Tíminn - 01.10.1988, Blaðsíða 5

Laugardagur 1. október 1988
Tíminn 5
Kjötmiðstöðin hefur fengið sex vikna greiðslustöðvun:
Verslunarkeð jan Target
íhugar kaup á hlutafé
Kjötmiðstöðin hefur átt í viðræðum við tvær erlendar
verslunarkeðjur um kaup á hlut í fyrirtækinu og komu fjóri
menn hingað tU lands í síðustu viku frá Target í Bretlandi
og áttu viðræður við eigendur Kjötmiðstöðvarinnar. Þá
vonast eigendur Kjötmiðstöðvarinnar einnig til þess að
belgíska verslunarkeðjan Del Hills sýni fyrirtækinu áhuga.
Að sögn Hrafns Bachmann,
stærsta hluthafans, hefur ekkert
komið út úr þeim viðræðum enn
sem komið er. Stórkaupmenn hér
á landi hafa einnig sýnt áhuga á að
kaupa hlutabréf í fyrirtækinu, en
ætlunin er að auka hlutafé þess um
120 milljónir.
Staða fyrirtækisins er slæm þessa
dagana og hafa öll fyrirtæki í eigu
Kjötmiðstöðvarinnar hf. verið seld
á síðustu mánuðum, að versluninni
í Garðabæ undanskilinni, sem fékk
greiðslustöðvun í sex vikur frá og
með sl. fimmtudegi. Hrafn sagði
að greiðslustöðvunin væri leiðin til
að bjarga fyrirtækinu og yrðu vik-
urnar sex notaðar til endurskipu-
lagningar. í gær átti að ganga frá
sölu á verslun Kjötmiðstöðvarinn-
ar við Laugalæk, þar sem fyrirtæk-
ið hóf starfsemi sína og munu
kaupendurnir vera núverandi og
fyrrverandi starfsmenn fyrirtækis-
ins. Aðspurður hvort ekki væri
eingöngu um yfirtöku skulda að
ræða, sagði Hrafn svo ekki vera að
neinu leyti. Áður hafði kjöt-
vinnsla, verslun í Hamraborg í
Kópavogi og Veitingamaðurinn,
allt fyrirtæki í eigu Kjötmiðstöðv-
arinnar hf. verið seld á tiltölulega
skömmum tíma fyrir um 155 mill-
jónir að sögn Hrafns, til að bjarga
rekstrinum. Ekki vildi Hrafn gefa
upp söluverð verslunarinnar við
Laugalæk, en söluverð hennar er
hluti ofangreindra 155 milljóna.
Hrafn Bachmann á 45% hluta-
fjár í Kjötmiðstöðinni hf. og er
hann jafnframt stjórnandi. Aðrir
hluthafar eru Ármann Reynisson
og Pétur Björnsson hvor með
22,5% hlutafjár og Halldór Krist-
insson með 10%. Aðspurður hvort
Ármann, Pétur og Halldór hygðust
selja sinn hlut í fyrirtækinu sagði
Hrafn: „Pað hefur ýmislegt borið á
þeim nótum, en hlutirnir gerast
svo hratt að erfitt er að segja til um
hvað verður.“ Pétur mun ekki vera
á því að selja sinn hlut og starfar
nú við endurskipulagningu á bók-
haldi fyrirtækisins, en talið er lík-
legt að Ármann selji sinn hlut, þar
sem hann hyggur á framhaldsnám
erlendis.
Hrafn bjóst við að ef aukið
hlutafé fengist, þá yrði hans hlutur
5 til 10%.
Samkvæmt áreiðanlegum heim-
ildum Tímans voru skuldir Kjöt-
miðstöðvarinnar fyrir skömmu um
400 milljónir og eignir sem sagðar
voru ofmetnar, rúmar 200 milljón-
ir. Hrafn sagði að þetta væri ekki
alveg rétt, eignir væru metnar á
tæpar 300 milljónir, en skuldir
væru um 80 til 90 milljónum meiri,
eða nálægt 400 milljónum.
„Það er fyrst og fremst fjár-
magnskostnaður sem menn eru að
sligast undan,“ sagði Hrafn að-
spurður hvað gerði matvöruversl-
un svo erfiða í dag. Þá nefndi hann
einnig greiðslukortin og lánsvið-
skipti til fastra viðskiptavina sem
ástæður.
