Tíminn - 07.09.1989, Blaðsíða 18
18 Tíminn
Fimmtudagur 7. september 1989
ÍÞRÓTTIR
„Innkaupadós“ Ævars Hjartarsonar og Ara Arnórssonar á hundrað og fimmtíu við Gunnarsholt. Ævar og Ari urðu
í öðru sæti í rallinu og sigruðu með yfirburðum í flokki óbreyttra bíla. Timamynd; stefán Hjartanon.
Alþjóðlega Bílanaustsrallið:
Bróðurlegursigur
- Ævar og Ari í 2.sæti á innkaupadósinni
Sigurvegarar í Bflanaustsrallinu
1989, tiunda alþjóðlega rallinu á
íslandi urðu bræðumir Ólafur og
Halldór Sigurjónssynir úr Njarðvík
og kepptu þeir á Talbot bfl. í öðra
sæti urðu Ævar Hjartarson og Ari
Amórsson en þeir kepptu á Suzuki
Swift en þeirra bfll er óbreyttur
ijölskyldubfll að flestu leyti.
Railið var haldið um síðustu helgi
og lauk á sunnudagskvöldinu þar
sem það hófst, í Borgartúni í
Reykjavík, framan við Bílanaust en
tuttugu bílar hófu keppni á föstudag-
inn var en í mark komust ellefu bílar.
Rallkeppni skiptist í sérleiðir og
ferjuleiðir. Ekinn var fjöldi sérleiða
sem voru misjafnlega erfiðar bílum
og ökumönnum en á sérleiðum aka
menn eins og druslurnar draga og
leiðirnar eru lokaðar allri annarri
umferð meðan á keppninni stendur.
Ralibflunum er síðan ekið eftir
ferjuleiðum milli sérleiða og þar sem
ferjuleiðimar eru venjulegir vegir,
opnir allri annarri umferð, er ekið á
þeim að öllu leyti innan ramma
almennra umferðarlaga og -reglna.
Ævar Hjartarson ökumaður Suz-
uki bílsins sem varð í öðru sæti sagði
að bíll hans og Ara Arnórssonar
væri nefndur innkaupadósin meðal
ralláhugamanna. Bíllinn er algerlega
óbreyttur sem er afar óvenjulegt nú
orðið í íþróttinni þar sem bílamir
væm meira eða minna sérhannaðir
og -smíðaðir og ættu orðið fátt
sameiginlegt með venjulegum bílum
af sömu tegundum.
„Innkaupadósin“ væri hins vegar
með óbreytta vél, drifbúnað og
hjóla- og fjaðrabúnað. Það einasta
sem væri breytt frá venjulegum fjöl-
skyldubíl af gerðinni Suzuki Swift
væri að sett hefði verið veltigrind inn
í bílinn og yfirbyggingin hefði verið
soðin samfellt saman í stað þess að
punktsjóða hana. -sá
Njarðvíkurbræðurnir Ólafur og Halldór Sigurjónssynir, sigurvegarar Bflanaustsrallsins svífa yfir rollurörahlið á
Talbot bíl SÍnum við ísólfsskála. Timamynd; Gert Wahlslriim.
Handknattleikur:
Þunglamalegt
Frá Jóhanncsi Bjaraasyni íþróttafréttaritara
Tímans á Akureyri:
Það er greinilegt að íslenska hand-
knattleikslandsliðið er ekki í góðri
leikæfingu um þessar mundir. Sókn-
arleikur liðsins A-Þjóðverjum í gær-
kvöldi var mjög þunglamalegur, en
vamarleikurinn var á hinn bóginn
oft ágætur.
Jafnræði var með liðunum framan
af fyrri hálfleik, en Þjóðverjamir
sigu fram úr á síðustu mín. og höfðu
þriggja marka forskot 12 gegn 9 í
hálfleik.
Þjóðverjar bættu síðan við for-
skotið í fyrri hluta síðari hálfleiks og
gekk íslendingum afleitlega að koma
knettinum framhjá Gunnari Schim-
rock markverði gestanna. Mestnáðu
Þjóðverjamir 5 marka forskoti 22-
17, en íslenska liðið gerði heiðarlega
tilraun til að jafna í lokin og tókst
tvívegis að minnka muninn í 1 mark.
A-Þýska liðið hélt þó haus og tryggði
sér tveggja mark sigur 24-22.
íslenska liðið verður varla dæmt
af þessum leik, marga lykilmenn
vantaði svo sem Alfreð Gíslason,
Sigurð Gunnarsson, Sigurð Sveins-
son og Einar Þorvarðarson. En hinu
verður þó ekki á móti mælt að
margir okkar snjöllustu leikmanna
áttu afleitan leik í gærkvöldi.
