Tíminn - 20.05.1987, Blaðsíða 15

Miðvikudagur 20. maí 1987
Tíminn 15
MINNING
Friðrik Kárason
símaflokksstjóri
Fæddur 5. febrúar 1959.
Dáinn 10. maí 1987.
Já, hann erdáinn, stóri bróðirsem
ég kallaði alltaf bróa. Hann varð
veikur í haust og var skorinn upp, en
eftir áramót varð hann svo frískur að
allir héldu að hann væri kominn yfir
veikindin. Hann fór að vinna og leit
björtum augum fram á sumarið.
Hann ætlaði að aka alla Vestfirðina
í sumarfríinu á bílnum sínum, og
taka okkur mömmu og pabba með
og skoða allt sem hægt væri að
skoða.
Brói hafði mikið dálæti á bókum
og átti stórt og mikið bókasafn.
Hann hafði sérstakan áhuga á ætt-
fræði og sat stundum dögum saman
með margar bækur opnar fyrir fram-
an sig og gruflaði í nöfnum og tölum.
Hann vann alltaf hjá Pósti og síma
og ferðaðist mikið um landið vegna
vinnu sinnar hjá Landsímanum.
Hann fór eitt sumar á Vestfirði að
tengja sjálfvirkan síma og þræddi
þar alla firði. Annað sumar vann
hann á Austfjörðum og víða um
Suðurland og þekkti þar af leiðandi
mikið af landinu.
Brói keypti 3ja herbergja íbúð að
Rauðási 23 sem var tilbúin undir
tréverk, og þegar hann hafði tíma og
pening fór hann alltaf og vann við að
fullgera íbúðina sem honum entist
svo ekki aldur til.
Brói var 13 árum eldri en ég, og
svo langt sem ég man dekraði hann
við mig. Þegar hann byrjaði að vinna
og fékk fyrst útborgað, keypti hann
handa mér stóran kassa af kubbum
sem mér þótti mjög gaman af. Þegar
ég varð eldri gaf brói mér stórt hjól
og seinna kassettutæki. Á jólunum
síðustu gaf hann mér Ensk-íslensku
orðabókina og í fermingargjöf gaf
hann mér stór og mikil hljómflutn-
ingstæki.
í páskafríinu fór hann á spítala og
var þar sem eftir var.
Við systkinin vorum orðin mjög
samrýmd nú síðustu ár. Hann var
góður bróðir sem ég mun aldrei
gleyma. Guð veri með honum.
Systir.
Dáinn horfinn harmafregn
hvílík orð mér dynur yfir.
En ég veit að látinn lifir
það er huggun harmi gegn.
(J.H.)
Dáinn í blóma lífsins. Dauðinn er
grimmur það finnst okkur oft, en þó
er hann í sumum tilfellum miskunn-
samur. Við eigum að minnast orða
meistarans: Ég lifi og þér munuð
lifa, ég fer til míns föður og yðar
föður. Þetta er dýrlegt fyrirheit.
Minningin um þennan elskulega
mann er svo björt, að á hana fellur
enginn skuggi. Ég man hann Friðrik
sem lítinn dreng með afa sínum og
frændum í leik og starfi. Við lambfé
á vorin og heyvinnu á sumrin, en þó
kannski best í alls konar leikjum
með öðrum börnum á heimilinu.
Hann átti gott með að læra og hafði
mikla löngun að kaupa bækur og var
sífellt að lesa þegar hann var ekki að
vinna. Hann keypti heil ritsöfn og
veggirnir inni hjá honum voru þaktir
bókum. Hann sagði stundum við
mig: Amma fáðu þér bók að lesa,
það er nóg til þarna í hillunum.
