Tíminn - 01.10.1988, Side 11
Laugardagur 1. október 1988
Tíminn 11
Slátursalan slær öll met:
Menn hafa ekki
við að slátra
Unnendur þinda, nýrna, hálsbita,
sviða, lifra, blóðmörs- og lifrarpylsu-
keppa, með öðrum orðum áhuga-
menn um slátur og sláturgerð, ættu
að fara að huga að árlegum sláturk-
aupum. Slátursölumenn víða um
land muna vart aðra eins ásókn í
slátur og verið hefur þessa fyrstu
daga vertíðarinnar. Selfyssingar
virðast þó fara hægar í sakir en aðrir
landsmenn því þar hefur verið frekar
róleg slátursala það sem af er. Hall-
dór Guðmundsson, hjá SS á Selfossi,
segist þó reikna með að slátursalan
glæðist í næstu viku.
Hjá Helgu Jónsdóttur hjá Afurða-
sölu Sambandsins fengust þær upp-
lýsingar að slátrin rynnu út eins og
heitar lummur. í gær var ásóknin í
slátur slík að birgðir seldust upp á
örskömmum tíma. Ný stór sending
var þó væntanleg frá sláturhúsi
Kaupfélags Borgfirðinga til dreifing-
ar í verslanir í dag. Afurðasalan
selur eingöngu frosin slátur. Heild-
söluverð á fimm slátrum er 1750
krónur en smásöluverðið er 1850
krónur. Inn í þessari tölu er 25%
söluskattur sem lagðúr var á um
síðustu áramót.
Helga segir slátursöluna mun
meiri þessa fyrstu daga en menn
hefðu átt von á. „Ég held að margir
kaupi slátur til þess að fá sviðin og
innmatinn en ekki endilega til þess
að búa til blóðmör og lifrarpylsu,"
segir Helga. Aðspurð sagði hún
sláturkaupendur vera á öllum aldri.
Yngra fólkið gæfi hinum eldri sfst
eftir í þeim efnum.
Hjá Sláturfélagi Suðurlands hefur
sömuleiðis verið bjart yfir slátursölu
síðustu daga. Sláturfélagið selur
bæði ófrosin og frosin slátur. Verð á
fimm ófrosnum slátrum er 1870
krónur en 1956 á frosnum.
Á Akureyri hefur hreinlega verið
allt vitlaust að gera í slátursölu það
sem af er sláturtíð, að sögn Óla
Valdimarssonar, sláturhússtjóra hjá
sláturhúsi KEA. „Slátursalan erslík
að við höfum hreinlega ekki undan
að slátra. Mér sýnist að við séum nú
búnir að selja á milli 15 og 16 þúsund
slátur,“ segir Óli. Hann segir að til
Vegagerð í
Hvalfirði
Nýlega var boðinn út 5,3 km
langur kafli á Vesturlandsvegi í
Hvalfirði. Þessi vegarspotti er á milli
Fossaár og Galtargils. Nánar tiltekið
við Eyri í Hvalfirði.
Tilboð voru opnuð 19. september
og bauð Klæðning hf. lægst eða 35
milljónir króna. Kostnaðaráætlun
Vegagerðar ríkisins hljóðaði hins
vegar upp á 40,5 miiljónir króna.
Framkvæmdir við vegagerðina hefj-
ast í byrjun október og er gert ráð
fyrir að vinnu við veginn sé lokið 1.
ágúst 1989. Vegurinn á þessum kafla
verður að mestu færður fjær fjaliinu
og lagður bundnu slitlagi.
Með tilkomu þessa vegarkafla
verður komið samfellt slitlag í öllum
sunnanverðum Hvalfirði og ekki eft-
ir nema tveir stuttir vegarkaflar við
olíustöðina. - ABÓ
Húsaleiga hækkar
ekki til áramóta
Hagstofan hefur sent út tilkynn-
ingu þess efnis að leiga fyrir íbúðar-
húsnæði og atvinnuhúsnæði sem
samið hefur verið um að fylgi vísitölu
húsnæðiskostnaðar skuli haldast
óbreytt í október, nóvember og
desember, frá því sem hún er nú í
september 1988.
að anna eftirspurn hafi þurft að
sækja sláturfarma austur á Kópasker
og líklega yrði þörf á frekari flutn-
ingum þaðan í næstu viku. „Þetta
byrjaði óvenju snemma hjá okkur.
Fyrstu vikurnar hafa yfirleitt verið
rólegar en nú hefur verið stanslaus
sala alveg frá byrjun.“
í þá gömlu góðu daga var til siðs í
menningarplássum um allt land að
viðskiptavinirnir kæmu með eigin
ílát undir slátrin. Þessir gamalgrónu
siðir eru í heiðri hafðir á Akureyri.
ÓIi Valdimarsson segir að fólk kunni
vel að meta að halda pakkningum
neysluþjóðfélagsins, nema plastpok-
um, frá þjóðlegum siáturkaupum.
Verðið á einu eyfirsku slátri í þvotta-
balann er 370 krónur, sem sagt 1850
krónur fyrir 5 slátur. óþh
FJÓRHJÓLADRIFINN
NISSAIM SUNNY WAGON
ÁRGERÐ 1989
Verd með aflstýri og ótal aukahlutum
kr. 753.700,-
3JA ÁRA ÁBYRGÐ
Komdu og spjallaðu við okkur, því kjörin eru hreint ótrúleg
Bílasýning laugardag og sunnudag kl. 2-5
Ingvar
Helgason hff.
Sýningarsalurinn,
Rauðageröi
Sími: 91 -3 35 60