Tíminn - 17.11.1988, Side 6

6 Tíminn
Fimmtudagur 17. nóvember 1988
Atlantal-hópurinn lýkur arðsemiskönnun
á nýju álveri í Straumsvík í mars:
Otímabærar
deilur um
nýtt álver
í>að virðist sem verið sé að gera
úlfalda úr mýflugu þegar rætt er um
deilur vegna nefndarskipana iðnað-
arráðherra í álmálinu. Ekki erneinn
ágreiningur um að þessar nefndir
skuli vinna sín verk, en Alþýðu-
bandalagið hefur mótmælt manna-
skipan í annarri þeirra. I mars er
áætlað að erlendir aðilar, Atlantal-
hópurinn s.k., muni ljúka hag-
kvæmnisathugun á byggingu nýs ál-
vers í Straumsvík og þá fyrst er að
vænta nýrra frétta í málinu.
Eins og kunnugt er skipaði Jón
Sigurðsson iðnaðarráðherra tvær
nefndir á mánudaginn til að vinna í
álmálinu svo kallaða. Annarri
nefndinni er ætlað að vera Þjóðhags-
stofnun til ráðuneytis við athugun á
þjóðhagslegum áhrifum stóriðju og
á sú athugun að fara fram í samvinnu
við Byggðastofnun og Orkustofnun.
Hin nefndin á að vera eins konar
viðræðunefnd við Atlantal-hópinn
sem skipaður er fulltrúum fjögurra
erlendra stórfyrirtækja og lætur um
þessar mundir fara fram hagkvæmn-
iskönnum á því að reisa og starf-
rækja nýtt álver við hlið þess sem
fyrir er í Straumsvík. Reiknað er
með að í mars n.k. hafi Atlantal-
hópurinn lokið við að kanna arðsemi
á nýju álveri út frá sjónarhóli er-
lendra stórfyrirtækja. Ekki er ljóst
hvenær hin nefndin skilar af sér, en
álit hennar mun koma seinna.
Það liggur þess vegna fyrir að
engin ákvörðun verður tekin varð-
andi uppbyggingu nýrrar stóriðju
eða stækkun álversins í Straumsvík
fyrr en í fyrsta lagi í mars 1989.
Innan ríkisstjórnarinnar er enginn
ágreiningur um störf og markmið
nefndanna tveggja, hins vegar mót-
mælti þingflokkur Alþýðubanda-
lagsins vinnubrögðum iðnaðarráð-
herra og þá sérstaklega að formaður
viðræðunefndarinnar við Atlantal-
hópinn skuli vera Ólafur Davíðsson
formaður efnahagsmálanefndar
Sjálfstæðisflokksins.
Samkvæmt upplýsingum Tímans
mun Alþýðubandalagsmönnum
ósárt um að ráðgjafanefndin um
þjóðhagslega hagkvæmni stóriðju á
íslandi taki sér góðan tíma til að
vinna sín störf, því ekki ríkir sam-
komulag innan ríkisstjórnarinnar
um uppbyggingu erlendrar stóriðju
hér á landi. Sá ágreiningur verður
ekki tekinn fyrir á Alþingi fyrr en
seinni part vetrar, í fyrsta lagi, enda
hvíla önnur og stærri verkefni á
herðum stjórnarliða á næstu mánuð-
um, svo sem afgreiðsla fjárlaga og
fleira.
Ný efnahagsáætlun Norðurlanda fyrir 1989-1992:
Norrænar rannsóknir á
nýtingu á fiskistofnum
Ný efnahagsáætlun Norðurlanda,
1989-1992, var samþykkt á fundi
sem fjármálaráðherrar Norðurland-
anna sátu í Kaupmannahöfn, þann
14. nóvember s.l. Meginmarkmið
áætlunarinnar er þríþætt:
Að styrkja efnahagslíf á Norður-
löndum og renna stoðum undir nor-
ræna velferðarríkið.
Að ryðja úr vegi viðskiptahömlum
milli Norðurlanda og efla þannig
sameiginlegan heimamarkað þeirra.
Að búa Norðurlöndin undir aukna
samkeppni í kjölfar sameiginlegs
markaðar Evrópubandalagsins
1992.
Lögð var megin áhersla á sérstak-
ar aðgerðir af íslands hálfu,
til að efla útflutningsiðnað og styrkja
rannsóknar- og þróunarstarfsemi á
ýmsum sviðum. Tillaga var gerð um
sameiginlegar rannsóknir Norður-
landanna á nýtingu fiskistofna og
auðlindum sjávar, og hlutu þær góð-
ar undirtektir og voru teknar með í
Efnahagsáætlunina.
í efnahagsáætlun Norðurlandanna
er sérstök áhersla lögð á aðgerðir á
sviði umhverfisverndar.' Norræni
fjárfestingarbankinn mun veita sér-
stök lán til fjárfestinga í þágu um-
hverfisverndar og Norræni iðnþró-
unarsjóðurinn mun beita sér fyrir
sérstöku tækniátaki á þessu sviði.
Gert er ráð fyrir að umtalsverðum
fjárhæðum verði varið til útflutnings
á tækniþekkingu á sviði umhverfis-
mála, t.d. til þróunarlandanna. Þá
er að finna margvíslegar tillögur um
norræn samstarfsverkefni í umhverf-
ismálum og má þar nefna rannsóknir
á áhrifum ýmissa efnasambanda í
iðnaði á lífríkið.
