Tíminn - 02.11.1989, Blaðsíða 19

Fimmtudagur 2. nóvember 1989
Tíminn 19
ÍÞRÓTTIR
Skoska knattspyrnan:
Kerfisfræðingurinn í liði St.
Mirren sem talar 4 tungumál
Heilsíðuviðtal við Guðmund Torfason í skosku vikublaði um síðustu helgi
Guðmundur Torfason landsliðsmaður í knattspyrnu hefur
vakið athygli í Skotlandi síðan hann gekk til liðs við St. Mirren
í skosku úrvalsdeildinni í sumar. Þar í landi eiga menn því
ekki að venjast að knattspyrnumennimir hafi háskólamennt-
un eða tali framandi tungumál. Guðmundur, sem er kerfis-
fræðingur að mennt talar, fjögur tungumál en hinn skoski
framburður á máli engilsaxa hefúr þó nokkuð vafist fyrir
honum frá því hann kom til Skotlands. í vikublaðinu Glasgow
Weekly News um síðustu helgi er að finna heilsíðuviðtal við
Guðmund og fer það hér á eftir í lauslegri þýðingu.
Frá því St. Mirren keypti Guð- sýnt íslenskum knattspymumönnum
mund Torfason frá Rapid Vfn í
Austurríki fyrir 200 þúsund sterl-
ingspund s.l. sumar, hefur stjóm
skoska félagsins átt í miklum vand-
ræðum með að útvega atvinnuleyfi
fyrir framherjann marksækna. Um
síðir tókst að herja leyfið út gegnum
skrifræðiskerfið, en sökum þess hve
langan tíma það tók og einnig vegna
þess að Guðmundur átti við meiðsl
að stríða, var undirbúningur hans
fyrir keppnistímabilið ekki uppá það
besta. Guðmundur lék aðeins tvo
heila leiki með liðinu fyrir sjálft
keppnistímabilið, sem er ekki gæfu-
leg byrjun með nýju liði í nýju landi.
í upphafi viðtalsins segir Guð-
mundur frá ferli sínum með Fram á
íslandi og hvernig hann varð at-
vinnumaður í íþróttinni.
„Ég vann í 5 ár hjá Flugleiðum
meðan ég lék með Fram. Við leik-
mennirnir í liðinu unnum 6-8 tíma á
dag og fórum síðan á æfingu. Síðan
voru leikir tvisvar í viku. Jafnhliða
vinnunni stundaði ég nám í kerfis-
fræðum í háskólanum".
„Mér gekk mjög vel með Fram
liðinu. Sfðasta árið sem ég lék með
þeim skoraði ég 30 mörk í 39
leikjum, þar 19 mörk í 18 deildar-
leikjum, sem enn er met í íslensku
knattspyrnunni. Erlend lið sýndu
mér áhuga og úr varð að ég hélt til
Beveren í Belgíu."
„Félög um gjörvalla Evrópu hafa
áhuga og margir íslenskir leikmenn
leika á meginlandinu sem stendur.
Það er mjög uppörvandi fyrir unga
leikmenn heima á íslandi að vita til
þess.“
„Reyndar gafst mér tækifæri til
þess að halda utan þegar ég var 21
árs, en ég hafnaði því þar sem ég var
ákveðinn í því að ljúka fyrst námi.“
„Mér fannst gott að hefja atvinnu-
mannsferilinn í landi þar sem ég
þekkti einhvem, en vinur minn Arn-
ór Guðjónsen leikur með liði Ander-
lecht. Ég var nokkuð kvíðinn að
vera að flytja úr landi, en ég er
feginn því nú vegna þess að sú
reynsla sem ég hef aflað mér hefur
gert mig að betri leikmanni.“
„Eftir eitt keppnistímabil hjá Bev-
eren fór ég til Genk og þar var ég í
2 ár og skoraði um 25 mörk. Belgíska
deildin er mjög sterk og margir
leikmenn þar hafa mjög góðri tækni
yfir að ráða og eru líkamlega sterkir.
Ég lærði margt af dvölinni þar. Ég
kunni mjög vel við mig í Belgíu, en
þegar tilboð kom frá Rapid Vín í
Austuríki, gat ég ekki neitað því,
þar sem liðið er eitt af stóm nöfnun-
um í evrópskri knattspymu.“
„Ég byrjaði vel í Austurríki, gerði
7 mörk í fyrstu 11 leikjunum, en var
þá færður aftur í stöðu miðvallarleik-
manns. Ég tel mig ekki passa í þá
stöðu og undi þessu því illa. Þar að
auki vom 5 útlendingar fyrir hjá
Guðmundur Torfason með tölvuna klára á Love Street, heimavelli St. Mirren
í Skotlandi.
liðinu og aðeins má nota 2 þeirra í
senn. Ég sá því ekki fram á að ég ætti
bjarta framtíð í Austurríki.“
Guðmundur hefur leikið knatt-
spyrnu í 4 löndum þar sem töluð em
4 mismunandi tungumál, en það
hefur ekki komið að sök.