Hann vissi hvað hann sagði, bækurn-
ar voru vinir hans. Það væri hægt að
segja svo margt, því við eigum svo
margar bjartar minningar sem eru
eins og sólargeislar, sem enginn
getur tekið frá okkur. Það er gott að
geta minnst þess þegar lífið er dimmt
og dapurt. Ef til vill stendur hann á
ströndinni hinum megin og tekur
brosandi á móti ástvinum sínum
þegar þeirra stund er komin, hver
veit? Þetta er aðeins stundar bið, þó
við teljum tímann í árurn þá er það
örlítið brot af eilífðinni og þó við
skiljum ekki af hverju þessi sorg er
lögð á foreldra og systur, þá trúurn
við samt að guð er miskunnsamur,
guð er kærleikur.
Kærar þakkir fyrir samveruna.
Ainina.
Hildur Pálsdóttir
frá Brautarholti
Fædd 11. júlí 1906
Dáin 22. apríl 1987
Skammvinn er okkur œvistund
enginn það lögmál brýtur
þú flytur að vori á vinafund
í vorið sem aldrei þrýtur
Ég lít yfir það sem liðið er
Ijúfar minningar gleðja
hvern dag, hverja stund ég þakka þér.
Það er min vinarkveðja
Svana
llllllilllllllllllllllllli! BÆKUR
Vopnin kvödd enn á ný
Út er komin hjá Máli og menningu
skáldsagan Vopnin kvödd eftir Ernest
Hemingway í þýðingu Halldórs Laxness.
Er þetta í þriðja sinn sem verkið kemur
út hjá félaginu, en það var fyrst gefið út
1941 og aftur 1977.
Vopnin kvödd er ein þekktasta
skáldsaga Ernest Hemingway; hún vakti
mikla athygli þegar hún birtist fyrst árið
1929 og aflaði höfundi sínum heimsfrægð-
ar. Sagan gerist á Ítalíu á árum fyrri
heimsstyrjaldar, og er í senn beisk úttekt
stríðsins og mögnuð ástarsaga. Halldór
Laxncss segir í eftirmála að frásögn
höfundar einkcnnist af „hinum áhyggju-
lausa anda lciks og skemmtunar mitt í
hörmungunum; barnslega hugarheilum
heiðarleik samfara kaldri ófyrirleitni
stigamannsins; hnitmiðuðu og hlutstæðu
mati raunsæismannsins á staðreyndum.
þótt allt sé í uppnámi í kringum hann,
samfara takmarkalausri fyrirlitningu á
málæði og tilfinningaeðju".
Vopnin kvödd er fjórða bókin í þeirri
ritröð sem tileinkuð er 50 ára afmæli Máls
og mcnningar. Hún er 325 bls. að stærð.
Mínútustjórnun
- komin út sem kiija
Mínútustjórnun, bók um stjórnunarað-
ferð sem farið hefur sigurför um allan
hinn vcstræna heim, er nú komin út í
kiljuformi hjá Vöku- Helgafelli. í bókinni
er efnið er sett fram í söguformi sem sýnir
á einfaldan og læsilegan hátt á hvaða
meginatriðum aðferðin byggist. Mínútu-
stjórnun einskorðast ekki við atvinnulífið
heldur má nota hana með góðum árangri
til dæmis í skólum og á heimilum.
Margir þeirra, sem keypt hafa þessa
bók og kynnt sér efni hennar, telja hana
bestu fjárfestingu sína um langt skeið.
Hún hafi kynnt þcim leiðir til að auka
stórlega árangur sinn og samstarfsmanna
sinna á skömmum tíma, og hafi þá engu
máli skipt hvort vinnustaðurinn væri stór
eða lítill. Afköstin hafi aukist og starfs-
menn orðið ánægðari en áður.
Ástæðurnar fyrir því, hve mikilli út-
breiðslu mínútustjórnunin hefur náð, eru

M'S&S.á
einkum taldar tvær, annars vegar hve
þessi stjórnunaraðferð er einföld og hins
vegar hve hún ber árangur á skömmum
tíma. Þegar hafa fjölmörg fyrirtæki hér á
landi keypt bókina handa starfsmönnum
sínum í ábyrgðarstöðum. Þá hefur hún
verið notuð sem kennslubók á fjölmörg-
um námskeiðum, þar á meðal á vegum
Stjórnunarfélags íslands og Iðntækni-
stofnunar.
