Tíminn - 24.10.1987, Blaðsíða 17

Sunnudagur 25. október 1987
Tíminn 17
lagði undirstöðuna að auði þeirra.
Hann hafði getið af sér 15 börn
með 3 konum þegar hann féll frá
1974. Bunker, Herbert og Lamar,
ásamt tveim systrum, Margaret og
Caroline og þroskaheftum bróður,
Haroldson, tilheyra því, sem í
Dallas er kallað „fyrsta fjölskylda"
H.L., úr hjónabandi hans og ungr-
ar kennslukonu frá Arkansas,
Lyda Bunker að nafni. Eftir dauða
Lydu giftist H.L. Ruth Ray frá
Louisiana, en þegar þau giftust
1957 hafði Lyda, sem var fyrrv.
einkaritari í fyrirtæki Hunts, alið
honum fjögur börn. H.L. stóð líka
í sambandi við konu frá Florida,
Frania Tye, sem heldur því fram
að þau hafi verið gift. Eftir dauða
hans komu í ljós 4 börn úr því
sambandi. Eftirfarandi frásögn á
eingöngu við börn hans af fyrsta
hjónabandi.
H.L. örvaði syni sína til að sýna
eins mikið sjálfstæði og hann gerði
sjálfur. Skólaganga Bunkers náði
aldrei lengra en til fyrsta árs í
menntaskóla, en Herbert og Lam-
ar náðu að útskrifast úr háskóla.
„Ég man eftir því að ég kom heim
í frí og sagði honum að ég vildi
hætta í skóla. Hann sagði bara:
Allt í lagi, gerðu það sem þú vilt,“
segir Herbert en lauk þó prófi í
jarðfræði á endanum.
1 Dallas berst ríkt fólk oft mikið
á, en þeir Hunt bræður hafa lagt
sig fram um að láta fólk halda að
þeir séu hinir mestu, en um leið
elskulegustu nirflar. Þeir aka göml-
um bílum, fljúga á venjulegu far-
rými og láta lögfræðingana dýru,
sem þeir krækja sér í utan Dallas,
dúsa tvo og tvo í smáíbúðum, sem
þeir eiga sjálfir í borginni. En þeir
standast ekki alveg freistinguna að
sýna að þeir eru ekki á nástrái.
Allir bræðurnir þrír og börn þeirra
búa í stórhýsum í fínustu hverfum
Dallas. En þó að Hunt fjölskyldan
sé nánast samgróin borginni, fara
þeir sínar eigin leiðir og láta enga
segja sér fyrir verkum. „Herbert
og Bunker eru okkur jafnmikil
ráðgáta og öðrum," segir einn
Dallasbúi.
„Sjálfsagt finnst mörgu fólki við
vera sérvitringar, en þá er á það að
líta að flestum öðrum finnst Texas-
búar sérvitringar" segir Lamar,’
yngsti bróðirinn, sem ekki er eins
nákominn fjölskyldufyrirtækjun-
um og hinir tveir. Og synir hans
tveir hafa valið sér aðra lífsbraut,
annar leikur á flautu í Sinfóníu-
hljómsveit Kansas City og hinn er
í læri til fjárfestingarbankamanns í
New York.
Tómstundagaman Bunkers - og
ástríða - er hreinræktun hesta.
Hann á yfir 300 slíka og á síðasta
ári skilaði þessi ræktun hans meiri
gróða en nokkurt annað fyrirtæki
sömu tegundar í Bandaríkjunum.
Hann á heljarstóran búgarð í
grennd flugvallarins Dallas-Fort
Worth og verðgildi jarðarinnar
eykst stöðugt því að þar í grennd
er I.B.M. að byggja risastóra skrif-
stofubyggingu, hraðbraut er á leið-
inni og iðnjöfurinn H. Ross Perot
hefur keypt land handan við hrað-
brautina.
Herbert, miðbróðirinn, hefur
lagt fé í stórverslanir, skrifstofu-
byggingar og skemmti- og heilsu-
svæði í Arizona.
