Tíminn - 18.05.1989, Blaðsíða 15
Fimmtudagur 18. maí 1989
Tíminn 15
......I samvinnhimái ■IIIIIIIM^^
Togarar Útgerðarfélags Skagfirðinga og Fiskiðju Sauðárkróks í höfninni á Sauðárkróki. (Ljósm.: PáH a. Páisson.)
Aðalfundur á afmælisári
Kf. Skagfirðinga á Sauðárkróki
átti sem kunnugt er aldarafmæli 23.
apríl, og hinn 3. maí hélt félagið svo
aðalfund sinn. Þar áttu að þessu
sinni rétt til fundarsetu 88 manns,
fulltrúar deilda, deildarstjórar,
stjórnarmenn, endurskoðendur og
kaupfélagsstjóri, auk allmargra
gesta.
í skýrslum Stefáns Gestssonar
stjórnarformanns og Þórólfs Gísla-
sonar kaupfélagsstjóra kom m.a.
fram að félagsmönnum fjölgaði
nokkuð s.l. ár og voru þeir 1727 í
árslok. Hins vegar fækkaði fastráðn-
um starfsmönnum um 27 og voru
þeir 231 í lok ársins. Heildarvelta
kaupfélagsins og dótturfyrirtækisins
Fiskiðju Sauðárkróks hf. var rúm-
lega 2,1 miljarður króna. Þar af var
afurðavelta rúmlega 767 miljónir
króna.
Fjárfestingar félagsins voru með
minnsta móti í fyrra, og minni en
flest undanfarin ár, eða 26,5 miljón-
ir, mest í vélum, tækjum og bifreið-
um. Bókfærðar fyrningar námu
samtals 45,5 miljónum króna.
Eignir félagsins nema rúmlega
1.524 miljónum króna, en skuldir
þess 1.016 miljónum, og eru eignir
umfram skuldir því um 506 miljónir.
Eigið fé félagsins jókst um 35,9
miljónir árið sem leið og fjármagns-
streymi varð jákvætt um rúmar 37
miljónir. Veltufjárhlutfall jókst úr
1,06 í 1,11, og eiginfjárhlutfall var
33,2% í lok síðasta árs.
Þrátt fyrir þetta var tap á rekstri
félagsins, um 36,8 miljónir, sem er
eigi að síður nokkru skárri afkoma
en 1987. Kaupfélagsstjóri taldi að
síðustu fjórir mánuðir ársins 1988
hefðu verið taplausir, og að afkoma
það sem af væri árinu 1989 væri til
muna betri en árið áður. Hann
skýrði jafnframt frá ýmsum aðhalds-
aðgerðum í rekstri, sem unnið hefði
verið að frá miðju síðasta ári og
þegar hefðu skilað umtalsverðum
árangri. Urðu bæði fjörugar og mál-
efnalegar umræður um skýrslur for-
manns og kaupfélagsstjóra á fundin-
um.
Úr stjórn félagsins áttu að ganga
að þessu sinni Þorsteinn Ásgríms-
son, Varmalandi, og Árni Bjarna-
son, Uppsölum. Árni gaf ekki kost
á sér til endurkjörs og var Bjarni
Pétur Maronsson í Ásgeirsbrekku
kjörinn í hans stað en Þorsteinn
endurkjörinn. Aðrir í stjórn eru þeir
Stefán Gestsson, Arnarstöðum,
Ríkharður Jónsson, Brúnastöðum,
Konráð Gíslason, Varmahlíð, Stef-
án Guðmundsson alþm. Sauðár-
króki og Árni Sigurðsson, Marbæli.
Fulltrúi starfsmanna er Valbjörn
Heiðar Geirmundsson rafvirki á
Sauðárkróki. -esig
Erfiður rekstur
á frystihúsinu
Kaupfélag Steingrímsfjarðar á
Hólmavík var gert upp með 18,4
miljón króna tapi árið sem leið.
Þetta kom fram á aðalfundi félagsins
sem haldinn var 6. maí. Þar kom
einnig fram að velta félagsins á
síðasta ári var 359,4 miljónir króna
ogjókstum23% fráárinuáundan.
Félagið rekur nú verslun, sölu-
skála, sláturhús og frystihús á
Hólmavík, auk útibús á Drangsnesi.
Það kom fram í skýrslu Jóns E.