Hrafn sagði að fyrirtækið yrði
rekið áfram með svipuðu sniði, en
gripið yrði til róttækra aðgerða á
næstu vikum, jafnvel eftir viku eða
tvær. - ABÓ
Erlendir aðilar mega eiga hlutafé í ís-
lenskum fyrirtækjum í verslunarrekstri:
49% hlutafjár
án undanþágu
Vegna hugmynda Kjötmið-
stöðvarmanna að fá erlendar
verslunarkeðjur til að kaupa
hlutafé í Kjötmiðstöðinni leitaði
Tíminn upplýsinga hjá viðskipta-
ráðuneytinu hvort erlendir aðilar
mættu eiga hlut í fslenskum fyrir-
tækjum í þessari atvinnugrein og
þá að hve miklu marki.
Tryggvi Axelsson hjá við-
skiptaráðuneytinu sagði að sam-
kvæmt lögum ætti meirihluti
hlutafjár að vera í eigu íslend-
inga. Samkvæmt því mega er-
lendir aðilar ckki eiga meira en
49%, en hins vegar er viðskipta-
ráðherra heimilt samkvæmt sömu
lögum að gefa undanþágu frá
þessu ákvæði um meirihlutacign
íslendinga og hafa slíkar undan-
þágur verið vcittar samkvæmt
umsókn. - ABÓ
Maraþonverðlagningarfundur sexmannanefndar:
Akváðu nýtt verð á kartöf lum
Á löngum verðlagningarfundi sex-
mannanefndar sl. fímmtudag var
ákveðið nýtt verð sauðfjárafurða,
hrossakjöts, mjólkur, nautakjöts og
kartaflna.
Ákveðin var 6% hækkun á verð-
lagsgrundvelli kúabús frá og með
deginum í dag. Launaliður hækkar
þó ekki samkvæmt ákvæðum ný-
settra bráðabirgðalaga ríkisstjórnar-
innar. Tekinn er inn nýr liður í
verðlagsgrundvöllinn vegna frestun-
ar 1. september á hækkun vegna
rekstrarliða. Þessi nýi liður, sem
hækkar verðlagsgrundvöll um
1,06%, kemur til greiðslu á næstu
fimm mánuðum, þ.e.a.s fram til 1.
mars 1989.
Sexmannanefnd ákvað að fella
svokallaðar áfangahækkanir niður í
verðlagsgrundvelli sauðfjárafurða.
Þetta þýðir að grundvallarverð mun
ekki hækka í desember og mars. Til
að vega upp á móti niðurfellingu
áfangahækkana komst sexmanna-
nefnd að þeirri niðurstöðu að taka í
staðinn upp nýjan lið í verðlags-
grundvelli sauðfjárafurða, rekstrar-
vexti. Reiknaðir eru 5% vextir á
breytilegan kostnað og laun. Verð-
lagsgrundvöllurinn mun í heild
hækka um 8,9% en kindakjöt hækk-
ar hinsvegar um 10,94%. Þessi mun-
ur byggist á því að ullarverð er
óbreytt milli ára af þeim sökum að
gengið er út frá því að ullariðnaður-
inn eigi rétt á að fá ull á heimsmark-
aðsverði. í þessu sambandi má
skjóta að þeirri samþykkt ríkis-
stjórnarinnar að auka niðurgreiðslur
á ull til ullariðnaðarins um allt að 40
milljónir króna á næstu 5 mánuðum.
Sexmannanefnd ákvað lækkun á
gærum um 12% frá fyrra ári. Þessi
lækkun er, að sögn Hauks Halldórs-
sonar, formanns Stéttarsambands
bænda, tilkomin vegna raunlækkun-
ar á hráefni erlendis. „Það að ull
hækkar ekki og gærur lækka um
12% þýðir einfaldlega það að kinda-
kjöt verður að hækka um 10,94%,“
segir Haukur.
Þá ákvað sexmannanefnd verð á
hrossakjöti. Það hækkar frá og með
deginum í dag um 5%.
Ein markverðasta ákvörðun sex-
mannanefndar á fundinum sl.
fimmtudag lýtur að kartöflum.
Sexmannanefnd ákvarðar nú aftur
grundvallarverð á kartöflum eftir
2ja ára hlé. Kartöflubændur hafa
lagt ríka áherslu á að koma verðlagn-
ingarmálum aftur í fastar skorður til
að tryggja afkomu þeirra. Nýtt verð-
lagsgrundvallarverð til framleiðenda
fyrir kíló af bökunarkartöflum er 54
krónur. Kílóverð fyrir fyrsta flokk-
inn er 42,06 kr., 29,44 kr. fyrir
annan flokk og 12,72 kr. fyrir kílóið
af þriðja flokks kartöflum.
Að sögn Hauks Halldórssonar
frestaði sexmannanefnd verð-
ákvörðun á eggjum og kjúklingum.
Hann segist búast við að sú ákvörðun
liggi fyrir í næstu viku. óþh