„Það er lögð rík áhersla á tungu-
málanám í íslenskum skólum. Ég
lærði ensku og þýsku og það hefur
komið sér vel í Austurríki og síðan
hérna á Skotlandi. í Belgíu er töluð
flæmska, sem er blanda af ensku,
frönsku og þýsku. Ég lærði málið
smám saman og þar sem ég kunni
ensku og þýsku þá var þetta allt í
lagi.“
„Reyndar er stærsta vandamálið
hér í Skotlandi að skilja framburð-
inn. Nokkrir félagar mínir tala mál
sem hljómar ekkert líkt ensku. Um
daginn heyrði ég einhvern segja
„doon the hull“ og eftir töluverða
umhugsun komst ég að því að hann
var að segja „down the hill“.
„Stundum verð ég að hlusta mjög
gaumgæfilega á það sem menn segja,
en vanalega endar það með því að
ég fer að skellihlæja.“
Guðmundur er staðráðinn í því að
standa sig vel í skosku úrvalsdeild-
inni og hann sýndi hvað hann getur
þegar hann gerði 2 mörk í sigri St.
Mirren á Dundee.
„Ég er nýbúinn að ná mér full-
komlega af meiðslunum og það er
erfitt að ná sér upp eftir að hafa
misst úr þjálfun á undirbúningstíma-
bilinu“.
„Nú þá er ég einnig að koma undir
mig fótunum utan vallar, því ég hef
fest kaup á húsi í Erskine, en
undanfarnar vikur hef ég búið á
hóteli. Þar sem ég er einhleypur
hefur það reynst einfaldara að flytja
frá einu landi til annars, en að búa á
hóteli er ekki mjög hagkvæmt. Þess
vegna hef ég keypt hús og nú ætla ég
að fara að koma mér vel fyrir hér í
Skotlandi".
í viðtali blaðsins við Guðmund
kemur einnig fram að Guðmundur
telur að íslenska landsliðið í knatt-
spyrnu eigi eftir að gera góða hluti í
undankeppnum fyrir næsta Evrópu-
mót og Heimsmeistarakeppni. Því
til staðfestingar bendir Guðmundur
á úrslitin gegn Sovétmönnum í
Moskvu og í Reykjavík og þá stað-
reynd að íslenskum knattspyrnu-
mönnum með liðum á meginlandi
Evrópu og á Bretlandseyjum fjölgi
stöðugt.
„Um það bil helmingur íslenska
landsliðsins eru leikmenn sem leika
erlendis og það hefur komið okkur
til góða. Ef fleiri leikmenn fylgja í
kjölfarið þá verður landsliðið ennþá
betra en það er nú“.
þýtt og endursagt-BL
Vetraríþróttahátíð á Akureyri í mars:
Listdanspar kemur
f rá Sovétríkjunum
Frá HaOdóri Ingi Ásgeirssyni frcttaritara Timans
á Akureyri:
Dagana 23. mars til 1. apríl verður
þriðja vetraríþróttahátíði ÍSÍ haldin
á Akureyri og Dalvík. Undirbúning-
ur hátíðarinnar er nú kominn á
fullan skrið, enda ætlunin að hátíðin
verði hin veglegasta. Búist er við
miklum fjölda innlendra og erlendra
keppenda og gesta á svæðið, og
verður þeim, auk hinna ýmsu
íþróttaviðburða á skíðum og skaut-
um, boðið uppá ýmislegt úr smiðju
menningar og lista á Akureyri,
hestaíþróttir, vélsleðamót o.fl.
Þessa dagana er verið að ganga frá
frumdrögum að dagskrá mótsins.
Endanlegur fjöldi keppenda liggur
enn ekki fyrir, en ljóst er að bæði
innlendir og erlendir keppendur
munu leiða saman hesta sína. Keppt
verður á skíðum og skautum, auk
sýninga á viðkomandi íþróttagrein-
um. Einnig verður boðið uppá al-
menningsíþróttir, og alþjóðlegt
skíðamót fer fram bæði í alpagrein-
um og göngu.
Hátíðin verður sett föstudaginn
23. mars á Akureyri, og síðan rekur
hver atburðurinn annan fram til 1.
apríl. Á svæði Skautafélags Akur-
eyrar verður íshokkíkeppni, listdans
á skautum, sýningar, skautatrimm
o.fl. Starfræktar verða æfingabúðir
þar sem skautaáhugamönnum gefst
kostur á að kynnast skautaíþrótt-
inni. Mesta athygli varðandi skauta-
íþróttina mun þó eflaust vekja
heimsþekkt listdanspar frá Sovét-
ríkjunum, sem leika mun Iistir sínar
á svæði skautafélagsins.
Keppt verður í norrænum grein-
um, göngu og stökki bæði í unglinga
og fullorðinsflokkum. Þá verður
boðið uppá „göngutrimm“ og sér-
staka dagskrá fyrir böm.