Alfreðssonar kaupfélagsstjóra að
frystihúsið á Hólmavík er erfiðasta
rekstrareining félagsins, og var hluti
þess í tapi félagsins árið sem leið
15,3 miljónir. Kemur þar bæði til
almennur vandi frystihúsanna í land-
inu, og auk þess hefur verið þar nær
stöðugur skortur á hráefni. í lok
síðasta árs var gerð tilraun til að
ráða þar bót á með aðild að kaupum
á togskipi, sem þó hefur enn sem
komið er skilað Iitlum árangri.
í lok maí í fyrra var náð stórum
áfanga í sögu félagsins er það tók í
notkun nýtt og glæsilegt verslunar-
hús á Hólmavík. Voru fjárfestingar
félagsins af þeim sökum með hærra
móti árið sem leið, eða um 33
miljónir. Launagreiðslur félagsins í
fyrra voru 54,5 miljónir til 233 aðila.
Vaxtagjöld og verðbætur hjá félag-
inu voru 49,1 miljón á móti 23,2
miljónum árið á undan.
í stjóm Kf. Steingrímsfjarðar eru
Grímur Benediktsson, Kirkjubóli,
formaður, Maríus Kárason, Flólma-
vík, varaformaður, Ólafur Ingi-
mundarson, Svanshóli, Sigurður
Jónsson, Stóra-Fjarðarhomi, og
Magnús Bragason, Ytra-Ósi. Kaup-
félagsstjóri er Jón E. Alfreðsson.
-esig
rbui\i\u«i ■ nnr
Sveinbjömsd. Sigurður Geirdal
Austfirðingar
Samráðsfundur með stjórn KSFA, þingmönnum og stjórnum fram-
sóknarfélaganna verður haldinn í Valaskjálf, Egilsstöðum, laugardag-
inn 27. maí kl. 14.00
Dagskrá: 1. Frá stjórn KSFA.
2. Frá störfum félaganna.
3. Frá flokknum og flokksskrifstofunni.
4. Frá alþingismönnum.
5. Verkefni framundan
a) Fundir í kjördæminu.
b) Sveitastjórnarkosningarnar 1990.
c) Næsta kjördæmisþing.
d) Önnur mál.
Á fundinn mæta: Halldór Ásgrimsson alþm., Jón Kristjánsson alþm.,
Guðmundur Bjarnason ritari, Ragnheiður Sveinbjörnsdóttir, vararitari
og Sigurður Geirdal, framkvæmdastjóri.
Allar nánari upplýsingar hjá formanni KSFA í síma 81760 (á kvöldin.
Kjördæmissamband Framsóknarmanna á Austurlandi.
Jón Kristjánsson
/#
Bjarnason
Halldór Ásgrímsson
Landsstjórn og
framkvæmdastjórn LFK
Aðal- og varamenn eru boðaðir til fundar að Nóatúni 21, laugardaginn
27. maí kl. 10-16.
Dagskrá: Undirbúningur landsþings.
A: Málefni.
B: Framkvæmd.
C: Önnur mál.
Áríðandi er að tilkynna þátttöku í síma 91-24480.
Stjórnin.
Vestfirðingar
Vorhátíð framsóknarmanna við Djúp og í nágrenni verður haldin (
veitingahúsinu Staupasteini á ísafirði, laugardaginn 20. mai nk.
Borðhald hefst kl. 20.00, húsið opnað kl. 19.00.
Hinn landskunni Jóhannes Kristjánsson skemmtir.
Dansað fram eftir nóttu.
Þeir sem vilja tryggja sér þátttöku er bent á að skrá sig hjá einhverjum
af eftirtöidum.
Geir Sigurðsson isafirði, sími 4754.
Sigríður Káradóttir, Bolungarvík, sími 7362 og Eiríkur Ragnarsson,
Súðavík, sími 4901.
Nefndin
FUF við Djúp
Aðalfundur félagsins verður haldinn laugar-
daginn 20. maí kl. 15.00 í húsi framsóknar-
manna að Hafnarstræti 8, isafirði.
Dagskrá: Venjuleg aðalfundarstörf.
Gissur Pétursson, formaður SUF mætir á
fundinn.
Félagar fjölmennið.
Stjórnin
Gissur Pétursson.
Reykjanes
Skrifstofa Kjördæmissambandsins að Hámraborg 5, Kópavogi er
opin á mánudögum og miðvikudögum kl. 17 til 19. Sími 43222.
K.F.R.
Lokað
Vegna jarðarfarar Theódórs A. Jónssonar verður
skrifstofa Sjálfsbjargar, Dagvistun, Sjúkraþjálfun
og Heilsuræktin STJÁ, lokuð föstudaginn 19. maí
1989.
Framkvæmdastjórn.