Tíminn - 08.12.1983, Blaðsíða 14
FIMMTUDAGUR 8. DESEMBER 1983
Bók um Finn Jónsson
listmálara
Myndaval og umsjón hefur annast Frank
Ponzi og Indriði G. Þorsteinsson.
Almenna bókafélagið hefur gefið út list-
averkabók um Finn Jónsson listmálara.
Myndaval og útgáfu hefur annast Frank
Ponzi listfræðingur, og hann skrifar einnig
ritgerð sem nefnist Listamaður á undan sinni
samtíðog er rækileg úttekt á list Finns
Jónssonar. Indriði G. Þorsteinsson skrifar
um ævi Finns og styðst þar við frásögn
listamannsins. Prentsmiðjan Oddi hefurann-
ast setningu, prentun og band bókarinnar
auðsjáanlega með miklum ágætum.
Finnur Jónsson er nú níutíu og eins árs og
er því mál til komiðað út komi bók um hann.
Listferill hans er sérkennilegur. Fiann er
fyrsti framúrstefnumálarinn á íslandi, en
framúrstefnulist hans var ekki vel tekið hér
heima þegar hann sýndi hana hér 1925.
Samtímis því sýndi hann átta framúrstefnu-
myndir íSturm-salnum í Berlínásamsýningu
með Kandinsky og Paul Klee o.fl. sem taldir
eru upphafsmenn nútímalistar. Vöktu mynd-
ir hans þar mikla athygli og var skrifað um
hann af frægum listfræðingum í Þýskalandi,
Frakklandi og víðar. En það var aldrei
kunnugt hér heima og meginhluti þessara
mynda glataðist, hafa sennilega lent í mál-
verkabrennum Hitlers. Tvær þessara mynda
björguðust þó til Ameríku og eru þar í
listasafni Yaleháskóla og vel þekktar af
listunnendum þar því að þær eru sífellt á
farandsýningum víðsvegar um Bandaríkin.
Hér heima var þessi glæsilegi listferill
Finns ekki kunnugur fyrr en um 1970, þegar
farið var að heiðra Finn erlendis með því að
bjóða honum þátttöku í alþjóðlegum listsýn-
ingum og veita honum margs konar aðra
viöurkenningu.
Annars var Finnur Jónsson alltaf mikils
metinn málari hér á íslandi, en ekki fyrir
framúrstefnulist sína, heldur landslagsmál-
verk sem hann málaði mikið af á tímabilinu
1930-1960. Nú er Finnur Jónsson viður-
kenndur jafnt hér á íslandi sem í útlöndum
sem einn í hópi merkustu framúrstefnu-
manna álfunnar á fyrri hluta aldarinnar.
Um þennan sérkennilega listaferil fræð-
umst við rækilega með myndum hinnar nýju
bókar sem og í ritgerðum þeirra Franks
Ponzi og Indriða G. Þorsteinssonar.
SígurðurÁ Friðþjófeson
Sjö fréttír
*
Sjö fréttir
Út er komið hjá bókaforlaginu Svart á hvítu
smásagnasafnið Sjö fréttir eftir Sigurð Á.
Friðþjófsson. Þetta er fjórða bók Sigurðar,
en hann er liðlega þrítugur að aldri. í bókinni
eru sjö smásögur, og fjalla þær um manninn
við ýmsar aðstæður: þegar sprengjan fellur,
þegar tölvuvæðingin heldur innreið sína,
þegar einsemdin ræður ríkjum ogþegarleitin
að fullkomnuninni stendur sem hæst. Bókin
er 104 bls. að stærð, Kristján Kristjánsson
hannaði kápu. Bókin er unnin hjá Guðjón Ó
og Félagsbókbandinu og kostar 444,60
krónur.
r'. a
r lTÖ
í. -• s - . i
Beðið eftir strætó,
ný skáldsaga eftir
Pál Pálsson
Iðunn hefur gefið út nýja skáldsögu cftir Pál
Pálsson. Nefnist hún Beðið eftir strætó og
lýsir lífi unglinga í Reykjavík samtímans sem
leita sér æsilegradífsreynslu í heimi fíkniefn-
anna. 1 formála, „Til lcsenda", segir höf-
undur um söguna á þessa leið: „Beðið eftir
strætó er skrifuð' eftir frásögnum ungra
Reykvíkinga á aldrinum þrettán til tuttug-
uogeins, og standa í þeim sporum sem sagan
ryenir að máta sig í. Allt sem hér fer á eftir
hefur gerst - og er enn að gerast á einn eða
annan hátt - í raunverulcikanum. Persónur
sögunnar eru hinsvegar skáldskapur og sá
sem þykist þekkja einhvern annan en sjálfan
sig í biðskýlinu gerir það á eigin ábyrgð." -
Eftir Pál Pálson hefur áður komið út sagan
Hallærisplanið. Beðið eftir strætó er 96
blaðsíður. Anna Gunnlaugsdóttir teiknaði
myndir og kápu. Oddi prentaði.
Njósnari Lincolns
í annarri útgáfu
Út er komin hjá Prentveri, sagan Njósnari
Lincolns eftir Louis A. Newcome. Þetta er
önnur útgáfa, en sú fyrri seldist upp á fáum
dögum fyrir allmörgum árum.
