Tíminn - 08.12.1987, Page 3

Þriðjudagur 8. desember 1987
Tíminn 3
Þeir Sigursteinn Guðmundsson, Sturla Pétursson og Axel Örlygsson, starfsmenn Gúmmívinnustofunnar hafa ekki haft mikið að gera síðustu vikurnar, enda eru ekki nema 30% ökumanna
komin með vetrardekkinn undir, ef miðað er við könnun gatnamálastjóra. Þeir voru samt á því að fyrirhuguð verðlækkun á hjólbörðum væri ekki ástæðan fyrir deyfðinni. Snjóleysi væri
ástæðan. Timamynd: Pjelur
Fólk tvístígandi yfir fyrirhuguðum verðbreytingum:
FRESTAST JÓLAVERSLUN
FRAM YFIR ÁRAMÓTIN?
Ríkisstjórnin hefur nú sent frá sér yfirlit yfir áætlaðar verðbreyt-
ingar á hinum ýmsu vörum, nái tolla-, vörugjalds- og söluskattsbreyt-
ingar hennar fram að ganga. í verðbreytingunum felst m.a. að ilm-
vötn og rakspírar lækki um 45%, varalitir um 47%, sjónvörp og
myndbandstæki um 11%, hljómflutningstæki um 15% og hjólbarðar
um 20%, svo dæmi séu tekin. En hvaða áhrif skyldu þessar fréttir
hafa á jólaverslunina?
„Við erum nú með það hagstæð
jólatilboð, að ég hef ekki trú á að
þetta hafi nein áhrif. Við erum með
tilboð frá 15-20% lækkun frá venju-
legu verði, þannig að þessar lækkan-
ir snerta okkur ekki að ráði. Annars
er erfitt að spá um hvort að þetta
breytir mynstrinu nokkuð. Predikun
í fjölmiðlum um að þetta verði
svona, þó ekki sé búið að samþykkja
þetta í Alþingi hefur gert það að
verkum að sumt fólk fer ekki einu
sinni á stúfana til að athuga hvort
það sé hagstæðara að kaupa vörurn-
ar núna eða eftir áramót," sögðu
Jóhann Bjarnason, sölumaður og
Óli Anton Bieltvedt, verslunarstjóri
hjá Nesco í samtali við Tímann. Peir
voru einnig á því að hræðsla við
gengisfellingu hvetti fólk líka til að
kaupa frekar nú en eftir áramót.
Nesco hefur ekki neinar birgðir í
versluninni, heldur sækir vörurnar
jafnóðum í tollvöruafgreiðsluna og
nauðsyn þykir.
Genginu haldið með handafli
Hjá Radíóbúðinni varð Grímur
Laxdal fyrir svörum.
„Ég hef nú ekki trú á að þessar
fyrirhugðu lækkanir hafi nein áhrif á
jólasöluna hjá okkur. Við erum með
jólatilboð sem í mörgum tilfellum
eru verulega lægri heldur en lækkan-
irnar. Óttinn við gengissig hefur líka
sín áhrif. Genginu er nú haldið uppi
með handafli eins og er. En ég held
að mynstrið í heild breytist eitt-
hvað,“ sagði Grímur. Hann vildi
meina að öruggara væri að kaupa
tæki nú, heldur en eftir áramót,
“enda er þetta happdrætti“ sagði
hann. Hann kvaðst verða hissa ef
gengið yrði ekki hreyft eftir áramót-
in. „Þeir ráða þessu nú ekki, það er
dollarinn sem ræður öllu.“ Radíó-
búðin mun hins vegar lækka verðið
á þeim birgðum sem þeir munu eiga
eftir óseldar um áramótin.
Heildsalamir taka breyt-
ingarnar ekki á sig
Varalitir og ilmvötn munu lækka
einna mest um áramótin, eða um 45
og 47%, nái breytingarnar fram að
ganga. Ingigerður Jóhannsdóttir er
verslunarstjóri og eigandi snyrti-
vöruverslunarinnar Brá á Lauga-
vegi.
„Ég myndi nú halda að þetta hefði
áhrif á jólasöluna. Fólk er þegar
farið að spá í þetta og halda að sér
höndum, enda fór þetta of snemma
í fjölmiðlana. Verslunin leggst
kannski ekki alveg niður, en þetta
örvar hana a.m.k. ekki,“ sagði Ingi-
gerður.
Hún sagði að margir keyptu nú
aðeins það nauðsynlegasta og
geymdu annað fram yfir áramótin,
ef varan á annað borð lækkaði
eitthvað að ráði.
„Ég verð að halda verðinu á
birgðunum mínum. Lækkunin er
meiri en álagningin og ekki taka
heildsalarnir þetta á sig,“ sagði Ingi-
gerður, aðspurð um hvort hún myndi
lækka verðið á þeim birgðum sem
hún myndi eiga um áramótin.
Enginn snjór
- engin snjódekk
Hjólbarðar munu lækka um 20%,
samkvæmt tillögum ríkisstjórnarinn-
ar. f könnun sem gatnamálastjóri lét
gera, kom fram að innan við 30%
bílstjóra væru komin með vetrar-
dekkinn undir bílinn. Er þá ekkert
að gera á verkstæðunum?
