Tíminn - 22.04.1989, Side 4
4 Tíminn
Laugardagur 22. apríl 1989
Barnsmeðlög fyrnast aldrei og eru
innheimt útyfir gröf og dauða skuldara:
Greitt með
tólf börnum
níu kvenna
„Því hefur stundum verið haldið fram að ekki sé innheimt
meðlag með fleiri en þrem börnum eins föður/foreldris. Það
er alger misskilningur. Dæmi er um að stofnunin hefur krafist
meðlaga með tólf börnum sem öll áttu sama föðurinn, en
mæðurnar voru níu að mig minnir,“ sagði Árni Guðjónsson
framkvæmdastjóri Innheimtustofnunar sveitarfélaga.
Islandsmet?
Innheimta barnsmeðlaga er ekki í
höndum sveitarfélaga lengur, eða
síðan Innheimtustofnun sveitarfé-
laga var stofnuð 1. janúar 1972.
Stofnunin starfar samkvæmt sér-
stökum lögum frá 1971 og er hlut-
verk hennar að innheimta barns-
meðlög. Árni sagði að þegar menn
borgi ekki meðlög með börnum
sínum sjálfviljugir, komi til kasta
stofnunarinnar að innheimta þau.
Dregið er af launum skuldaranna,
gert lögtak í eignum þeirra og í raun
farið að á sama hátt og við innheimtu
opinberra gjalda.
Þegar meðlagsskylt fólk greiðir
ekki með börnum sínum, fela sveit-
arfélögin stofnuninni innheimtuna.
Árni sagði að nokkuð væri misjafnt
frá ári til árs hversu innheimtumálin
væru mörg en til dæmis hefði stofn-
unin krafist 10.685 heilsársmeðlaga
á síðasta ári. Auk þessa hefði stofn-
unin innheimt meðlög frá fólki sem
búsett er á hinum Norðurlöndunum.
Þær meðlagsskuldir sem ekki tekst
að innheimta lenda á Jöfnunarsjóði
sveitarfélaga að greiða og þar sem
innheimtan gekk óvenju illa s.l. ár
þurfti hann að reiða af hendi tals-
verðar upphæðir.
Síðastliðin fimm ár hefur sjóður-
inn þurft að greiða rúmar 146 millj-
ónir árlega vegna meðlagsskulda og
áfallins kostnaðar.
Félagsmálaráðuneytið hefur fram
til þessa annast innheimtu meðlaga
frá feðrum/foreldrum sem eru ríkis-
borgarar annarra landa en Norður-
landanna, en hefur nú nýlega falið
stofnuninni þau mál einnig. Þau
síðastnefndu eru hins vegar erfiðari
viðfangs þar sem enga aðstoð frá
stjórnvöldum er að hafa enda hafa
engir samningar um samvinnu á
þessu sviði verið gerðir við önnur
lönd en Norðurlöndin.
Mánaðarlegt meðlag er nú 5.938
krónur þannig að í fyrra innheimti
stofnunin tæpar 63,5 milljónir
króna. Árni sagði að meðlagskröfur
og lögtaksréttur vegna þeirra fyrnd-
ist ekki. Þannig er haldið áfram að
innheimta meðlög fram í rauðan
dauðann og jafnvel lengur, þvf þótt
skuldari látist, þá er krafa gerð í
dánarbú hans.
Samráðsfundur um rannsóknir og nýtingu sjávarspendýra lokið í Færeyjum:
Lögð fram drög að
samstarfssamningi
Kynningardagur
Nemendafélag Stýrimannaskól-
ans í Reykjavík heldur sérstakan
kynningardag í dag, laugardag og
hefst dagskráin klukkan 13.30.
Kennarar og nemendur munu
kynna notkun tækja skólans og veita
upplýsingar um námið, auk þess sem
sýnd verða myndbönd um sjó-
mennsku og slysavamir, og Hamp-
iðjan sýnir í fyrsta sinn nýjar neðan-
sjávarmyndir.
Af tækjum skólans sem sýnd verða
má nefna ARPA tölvuratsjá, ratsjár-
samlíki, lórantæki og fullkominn
fjarskiptabúnað fyrir landstöðvar og
gerfihnetti, auk þess sem fjölmörg
fyrirtæki kynna nýjustu fiskileitar-
og siglingartæki. -ABÓ
„Það er okkar ætlan að
halda samstarfínu áfram og
fyrir því er fullur vilji,“ sagði
Halldór Ásgrímsson sjávar-
útvegsráðherra, sem sat sam-
ráðsfund um rannsóknir og
nýtingu sjávarspendýra í
Færeyjum nú í vikunni. Þar
voru saman komnir fulltrúar
frá íslandi, Noregi, Græn-
landi, Færeyjum, Japan,
Kanada og Sovétríkjunum.
