Tíminn - 22.07.1989, Blaðsíða 20

AUGLYSINGASIMAR: 680001 —686300
L ©** 0,BILAS,0
RÉOSSKIP NÚTÍMA FLUTNINGAP SAMVIMÍ4WBAWKI j ÞRðSTUR 685060
Hatnarhúsinu v/Tryggvogölu, S 28822 VANIR MENN
PÓSTFAX
TÍMANS
687691
ríniinn
LAUGARDAGUR 22. JÚLI 1989
Eru fjölmiðlar kappsamari í að koma kvóta á svínakjötið en bændurnir sjálfir?
ÚTSALA Á LAMBAKJÖTI
BITNAR Á SVÍNAKJÖTI
„Tilefni þessarar fréttatilkynningar er sú ásókn sem við
höfum orðið fyrir af fjölmiðlum undanfarna daga, sem við
eiginlega skiljum ekki alveg. Þeir hafa mikið rætt við okkur,
en hreinlega ekki viljað hlusta á það sem við höfum að segja,
heldur viljað fá okkur til að staðfesta það sem þeir vilja segja.
Raunar er það alveg Ijóst að sumir þeirra hafa verið að búa
til sögur sem eiga ekki fyllilega við rök að styðjast. Þeir verða
sjálfsagt fyrir vonbrigðum með þetta plagg því þar segir ekki
„kvóti, kvóti“ - sem er það sem sumir virðast helst vilja heyra
núna/4 sagði Valur Þorvaldsson starfsmaður Svínaræktarfé-
lags Islands.
Svínaræktarfélagið sendi í gær frá
sér fréttatilkynningu þar sem Valur
sagði koma fram þau áhersluatriði
sem forsvarsmenn félagsins ræddu
um á fundi sínum með Jóni Sigurðs-
syni, viðskiptaráðherra s.l. miðviku-
dag. í mörgu er þar um gömul
baráttumál að ræða, m.a.: Endur-
greiðslu kjarnfóðurgjalda, endur-
greiðslu á hluta söluskatts, of há
sjóðagjöld, leyfi fyrir innflutningi
erfðaefnis til að bæta svínastofninn
og svo framvegis. Það er ekki kvað
síst „lambakjöt á lágmarksverði"
sem svínabændum finnst bitna hvað
harðast á sér nú að undanförnu.
„Við teljum að stjórnvöld þrengi
heldur mikið að greininni og viljum
reyna að losa þar um. Við teljum að
greinin sjálf sé í raun samkeppnisfær
ef hún fær að sýna hvað í henni býr,“
sagði Valur.
Eru fréttir af „kvótahugmyndum"
svínabænda þá úr lausu lofti gripnar?
Valur sagði ljóst að í félagin hafi
alltaf verið menn sem hafi viljað
kvóta og vilji enn - og aðrir sem
aldrei hafi mátt heyra minnst á kvóta
og heldur ekki núna.
„Hvað svínabændur síðar gera
veit ég vitanlega ekki. En ég held að
það sé alveg ljóst að menn vilja ekki
fórna því, sem er í núverandi stöðu,
að verðlagningin er í höndum fram-
leiðenda sjálfra. Þannig að ef menn
fara í einhverskonar framleiðslustýr-
ingu þá er það nánast víst að það er
ekki sú verðstýring sem er í öðrum
greinum núna og núverandi búvöru-
lög bjóða sem menn vilja. Ég held
að menn vilji helst markaðsstýringu,
þ.e.a.s. ef markaðurinn er látinn
það mikið í friði að hann gangi
eðlilega," sagði Valur.
Hann sagði svínabændur sætta sig
við og alltaf reikna með því að
svínaræktin sé sveiflubúgrein. Árið
1987 og fram á árið 1988 var t.d.
uppsveifla, þá var góð afkoma og
það þýðir að menn hafi aukið fram-
leiðsluna og nýir aðilar komið inn.
Nú sé aftur á móti niðursveifla - en
hún sé líka dýpri og lengri heldur en
menn eru vanir. Það sem m.a.
kemur þar inn í eru truflanir sem
orðið hafa á markaðnum.
„1 fyrsta lagi varð mikil fram-
leiðsluaukning í fyrra, í öðru lagi var
verkfall dýralækna í vor sem olli
töluverðri truflun og svo núna bætist
við þessi lambakjötsútsala sem vissu-
lega hefur áhrif á sölu svínakjöts og
annarra kjöttegunda," sagði Valur.
Er kannski ekki höfuðmálið að
menn hafa stækkað stofninn of mikið
og sitja nú með offramleiðslu, þrátt
fyrir verulega söluaukningu á síð-
ustu árum? Samkvæmt tölum Hag-
stofunnar fjölgaði fullorðnum svín-
um um 7-9% árlega 1984, ’85 og ’86,
en síðan allt í einu um 22% í
„góðærinu" 1987.