„Nei, það er ekkert að gera. Það
er undarleg ládeyða. Það er snjór-
inn sem gerir þetta að verkum,
frekar en þessi lækkun. Það kemur
seinna" sagði Sturla Pétursson,
starfsmaður hjá Gúmmívinnustof-
unni í Skipholti í samtali við
Tímann. Starfsmenn Hjólbarðahall-
arinnar voru Sturlu sammála og
sögðu tíðina gjörónýta vegna snjó-
leysis.
Á þessum árstíma hafa venjulega
um 85% ökumanna sett vetrardekk-
in undir. „Það var brjálað að gera í
byrjun október, en síðan hefur þetta
verið steindautt,“ sagði Sturla og
tómur salur bar vitni um orð hans.
Sama var uppi á teningnum hjá
Hjólbarðahöllinni.
Það virðist því nokkuð ljóst að
breytingar á jólaversluninni verða
einhverjar, en hve miklar, það verð-
ur reynslan að leiða í ljós.
- SÓL
Raforkuflutningarnir til Bretlands:
Víðræður komnar
niður á jörðina
Sérfræöilegir ráðgjafar breska stórfyrirf ækisins North Venture
hafa gert víðreist um landið okkar og eru þessa dagana aö ræöa
við forsvarsraenn allra helstu stofnana á íslandi er hafa með
orkumál að gera. Eru þeir hér að beiðni Alex Copson, sem
lesendum Tímans ætti að vera orðinn kunnur, fyrir þær
hugmyndir sínar að gerast framkvæmdaraðili við flutning á
raforku frá íslandi til Bretlands um sæstreng. í viðræðum við
Halldór Jónatansson, forstjóra Landsvirkjunar, kom fram að
sendincfnd þessi er skipuð mönnum sem vel eru heima í
orkumálum Bretlands. Voru þeir að ræða hugmyndir sem, að
sögn Halldórs, eru niðri á jörðinni og vel framkvæmanlegar á
næstu 5-10 árum.
Viðræður við Landsvirfcjun
Sagði Halldór í samtali við Tím-
arm að þcir hefðu rætt þær nýju og
breyttu aðstæður er skapast hafa á
síðustu árum, með nýrri tækni við
framleiðslu sækapals og stöðugt
hækkandiorkuverði. Nýi kapallinn
gerir nú kleift að flytja raforku
eftir löngum leiðum neðansjávar
án þess að um verulegt orkutap
verði að ræða.
Þá eru viðræður við breska aðila
nú komnar á það stig að hætt er að
tala um það magn er Alex Copson
sló fram í fyrstu. Hefur það og
komið fram í viðtölum Tímans við
Copson að hann sé sjálfur farinn
að tala um mun minna orkumagn.
f gær var talað um 500 megawatta
útflutning. Til samanburðar má
nefna að heildarframleiðsla okkar
er um 800 MW. Til glöggvunar má
nefna að áætluð framleiðsla
Blönduvirkjunar er talin verða um
150 MW og Fljótsdalssvirkjunar
um 252 MW.
f yfirstandandi viðræðum hefur
komið fram á óformlegan hátt að
íslendingar sjái um byggingar
virkjana og breska fyrirtækið sjái
alfarið um kapaiinn og dreifingu í
Bretlandi og taki alla áhættu í því
sambandi. Við útrcikninga á vænt-
anlegu orkuverði hafa sérfræðing-
arnir komist að þeirri niðurstöðu
að um arðsemi verði að ræða og
staða slíkra raforkuflutninga eigi
eftir að batna með árunum, þar
sem ekkert bendi til þess að orku-
verð fari lækkandi á næstu áratug-
um. Ekki taldi Halldór að á öðru
bæri en að mennirnir væru komnir
niður á jörðina með hugmyndir
sem vel væru framkvæmanlegar.
Sagði hann jafnframt að starfs-
menn Landsvirkjunar hefðu verið
að skoða möguleika er talist gætu
hliðstæðir þessum hugmyndum.
Næsta stóra skrefið
Næsta stóra skrefið í málinu
verður það að þessir sendimenn
North Venture setjast niður þegar
heim er komið og semja ítarlega
skýrslu um aðstæður á íslandi og
bera þær saman við þarfir og
markað í Bretlandi, ásamt því að
gera tillögur að frumáætlun. Þessa
skýrslu sína munu þeir síðan af-
henda Landsvirkjun og Alex Cop-
son forstjóra.
Alex Copson mun sjálfur konta
til íslands í næstu sendiferð og má
þá jafnframt búast við að með
honum í för verði þeir fulltrúar
breskra orkumálayfirvalda er gætu
lagt grunninn að hugsanlegum
samræðugrundvelli opinberra full-
trúa landanna.
í gær áttu sérfræðingarnir fund
með Halldóri Jónatanssyni, for-
stjóra Landsvirkjunar, eins og fyrr
segir, og töluðu þeir þá einnig við
forsvarsmenn Náttúruverndar-
ráðs. í dag, þriðjudag, munu þeir
fara að Búrfellsvirkjun og skoða
Þjórsársvæðið, líta við á Hrauneyj-
arfossvirkjun og Sigöldu. Á
morgun, miðvikudag munu þeir
hitta Friðrik Sophusson, iðnaðar-
ráðherra, að máli og heimsækja þá
einnig Hafrannsóknarstofnun og
Orkustofnun. Á fimmtudag hafa
þeir ráðgert að heimsækja Blöndu-
virkjun, en þeir munu fara af landi
brott á föstudagsmorgun.
KB