Sérstök áhersla er lögð á það í
efnahagsáætluninni að efla Norræna
iðnþróunarsjóðinn. Verulegum fjár-
hæðum verður varið til rannsókna á
sviði líftækni og hátækniiðnaðar og
stuðlað verður að samræmdum
gæðakröfum í viðskiptum milli
Norðurlandanna, með sérstöku tilliti
til umhverfisverndarsjónarmiða.
Ýmsar aðrar tillögur má finna í
áætluninni og má þar nefna m.a.:
Sérstök athugun verður gerð á
atvinnuþátttöku kvenna og í því
sambandi lögð áhersla á vinnutíma,
dagvistunarheimili og fjárhagslegá
stöðu barnafjölskyldna.
Áhersla á nauðsyn þess að skatt-
kerfi og opinber þjónusta taki mið af
því, hvernig bæta megi samkeppnis-
aðstöðu Norðurlanda gagnvart
öðrum.
Norðurlöndin beiti sér fyrir sér-
stakri kynningarherferð í Bandaríkj-
unum til að stuðla að fjölgun ferða-
manna til Norðurlanda.
Landbúnaðarstefnan verður tekin
til sérstakrar skoðunar með það fyrir
augum að auka hagkvæmni í rekstri
og draga úr tilkostnaði af opinberri
hálfu.
Ákveðin eru ýmis verkefni á sviði
orku- og samgöngumála.
Varðandi þann þátt efnahagsáætl-
unarinnar, sem fjallar um nánari
tengsl milli fjármagnsmarkaða á
Norðurlöndum annars vegar og í
öðrum löndum hins vegar, var hvað
ísland snertir tilgreint, að þær tillög-
ur sem þar koma fram, þörfnuðust
nánari skoðunar.
Heildarframlög Norðurlandaráðs
til Efnahagsáætlunarinnar nema alls
um 1.700 milljónum íslenskra króna,
og svarar það til u.þ.b. 10% af
fjárlögum ráðsins. Helmingur fjár-
hæðarinnar fer til rannsóknar- og
þróunarverkefna og fimmtungur til
sérstakra aðgerða á sviði umhverfis-
mála.
Áætlunin var kynnt á fundi efna-
hagsnefndar Norðurlandaráðs í
Helsingör þann 15. þ.m. og er af-
greiðsla málsins fyrirhuguð á þingi
Norðurlandaráðs í lok febrúar n.k.
Ólafur Ragnar Grímsson, fjár-
málaráðherra og Bolli Þór Bollasonj
skrifstofustjóri í fjármálaráðuneyt-
inu, sátu fundinn af íslands hálfu.
Minningarhátíð
um Magnús Jóns-
son leikstjóra
Á morgun, föstudag, kl. 17.00
opnar listakonan Kjuregej Alex-
andra, myndlistarsýningu í Ás-
mundarsal. Sýning þessi er liður í
dagskrá til minningar um Magnús
Jónsson, kvikmyndaleikstjóra, en
hann hefði orðið fimmtugur á
morgun, 18. nóvember. Að
dagskrá þessari standa ásamt lista-
konunni, ýmsir vinir og skólafélag-
ar Magnúsar Jónssonar.
Svavar Gestsson, menntamála-
ráðherra mun opna sýninguna, en
Hallveig Thorlacius kynnir dag-
skráratriði. Kl. 18.00 verður flutt
tónverk eftir Atla Heimi Sveins-
son, sem tileinkað er minningu
Magnúsar Jónssonar. Tónverkið
heitir Mysterium Tremens. Flytj-
endur eru Jóhanna Þórhallsdóttir,
Martial Nardeau, Sigurður Snorra-
son, Anna Guðný Guðmundsdótt-
ir og Pétur Grétarsson.
Á laugardag verður sýningin
opnuð kl. 14.00 og kl. 15.00 munu
Eyvindur Erlendsson og Karl
Guðmundsson lesa úr leikriti eftir
Magnús Jónsson, sem nefnist
Frjálst framtak Steinars Ólafssonar
í Veröldinni. Á sunnudag kl. 15.00
verður leiklestur á leikriti Magnús-
ar Ég er afi minn, sem sýnt var á
vegum Grímu árið 1967. Allir
leikararnir, sem þátt tóku í þeirri
sýningu annast leiklesturinn nú.
Leikstjóri nú sem þá er Brynja
Benediktsdóttir og Sigurjón Jó-
hannsson sér um umbúnað. Flytj-
endur eru: Sigurður Karlsson í
hlutverki Bróa, Björg Davíðsdóttir
sem Systa, Jón Júlíusson, pabbi,
Jóhanna Norðfjörð, mamma, Okt-
avía Stefánsdóttir sem gömul
kona, Arnar Jónsson sem sál-
fræðingur, Kjartan Ragnarsson
leikur Lillalilla og Þórhildur Þor-
leifsdóttir í hlutverki kynnis. Að-
stoðarmenn leikstjóra eru Viðar
Eggertsson og Helga Hjörvar.
Fimmtudaginn 24. nóvember
verða ýmsar uppákomur á tveggja
tíma fresti frá kl. 14.00.
Magnús Jónsson var fæddur 18.
nóvember 1938. Hann lauk stúd-
entsprófi frá Menntaskólanum í
Reykjavík vorið 1958. Ári síðar
hélt hann til náms í kvikmyndaleik-
stjórn í Moskvu og lauk námi þar
1964. Hann var meðal fyrstu ís-
lendinga sem fór til náms í þeirri
grein. Magnús gerði a.m.k. tvær
kvikmyndir, skrifaði nokkur leikrit
og leikstýrði öðrum. Hann lést 2.
desember 1979.