Tíminn - 08.11.1986, Síða 3

Laugardagur 8. nóvember 1986
Tíminn
Bandalag jafnaöarmanna:
SVERJA AF SÉR
UPPUÓSTRANIR
Landsfundur undirbúinn
Almennur félagsfundur sem hald-
inn var hjá Bandalagi jafnaðar-
manna hefur sent frá sér yfirlýsingu
þar sem Bandalagsmenn neita að
eiga hlut í hinu svokallaða „pólitíska
morði" Stefáns Benediktssonar al-
þingismanns. Yfirlýsingin er svo
hljóðandi:
„Launárás eins og fram kom á
Stefán Benediktsson á Stöð 2 nteð
dylgjum og ónafngreindum heimild-
armanni kom ekki frá Bandalagi
jafnaðarmanna. í jafn viðkvæmum
málum og þessum er það siðferðileg
krafa að heimildarmanna sé getið."
Undir yfirlýsinguna er ritað Al-
mennur fundur í Bandalagi jafnað-
armanna haldinn í Templarasundi 3,
fimmtudaginn 6. nóvember.
Guðmundur Óli Scheving starfs-
maður Bandalags jafnaðarmanna
sagði að þar með væri þetta mál
afgreitt frá BJ og nú myndi Banda-
lagið snúa sér að því að koma
höndum yfir ýmis gögn sem væru í
fórum Alþýðuflokksins. Nefndi
Guðmundur bókhald, bæklinga og
síma. Sagði hann að ekki væri vitað
hvaða leið yrði farin í þeim efnum.
Af starfi Bandalagsins er það að
frétta að nú eru undirbúin framboð
í báðum Norðurlandskjördæmunum
og á Suðurlandi. Þegar hefur verið
gengið frá listanum í Reykjanesi. Þá
má geta þess að undirbúinn er lands-
fundur Bandalagsins, þó ekki sé
ákveðin tímasetning komin fram.
-ES
Framsóknarflokkurinn í borgarstjórn:
Hálkuvarnir við
dvalarheimili
aldraðra
Liisa Mákelá frá Finnlandi:
Málar og sýnir
íkonamyndir
Finnska listakonan Liisa Mákelá
sýnir þessa dagana íkonamyndir í
anddyri Norræna hússins, sem hún
málað hefur sjálf með upprunalegri
tækni.
„Sýningin stendur í eina viku
enn," sagði Liisa Mákelá, þegar
blaðamaður rakst á hana þar sem
hún sat í anddyri Norræna hússíns
og vann við málun helgimyndar af
þeirri gerð sem kallaðar eru íkon-
ar. Sagðist Liisa sitja við málun
alla daga sem sýningin stendur, frá
hádegi til klukkan 15.
íkonamyndgerð er ævaforn og
er sprottin upp frá bysanskri
myndlist. Myndefnið er eingöngu
helgimyndir af dýrlingum, helgum
mönnum og Jesú-fjölskyldunni, en
myndirnar eru unnar á mjög stíl-
færðan og ákveðinn hátt. Hefur
þessi myndgerð verið lengi við lýði
í Rússlandi og öðrum löndum |Dar
sem rétttrúnaðarkirkjan hefur ver-
ið áhrifamikil.
„Ég hóf að mála þessar myndir
um 1970, og lærði þá listina hjá
föður Roberto de Caluwé. Hann
hafði hins vegar lært þessa mynd-
gerð suður í Róm, undir hand-
leiðslu rússnesks prcsts þar,“ sagði
Liisa. „Vinnan byrjar á að borin er
kalkblanda á viðarplötu þá sem
Finnska listakonan Liisa Mákelá.
Tímamynd Sverrir.
ætlunin er að mála myndina á.
Þetta er gert a.m.k. tíu sinnum og
tekur u.þ.b. viku. Ég mála myndir
mínar eftir eldri frummyndum, en
rföta til þess jarðliti og egg-temperu
aðferð, sem er upprunalega að-
ferðin. Að vísu voru eldri myndirn-
ar vaxbornar, cn vcgna þcss hversu
skítsælar myndirnar verða, nota ég
lakkáferð:'
l’emi sem þykir fróðlegt að
kynna sér þessa grein myndlistar,
gefst því einstakt tækifæri til þess
núna með því að bregða sér í
Norræna húsið. -phh
Á fundi borgarstjórnar á
fimmtudagskvöld lagði Álfreð Þor-
steinsson áherslu á að hugað væri
sérstaklega að hálkuvörn í ná-
grenni elliheimila og dvalarheimila
aldraðra í borginni. Þetta kom
fram í umræðum um tillögu Fram-
sóknarflokksins um hitalagnir í
götum og gangstéttum.