Keppt verður í svonefndu „skíða-
krossi" en það felst í því að 2 aðilar
keppa samtímis. Þeir fara stuttan
hring og leysa á leiðinni ýmsar
þrautir og klöngrast yfir torfærur.
Efnt verður til landskeppni í skíða-
göngu milli íslendinga, Dana og
Englendinga, en þessar þjóðir eru í
svipuðum styrkleikaflokki. Kepp-
endur frá þessum þremur þjóðum
taka síðan þátt í Alþjóðlegri keppni
í 15 km göngu, ásamt keppendum
frá Austurríki, Finnlandi og e.t.v.
fleiri löndum.
Mestur fjöldi þátttakenda verður
þó í alpagreinum. Keppt verður í
unglingaflokki, og alþjóðlegt mót
verður bæði í karla og kvennaflokk-
um bæði í svigi og stórsvigi, auk
sýninga og skíðatrimms fyrir al-
menning.
Alþjóðlega alpagreinamótið fer
fram bæði í Hlíðarfjalli og Böggvis-
staðafjalli við Dalvík. Um er að
ræða 40 stiga FIS mót, sem þýðir að
einungis sterkir skíðamenn hafa rétt
til þátttöku. Auk besta skíðafólks
fslendinga er búist við nokkrum
erlendum keppendum, þar á meðal
þekktum nöfnum.
Á meðan á hátíðinni stendur mun
íþróttasamband fatlaðra sýna marg-
breytilegar vetraríþróttir fatlaðra,
t.d. á ís, göngu- og svigskíðum og
þotum. Að lokum má nefna að.
skátar á Akureyri hafa tekið að sér
að skipuleggja fjallgöngur, leiki og
útlegur fýrir almenning.
Framkvæmdastjóri vetraríþrótta-
hátíðarinnar er Þröstur Guðjónsson.
-HIÁ
Úrslitá Evrópumótunum í knattspy rnu
í gærkvöldi voru leiknir síðari leikirnir á Evrópumótunum í knatt-
spymu. Úrslit fara hér að neðan. Úrslitin í svigunum era samanlögð úrslit
beggja leikjanna. Nafn liðsins sem kemst í 3. umferð er feitletrað.
Evrópukeppni meistaraliða
Mechelen Belgíu-Malmö Svíþjóð ............4-1 (4-1)
AEK Aþena Grikkl.-MarseiUe Frakkl...........1-1 (1-3)
CFKA Sofía Búlg.-Sparta Prag Tékkós.........3-0 (5-2)
Real Madrid Spáni-AC Mílan Ítalíu ..........1-0 (1-2)
Swarovski Tirol Austr.-Dnepropetrovsk Sovr. . 2-2 (2-4)
Nentori Tirana Alb.-Bayem Múnchen V-Þýs.. . 0-3 (1-6)
PSV Eindhoven HoII.-Steaua Búkarest Rúm. . 5-1 (5-2)
Benfica Portúg.-Honved Ungv.................7-0 (9-0)
Evrópukeppni bikarhafa
Barcelona Spáni-Anderlecht Belgíu.........2-1 (2-3)
Partizan Belgr. Júg.-Groningen Holl.......3-1 (6-5)
Ferencvaros Ungvl.-Admira Wacker Austurr. . 0-1 (0-2)
Sampdoria Ít.-Borussia Dortmund V-Þ.........2-0 (3-1)
Dynamo Berlín A-Þýsk.-Monakó Frakkl.......1-1 (1-1)
Djurgarden Sví-Real VaUadoUd Spáni..........2-2 (2-4)
Dinamo Búkarest Rúm.-Panaþinaikos Aþenu Grikk. . 6-1 (8-1)
Grassh. Zurich Sviss-Torpedo Moskva Sovr....3-0 (4-1)
Evrópukeppni félagsliða
Rapid Vín Austurr.-Club Brugge Belg.......4-3 (6-4)
Sochaux Frakklandi-Fiorentina Ítalíu........1-1 (1-1)
Karl-Marx Stadt A-Þýskal.-Sion Sviss......4-1 (5-3)
Spartak Moskva Sovétr.-Köln V-Þýsk..........0-0 (1-3)
Juventus Ít.-París St-Germain Frakkl......2-1 (3-1)
Zalgiris Vilnius Sovr.-Red Star Belgrad Júg. . . 0-1 (1-5)
Banik Ostrava Tékkósl.-Dynamo Kiev Sovétr. . 1-1 (1-4)
Auxerre Frakkl.-Rovaniemi Palloseura Finnl. . 3-0 (8-0)
Austria Vín Austurr.-Werder Bremen V-Þýskal. . . . 2-0 (2-5)
Stuttgart V-Þýs.-Zenit Leningrad Sovr.....5-0 (6-0)
Napólí Ítalíu-Wettingen Sviss.............2-1 (2-1)
Valencia Spáni-Porto Portúgal.............3-2 (4-5)
BL