Tíminn - 14.10.1995, Blaðsíða 7

Laugardagur 14. október 1995

7
Frá vinnunni viö samningagerb í Petrapavlovsk fyrir nokkrum dögum.
Gubbrandur Sigurbsson og Benedikt Sveinsson vib kaffiborbib.
ráðnir til stjórnunarstarfa á
Kamtsjatka. Strax í fyrrakvöld
var síminn farinn aö hringja
hjá ÍS og menn farnir að
spyrjast fyrir. Tíminn til
stefnu er naumur, vertíð er að
hefjast í desember og þá þarf
allt að vera til reiðu. Af þess-
um 30 verða um 20 til sjós en
þar fer öll vinnsla aflans fram
á fjórum móðurskipum, 19
þúsund tonna skipum með
sérgreinda vinnslu á þrem
vinnsluþilförum. Þrír til fjórir
ísfisktogarar sjá hverju móð-
urskipi fyrir hráefni, auk þess
sem tveir nútímalegir vest-
rænir frystitogarar eru að
veiðum og fjórir rússneskir.
„Við veröum núna að hafa
hraðar hendur að ná saman
harðsnúnu liði fagmanna —
víkingasveit eins og við köll-
um það. Við leggjum mikið
upp úr því að þjálfa þann
mannskap saman sem eina
heild. Þeir eru að fara í erfitt
verk, og það verður að undir-
búa þá eins vel og hægt er,"
sagði Guðbrandur.
Bætir stöbu ÍS á al-
þjóba fiskmarkabi
Guðbrandur sagði að hann
hefði ekki áhyggjur af sölu-
hliðinni. Ekki heldur af vaxt-
arverkjum í kjölfar 30% veltu-
aukningar, úr 15 milljörðum í
19 á einu ári.
„Fyrir íslenskar sjávarafurðir
þýðir þetta sem sölufyrirtæki
að við gerum okkur meira
gildandi framboðsaðila á al-
þjóðlegum fiskmarkaði með
bolfisk. Við verðum með víð-
ara framboð en áður, meðal
annars með þær bolfiskteg-
undir sem mest eru seldar í
heiminum. Á síðustu þrem ár-
um höfum viö bætt við okkur
lýsing sem er veiddur við
Benjamin Wiikining rábgjafi frá
McKensey vann mikib ab samn-
ingagerbinni meb ÍS.
Þórbur Gunnarsson iögfrœbingur
var stob og stytta ÍS-manna í
Kamtsjatka á dögunum. Hér renn-
ir hann augum yfir skjölin.
Namibíu og núna Alaskaufs-
anum í Kyrrahafi, en sá fiskur
er um helmingur alls bolfisk-
afla heimsins. Þannig verðum
við meira gildandi framboðs-
aðili á heimsmarkaði," sagði
Guðbrandur Sigurðsson að
lokum. -JBP
Rússneskir sjómenn og skipverjar á einu afskipum þeim sem ÍS mun nú
annast rekstur á.
Foreldrar unglinga í sérkennslu vekja athygli á vanda barna sinna
eftir aö þau Ijúka grunnskóla:
Eiga hvorki kost
á vinnu né námi
Nemendur sem þurfa á mik-
illi sérkennslu að halda í
grunnskóla eiga fárra kosta
völ þegar honum lýkur. í vor
ljúka 48 nemendur, sem
þannig er ástatt um, grunn-
skólaprófi í Reykjavík og 10
til viðbótar ljúka grunnskól-
anum án þess að taka grunn-
skólapróf. Eini skólinn í
borginni sem sinnir þessum
hópi er Iðnskólinn sem tekur
við 12 nemendum á ári.
Liðlega 50 foreldrar grunn-
skólabarna í sérkennslu hittust
á fundi í Reykjavík í vikunni.
Foreldrarnir hafa myndað
þrýstihóp til að vekja athygli á
vanda þessara nemenda og
þrýsta á um úrbætur.
