Fréttablaðið - 17.12.2008, Side 47

MIÐVIKUDAGUR 17. desember 2008
UMRÆÐAN
Jón Fjörnir
Thoroddsen
skrifar um
samfélags-
ástandið
Þorgerður Katrín
Gunnarsdóttir
ráðherra á svaraði á fréttavef
Vísis hinn 15. desember sl. spurn-
ingum um félagið 7 hægri ehf.
Félagið er m.a. í eigu hennar og
eiginmanns hennar, Kristjáns
Arasonar, fyrrverandi yfirmanns
viðskiptabankaþjónustu hins
greiðsluþrota Kaupþings og
núverandi yfirmanns viðskipta-
bankasviðs ríkisbankans „Nýja
Kaupþings“. Þorgerður Katrín
sagði að félagið fengi enga sér-
meðferð og farið verði að lögum.
Það er góðs viti að siðferðisvit-
und ráðherrans sé á batavegi.
Hún og eiginmaður hennar virð-
ast einmitt hafa notið lánakjara
við kaup á hlutabréfum í Kaup-
þingi sem almennum viðskipta-
vinum buðust alls ekki. Blaða-
maður spurði Þorgerði Katrínu
hver líkleg örlög eignarhaldsfé-
lags þeirra hjóna yrði. Félags
sem áður átti að markaðsvirði
hundruð milljóna króna í hluta-
bréfum í Kaupþingi. Mennta-
málaráðherrann sagðist ekki vita
það, spyrja þyrfti eiginmanninn
að því.
Af hjálpsemi get ég upplýst
menntamálaráðherra Íslands um
það sem flestir sparifjáreigend-
ur vita að hlutabréfin í Kaup-
þingi eru 0 krónu virði. Þannig
að menntamálaráðherrann ætti
auðveldlega að geta greint fjár-
hagsstöðu umrædds félags. Flest
fólk þekkir eða hefur a.m.k. hug-
mynd um eignir og skuldir sínar.
Á sama hátt og flest fólk veit
hvar það á heima. Ég trúi því að
Sjálfstæðisflokkurinn velji ein-
staklinga í forustusveit á kom-
andi landsfundi sem veit a.m.k.
hvar það á heima.
Höfundur er hagfræðingur.
Veit Þorgerð-
ur hvar hún
á heima?
JÓN FJÖRNIR
THORODDSEN
Auglýsingasími
– Mest lesið