Alfreð sagði að nauðsynlegt væri
að hefjast handa um áætlanagerð
um þessar hitalagnir til að auðvelda
umferð gangandi og akandi í hálku
og snjó. Vitnaði hann til skýrslu
sem Fjarhitun hf. og gatnamála-
stjóri hafa gert í þessu sambandi.
Sagði hann nauðsynlegt að gerð
yrði úttekt á brýnum verkefnum á
þessu sviði og benti á að nokkrar
miklar umferðaæðar sem eru í
bratta, og vitað er af fyrri reynslu
að teppast í hálku og snjó og valda
jafnvel einangrun heilla hverfa
með tugþúsund íbúa. Nefndi Al-
freð dæmi úr Breiðholti, Grafar-
vogi og víðar.
Davíð Oddsson borgarstjóri tók
undir efni tillögunnar en sagði að
nokkurt átak hefði þegar verið gert
í gamla bænum með hitalögnum,
sérstaklega í gangstéttum. Sagðist
hann ekki telja óeðlilegt að gamli
bærin hefði þar forgang, þar sem
hentugt væri að setja niður hita-
Alfreð Þorsteinsson.
lagnir þegar endurnýjun færi fram.
Að lokum lagði Davíð Oddsson til
að tillögu Framsóknarflokksins
yrði vísað til borgarráðs og málið
tekið upp að nýju þegar viðbótar-
upplýsingar bærust þangað.
Guðrún Ágústdóttir Alþýðu-
bandalagi ræddi hálkuslys og flutti
sérstaka tillögu þar að lútandi. Var
báðum tillögunum vísað til borgar-
stjórnar.
Ályktun Samtaka um kjarnorkuvopnalaust ísland:
Afstaða utanríkis-
ráðherra ámælisverð
Framkvæmdanefnd Samtaka um
kjarnorkuvopnalaust ísland sendi
hinn 21.október sl. frá sér eftirfar-
andi ályktun: „Þann 23. maí 1985
áréttaði Alþingi þá stefnu íslendinga
að á íslandi verði ekki staðsett
kjarnorkuvopn og hvatti til þess að
könnuð yrði samstaða um og grund-
völlur fyrir samningum um kjarn-
orkulaust svæði f Norður-Evrópu,
jafnt á landi, í lofti sem á hafinu eða
í því, sem liður f samkomulagi til að
draga úr vígbúnaði og minnka
spennu. Þá fól Alþingi utanríkis-
málanefnd að kanna f samráði við
utanríkisráðherra hugsanlega þátt-
töku íslands í frekari umræðu um
kjarnorkulaust svæði á Norðurlönd-
um. Könnuninni skyldi vera lokið
fyrir 15. nóv. 1985.
í Ijósi þessarar þingsályktunar
hlýtur afstaða utanríkisráðherra
Matthíasar Á. Mathiesen á fundi
utanríkisráðherra Norðurlanda í
Kaupmannahöfn hinn 14. ágúst 1986
að teljast ámælisverð, þar sem utan-
ríkisráðherra bar fyrir sig framan-
greinda ályktun Alþingis í þeim
einum tilgangi, að því er virðist, að
bregða fæti fyrir samþykkt danska
þjóðþingsins frá 3. apríl s.l. þess
efnis að skipa bæri nefnd embættis-
manna til að kanna möguleika á og
undirbúa tillögu um Norðurlönd sem
kjarnorkulaust svæði.
Samtök um kjarnorkulaust ísland
telja mikilsvert að ísland sé yfirlýst
kjarnorkuvopnalaust svæði og öllum
þjóðum sé gert ljóst að kjarnorku-
vopn verði aldrei leyfð á íslensku
yfírráðasvæði eða komi þar með
vilja og vitund íslenskra stjórnvalda.
Samtökin skora á alþingismenn að
taka af öll tvímæli í þessum efnum
fyrir næsta fund utanríkisráðherra
Norðurlanda sem halda á í Reykja-
vík í mars á næsta ári.“ -phh
SNJÓBLÁSARAR
• Einbýli
• Fjölbýli
• Skóla
• Vinnustaði
Fyrir snjódýpt frá 20 cm til allt að 55 cm eftir gerðum.
Frákast allt að 15 metrum
Fyrirliggjandi
Kynnið ykkur verð og greiðslukjör
Hafiö samband við söiumenn okkar,
sem gefa allar nánari upplýsingar.