Tíminn - 01.10.1988, Blaðsíða 18

18 Tíminn
Laugardagur 1. október 1988
VETTVANGUR
Þórarinn Þórarinsson:
Hver er munurinn á
Bush og Dukakis?
Sennilega skýrist það næstu vikur, hvort George Bush
eða Michael Dukakis gengur með sigur af hólmi í
forsetakosningunum 8. nóvember. Eins og nú horfir, í
byrjun október, er staðan mjög jafnteflisleg. Fyrir fyrra
sjónvarpseinvígið hafði Bush heldur betri stöðu í skoðana-
könnunum, og þótti þá líklegt, að einvígið kynni einhverju
að breyta, en niðurstaðan virðist ekki hafa orðið sú.
Hvorugur þeirra vann, en tapaði ekki heldur.
Ef þetta einvígi er borið saman
við einvígi þeirra Kcnnedys og
Nixons 1960 verður það að teljast
líflítið og litlaust. Þeir Kennedy og
Nixon voru miklu meiri kappræðu-
menn en Bush og Dukakis. Bush
kom fram eins og hann væri að
svara á venjulegum blaðamanna-
fundi og var því daufur og litlaus,
en Dukakis var öllu fjörlegri. Bush
hefur ef til vill unnið það upp
vegna þess að hann er stærri vexti
og forsetalegri í útliti og Dukakis
virtist lítill við hlið hans. Þetta
getur haft einhver áhrif.
Báðir komust þeir hjá því að tala
af sér, eins og t.d. Ford í sjónvarps-
einvíginu við Carter, þegar hann
kannaðist ekki við það, að Austur-
Evrópa væri undir framandi yfir-
ráðum. En þeir vöktu nær aldrei
einhverja hrifningu eins og
Kennedy og Nixon eða þeir Eisen-
hower og Stevenson í sjónvarps-
ávörpum sínum. Vafasamt er,
hvort forsetaefni í Bandaríkjunum
hafi vakið slíka hrifningu og Ste-
venson, en hann var samt dæmdur
til að tapa, því að keppinautur
hans varð þjóðhetja í síðari heims-
styrjöldinni og var auk þess traust-
vekjandi persónuleiki í sjónvarpi.
Þeir Bush og Dukakis eiga eftir
að hittast aftur og eins munu
varaforsetaefnin leiða saman hesta
sína. Eftir þessi einvígi getur stað-
an orðið ljósari.
Talið er að fyrra einvígið hafi
gcrt það gagn að skýra málefnaleg-
an ágreining forsetaefnanna. Eg
minnist þess í því sambandi að ég
var á blaðamannafundi, sem hald-
inn var af sendinefnd Bandaríkj-
anna á þingi Sameinuðu þjóðanna
haustið 1960, þegar þeir Kennedy
og Nixon kepptu í forsetakosning-
um, en þingmenn, sem áttu sæti í
nefndinni svöruðu þá spurningum
um forsetaefnin og kosningarnar.
Einn þeirra var Wayne Morse
öldungadeildarmaður frá Oregon.
Hann hafði fyrst verið kosinn á
þing sem repúblikani, en gekk
sfðar í flokk demókrata og var
flokksbróðir Kennedys, þegar
gengið var til forsetakosninganna
1960. Meðal annars var Morse
spurður um hver yrði munurinn á
stefnu forsetaefnanna í utanríkis-
málum, ef þeir kæmust til valda.
Morse svaraði eftir nokkra um-
hugsun á þessa leið: Munurinn
verður ekki mikill. Stefna Banda-
ríkjaforseta í utanríkismálum
ræðst venjulega mest af því, sem
talið er þjóna best hagsmunum
Bandaríkjanna. Það hefur meira
að segja en einhverjar hugsjónir
eða stefna. Þetta þótti hreinskilnis-
legt svar og var ekki meira spurt
um þetta efni.
Ef ég væri spurður um það eftir
að hafa fylgst með fyrra einvígi
þeirra Bush og Dukakis, hvaða
mun ég sæi á afstöðu þeirra til
utanríkismála, held ég, að ég
mundi taka mér þetta svar Morses
öldungadeildarmanns í munn. Það
verða hagsmunir Bandaríkjanna,
eins og þeir eru metnir á hverjum
tíma, er munu ráða stefnu þeirra,
en vitanlega munu viss sjónarmið
eða stefna hafa áhrif á það mat.
