Tíminn - 16.04.1987, Side 18

18 Tíminn
Páskablað
Fréttaritari vor,
Svanfríður
Hagwaag, var á
ferð austur á
Eiðum fyrir
skömmu og
skýrir hér frá
skólahaldi og
skólalífi á
staðnum.
aö er allt annar bragur yfir
heimavistarskóla. Til dæmis er
áldrei hringt í tíma eða vakið
upp með hringingu á morgnana.
Telja margir að það sé til bóta
því þá verður hver að treysta á
sjálfan sig.
Þetta er þröngt samfélag þar
sem mun meiri samskipti eru á
milli nemenda og kennara en
venjulegt er í heimangönguskól-
um. Það sem stingur einna mest
í augun svona við fyrstu sýn er
hvað krakkarnir eru frjálsleg og
eðlileg í samskiptum sínum við
hvort annað og við kennara sína.
Að sögn Kristins Kristjáns-
sonar skólastjóra þá þarf að
vera gott samband á milli nem-
enda og kennara. Sagði hann að
álag á kennara væri mikið í
skóla sem þessum þar sem þeir
þurfa að sinna mikilli gæslu ofan
á kennslu. Kennarar fá greitt
aukalega fyrir gæslu, en í samtali
við þann kennara sem var með
daggæslu sagði hann að þeir
fengju ekki greitt fyrir það sem
kennslu, þó þeir þyrftu til dæmis
að sitja yfir nemendum í lestrar-
tímum og leiðbeina þeim. Það
væri í rauninni hrein kennsla.
Það kom einnig fram að kenn-
arar eru óánægðir með þann
kvóta sem skammtaður er á
gæslu og finnst hann allt of lítill.
Þessi börn eru heiman frá sér í 8
mánuði á ári. Þarna finnst þeim
að skólinn veiti ekki nóga þjón-
ustu. Þetta gengur aðeins upp
vegna þess að kennarar sinna
verkefnum án þess að hugsa um
borgun.
Kristinn skólastjóri sagði að
þeir hefðu verið heppnir með
kennara og frekar lítil breyting
verið á kennaraliði. Sagði hann
að þeir hefðu samt misst fólk
sem ekki hefði sætt sig við þá
ábyrgð sem það hefði á nætur-
vöktum. Kennaraíbúðir eru
flestar í tengslum við vistir og
þarf sá kennari sem býr við
hverja vist að bera ábyrgð á
henni á nóttunni. Síðan þarf
hann að vakna hress til kennslu
að morgni.
Að sögn Kristins er lítið um
agavandamál í kennslustundum
og það megi heita óþekkt fyrir-
bæri í skólanum. Sagði hann að
þeir þyrftu frekar að glíma við
önnur mál, sem heyra frekar
undir heimavistir. Þar kæmu
stöku sinnum upp mál sem þyrfti
að sinna. Það væri þó alls ekki
algengt.
Kristinn Kristjánsson er búinn
að vera skólastjóri við Eiðaskóla
síðan hann réðst að staðnum
1973.
Nemendatalan hefur alltaf
verið nokkuð jöfn eða þetta
100-120 nemendur. Til dæmis
voru í ár 113 nemendur fyrir jól,
en nú eftir jól eru þeir 100.
Skiptingin á milli bekkja er
þannig að 42 nemendur eru í 9.
bekk og 58 nemendur eru í
framhaldsdeild. í skólanum er
áfanga- og einingakerfi og það
er hægt að ljúka þar 2 árum í
framhaldsdeild.
Skólinn hefur 8 stöðugildi, en
vantar kennara. Það er leyst
með stundakennurum. Á staðn-
um eru skipaðir 7 kennarar, en
það eru ekki allir í fullu starfi.
Þá eru 4 stundakennarar og
kenna mismikið.
Eiðaskóli er eins og reyndar
fleiri skólar ekki öfundsverður
af fjárveitingum frá ríkisvaldinu
og sagði Kristinn skólastjóri að
þeir gætu ekki einu sinni haldið
í horfinu. En þetta virðist ekki
vera neitt nýtt ef marka má
bréfkorn frá skólastjóra sem
dagsett er 11. janúar 1977, stílað
til einstaklings í ráðuneytinu og
byrjar þannig: „Kæri Magnús.“
Þetta eru fréttir af hversdags-
leika sem gekk svolítið úrskeið-
is:
„Héðan er frekar fátt að frétta
nema hvað veður hefur verið
leiðinlegt undanfarna daga,
norðaustanátt með talsverðu