Tíminn - 18.12.1983, Blaðsíða 22

SUNNUDAGUR 18. DESEMBER 1983
■ Mikill f jöldi
Vesturíslendinga
kom til landsins
til að vera
viðstaddur
Alþingishatiðina.
Hérer hlutiþeirra
að fara frá
Reykjavík S. juli.
Til vinstri er
togarinn Sindri
GK450. ífjarska
sést
Sambandshusið
lengst til vinstri
og Arnarhváll.
Nordalsishús
sést einnig
vinstra megin, en
fyrir miðri mynd
er skúralengja:
Fisksöluplanið
eða Planið
svokallaða, róðaf
smábúðum fiski-
karia.

Sérstætt safn heimildaljósmynda
Ljósmyndir Skafta Guðjónssonar 1924-1945
■ „Á tímum friðar og
ófriðar 1924-1945“,
heitir bók sem á margan
hátt sker sig úr öðrum
á jólamarkaðinum í ár,
því hér er um að ræða
safn Ijósmynda eftir
þann einstæða
myndasmið Skafta
Guðjónsson. Skafti var
ekki lærður
Ijósmyndari, en sú
þekking sem
áhugamanni er kleift að
afla sér ásamt
ósviknum hæfileika
hins sanna
fréttaljósmyndara
bættu það ríflega upp.
Skafti var jafnan þar á
ferðinni áratugum
saman sem eitthvað
athyglisvert var á seyði
ogoft þegar fæstum
öðrum datt í hug að
draga upp myndavél. En
ekki áðeins svonefndir
. fréttnæmir atburðir
urðu Skafta að
viðfangsefni. Hann
myndaði einnig fólkið
og bæjarbraginn í
Reykjavík og tókst
þannig að varðveita
tíðarandann á
ofangreindu árabili
öðrum betur.
Þessum
heimildaljósmyndum er
skipt í nokkra kafla og
eru þeir þessir:
Alþingishátíðin,
Bæjarbragur í
Reykjavík, Flugvélarog
loftför hins nýja tíma,
Viðburðir í bæjarlífinu,
Stjórnmál og
stéttaátök. Ófriður
nálgast, Hernámið,
íslendingar og stríðið
og Stofnun lýðveldis.
Það er óhætt að segja
að við athugun á
þessum merkilegu
myndum sannast að
engin rituð orð geta
komið í stað réttu
Ijósmyndarinnar, — svo
máttugt er mál hennar.
Það er Guðjón
Friðriksson,
blaðamaður, sem ritaði
texta bókarinnar, en
bókaútgáfan Hagall
gefur út.
■ Til minningar um þúsund ára
afmæli Alþingis færði bandaríska
þingið íslensku þjóðinni að gjöf
standmynd af Leifi heppna er
fyrstur fann meginland Ameríku.
Það var þó ekki fyrr en tveimur
árum seinna eða 1932 að styttan
var af hent. Hér er búið að reisa stali
undir hana en verið er að rífa
Skólavörðuna sem lengi hafði sett
svip sinn á bæinn. Búið er að rífa
efsta hluta vörðunnar sem var úr
timbri. Á báðum hæðum vörðunnar
mótar fyrir gluggum sem múrað
hafði verið upp í fyrir löngu. Röð
símastaura sést við Skólavörðustíg.