Nú, á tímum þegar þeir bræður
berjast fyrir fjárhagslegu lífi sínu,
er allt þeirra líf og fjárreiður skoð-
að gegnum smásjá, bæði af lög-
fræðingum og fréttamönnum. Hér
er gripið ofan í grein eftir einn
fréttamannanna, John A. Jenkins,
sem var tekið opnum örmum af
einum lögfræðingi fjölskyldunnar
- og fjölskyldunni sjálfri. Lög-
fræðingurinn hafði komið fjöl-
skyldunni í skilning um að miklu
máli skipti að hægt væri að sýna
fram á að þau séu bara venjulegt
fólk sem hefur lent í fjárhagslegum
ógöngum vegna þess að bankarnir
hafa teymt það á asnaeyrunum,
lánað þeim meira fé en nokkrar
líkur séu til að þau geti nokkurn
tíma borgað. Á því byggist máls-
vörnin.
Herbert Hunt er farinn að hjóla í
stað þess að skokka. Hér er hann
á ferð um verslanahverfi sem hann
á í Dallas
Ekki af baki dottnir
í fjármálabraskinu
Þeir eru margir sem álíta að
raunverulegur tilgangur Hunts
bræðranna með þessum mála-
rekstri sé sá að hindra bankana í
að ganga frá málum á meðan þeir
eru sjálfir að eltast við enn ein
viðskiptin í Texas stærð. Áætlun
þeirra er að hefja olíuleit í Mexfk-
óflóa, 80 mílur út af strönd Louisi-
ana í svonefndu Green Canyon, í
árslok og styðjast þar við ósannað-
ar tæknilegar kenningar. Þeir eru
sannfærðir um að þeim eigi eftir að
takast ætlunarverk sitt og græði
þar með nóg fé til að réttaúr
kútnum.
En það eru mörg Ijón í veginum.
Þó að rannsóknarboranir á oliuleit-
arsvæðinu gefi vonir um að í þrem
holum af sex sé að finna olíu og
gas, hafa mörg tæknileg vandamál
skotið upp kollinum. Þar sem eng-
Bunker Hunt hreinræktar hesta
með frábærum árangri
inn útbúnaður er til sem hægt er að
notast við við aðstæðurnar á þess-
um stað urðu Hunt bræður að
hanna nýjari. Og þegar skipin gátu
ekki lagt olíuleiðslurnar síðustu 10
mílurnar vegna of mikils dýpis,
tóku þeir bræður á leigu heila eyju,
Matagorda, og logsuðu saman 10
mílna langa pípu á ströndinni.
Þaðan verður hún dregin 585 mílna
vegalengd eftir 1000 mílna breiðri
rás á botni flóans á ákvörðunar-
stað.
Þetta er mikið og dýrt verk, auk
þess sem tvísýnt þykir að það beri
árangur. En Hunt bræður hugsa
stórt og víla ekki fyrir sér að greiða
tryggingafélaginu Lloyd’s í
London 4.5 milljónir dollara ið-
gjald ef svo skyldi fara að þetta
mannvirki gæfist upp á fyrsta ári.
Enginn getur ábyrgst hversu mikla
olíu verður unnt að framleiða á
þessu svæði, þegar framleiðslan
hefst í desember.
„Hvað gæti tafið áætlanir
okkar?“ spyr Herbert.
„Kannski fellibylur," svarar
háttsettur starfsmaður hans í
hógværð, en Mexíkóflói er alræmt
fellibyljabæli.
„Verður enginn,“ segir Herbert
með áherslu. „Ég hef ráðfært mig
við langtímaveðurgúrúinn minn og
hann er búinn að spá í vestan
háloftavindana og sólblettina.
Hann segir að það verði engir
fellibyljir á flóanum í ár.“
Bankarnir setja sig upp á móti
þessari framkvæmd og lýsa því yfir
að ef Hunt fjölskyldan ráði yfir
einhverju fé ætti hún að endur-
greiða lánin sín en ekki hætta því í
vafasöm fyrirtæki. En bræðurnir
halda því fram að þeir eigi ekkert
í þessum peningum, aðrir hafi lagt
þá fram.
Því fer víðs fjarri að olíuævintýr-
ið í Green Canyon sé eina stór-
brotna fyrirtækið sem bræðurnir
eru nú með á prjónunum. Nýlega
sat fjölskyldan á fundi með tveim
jarðfræðingum sem gáfu skýrslu
um jarðfræði fleiri svæða sem til
greina koma til olíu- oggasvinnslu.
