Tíminn - 22.02.1990, Page 2

2 Tíminn
Fimmtudagur 22. febrúar 1990
Kvótafrumvarpið:
Framsal veiðiheimilda
er grundvallaratriði
Hagkvæmni í fískiskipaflotanum næst ekki nema með því
að veita víðtækar heimildir til að færa aflaheimildir varanlega
milli skipa. Með því móti einu geta menn hagrætt og dregið
úr sóknarkostnaði við veiðar. Þetta kom m.a. fram í ræðu
Halldórs Ásgrímssonar sjávarútvegsráðherra á þingi þegar
hann mælti fyrir frumvarpi til laga um stjórn fískveiða í
efrideild.
Halldór sagði í ræðu sinni að Ijóst
væri að viðkvæm atriði væru í þessu
máli og benti á að samkvæmt þeim
yfirlýsingum sem fylgdu frumvarp-
inu væru viðkvæmustu atriði þess
framsal veiðiheimilda, sala skipa,
útflutningur á óunnum fiski og hand-
höfn veiðiheimilda.
Sjávarútvegsráðherra sagði að
með því að veita víðtækar heimildir
til að færa aflaheimildir varanlega
milli skipa, þá gæfist aflamönnum
kostur á að njóta sín, því aflaheim-
ildir myndu leita til þeirra í framtíð-
inni, sem aflanum ná með minnstum
tilkostnaði. „Það er jafnframt eina
leiðin til að sameina aflaheimildir
skipa, fækka fiskiskipum og minnka
þar með afkastagetu flotans. Fram-
seljanlegar veiðiheimildir eru því
grundvallaratriði í þessum tillögum
um fiskveiðistjórnun,“ sagði ráð-
herra. Hann sagði að framsal veiði-
heimilda væri sá aflvaki sem stuðlaði
að aðlögun fiskiskipastólsins að
afrakstursgetu fiskistofnanna og
þannig væri lögmál markaðskerfisins
nýtt til að auka hagkvæmni veið-
anna.
Á það hefur verið bent að óheftur
flutningur veiðiheimilda valdi rösk-
un í fiskiskipaflotanum innbyrðis,
t.d. milli báta og togara og getur
jafnframt skapað staðbundin vanda-
mál í byggðarlögum sem byggja
alfarið á sjávarútvegi. Ráðherra
sagði hvað síðara atriðið varðar að
það væri í raun alls ekki bundið við
framseljanleika veiðiheimilda. Þar
væri sala skipa úr byggðarlagi eða
stöðvun undirstöðufyrirtækja í sjáv-
arútvegi vegna rekstrarerfiðleika
raunar mun líklegra til að valda
staðbundnum atvinnuvandamálum
en framseljanleiki aflaheimilda. Ef
gripið yrði til þess ráðs að hefta
framsal aflaheimilda verulega og
binda þær við tiltekin byggðarlög,
þá væri hætt við að öll þróun og
framvinda yrði stöðvuð og hag-
kvæmni aflamarkskerfisins að engu
gerð. Ráðherra sagði aðóhjákvæmi-
legt væri að taka tillit til þeirra
Halldór Ásgrímsson.
byggðarlaga sem allt sitt eiga undir
sjávarútvegi. í frumvarpinu er ekki
gert ráð fyrir neinni bindingu afla-
heimilda við byggðarlög eða land-
svæði. Sjávarútvegsráðherra sagði
að hins vegar væru sett inn ákvæði
um tilkynningarskyldu þeirra aðila
sem hyggjast selja fiskiskip eða hluta
af sínum veiðiheimildum varanlega.
Það er gert til að skapa umþóttunar-
tíma í skipasölu og ekki síst til að
gefa heimaaðilum færi á að bjóða í
þau skip sem til sölu kunna að vera.
Eins og Tíminn hefur áður greint
frá felst einnig í þessu frumvarpi
breyting á kvótaárinu, þá er og gert
ráð fyrir að öll skip verði á aflamarki
og sóknarmark lagt niður, svo fátt
eitt sé nefnt.