Homaparið Bjarki og Guðmund-
ur vom ótrúlega slakir og skomðu
samtals 1 mark. Atli Hilmarsson var
og langt frá sínu besta. Óskar Ár-
mannsson. Þorgils Óttar og Kristján
Arason léku best íslendinganna og
Guðmundur Hrafnkelsson varði
ágætlega.
Breiddin var aðall A-Þjóðverj-
anna og ómögulegt að taka einn
leikmann fram yfir aðra, nema ef
vera skildi Gunnar Schimrock mark-
vörður.
Mörkin ísland: Óskar Ármannsson 8/3,
Þorgils Óttar 5, Kristján Arason 4, Atli
Hilmarsson 2, Gunnar Gunnarsson 1,
Bjarki Sigurðsson 1 og Geir Sveinsson 1.
Guðmundur markvörður varði 12 skot.
A-Þýskaland: Hauck 4, Tripel 4, Whal
3, Winselman 3, Handschke 3, Quereng-
aesser 3, Schneider 2, Fuhrig 1 og Baruth
1. Gunnar Schimrock varði 17 skot. BL
Frjálsar íþróttir:
Hefur aldrei
æft skipulega
Jon Arnar Magnússon frjálsíþróttamaður
úr HSK æfir í Bandaríkjunum í vetur
í nýjasta hefti íþróttablaðsins, sem
nú er nýkomið út, er ýtarlegt viðtal
við frjálsíþróttamanninn Jón Araar
Magnússon úr HSK. Þar kemur
meðai annars fram að þetta „undra-
bam“ frjálsíþróttanna hefur aldrei
æft frjálsar íþróttir skipulega, en í
vetur ætlar hann að breyta til og æfa
af kappi í Bandaríkjunum.
Þar mun Jón Arnar verða í vetur
við nám í háskólanum í Monroe í
Louisiana og hefur hann fullan
skólastyrk vegna hæfileika sinna í
íþróttum.
Um síðustu helgi keppti Jón Am-
ar með íslenska landsliðinu í tug-
þraut í þriggja landa keppni í Eng-
landi. Þar náði hann þriðja besta
árangri keppenda sem voru 4 frá
hverri þjóð. Auk Islendinga kepptu
Bretar og Frakkar á mótinu. Jón
setti unglingamet er hann náði 7351
stigi úr tugþrautinni, sem var besti
árangur íslendinganna í keppninni.
Island hafnaði í 3. sæti með 20.486
stig. BL
Frjálsar íþróttir:
Sigurðurvalinn
í Evrópuúrvalið
Sigurður Einarsson spjótkastari
hefur verið valinn í úrvalslið Evrópn
í frjálsum íþróttum, sem keppa mun
á heimsbikarmótinu í Barcelona um
næstu helgi.
Upphaflega átti heimsmethafinn
Jan Zeleznys frá Tékkóslóvakíu að
keppa fyrir Evrópu hönd í spjótkast-
inu, en vegna meiðsla getur hann
ekki keppt.
Sigurði er mikill heiður sýndur
með þessu vali, en hann hefur verið
í mikilli sókn í íþrótt sinni að undan-
förau. Skemmst er að minnast fræki-
Iegs árangurs Sigurðar í úrslita-
keppni stigamóta alþjóðafrjáls-
íþróttasambandsins sem fram fór í
Mónakó á föstudaginn. Þar hafnaði
Sigurður í 3. sæti, kastaði 82,82 m.
Sigurður varð einnig 3. í heildar-
stigakeppni mótanna. Einar Vil-
hjálmsson keppti einnig í Mónakó
og varð í 5. sæti. Einar varð einnig I
5. sæti í stigakeppni mótanna. BL
Islenskar getraunir:
Tveir með 12
- Fá á fjóröa hundrað þúsund kr. í sinn hlut
Þrátt fyrir óvenjuiega skiptingu
merkja á getraunaseðlinum um síð-
ustu helgi, náðu tveir 12 leikjum
réttum.
Annar seðillinn með 12 réttum
var keyptur í Söluturninum Sogavegi
3 í Reykjavík laust fyrir hádegi á
laugardag. Þar var á ferðinni opinn
seðill að verðmæti 5.760 kr. en þýðir
að tipparinn var með tvær þrítrygg-
ingar og sex tvítryggingar. Auk 12
réttra nær eigandinn 10 röðum með
11 réttum. Hann fær því alls í sinn
hlut 354.488 kr.
Hinn seðillinn var keyptur í Fitja-
borg í Njarðvík um kl. 13 á laugar-
dag. Þar var á ferðinni einfaldur
seðill fyrir aðeins 60 kr. Því hafði
eigandinn ekki 11 rétta, en fær í sinn
hlut 309.748 kr. fyrir tólfuna. Hvor-
ugur þessara tippara studdi ákveðið
íþróttafélag.
Alls komu 34 raðir fram með 11
réttum. Vinningurinn fyrir hverja
röð er 4.470 kr.
Úrslitaröðin var þessi: 111, lxl,
xxx, xlx. BL