Á fundinum voru lögð fram drög
að samstarfssamningi á þessu sviði
milli þessara þjóða og ætla aðilar að
taka hann til síns heima og svara því
hvort úr slíku geti orðið. „Það væri
mjög mikilvægt ef af slíku samstarfi
geti orðið meðal þjóða við Norður-
Atlantshaf. Ég er löngu orðinn þeirr-
ar skoðunar að því samstarfi ætti að
ná, um rannsóknir, nýtingu og við-
horf til þeirra mála,“ sagði Halldór.
Hann sagðist bjartsýnni en áður eftir
ABURDAR-
•JOL/1*
DREIFARAR T-60 s
Tekur13 poka.
Hleðsluhæð aðeins 90 cm.
Ryðfrír dreifibúnaður.
Til afgreiðslu strax.
Mjög hagstætt verð og góðir greiðslu-
skilmálar.
FIATAHRAUN 29
■ H 220 HAFNARFJÖRÐUR
E3UU I F SÍMI 91-691800
þennan fund að slíkt samstarf geti
náðst.
Ákveðið var að næsti fundur yrði
í Noregi. „Mér er það jafnframt ljóst
að ef eitthvað alvarlegt gerist með
Alþjóðahvalveiðiráðið, að það reyn-
ist ógerlegt að starfa á þeim vett-
vangi og þessar þjóðir komast að
þeirri niðurstöðu, þá er Iíka mikil-
vægt að annað starf hafi átt sér
stað,“ sagði sjávarútvegsráðherra.
Hann sagði það vilja allra þessara
þjóða að Alþjóðahvalveiðiráðið
starfaði áfram, en menn gerðu sér
samt grein fyrir því að þar geti
brugðið til beggja vona. „Það var
stofnað til að stjórna hvalveiðunum
1946, en ef það breytist í algjöra
friðunarstofnun sem hefur það eina
áhugamál að aldrei verði nokkurt
dýr veitt, þá mun það enda með
ósköpum. Það er líka mikilvægt að
þjóðir, sem að slíku vinna, geri sér
grein fyrir því að það eru til aðrir
möguleikar og það rúmast innan
alþjóðalaga. Því hafréttarsáttmál-
inn, þó hann hafi ekki ennþá tekið
gildi, þá lítum við íslendingar á hann
sem slíkan, að hann sé ígildi laga.
Þar er gert ráð fyrir því að það þurfi
einungis að vera um að ræða al-
þjóðasamtök á þessu sviði, en ekki
endilega Alþjóðahvalveiðiráðið,“
sagði Halldór. -ABÓ
Bætt úr vandkvæðum með vistun kvenfanga:
Nýtt fangelsi
tekið í notkun
Nýtt fangelsi, að Kópavogsbraut
17, var tekið í notkun í gær. Fangels-
ið er einkum ætlað fyrir vistun
kvenna sem hlotið hafa refsidóma,
en einnig er ætlunin að vista karla í
fangelsinu, sem hafa tiltölulega
langa refsidóma, yfir eða um tvö ár,
þannig að þeir geti frá fangelsinu
byrjað að stunda vinnu eða nám og
haft þar aðstöðu.
Halldór Ásgrímsson dómsmála-
ráðherra sagði við opnun fangelsis-
ins að á undanförnum árum og
áratugum hefðu verið mikil vand-
kvæði, að því er varðar vistun
kvenna. Undanfarin ár hafa þrjár til
fimm konur verið í refsivistun.
í húsinu er pláss fyrir 10 fanga eins
og það er útbúið í dag, en síðan mun
kjallari hússins verða tekinn í notk-
un og verður þar hægt að vista tvo
fanga til viðbótar, auk þess sem þar
verður tómstunda- og vinnuaðstaða.
Engir rimlar eru fyrir gluggum, sem
er nýlunda og í herbergjunum eru
auk rúmsins, skrifborð, fataskápur
og handlaug. Við fangelsið starfa
átta manns.
Halldór sagði að mjög erfitt væri
fyrir fanga að fara beint út í lífið eftir
tiltölulega langa fangavist og því
mikilvægt að þessir aðilar gætu að-
lagast þjóðfélaginu vel, því ekki
væri eingöngu tilgangurinn með
fangavist að refsa fólki, heldur jafn-
framt að gera þessa þegna þjóðfé-
lagsins að betra fólki. Hann sagði að
hér væri um mikilvæga nýjung í
fangelsismálum að ræða.
Dómsmálaráðherra sagði að fang-
elsismál okkar væru ekki í góðu lagi
og stefnt væri að því að leggja niður
fangelsi sem eru í notkun í dag,
Hegningarhúsið við Skólavörðustíg
og Síðumúlafangelsið. „Þar er að-
búnaður mjög slæmur og í raun
þjóðfélaginu til skammar að þau
húsakynni skuli enn vera í notkun,"
sagði Halldór og bætti því við að um
nokkurt skeið hafi verið í bígerð að
byggja ríkisfangelsi, en alllangur
tími væri þar til af slíku gæti orðið.
-ABÓ