Hunt bræðurnir eru nefnilega
sannfærðir um að orkuverð sé búið
að ná botninum og nú fari olíuverð
aftur að stíga. Þeir ætla að vera
viðbúnir og þurfa þess vegna að
byrja nú þegar að leita meiri olíu
svo að þeir geti verið með frá
upphafi þegar verðið rýkur upp.
En það eru fleiri olíukóngar um
hituna og þá er um að gera að
„komast að samkomulagi". Það
má leita eftir endurgjaldi á greiða
hjá keppinautunum.
Öll fjölskyldan tekur þátt í
ákvarðanatökum og samheldnin
vekur athygli blaðamannsins. Líka
hvað er gengið óformlega til verks.
Þó er verið að ræða hundruð
milljóna dollara viðskipti. Nokkr-
um sinnum í hverri viku fer hópur
Hunt manna saman út að borða í
hádeginu og yfir borðum skiptast á
gamanyrði og harðar viðskipta-
ákvarðanir. Þeir þrasa kannski um
1000 dollara á pund megrunar-
veðmál milli Herberts og sonar
hans. En þar á milli ræða þeir
horfurnar fyrir 20 milljón dollara
verkefnið sitt sem þeir eru að
hefjast handa um í Zambíu. Bunk-
er trúir því að í Zambíu séu
einhver síðustu ókönnuðu
olíusvæðin í heiminum, og hann
lætur ekki telja úr sér kjark þá
staðreynd að sá olíubrunnur þar í
landi, sem síðast fannst og fram-
leiðir olíu, er í 1700 mílna fjarlægð
frá leitarsvæði bræðranna.
Upphafið að ógöngunum:
Ætluðu að leggja undir
sig silfurmarkaðinn
Olíuverðfallið, sem hófst 1983,
magnaði erfiða skuldastöðu Hunt
bræðranna, en upphafið að ógöng-
um þeirra er að finna 10 árum fyrr,
og á rætur að rekja til annarra
dýrmætra náttúruauðæfa, silfurs.
Þegar þeir bræður fengu þá flugu
í höfuðið að kaupa dýra málma til
að verjast gegn verðbólgu 1973,
máttu einstaklingar ekki kaupa
gull. Bræðurnir urðu að láta sér
nægja silfur.
Um skeið gekk þeim með ein-
dæmum vel í þeim viðskiptum.
Silfurverð rauk upp úr 1.94 dollara
únsan 1973 í 50.35 dollara únsan í
janúar 1980. En þá var mönnum á
kauphöllum farið að lítast alvar-
lega á blikuna og nýjar reglur
voru settar í þeim tilgangi að koma
stjórn á silfurmarkaðinn. Silfur-
verð féll niður úr öllu valdi.
Þeir bræður höfðu tekið 1.3
milljarð dollara að láni til að braska
með í silfrinu og að leikslokum
stóðu þeir uppi með inneign sem
var margfalt minna virðj. Þeir
lögðu dýrmætasta fjölskyldufyrir-
tækið að veði. í olíuhungruðum
heimi á árunum upp úr 1980 voru
eigur þessa fyrirtækis a.m.k. 2.2
milljarða dollara virði, næstum því
tvisvar sinnum meira en lánið sem
bræðurnir höfðu tekið í silfur-
braskið. En með þessu veði höfðu
bræðurnir dregið hin systkin sín
með inn í viðskiptaáhættuna.
Þá fór olíumarkaðurinn að gefa
sig. Ef fjölskyldufyrirtækið stæði
ekki við lánaskuldbindingarnar,
gátu bankarnir yfirtekið það og
síðan haldið áfram að ganga að
einkaeignum systkinanna. í tilraun
til að hindra það skipti fjölskyldan
eignum sínum 1983, þar sem bræð-
urnir Herbert, Lamar og Bunkcr
fengu fyrrnefnt fjölskyldufyrir-
tæki, ásamt silfurskuidinni, í sinn
hlut, en hin systkinin fengu dýr-
mætar fasteignir og olíu- og gas-
leigumála. Þessi skipting eignanna,
afleiðing af silfurævintýrinu, svo
og árangur Hunt systra á fjármála-
sviðinu hefur skilið eftir ör á annars
nánu samstarfi og vináttu systkin-
anna.