Varðandi innanlandsmálin skiptir
þetta öðru máli. Dukakis er frjáis-
lyndari og meira fylgjandi velferð-
Dukakis og Bush.
arþjóðfélagi en Bush, en munurinn
á þeim í þessum efnum er þó minni
en t.d. Bush vill vera láta, því að
hann reynir að hræða menn með
því að Dukakis sé hættulegur
vinstri maður. f raun virðast þeir
báðir vera hófsamir miðjumenn,
Bush aðeins lengra til hægri, en er
þó hvergi nærri eins hægrisinnaður
og Reagan var, þö að hann reyni
nú að vinna hylli fylgismanna hans.
Sjónvarpseinvígi þeirra Bush og
Dukakis gæti bent til þess, að það
geti haft áhrif á úrslitin, hvort Bush
tekst að hengja vinstristimpil á
Dukakis eða hvort Dukakis tekst
að gera varaforsetaefni repúblik-
ana að grýlu.
En í stuttu máli sagt er álit mitt
á Bush og Dukakis þetta: Ef ég
væri Bandaríkjamaður, myndi ég
sofa rólegur hvor þeirra, sem yrði
sigurvegari.
HIIIHIIIIIIIIIII VIÐSKIPTALlFIÐ ili iilllllllli ..1.. ..
Verslunin gengur vel
Jens Ólafsson á að baki rúm 30 ár
sem verslunarmaður, og þar af hefur
hann starfað í 26 ár hjá kaupfélögun-
um. Lengst var hann verslunarstjóri
hjá KEA á Akureyri og hafði reynd-
ar áður starfað hjá öðrum verslunum
þar í bæ. Auk þess hefur hann verið
verslunarstjóri á Eskifirði og Horna-
firði, og fyrir nokkrum árum réði
hann sig sem kaupfélagsstjóra til
ísafjarðar. Eftir nokkurra ára starf
þar fór hann svo að Selfossi og var
þar vöruhússtjóri hjá KÁ þangað til
núna í vor.
Þá flutti hann sig um set og tók á
leigu nýlegt verslunarhús við Furu-
grund í Kópavogi sem KRON á og
hafði rekið verslun í áður. Laugar-
daginn fyrir páska opnaði hann þar
svo verslunina Grundarkjör og hefur
rekið hana síðan ásamt konu sinni,
Helgu Ólafsdóttur. Þessi versiun
hefur vakið athygli fyrir lágt vöru-
verð, og m.a. kom fram í nýlegri
verðkönnun að hún var komin í hóp
þeirra lægstu á öllu höfuðborgar-
svæðinu.
Jens sagði að reksturinn hjá sér
gengi vel. Galdurinn við að reka
verslun í dag sagði hann að lægi í því
að vinna vel og að gera hagstæð
- segir Jens Ólafsson.
Jens Ólafsson kaupmaður í versluninni Grundarkjör. (Tímamynd: Ámi Bjama.)
innkaup. „Ég ákvað strax í byrjun
að vera með lágt vöruverð," sagði
hann, „og reyna með því móti að
auka umsetninguna sem allra mest,
og það sýnist ætla að ganga. Aðalat-
riðið í rekstri eins og þessum er að
fá viðskiptavini til að koma inn í
verslunina, og það hefur svo sannar-
Iega tekist hérna. Ég er í heildina
tekið mjög ánægður, ekki síst með
það hvað Kópavogsbúar hafa tekið
þessu vel, svo að ég get ekki annað
sagt en að ég líti björtum augum til
framtíðarinnar." -esig
Hundahreinsun
í Reykjavík
Samkvæmt 5. gr. reglugerðar nr. 201/1957 um
varnir gegn sullaveiki skulu allir hundar eldri en 6
mánaða hreinsaðir af bandormum í október- eða
nóvembermánuði ár hvert.
Eigendum hundanna er bent á að snúa sér til
starfandi dýralæknis í Reykjavík með hrejnsun.
Við greiðslu árlegra leyfisgjalda þarf að framvísa
gildu hundahreinsunarvottorði.
Eldra vottorð en frá 1. september sl. verða ekki
tekin gild.
Heilbrigðiseftirlit Reykjavíkur.
Verkafólk
Rangárvallasýslu
Aðalfundur Rangæings verður haldinn í Verka-
lýðshúsinu á Hellu laugardaginn 15. október n.k.
og hefst k. 16.00.
Á dagskrá venjuleg aðalfundarstörf og kjör fulltrúa
á 36. þing A.S.Í.
Stjórnin.