Efni bókarinnar eru endurminningar úr
borgarastyrjöldinni í Bandaríkjunum.
Louis Newcome höfuðsmaður var 14 ára,
þegar styrjöldin hófst, og það kom í hans hlut
að inna af hendi þýöingarmikið starf í þágu
upplýsingaþjónustunnar - hann var bara
berfættur og rauðhærður strákur - hver hefði
trúað því, að hann væri njósnari? Hann
rataði í margan og mikinn háska, en hann
slapp heil á húfi úr hverri hættu og missti
aldrei móðinn.
Það er ekki fyrr en á efri árum sínum, sem
hann verður við hinum mörgu tilmælum um
að bókfesta endurminningar sínar frá þessum
viðburðaríku æskuárum. Hann lýsir atburð-
unum eins og hann man þá, mörgum árum
eftir að þeir gerðust, og bókin bregður upp,
auk þess sem á daga Newcomes dreif; fagurri
mynd af einum mesta manni Bandaríkjanna,
Abraham Lincoln.
Bellmaniana — eftir
dr. Sigurð Þórarinsson
Út er komin hjá ísafoldarprentsmiðju h.f.
bók Sigurðar Þórarinssonar jarðfræðings,
Bellmaniana. Hún fjallar um Carl Michael
Bellman, skáldið sænska sem hefur verið
uppáhald vísnasöngvara og ljóðaunnenda í
fjölmörgum löndum. fslendingar hafa sungið
á þriðja tug Bellmanslaga, ef marka má
vinsælar söngbækur - sum eru alþekkt eins
og t.d. Gamli Nói, Guttakvæði og Nú
göngum við á gleðifund. Sigurður Þórarins-
son var eins og allir vita, snjall vísnasöngvari
og samdi sjálfur vinsæla texta.
í Bellmaniana eru auk ritgerðar um Bell-
man sjö þýðingar hans á Bellmanskvæðum
og sex þýðingar eftir aðra menn, sem eru
Kristján Jónsson Fjallaskáld, Hannes Haf-
stein, Jón Helgason, Árni Sigurjónsson og
Jóhannes Benjamínsson. Þá eru í bókinni
tvö kvæði á frummálinu. Sigurður samdi
skýringar við öll þessi kvæði, sem gefa
bókinni aukið gildi, og einnig eru í henni
nótur að Jögunum við kvæðin og gítargrip.
Eins og höfundurinn bendir á hafa íslending-
ar. þekkt lög Bellmans vel, en kvæði hans
síður, og er bókinni m.a. ætlað að bæta úr
því. Bellmaniana er skreytt fjölda mynda, og
eru það bæði ljósmyndir, gamlar grafíkmynd-
ir og pennateikningar. Árni Sigurjónsson
bókmenntafræðingur hafði umsjón með út-
gáfu bókarinnar og ritaði inngang að henni.
Bellmaniana er 105 bls. að stærð, og er að
öllu leyti unnin hjá ísafoldarprentsmiðju h.f.
Útsöluverð bókarinnar er kr. 599.00 og fæst
bókin í öllum bókaverslunum.
SAMVINNUTRYGGINGAR
BRJÓTA BLAÐ í TRYGGINGAÞJÓNUSTU
•g.
Nú qeturou líka
fengiðtryggingu með
öðnim nauðsynjum
til heimilisins
í Miklagarði!
ara.6 ersjónarmið okkarhjá Samvinnutryggingum að seintverði nóg
að gert í trygginga- og öryggismálum fjölskyldu og heimilis. Til þess
að auðvelda fólki tryggingainnkaupin opnum við afgreiðslu í nokkra
daga í desember í stórmarkaðnum Miklagarði. Hún er í beinu tölvu-
sambandi við aðalskrifstofu okkar í Ármúlanum.
Þjónusta Samvinnutrygginga Miklagarði:
■| Starfsfólk okkar þar svarar öllum fyrirspurnum þínum um
* tryggingamál án nokkurra skuldbindinga af þinni hálfu.
^ Ef þú óskar eftir er gengið frá tryggingu strax, beint gegnum
tölvukeríl okkar.
Dæmi um verð á Heimilistryggingu:
Andvirði 400.000.- Steinhús, kr. 1.524,- til eins árs.
Andvirði 400.000,- Timburhús, kr. 1.994,- til eins árs.
^Upplýsingabæklingar um fjölmarga tryggingavalkosti Sam-
vinnutrygginga liggja frammi.
A Núverandi viðskiptavinir Samvinnutrygginga geta m.a. fengið yfirlit
^yfir stöðu sína.
Opnunartími fyrst um sinn:
fimmtudaginn 8/12 - opið frá kl. 10-20
föstudaginn 9/12 - opið frá kl. 14-22
laugardaginn 10/12 - opið frá kl. 11-18
NÚ GETURÐU TRYGGT ÖRYGGI ÞITT, FJÖLSKYLDUNNAR
OG HEIMILISINS TIL ALLS ÁRSINS
MEÐ EINNI FERÐ í MIKLAGARÐ.