En þar sem sjaldan er ein báran
stök, gerðist það einmitt um það
leyti sem systkinin skiptu með sér
eignunum að bræðurnir lögðu ann-
að eftirlætisfyrirtæki sitt líka að
veði. Penrod Drilling Company er
eitt stærsta fyrirtæki sinnar tegund-
ar í heiminum og er í einkaeign
þeirra bræðra. Þegar komið var
um mitt ár 1985 leit því helst út
fyrir að þeir misstu bæði stærstu
fyrirtækin sín. Auk þess sóttu 3
sykurfyrirtæki þeirra þá um
greiðslustöðvun. Síðan hefur bar-
áttan geisað milli lögfræðinga Hunt
fjölskyldunnar annars vegar og lög-
fræðinga bankanna, lánardrottna
þeirra, hins vegar.
Viðskiptin ekki í helgarfríi
Á meðan þeir bræður bíða úr-
skurðar dómstóla sitja þeir ekki
auðum höndum. Áður hefur hér
verið sagt frá ýmsum framkvæmd-
um sem þeir standa í og gera sér
góðar vonir um að skili góðum
gróða í skuldahítina. Þeir láta ekki
smávegis fjárhagslegar þrengingar
eyðileggja fyrir sér frístundirnar
og tómstundagamanið. Blaðamað-
urinn segir frá ferðum þeirra og
gerðum einn venjulegan laugar-
dagsmorgun.
Bunker flaug til Kaliforníu til að
fylgjast með einunt hestinum sín-
urn í kappreiðum. Lamar var í
Kansas City til að fylgjast með
fótboltaliðinu sínu. Herbert fór
ekki langt. Eins og venjulega lagði
hann af stað í 20 mílna hjólatúr,
sem átti að liggja víðs vegar um
norðurhluta Dallas. Hann hefur
bætt á sig 8 kílóum á síðasta ári,
„afleiðing af þessum lagiiflækjum,"
segir hann. Nú segist hann orðinn
of þungur á fæti til að skokka og
þetta sé þá eina ráðið til að halda
sér í formi.
En í þetta sinn fór heilsuræktin
ekki sem skyldi. Eftir aðeins 5
mílna hjólatúr sprakk á afturhjól-
inu. svo að hann varð að hringja í
konuna sína og biðja hana að
sækja sig. Nancy og Herbert hafa
verið gift í 36 ár og þekkja hvort
annað út og inn. Þau ávarpa hvort
annað “mamma" og „pabbi" og fer
ekkert milli mála að hjónaband
þeirra cr hið besta.
Að öðru leyti eyddu þeir bræður
helginni eins og öðrum dögum,
viðskiptin voru ekki í neinu helg-
arfríi og það má engan tíma missa
við að græða, græða. Það er ekki
enn útséð hvaða afgreiðslu fær
skuldamál þeirra gagnvart bönkun-
um, sem voru svo ábyrgðarlausir
að lána þeim meiri peninga en
nokkrar líkur eru til að þeir geti
nokkurn tíma borgað.
Happdrætti Hjartaverndar 1987
Vinningaskrá
Greiðsla upp í íbúð kr. 1.000.000
26892
Jeppabifr. Patjero 1988 kr. 900.000
31860
Bifreið Chevrol. Monza 1988 kr. 560.000
89878
Greiðsla upp í íbúð hvor á kr. 500.000
50651 117040
Ferðavinningar hver á kr. 150.000
15501 54573 86524 114703
Ferðavinningar hver á kr. 100.000
1104 53546 103367 144273
11079 57448 105153 148710
33478 101218 107439
Vinninga má vitja á skrifstofu Hjartaverndar,
Lágmúla 9, 3. hæð
Þakkir til stuðningsmanna um land allt.
Útboð
Snjómokstur 1987-1988
Vegagerð rikisins óskar eftir tilboðum í snjómokst-
urmeð vörubifreiðum í Húnavatnssýslum veturinn
1987-1988.
Um er að ræða tvö útboð:
1. Blönduós - Skagaströnd - Blönduvirkjun, (67
km).
2. Blönduós - Hvammstangi, (52 km).
Útboðsgögn verða afhent hjá Vegagerð ríkisins á
Sauðárkróki og í Reykjavík (aðalgjaldkera) frá og
með 26. október n.k. Skila skal tilboðum á sömu
stöðum fyrir kl. 14.00 þann 2. nóvember 1987.
Vegamálastjóri
Stys gera ekki boð á undan sér!
iiarD,H OKUM IMt OO UWNI