„Það er rétt að það varð mjög
aukin framleiðsla á síðasta ári, jafn-
vel óþægilega mikil eða hröð, sem
hefur áhrif núna. En okkar staðhæf-
ing er sú, að ef svínaræktin hérna
byggi við sambærileg ytri skilyrði og
í nágrannalöndum þá gætu svína-
bændur hér keppt við þau. Og
mismunurinn er í hendi stjórnvalda.
- Útsalan á lambakjötinu er þar
kannski aðalmálið. Þessi eini frjálsi
kjötmarkaður, svínakjötið, er mjög
viðkvæmur gegn sveiflum. Það er
líka ljóst að það hefur ekki verið
hægt að koma eðlilegum kostnaðar-
hækkunum út í verðlagið, sem þýðir
það að afkoman hefur verið versn-
andi og er í lægð. Verð svínakjöts
hefur nánast staðið í stað og með
útsölunni er lambakjötið nú komið
niður að því í verði.
- Það er ljóst að afkoman er bág í
greininni í heild og því auðvitað
afleit hjá þeim sem verst eru settir,“
sagði Valur.
FJÖLDI SVÍNA FRÁ 1970:
1970 667
1975 1.030
1980 1.550
1983 2.200
1984 2.360
1985 2.580
1986 2.740
1987 3.350
1988 3.450
Af þessum tölum má Ijóst vera að
framleiðsla svínakjöts hefur marg-
faldast á tiltölulega stuttu árabili.
Benda má á til samanburðar að frá
1977-1988 fækkaði sauðfé um 308
þúsund, eða um rúmlega 34% á
sama tíma og svínastofninn þrefald-
ast. -HEI
Púðursykur og króna. Efnahagsráðgjafi fjármálaráðherra segir að
Þorsteini hafi verið mikið mál að láta Ólaf Ragnar pissa í skóna:
Lítil hrifning í
stjórnarandstöðu
Stjórnarandstaðan, að
Burgaraflokki undanskild-
um, gefur lítið fyrir aðgerðir
ríkisstjórnarinnar í ríkis-
fjármálum sem kynntar
voru í fyrradag. Sami tónn
er í gagnrýni þeirra allra, þó
áherslurnar séu mismun-
andi.
Þannig hafa kvennalistakonur
talað um óskhyggju fjármálaráð-
herra þegar innlenda lánsfjáröflun
ber á góma, frjálslyndir hægri
menn hafa dregið í efa að raunhæft
sé að fórna öllu fyrir hallalausan
ríkisrekstur, einkum með þeim
ætti sem hér er gert, og formaður
Sjálfstæðisflokksins telur þessar
aðgerðir hvorki fugl né fisk, hrein-
ar gerviákvarðanir. Þorstcinn Páls-
son segir þessar ákvarðanir sýna að
verulegur munur sé milli orðs og
æðis hjá stjórnarherrunum, langur
vegur sé milli yfirlýsinga forsætis-
og fjármálaráðherra um góða
stöðu ríkissjóðs og svo fálm-
kcnndra aðgerða nú.
Már Guðmundsson efnahags-
ráðgjafi fjármálaráðherra vildi lítið
um þessa gagnrýni segja annað en
það að sér þætti einkennilegt að
formaður Sjálfstæðisflokksins oe
fyrrum forsætis- og fjármálaráð-
herra tali um það í Morgunblaðinu
að fjármálaráðherra væri að pissa í
skóinn með því að flýta innheimtu
á tveimur sköttum, þar sem slíkt
gerði ekki annað en rýra tekjur
ríkissjóðs á næsta ári. Sagði Már
að þó gjalddögum fjölgaði um einn
í ár yrðu þeir þó eftir sem áður 12
á næsta ári og árin þar á eftir. Það
að flýta gjalddaga skatts eins og
hér væri gert yki tekjurnar í ár en
hefði ekki áhrif á tekjurnar næstu
árin eða aldirnar, ekki fyrr en
íslandi væri lokað og landið gert
upp. -BG
HAUSTFERÐ í hvíld og hressingu á
Fyrsta brottför 5. september
Vikudvöl í sól, sandi og sumaryl á sumardvalarstaðnum Elenite, sem stendur við
ómengaða og tandurhreina strönd Svarta hafsins.
Hægt er að fara stutta ferð til Istanbúl. Síðan er dvalið í eina eða tvær vikur
á Sandanski heilsuhótelinu við landamæri Grikklands, sem hefur ýmislegt
upp á að bjóða til að auka vellíðan t.d. nudd, heita bakstra, vatnsnudd og
meðferð við: öndunarfærasjúkdómum t.d. asma og húðsjúkdómum t.d.
psoriasis og exemi.
Nálarstungur við ýmsum kvillum og fl. - að ógleymdum tannviðgerðum.
Farnar verða sér ferðir til Grikklands og ýmissa staða í Búlgaríu.
Farið verður í gegnum Lux-
emborg á útleiðinni en
Kaupmannahöfn í lok
ferðar. Gefst farþegum
kostur á að dvelja á báðum
stöðunum ef þeir óska.
Leitið upplýsinga og fáið bækling
FERÐA($BVAL hf
Hafnarstræti 18 - Símar 14480 • 12534
ELENITE & SANDANSKI