Bókin Mínútustjórnun hefur verið upp-
seld hjá Vöku-Hclgafelli um nokkurt
skeið. Ætti þessi endurútgáfa að vera
fengur þeim sem vilja hagnýta sér þcssa
stjórnunaraðferð. Útsöluverð bókarinnar
er 986 krónur með söluskatti.
Lausar stöður
1. Kennarastaða. Kennsla yngri barna.
2. Forstöðumaður mötuneytis.
3. Húsvörður. 1/2 staða.
íbúðir á staðnum. Nánari upplýsingar hjá skóla-
stjóra, sími 96-43325 og formanni skólanefndar,
sími 96-43308.
Umsóknarfrestur til 5. júní.
Námsbraut í iðnrekstrar-
fræði á Akureyri
Kennsla í námsbraut í iönrekstrarfræöi á háskólastigi hefst á Akureyri
á hausti komanda.
Námsbrautin verður rekin í nánu samstarfi viö hliðstæða námsbraut
í Tækniskóla íslands og eru inntökuskilyrði þau sömu.
Umsóknir um námsvist ásamt staðfestu Ijósriti af stúdentsprófsskír-
teini skulu sendar fyrir 1. júlí n.k. til Bernharðs Haraldssonar,
skólameistara Verkmenntaskólans á Akureyri, sem veitir nánari
upplýsingar.
Menntamálaráðuneytið,
18. maí 1987
Námsbraut í hjúkrunar-
fræði á Akureyri
Kennsla á námsbraut í hjúkrunarfræði á háskólastigi hefst á Akureyri
á hausti komanda.
Námsbrautin verður rekin í nánu samstarfi við hliðstæða námsbraut
í Háskóla Islands og eru inntökuskilyrði þau sömu.
Umsóknir um námsvist ásamt staðfestu Ijósriti af stúdentsprófs-
skírteini skulu sendar fyrir 1. júlí n.k. til Ólínu Torfadóttur, hjúkrunar-
forstjóra, Fjórðungssjúkrahúsinu á Akureyri, sem veitir nánari upplýs-
ingar.
Margrét Tómasdóttir, M.S., námsbrautarstjóri, verður til viðtals í
Fjórðungssjúkrahúsinu mánudaginn 1. júní og skv. samkomulagi.
Menntamálaráðuneytið,
18. maí 1987
ÖLL ALMENN PRENTUN LITPRENTUN
TÖLVUEYÐUBLÖÐ
• Hönnun
• Setning
• Filmu- og plötugerð
• Prentun
• Bókband
PRENTSMIÐJAN
SMIÐJUVEGI 3, 200 KÓPAVOGUR
SÍMI45000
ddddi
Cl H F.
t
Eiginmaður minn, faðir okkar, tengdafaðir og afi,
Sigurður Jónsson
frá Efra-Lóni á Langanesi,
síðar búsettur að Lokastfg 4 í Reykjavík,
lést á Landakotsspítala aðfararnótt 15. maí sl.
Jarðarförin fer fram frá Hallgrímskirkju 26. maí n.k. klukkan 13.30.
Blóm vinsamlega afþökkuð, en þeir sem vildu minnast hans eru
beðnir að láta líknarstofnanir njóta þess.
Guðrún Ólafsdóttir
Sigríður Sigurðardóttir Skjöldur Vatnar
Þóra G. Sigurðardóttir Gunnar Jóhannesson
Jónína S. Sigurðardóttir Rúnar Sigurðsson
Unnur Sigurðardóttir Bernhard Svavarsson
Anna Björk Sigurðardóttir Erlingur Sigtryggsson
og barnabörn