Tíminn - 21.01.1988, Qupperneq 20

Þjónusta
í þína þágu
SAMVINNUBANKI
ÍSLANDS HF.
Auglýsingadeild liannar
auglýsinguna fyrir þig
111 1 ^ 11111 ■ " ' i
___Okeypis þjónusta
jjj 686300 Tíiriinn
Sykurlausar
Hálstöflur
w HLUU)W . mettcJU00*
'lLtUKO --
Lukkutríó Landssambands Hjálparsveita skáta:
Vinningshafi kærði
bið eftir Bensinum
Vinningshafi í Lukkutríói LHS, kona sem ekki vill láta nafns
síns getið, brást illa við er hún komst að því að Bensbifreið sú er
hún hlaut í vinning var ekki komin til landsins. Leitaði konan til
dómsmálaráðuneytisins til að kanna möguleika á kröfugerð á
hendur LHS um dráttarvexti á verðmæti vinningsins þá hálfa aðra
viku, sem hún þyrfti að bíða eftir Bensinum. Málin enduðu þó
með sátt og buðust Lukkutríósmenn til að gefa henni útvarps- og
kasettutæki í Bensinn í sárabætur. Bifreiðina fær hún afhenta í
dag, en tafirnar stöfuðu af því að LHS menn vildu frekar afhenda
bifreið af árgerð 1988, en árgerðinni eldri, sem væri um 150
þúsund krónum verðminni í endursölu.
Þegar leitað var til skrifstofu
LHS um skýringar á fréttinni varð-
ist Björn Hermannsson, fram-
kvæmdastjóri, allra frétta af mál-
inu, en sagði að því væri lokið með
fullum sáttum. Sagði hann að tafir
á afgreiðslu bílsins væri hins vegar
sjálfsagt að skýra.
Bensbifreiðar eru, eins og mörg-
um er kunnugt, yfirleitt ekki af-
greiddar af vörulager, heldur er
oftast um það að ræða að kaupandi
pantar tiltekna gerð af bifreið og
þá fyrst er farið að setja hann
saman eftir nákvæmum óskum
kaupandans. Þannig er vanaleg
afgreiðsla hjá umboðinu hér
heima, Ræsi hf., og frá verksmiðj-
unum í Vestur-Þýskalandi. Björn
sagði að þeir hjá LHS hefðu verið
mjög tímanlega með pantanir
sínar. Hins vegar hefði orðið ljóst
í haust að útgáfa Lukkutríósins
ætlaði að dragast af ýmsum ástæð-
um. Hafi LHS menn því séð fram
á að vinningshafar fengju aíhentar
Bensbifreiðar af árgerð 1987 á
sama tíma og árgerð 1988 færi að
sjást á götunni. Þetta hefði þýtt á
annað hundrað þúsund króna tap
fyrir vinningshafa miðað við endur-
sölu á nýrri bifreiðinni.
í haust var því ákveðið að af-
panta Bensana af árgerð 1987 og
panta að nýju. Nægur tími var þá
til stefnu og fengu hinir tveir vinn-
ingshafarnir nýja bíla sína um leið
og þeir hrepptu þá í spilinu.
Ástæður þess að umrædd kona
fékk ekki sína bifreið um leið og
hún hafði unnið hana í leiknum og
þar með afhenta samstundis, mun
hafa verið sú, að þriðja bifreiðin
mun hafa verið send aftur í gegnum
síðustu lakksprautun í verksmiðj-
unum, þar sem framleiðandi var
ekki ánægður með endanlega út-
komu. Þessi nákvæmu vinnubrögð
reyndust því tefja afgreiðslu bif-
reiðarinnar á aðra viku.
Að lokum ítrekaði Björn að
hann vildi ekki ræða samskipti
LHS og samninga þess við konuna,
en sagði að máli þessu væri lokið
með þeirri sátt að konan fékk
hljómflutningstæki í bifreiðina að
auki. Sagði hann að þeir hefðu allt
eins átt von á því að vinningshafi
kæmi fram áður en þessi bifreið
kæmi til landsins, en frekar viljað
afhenda nýjustu árgerðina til hags-
bóta fyrir vinningshafa. Sagðist
hann vera leiður yfir því að þessi
dráttur varð á afgreiðslunni.
Enn eru margir vinningar óaf-
greiddir og þar á meðal eru nær
allar Fíatbifreiðarnar og mikið af
minni vinningunum. Sagðist hann
vera ánægður með viðtökur fólks
og að almennt væri þessari fjáröfl-
un þeirra vel tekið. KB
Maðurí
lausu
lofti
Við fyrstu sýn virðist maðurinn
svífa um í lausu lofti, en þegar betur
er að gáð sést hvar hann styður fæti
á klifurvegg Hjálparsveitar skáta í
húsnæði þeirra við Snorrabraut í
Reykjavík. í þessari aðstöðu æfa
skátar klifur í níu mánuði á ári,
þegar of kalt er að æfa klifur í
náttúrunni. Slík íþrótt er ekki stund-
uð nema þrjá hlýjustu mánuði ársins
og getur verið stórhættuleg séu
klifurmenn ekki í góðri þjálfun.
Skátum finnst þessi klifurveggur
þeirra í minna lagi og horfðu vonar-
augum til gaflsins á Laugardalshöll.
En hvað gerist ef klifurmenn
hrynja á steypt gólfið við æfingar?
„Þá detta þeir. Þeir verða að æfa sig
að detta í grýtta jörð líka,“ var
einfalt svarið. þj
Svífandi í laustu lofti í æfingaað-
stöðu skáta við Snorrabraut.
(Tímínn: Pjetur)
Einn Færeyingur látinn
og annar þungt haldinn:
Matareitrun
af íslensku
kindakjöti
Fjörutíu og níu ára gamall Færeyingur lést í Landssjúkrahúsinu í
Þórshöfn í fyrrinótt vegna matareitrunar. Hann hafði borðað íslenskt
kindakjöt, sem hafði verið verkað sem skerpikjöt. Tvítugur sonur
þessa manns liggur einnig á sjúkrahúsi og er tvísýnt um líf hans.
Ríkisútvarpið flutti þær fréttir í
gær að Færeyingar teldu ekki að við
íslenskt kjöt væri að sakast, enda
væri það yfirleitt hreinna og betur
frágengið en færeyska dilkakjötið.
Þeir hefðu í margar aldir þurrkað
kindakjöt í hjöllum og útihúsum og
gert úr því svonefnt skerpikjöt, sem
er notað sem álegg á brauð. Talsvert
af frysta, íslenska kindakjötinu, sem
flutt er til Færeyja, er verkað á sama
hátt, en fyrst er það látið þiðna í
stofuhita í þrjá til fjóra sólarhringa
og síðan hengt upp.
Þessi verkun hefur vissa áhættu í
för með sér, sérstaklega ef kjötið er
látið liggja lengur en í þrjá sólar-
hringa. Fréttaritari útvarps sagði að
talsverður uggur hefði gripið um sig
meðal fólks því að janúar er einmitt
sá árstími sem skerpikjötið er sótt í
hjallana og snætt. Einnig hefur verið
bent á að hlýindin, sem verið hafa í
Færeyjum í allan vetur, hafa aukið
til muna hættuna á skemmdum í
kjötinu.
Ekki er enn ljóst hvort þetta muni
hafa áhrif á innflutning íslensks
kindakjöts til Færeyja, en þar hugsa
menn sig nú um tvisvar, áður en þeir
sækja kjötið í hjallinn.