Lögð er áhersla á að afgreiðslu
málins ljúki fyrir þinglok í vor, þó
svo að þingstörfum ljúki nú í fyrra
lagi. En með því móti gefst aðilum í
sjávarútvegi tími til að laga rekstur
fyrirtækja sinna að breyttum fors-
endum. -ABÓ
Tillaga til þingsályktunar um stofnun alþjóðlegrar björgunarsveitar:
Björgunarþyrlur á
Vest- og Austfirði
Fyrir Alþingi liggur tillaga til
þingsályktunar um að kannaður
verði möguleiki á stofnun al-
þjóðlegrar björgunarsveitar
með aðsetur á íslandi, sem sinni
björgunarmálum á N - Atlants-
hafi og verði leitað samstarfs við
þær þjóðir er hafa hagsmuna að
gæta á þessu sviði. Þar er lagt til
að komið verði upp björgunar-
þyrlum bæði á Austfjörðum og
Vestfjörðum.
í greinargerð með tillögunni er
vitnað til hafréttarsáttmálans frá
1958, þar sem kveðið er á um
skyldur strandríkja í björgunarmál-
um. Þar segir að „sérhvert strandríki
skuli stuðla að stofnun, rekstri og
viðhaldi fullnægjandi og virkrar leit-
ar- og björgunarþjónustu vegna ör-
yggis á og yfir hafinu og skal, ef
aðstæður krefja, hafa samstarf við
nágrannaríkin um sameiginlegar
svæðisráðstafanir í þessu skyni.“
Miklar umræður hafa farið fram
um kaup á stórri björgunarþyrlu
fyrir landhelgisgæsluna og reiknaður
út kostnaður við kaup og rekstur
slíkrar þyrlu í framhaldi af því.
Jón Kristjánssun alþingismaður vill
að kannaður verði áhugi nágranna-
þjóða okkar á stofnun alþjóðlegrar
björgunarsveitar fyrir hafsvæðið
umhverfis landið.
Reiknað er með að í dag sé stofn-
kostnaður vegna fullkominnar
björgunarþyrlu um einn milljarður
króna, en leiga fyrir slíkt tæki næmi
um 100 milljónum árlega. Kaupum
á einni þyrilvængju til björgunar-
starfa hefur því ítrekað verið slegið
á frest.
Flutningsmenn tillögunnar eru
þingmennirnir Jón Kristjánsson,
Jóhann Einvarðsson og Guðni
Ágústsson. Að sögn Jóns Kristjáns-
sonar er ljóst að jafnvel þó að
fjárfest yrði í einni björgunarþyrlu,
nægði það ekki til að tryggja þann
viðbragðsflýti sem nauðsynlegur er
við björgunarstörf á hafsvæðinu um-
hverfis Iandið. Ef vel ætti að vera
þyrfti að bæta við tveimur björgun-
arþyrlum, annarri staðsettri á Aust-
urlandi og hinni staðsettri á vestur-
ströndinni.
„En þar sem við treystum okkur
ekki til þess að standa straum af
kostnaði við kaup og rekstur einnar
þyrlu, held ég að það sé rétt og
tímabært að kanna áhuga nágranna-
þjóðanna á því að taka þátt í þessu
með okkur,“ sagði Jón. Hann bætti
því við að talið væri að björgunar-
þyrla staðsett á Austurlandi hefði
getað skipt sköpum, þegar flutninga-
skipið Sineta strandaði við Skrúð og
öll áhöfn þess fórst fyrir rúmu ári.
- ÁG
Eigendurnir Qórir í nýrri aðstöðu Bflaryðvarnar hf. að Bfldshöfða 5 í
Reykjavík. Frá vinstri: Björn Jóhannesson, Lilja Guðmundsdóttir, Petra
BaldursdÓttír Og JÓn Ragnarsson. Tímamynd Ámi Bjama
Bílaryðvörn hf. flytur starfsemi sína að Bíldshöfða 5:
Bjóða átta ára
ryðvarnarábyrgð
Eftir 19 ára farsælt starf hefur
fyrirtækið Bílaryðvörn hf. flutt starf-
semi sína úr Skeifunni upp á Ártúns-
höfða, nánar tiltekið að píldshöfða
5. En það er ekki einasta að bílar séu
ryðvarðir að Bíldshöfða 5. Þar skipta
Kosningavinnan hafin á Dalvík
Undlrbúningur fyrir bæjarstjórnarkosningar á Dalvík á
vori komanda eru nú komnar á fullan skrið. Ljóst er að þrír
listar verða í framboði, Usti Framsóknarflokks, listi Sjálf-
stæðisflokks og óháðra kjósenda, og Usti jafnaðarmanna en
að honum standa Alþýðubandalag og Alþýðuflokkur ásamt
, fleirum. Þá er í gangi undirskriftasöfnun þeirra sem vilja fá
áfengisútsölu á Dalvík og eru miklar Ukur á því að jafnhUða
bæjarstjórnarkosningunum verði kosið um hvort opna skuli
slíka verslun á Dalvík.