Óskar Elfar Guðbjartsson er
eitt þessara foreldra. Óskar El-
far segir að foreldrarnir líti svo
á að börnin þeirra eigi rétt á
framhaldsnámi eftir grunn-
skóla eins og aðrir. Þau hafi
hins vegar um fáa kosti að
velja.
„Ástandið er reyndar betra
víða á landsbyggðinni en í
Reykjavík. Það er ákveðin upp-
hæð ætluð til sérkennslu á
framhaldsskólastigi á hverju
ári. Skólar víða um land hafa
sótt um styrki úr þessum sjóð
en minnst í Reykjavík. Iðnskól-
inn er eini skólinn í Reykjavík
sem hefur sinnt þessum hópi
með því að taka tólf krakka í
þriggja anna starfsnám á
hverju ári. Það annar auðvitað
engan veginn þörfinni."
Öskar Elfar segir að í mörg-
um tilfellum séu krakkarnir að-
gerðalausir heima hjá foreldr-
um sínum eftir að grunnskól-
anum lýkur. Þau eigi ekki kost
á aö halda áfram námi en fái
heldur ekki vinnu. Samt eigi
þau ekki rétt á atvinnuleysis-
bótum. Það sé því brýn þörf á
nýjum úrræöum fyrir þennan
hóp.
Foreldrarnir gengu nýlega á
fund menntamálaráðherra og
gerðu honum grein fyrir vand-
anum. Óskár Elfar segir ráð-
herra hafa sýnt máli þeirra
skilning. Hann hafi sagst taka
á þessum vanda í nýju fram-
haldsskólafrumvarpi sem for-
eldrarnir hafi þó ekki séö.
Einnig hafi hann hækkaö fjár-
hæðina sem ætluð sé til sér-
kennslu á framhaldsskólastigi
úr 32 milljónum á þessu ári í
60 milljónir skv. fjárlagafrum-
varpinu fyrir næsta ár.
Óskar Elfar ítrekar þó að
ekki sé nægilegt að útvega fé ef
skólarnir, þá sérstaklega í
Reykjavík, vilji ekki taka við
nemendunum. Nauðsynlegt sé
að skipuleggja sérstakar brautir
fyrir þennan hóp sem byggi
fyrst og fremst á verklegu
starfsnámi.
Nýju samtökin verða meö
innlegg á opnum málfundi í
Norræna húsinu nk. sunnu-
dag. Yfirskrift fundarins er
„Vantar nýjar „dyr" að skóla-
kerfi okkar? Er „opinn skóli" -
„lýðskóli" lausnin? Málfundur-
inn er haldin af nefnd á veg-
um Norræna hússins sem'vill
stuðla að umræðu um hvort
þörf sé fyrir einn valkost í við-
bót í íslenska skólakerfið.
-GBK
Sameining sex sveitarfélaga á Vestfjöröum fyrir dóm kjósenda eftir
mánuö. Þorsteinn jóhannesson, formaöur samstarfsnefndarinnar:
Um framtíðarlíf
svæðisins að tefla
íbúar sex sveitarfélaga á Vest-
fjörðum, þar sem búa 4.850
manns, munu leggja dóm
sinn á sameiningu byggöar-
laganna í eitt stjórnsýslu-
svæöi þann 10. nóvember
næstkomandi. Þetta eru ísa-
fjöröur, Þingeyri, Flateyri,
Suöureyri, Mosvallahreppur
og Mýrahreppur. Hugmyndin
mætir ekki verulegu andófi,
nema helst bæjarfulltrúa Al-
þýöuflokksins á ísafiröi, Sig-
urðar Ólafssonar, formanns
Sjómannafélagsins.
„Við í samstarfsnefndinni er-
um örugglega öll á einu máli
um að eigi byggðin sér ein-
hverja framtíð, þá erum við að
horfa til næstu tíu til fimmtán
ára, þá verbur það gert svona, „
sagði Þorsteinn Jóhannessona
formaður samstarfsnefndarinn-
ar í gær.
