólason, sjómað-
ur á Reyðarfirði, gaf bikarinn til
keppninnar í upphafi. Í tengslum
við mótið hefur skapast sú hefð að
bjóða heiðursgesti sem afhendir
þátttakendum viðurkenningu og
sigurvegaranum Sjómannabikar-
inn. Að þessu sinni fer mótið fram
sunnudaginn 4. janúar 2009 í inni-
lauginni í Laugardal þar sem án
efa verður mikið um dýrðir.
Nýárssundmót
ÍF í Laugardal
Íþróttasamband fatlaðra hefur
það að markmiði að efla samstarf
við sérsambönd ÍSÍ. Með nýrri
stefnu um skóla án aðgreining-
ar og áherslu á að fötluð börn séu
með sínum jafnöldrum er mik-
ilvægt að komið sé til móts við
þennan hóp hjá almennum íþrótta-
félögum. Mikilvægt er að skapa
valkosti og gefa fötluðum börnum
tækifæri á að velja greinar sem
ekki eru í boði hjá aðildarfélögum
ÍF. Auk samstarfs við sérsambönd
ÍSÍ hefur verið þróað samstarf við
erlenda aðila svo sem Challenge
Aspen og Winter Park í Colorado
vegna vetraríþrótta. Einnig sam-
starf við aðila í Noregi og Bret-
landi vegna þróunarverkefna á
sviði reiðmennsku og reiðþjálfun-
ar fatlaðra.
Samstarf við
sérsambönd ÍSÍ
Erna Friðriksdóttir frá Egilsstöð-
um fer til æfinga í Winter Park,
Colorado eftir áramót. Hún æfði
þar ásamt landsliði Bandaríkjanna
í nokkra mánuði árið 2007 og 2008
og tók þátt í mótum. Erna hefur
sett sér það takmark að keppa
á fleiri mótum árið 2009 og öðl-
ast ef vel gengur þátttökurétt á
Vetrarólympíumóti fatlaðra í Van-
couver 2010. Erna kom á námskeið
ÍF, VMÍ og Challenge Aspen í Hlíð-
arfjalli árið 2000 og prófaði þar
skíðasleða fyrir hreyfihamlaða.
Hún náði fljótt tökum á sleðanum,
keypti eigin sleða og hóf æfingar
fyrir austan með aðstoð föður síns.
Stefnir á Vetrar-
ólympíumót
fatlaðra 2010
Lokaathöfn Ólympíumóts fatlaðra var tilkomumikil og einhver sú stærsta og veglegasta í sögu íþróttafólks með fötlun. MYND/ÚR SAFNI ÍF
Sveinn Áki
Lúðvíksson for-
maður ÍF