Tíminn - 24.10.1987, Blaðsíða 7

Laugardagur 24. október 1987
Tíminn 7
Alþjóða verslunarráðið snýst gegn fölsurum og
svindlurum:
Tölvuþjófnaður
af krítar-
kortaeigendum
Eru eftirlíkingar á vörum og föls-
uð banka-, flutninga- og trygginga-
skjöl vandamál á Islandi? Þessari
spurningu varpar landsnefnd Al-
þjóða verslunarráðssins fram og hef-
ur boðið hingað til lands Bretanum
Eric Ellen, framkvæmdastjóra Co-
unterfeiting Intelligence Bureau
(CIB) og International Maritime
Bureau (IMB) í London 28. til 30.
október nk. til að kynna eftirlíkingar
á vörum og skjalafals í milliríkjavið-
skiptum.
Eric á að baki margra ára störf
með lögreglunni en er lögfræðingur
að mennt.
Hann tók við stjórnun IMB árið
1981 og síðar CIB sem sett var á
laggirnar 1985. Starfsemi stofnan-
anna felst í því að rannsaka eftirlík-
ingar og skjalafals, halda forvarn-
arnámskeið og vinna með lögreglu-
og tollyfirvöldum í þeim löndum
sem vitað er um að slík starfsemi fer
fram í. Á kynningunni mun hann
m.a. sýna ferli skjalafölsunar og
sýnishorn af eftirlíkingum af vöru,
auk þess sem hann mun fjalla um
leiðir til að minnka áhættuna á
eftirlíkingum og skjalafalsi, sem
löngum hefur verið talin arðbær iðja
sem breiðst hefur víða um heim.
Auðvelt er að framleiða eftirlík-
ingar margra vörutegunda. Talið er
að eftirlíkingar á vörum séu um 3 til
9% af heildarvöruviðskiptum í
heiminum, en það samsvarar allt að
60 milljörðum Bandaríkjadala ár-
lega. Alvarlegast og nýjast af eftir-
líkingum á markaðnum eru vara-
hlutir í bíla og flugvélar og eftirlík-
ingar á lyfjum og áfengum
drykkjum, en þetta getur stofnað lífi
og heilsu manna í hættu.
Þegar vöruviðskipti eiga sér stað
milli landa eru ýmis skjöl notuð sem
brúa tímabilið frá því að kaupandi
kaupir vöruna, seljandi sendir hana
áleiðis til kaupanda og kaupandi fær
hana í hendur. Hér er m.a. um að
ræða bankaábyrgðir og flutningss-
kjöl, sem eru meðhöndluð eins og ef
um verslunarvöruna sjálfa væri að
ræða. Fölsunin felur í sér að kaup-
andinn gengur frá vörukaupunum,
greiðir vöruna gegn móttöku skjala,
en fær hana aldrei í hendur. Þetta
gerist á þann hátt að á skjölin eru
skrifuð nöfn ábyrgðaraðila sem ekki
eru til í rauninni, varan er sett um
borð en affermd annars staðar en á
þeim stað sem tilgreindur er í fylgis-
kjölum og ábyrgðum og seld öðrum.
Eftir þetta eru þess dæmi að skipum
sé sökkt eftir að vörunni hefur verið
komið fyrir annars staðar. Oftast
greiða tryggingafélögin skaðann.
Tölvu og fjarskiptabyltingin hefur
auðveldað mjög öll milliríkjavið-
skipti en er um leið gósenland þeirra
sem leggja sig niður við að misnota
þessi auknu þægindi. Dæmi er um
táninga sem komust inn á dreifingar-
kerfi Pepsi Cola í New York og
drógu sér ókeypis ropvatn um tíma.
Annan alvarlegri glæp má nefna, svo
sem þann er krítarkortaþjófar kom-
ust inn í upplýsingakerfi sem hafði
að geyma greiðslustöðu og úttektar-
heimildir yfir 30% útivinnandi
Bandaríkjamanna. Með þessum
upplýsingum gátu þeir dregið sér fé
og rólegir haldið úttektinni á stolnu
kortunum innan leyfilegra marka.
Til að vera á varðbergi gagnvart
slíku er kynningu þessari komið á
fót. Hún hefst klukkan 13:30
fimmtudaginn 29. október á 9. hæð
í Húsi verslunarinnar. Kynningin er
öllum opin en hún er þó einkum
ætluð þeim sem fást við utanríkisvið-
skipti og meðferð skjala þeim við-
komandi.
Þj
Frá Bókaþingi: Hrafn Gunnlaugsson í ræðustól, en við borðið sitja Ástráður
Eysteinsson þingforseti og Elín Garðarsdóttir þingritari. (Tímamynd: Pjetur)
Bækur fyrir
6*800 milljónir
Það kom fram í máli Eyjólfs
Sigurðssonar útgefanda á Bókaþingi
að í haust er gert ráð fyrir að
heildarumsetning í bókaútgáfu hér á
landi verði á bilinu 600 til 800
miljónir króna. Að því er hann sagði
voru árin 1982 og 1983 mjög slæm í
íslenskri bókaútgáfu, svo að segja
megi að íslenski bókamarkaðurinn
hafi hrunið í árslok 1983. Síðan hafi
þetta þó farið batnandi, og 1986 hafi
verið eitt allra besta ár í sögu
bókaútgáfunnar.