Þorsteinn segir að hann von-
ist-til að þegar kosiö verður
muni allir skilja mikilvægi sam-
einingarinnar. Því sé ekki að
leyna að úrtöluraddir séu
nokkrar og þær láti hátt. Þar er
einkum um að ræða Sigurð Ól-
afsson bæjarfulltrúa krata á ísa-
firði og flokksbróður hans,
Guömund Sigurösson á Flat-
eyri.
Heildarskuldir sveitarfélag-
anna sex um síðustu áramót
voru rétt um 11,5 milljarðar
króna. Það þýðir skuld upp á
305 þúsund krónur á hvern
íbúa svæbisins. Reikna má með
um 140 til 170 milljón króna
framlagi úr Jöfnunarsjóði sveit-
arfélaga við sameingu, sem
kæmi til með aö lækka skuldina
í 276 þúsund krónur á hvert
mannsbarn í nýja sveitarfélag-
inu. Til viðmiðunar má benda
á að sama tala á ísafirði var 261
þúsund krónur á hvern íbúa.
Þorsteinn segir það enga
spurningu að sameiningin
mundi leiða til mikillar hag-
ræðingar fyrir alla. „Við kom-
um til meb að taka tekjurnar í
einn pott, þær aukast ekki tekj-
urnar, en skuldirnar aukast
heldur ekki við sameininguna.
En það er áreiðanlegt að þegar
til er orðið eitt sveitarfélag með
eignir bak við sig sem stendur
bak við skuldirnar þá gefst færi
á að skuldbreyta og fá hag-
kvæmari lán en nú fást. Hér er
um að ræða framtíðarlíf svæðis-
ins að ræða," sagöi Þorsteinn.
Þorsteinn segir að það sé Iífs-
hagsmunamál að íbúar svæðis-
ins starfi saman, sporni gegn
fólksfækkun og leysi verkefnin
á sem hagkvæmastan hátt.
Fólksflótti af svæbinu gæti haft
afdrifarík áhrif um svæðið allt,
ekki síst ísafjörö, sem byggir
mikið á þjónustu við nágranna
sína.
Samkvæmt lögum þarf aðeins
eitt sveitarfélag að leggjast gegn
sameiningu til að málið detti
upp fyrir. Félagsmálaráðherra
mun hins vegar hyggja að
reglugerbarbreytingum þannig
að ef tveir þriðju hlutar sveitar-
félaganna segja já, þá geti þau
sveitarfélög sameinast, en hin
detti þá upp fyrir.
Vill sjá hvab er í
pokanum
„Ég var sá eini af 36 sveitar-
stjórnarmönnum á fundi í
Holti í Önundarfirði sem
hreyfði andmælum. Ég hef
aldrei sagst vera andvígur
sameiningu og kannski er ég
mesti sameiningarsinninn
þegar öllu er á botninn
hvolft. Ég er andvígur aðferð-
inni og andvígur því sem
sveitarstjórnarmaður að vita
ekki hvab er í pokanum. Við í
bæjarstjórn getum ekki bund-
ið hendur komandi bæjar-
stjórna á þennan hátt," sagði
Sigurður Ólafsson í samtali
við Tímann í gær.
Sigurbur bendir á að spurn-
ing vakni til daemis um þjón-
ustustigið. Á ísafirði sé til
dæmis hvert snjókorn mokað
af götum. í öðru sveitarfélagi í
nágrenninu hafi menn ekki
efni á að láta moka göturnar.
Sigurður segir að í sameinuðu
sveitarfélagi sé hætta á ab
þjónustan skerðist þar sem
hún er best. Eða að jaðar-
byggðir byggðarlagsins fái
meiri þjónustu en áður.
„Betra væri ab bíða með
sameiningu, annmarkar
hennar eru of margir. Þab lof-
ar nú ekki sérlega góðu með
þau sveitarfélög sem hafa þeg-
ar sameinast, til dæmis í Vest-
urbyggð sem hefur fengið að-
vörun frá félagsmálaráðu-
neyti," sagði Sigurður.
-JBP