Tíminn - 05.04.1986, Blaðsíða 20

meðVISA
PÉTUR GUÐMUNDSSON spil
aöi ákaflega vel með L.A. Lakers i
bandarísku NBA körfuknattleiksdeild-
inni. Hann skoraði 10 stig gegn Kings
í fyrrinótt og spilaði í 24 mínútur. Pétur
kvaðst bjartsýnn á áframhaldandi
samning hjá félaginu og ef svo verður
þá verður hann með Lakers í úrslita-
keppninni sem hefst þann 16. apríl.
Hver veit nema að við sjáum Pétur í
gulum búningi á skjánum er nær
dregur úrslitaleikjunum.
Tíminn

•K' dagur 5. apríl 1986
Tillaga í borgarstjórn:
Leiguíbúðir
fyrir aldraða
í Vesturbæ
Borgarstjórn samþykkir að
fyrirhugaðar íbúðir fyrir aldr-
aða í Grjótaþorpi verði leigu-
íbúðir, segir í tillögu sem Gerð-
ur Steinþórsdóttir lagði fram í
borgarstjórn.
Þessa tillögu rökstyður hún
með því að í Vesturbæ búi
fleira aldrað fólk í heimahúsum
en í öðrum hverfum borgarinn-
ar en þar eru engar lcigúíbúðir
fyrir aldraða, sem er afleitt.
Sem dæmi um ástandið má
nefna að í Vesturbæ eru 75
heimili scm fá 40 stunda hcim-
ilishjálp í viku hverri.
Búið er að ákveða að byggja
20 til 30 íbúðir fyrir aldraða á
horni Vesturgötu og Garða-
strætis. Samþykkt hefur verið
að borgin standi straum af
þjónustukjarna, en ekki er
búið að taka ákvörðun um
hvort þarna verða leigu- eða
söluíbúðir, en það liggur í
loftinu, að meirihlutinn sé hall-
ari undir að selja þessar íbúðir,
sagði Gerður í viðtali við
Tímann. Er þessi tillaga því
flutt til að þessar íbúðir komi
einkum þeim að notum sem
standa höllum fæti.
Landhelgisgæslan hefur nú fengið afhenta nýja TF-GRÓ. Vclinni var skipt fyrir þá göinlu nieð sama nafni. Þyrlan er af gerðinni
Ecureuil og var hún flutt með gámi sjóleiðis frá Vestur-Þýskalandi. Vélar af þessari gerð hafa hlotið gælunafnið „íkorninn"
sökum þess hve litlar og liprar þær eru. Vélin verður notuð í sjúkraflugi.
Tíma-mynd: Róbert.
Byggt ofan á Hótel Hof
Borgarstjórn Reykjavíkur
samþykkti á fundi s.l.
fimmtudag að veita leyfi til
að byggja eina hæð ofan á
Rauðarárstíg 18. ÞarerHótcl
Hof til húsa, en byggingin er
í eigu Framsóknarflokksins.
Umsókn um byggingaleyf-
ið hefur þvælst nokkuð í
borgarkerfinu og hefur af-
greiðslu þess verið frestað
nokkrum sinnum.
Fyrst var umsóknin um
stækkun hússins tekin í skipu-
lagsnefnd og samþykkt þar,
síðan í bygginganefnd, þá var
hún samþykkt í borgarráði
og nú loks í borgarstjórn.
í borgarstjórn féllu atkvæði
þannig að 12 voru með leyf-
isveitingunni, 2 á móti, aðrir
borgarfulltrúar sátu hjá.
Sú kvöð fylgir heimildinni
að bæta þarf við 10 bílastæð-
um við húsið og selur borgin
land undir þau.
Landssamband fiskeldis- og hafbeitarstöðva:
FISKELDIVERDI
SJÁLFSTÆÐ GREIN
- óháð landbúnaðar- og sjávarútvegskerfinu
Landssamband fiskeldis- og
hafbeitarstöðva vill að fiskeldi
verði sköpuð sjálfstæð staða
innan íslenska stjórnkcrfisins,
en verði samt í nánum tengsl-
um við hefðbundnar atvinnu-
greinar í sjávarútvegi, iðnaði
og landbúnaði. Þctta þýðir að
LFH leggur áherslu á að fisk-
eldi sem atvinnugrein veröi
hvorki innlimað í landbúnaðar-
kerfið né sjávarútvegskerfið.
Landssambandið telur að nú
megi ekki glata því tækifæri
sem býðst, til að tryggja fram-
gang arðvænlegrar atvinnu-
greinar sem er laus við ósveigj-
anlegt umhverfi þ.e. miðstýr-
ingu ríkisvaldsins og úrelt sjóða-
kerfi með óheilbrigðum gjald-
tökum og millifærslum.
í fréttatilkynningu sem LFH
hefur sent frá sér vegna þessa
máls segir. „Þetta er atvinnu-
grein sem hefur þróast og aðlag-
ast íslenskum aðstæðum sl. tutt-
ugu ár og nú tekið mikinn
vaxtarkipp og þarf því svigrúm
í kerfinu til þess að geta þróast
og vaxið frjálst."
Kynningar- og fræðslufund-
ur verður haldinn um máliö í
dag í húsakynnum Stangaveiði-
félags íslands. Jón Kr. Sveins-
son formaður landssambands-
ins sagði í samtali við Tímann
í gær að um lokaðan fund væri
að ræða, og upphaflega hefði
verið gcrt ráð fyrir um fjörutíu
aðilum á fundinn. Nú er svo
komið að áttatíu manns hafa
sótt um þátttöku á fundinum
og verður því að opna alla
glugga og gangsetja viftur þar
sem fundurinn fer fram.
„Áhuginn er gífurlegur. Menn
hvaðanæva að af landinu hafa
boðað þátttöku sína á fundinn
og viðbúið að umræður verði
fjörugar,4" sagði Jón.
Fulltrúar frá landbúnaðar-
ráðuneyti og sjávarútvegsráðu-
neyti mæta á fundinn og halda
framsöguerindi. _ES
1984
ENN EITT ISLENSKA HEIMSMETIÐ:
Hver launþegi í þrem störf um
íslenskum launþegum fjölgaði um 90 þús. á tveim árum