Eyjólfur vék einnig að minnkandi
notkun almenningsbókasafna hér á
landi og mótmælti því, sem fram
kom í ræðu Birgis ísleifs Gunnars-
sonar menntamálaráðherra á þing-
inu, að sá samdráttur stafaði af
aukinni bóksölu í landinu. Þvert á
móti lagði hann áherslu á að hér á
landi væru bókasöfnin svelt að því er
varðaði kaup á bókum, og ætti það
við jafnt þótt að í ljós hefði komið
að ásókn barna og unglinga í skóla-
bókasöfnin væri vaxandi. -esig
VHtþú
reyna eitdivaú nýtt
am þér þekkíngar og reynslu...
Á geðdeildum Landspítal-
ans starfa um 600 manns við
lækningar, hjúkrun, endur-
hæfingu og aðstoð við sjúkl-
ingaog aðstandendur jieirra.
Starfsemin fer fram á nokkr-
um stöðum á höfuðborgar-
svæðinu, t.d. á Landspítalan-
um, á Kleppi, á Vífilsstöðum
og í Hátúni
Starfl hjá Ríkisspítölum
fylgja ýmis hlunnindi, svo
sem ókeypis vinnufatnaður
(eða fatapeningar), ódýrt
fæði í matsölum á vinnustað,
mikið atvinnuöryggi, öflugur
lífeyrissjóður og launahækk-
andi námskeið.
HJÚKRUNARFRÆÐINGUR
Hjúkrunarþjónusta geðdeilda
er mjög fjölbreytt, allt frá
bráðamóttöku til endurhæf-
ingar.
Geðhjúkrun er sérhæft hjúkr-
unarsvið. Hjúkrunaraðgerðir
geta snúist um einstaklinga,
hópa eða fjölskyldu. Þær
miða að því að fyrirbyggja
geðsjúkdóma, styrkja heil-
brigða aðlögun og stuðla að
bættri heilsu og endurhæf-
ingu.
Hjúkrun tekur mið af heild-
arástandi sjúklings og sam-
spili ýmissa áhrifaþátta. Unn-
ið er eftir ferli sem byggir á
upplýsingaöflun, greiningu,
áætlun, framkvæmd og end-
urmati.
Hjúkrunarfræðingar skipu-
leggja, stjórna og bera ábyrgð
á framkvæmd hjúkrunarþjón-
ustu, þeir hafa sér til aðstoð-
ar sjúkraliða og ófaglært
starfsfólk og fer verkefhadreif-
ing eftir aðstæðum hverju
sinni.
• Möguleiki er á fullu eða hluta-
starfi, jafnvel sveigjanlegum
vinnutíma, vetrarfríi og eins
launaflokks hækkun á geð-
deild.
Meðallaun: (án aukavinnu)
Mánaðarlaun eru 70.193 kr. með
vaktaálagi.
Fyrir hverja aukavakt eru greiddar
5.155 kr. Hlutastörf eru einnig í
boði.
Nánari upplýsingar eru veitt-
ar í síma 38160 (hjúkrunar-
fr amkvæmdast j óri).
SJÚKRALIÐI
Sjúkraliðar eru þátttakendur
í hjúkrunarferli sjúklinga. Við
bjóðum upp á skemmtilega
samvinnu og tækifæri til að
annast sjúklinga með mis-
munandi þarfir og ólík hjúkr-
unarvandamál. Þér bjóðast
tækifæri til að bæta við þig
þekkingu í formi námskeiða,
auk reglubundinnar fræðslu
sem er innan ákveðinna ein-
inga.
Meðallaun:
Mánaðarlaun eru um óO.OOOkr.með
vaktaálagi. Fyrir hverja aukavakt
eru greiddar 3.982 kr. Hlutastörf
eru einnig í boði.
STARFSMAÐUR Á GEÐ-
DEILD
fæst við þjálfun, uppeldi og
umönnun sjúklinga og vinn-
ur í nánu samstarfi við hjúkr-
unarfræðinga, sjúkra- og iðju-
þjálfa, auk lækna og sálfræð-
inga.
Boðið verður upp á launa-
hækkandi námskeið í þeim
tilgangi að gera fólk hæfara
og veita því meiri innsýn í
starfíð.
Meðallaun:
Mánaðarlaun eru 45.665 kr. með
vaktaálagi. Fyrir hverja aukavakt
eru greiddar 3.235 kr.
Nánari upplýsingar eru veitt-
ar á Geðdeild í síma 38160.
... ogfá ínnsyn í inannleg
samskipti á storum vinnustaó
RÍKISSPÍTALAR
GEDDEILD LANDSPÍTALANS
im/SlA 19.05