Dalvíkingar virðast frábitnir próf-
kjörum því uppröðun á listana verð-
ur í öllum tilfellum gerð samkvæmt
tillögum uppstillinganefnda. Óskar
Pálmason sem sæti á í uppstillingar-
nefnd Framsóknarflokksins sagði að
þessa dagana væri verið að kanna
hug manna og væntalega kæmi í ljós
fljótlega hverjir kæmu til með að
skipa lista flokksins í vor. Svanhildur
Árnadóttir bæjarfulltrúi sjálfstæðis-
manna og óháðra sagði að aftur yrði
boðið fram undir þessu nafni og að
ekki yrði um prófkjör að ræða.
Uppstillingarnefnd mun gera tillögu
að lista sem borin verður undir fund
hjá Sjálfstæðisfélagi Dalvíkur og
óháðum kjósendum til samþykktar.
Alþýðuflokkur og Alþýðubanda-
lag hyggjast ganga í eina sæng og
stofna jafnaðarmannafélag sem byði
fram lista. Stofnfundur hins nýja
jafnaðarmannafélags verður um
næstu helgi, og sagði Halldór Guð-
mundsson einn forsvarsmanna fram-
boðsins að þá skýrðust málin frekar.
Halldór sagðist reikna með að efnt
yrði til skoðanakönnunar meðal fé-
lagsmanna um val á listann og upp-
stillingarnefnd myndi svo eiga loka-
orðið. Alþýðuflokkur bauð ekki
fram fyrir síðustu bæjarstjórnar-
kosningar á Dalvík, en Alþýðu-
bandalag og aðrir vinstrimenn buðu
fram sameiginlegan lista. Núverandi
bæjarstjórn á Dalvík er þannig skip-
uð að meirihluta mynda 3 fulltrúar
Sjálfstæðisflokks og óháðra ásamt 2
fulltrúum Alþýðubandalags og ann-
arra vinstri manna. í minnihluta eru
2 bæjarfulltrúar Framsóknarflokks.
- HÍA - Akureyri
þeir líka um eigendur og einnig er
hægt að leigja bíla.
Það eru athafnamennirnir Björn
Jóhannesson og Jón „rallkóngur"
Ragnarsson, ásamt eiginkonum
sínum, þeim Lilju Guðmundsdóttur
og Petru Baldursdóttur, sem komið
hafa upp sannkallaðri bílahöll á
Bíldshöfðanum. í raun er um að
ræða þrjú fyrirtæki undir einu og
sama þakinu; Bílaryðvörn hf. og
Bílahöllin hf., bílaleiga og bílasala.
Tíminn hitti á þá Björn og Jón
fyrir skemmstu og leit á aðstöðuna.
Bílaryðvörn hf. býður nú átta ára
ryðvarnarábyrgð. En hvað þýðir
það? Á ryðvörnin að duga í átta ár?
Kannski, segja þeir, en bæta við
að á tveggja ára fresti þurfa eigendur
að færa bíla sína til skoðunar þar
sem farið er yfir bílinn og hann
endurryðvarinn ef með þarf. Jón
hefur reiknað út hvernig átta ára
dæmið lítur út á núvirði. „Þetta
kostar á bilinu 34 til 36 þúsund. Þá
reikna ég með ryðvörn í upphafi sem
kostar um fimmtán þúsund krónur.
Þá bæti ég við um tuttugu þúsund
krónum sem er eðlilegt viðhald á
tímabilinu," sagði Jón Ragnarsson.
-ES