Ætli það sé ekki enn eitt
heimsmet okkar íslendinga, að
240 þús. manna þjóð skuli hafa
eignast samtals 347 þús.
launþega á launaskrá áriö 1984.
Launþegum hafði þá fjölgað
um tæp 90 þús. á tveim árum
þótt fullum ársverkum sem þeir
unnu hafi aðeins fjölgað um 2
þús., eða úr 96 í 98 þús.
Tölurnar um 347 þús. laun-
þega fann Þjóðhagsstofnun úr
launamiðum íslcnskra laun-
þega, sem talið í einstaklingum
voru um 115 þús. þetta ár.
Skýringarnar á þessum 347
þús. launþegum eru annars
vegar gífurleg hreyfing á vinnu-
afli milli fyrirtækja og atvinnu-
greina og hins vegar okkar
fræga íslenska fyrirbrigði að
stór hluti launþega vinnursam-
tímis á 2-3-4 og jafnvel fleiri
stöðum í einu.
Að um 115 þús. launþegar
skuli hafa komist á launaskrár
á 347 þús. stöðum þetta eina ár
þýðir að-hver einasti launþegi
hefur komið við í 3 störfum að
meðaltali á árinu. Þctta skýrir
m.a. það furðuverk þegar
menn eru að sýna fram á að öll
launin þeirra (þ.e. í föstu vinn-
unni) fari í skattinn.
Árið 1984 komust t.d. um
120 þús. manns á launaskrár
hjá hinu opinbera og opinber-
urn fyrirtækjum. Þar af voru
um 85 þús. í opinberri þjónustu
og hafði þeim fjölgað um 22
þús. frá árinu áður.
Svo við tökum dæmi af
stöðugu atvinnugreinunum þá
voru aðeins 825 launþegar bak
við 663 ársverk hjá Álverk-
smiðjunni og 265 bak við 201
ársverk hjá Sementsverksmiðj-
unni.
Á hinn bóginn hafa yfir
12.500 manns komist á launa-
skrá vegna þeirra um 3.260
ársverka sem skilað var í
grunnskólum landsins og um
3.100 á launaskrá fyrir samtals
rúmlega 700 ársveríc í mennta-
skólunum. Þó ársverkunum
hafi aðeins fjölgað um 40 milli
ára í menntaskólunum fjölgaði
þeim sem fengu borgað fyrir
þau úr 1.884 upp í 3.099 seinna
árið.
Svipaða sögu er að segja um
sjúkrahús og heilbrigðisstoín-
anir þar sem um 14 þús. manns
komust á launaskrá fyrir 6.300
ársverk fyrra árið en 20.660
manns fyrir litlu tleiri ársverk
síðara árið. Metið hjá því opin-
bera á þó líklega Ríkisútvarp-
ið, sent borgaði 3.500 manns
laun árið 1984 fyrir 340
ársverk.
Raunar virðist sem gífurleg
hreyfing sé á vinnuafli í allflest-
um atvinnugreinum þjóðarinn-
ar. Þannig hafa t.d. hátt í 30
þús. manns þegið laun fyrir
þau rúmlega 9 þús. ársverk
sem unnin voru við frystingu
og söltun á fiski, 2 þús. manns
skilað 890 ársverkum við fata-
framleiðslu og um 2.200 skilað
um 700 ársverkum í blaða- og
bókaútgáfu. -HEL