Morgunblaðið - 02.01.2006, Blaðsíða 4

4 MÁNUDAGUR 2. JANÚAR 2006 MORGUNBLAÐIÐ
FRÉTTIR
Nú bjóðum við síðustu sætin í sólina
til Kanaríeyja í janúar á frábærum
kjörum. Þú dvelur í tvær vikur á verði
einnar. Bókaðu og tryggðu þér sæti
og 4 dögum fyrir brottför færðu að
vita hvar þú gistir.
Skógarhlíð 18 • sími 595 1000 • www.heimsferdir.is
Stökktu til
Kanarí
10. og 17. janúar
frá kr. 39.990
Munið Mastercard
ferðaávísunina
Síðustu sætin - 2 vikur
Verð frá kr.39.990
Netverð á mann, m.v. hjón með 2 börn,
2-11 ára, í íbúð í 2 vikur 10. og 17. janúar.
Innifalið flug, skattar, gisting og íslensk
fararstjórn. Aukavika kr. 10.000 á mann
(þ.e. þriðja vikan).
Verð frá kr.49.990
Netverð á mann, m.v. 2 í herbergi/íbúð/stúdíó
í 2 vikur 10. og 17. janúar. Innifalið flug,
skattar, gisting og íslensk fararstjórn. Aukavika
kr. 10.000 á mann (þ.e. þriðja vikan).
TVÆR VIKUR
Á VERÐI EINNAR
BJÖRGVIN Franz Gíslason lék eitt
aðalhlutverkanna í áramótaskaupi
Sjónvarpsins á gamlárskvöld og má
segja að hann hafi stolið senunni
með söngatriðum þar sem hann lék
hina ýmsu skemmtikrafta þjóðar-
innar og virtist þá ekki skipta máli
hvort um væri að ræða jafnólíka
listamenn og Birgittu Haukdal,
Krumma í Mínus eða Geir Ólafsson.
Björgvin segir að afar skemmti-
legt hafi verið að vinna að gerð
skaupsins. Hugmyndin að því að
leika ólíka söngvara og poppara
kemur frá Björgvini sjálfum, en
hann hefur unnið sem skemmti-
kraftur undanfarin ár og komið víða
fram. „Þegar ég hef verið að
skemmta hef ég oft sagt gestum að
ákveðnir landsþekktir skemmti-
kraftar hafi ætlað að koma en því
miður forfallast og að ég verði að
bjarga málunum. Svo gríp ég hár-
kollu, fer í jakka og leik viðkom-
andi,“ segir Björgvin.
Mæðgin í skaupinu
Auk þess að skemmta hefur hann
haft í nógu að snúast en í vetur hefur
hann leikið í barnaleikritinu Klaufar
og kóngsdætur og talsett teikni-
myndir en fram undan hjá honum er
hlutverk í leikritinu Virkjun, sem
Þórhildur Þorleifsdóttir mun leik-
stýra. Þá hyggst hann safna hári á
næstu vikum, þar sem til stendur að
hljómsveitin The Doors Tribute
Band komi saman en þar er Björg-
vin í gervi Jims Morrisons og tekur
gamla Doors-slagara.
„Þetta er svona eins og gengur og
gerist á Íslandi, ef maður er heppinn
að þá eru mörg skemmtileg verkefni
sem maður fæst við,“ segir hann.
Lykilmenn í áramótaskaupinu á
gamlársdag voru mæðgin, því Edda
Björgvinsdóttir, móðir Björgvins,
leikstýrði skaupinu og Björgvin var í
einu aðalhlutverkanna. Fjölskyldu-
tengslin náðu reyndar enn lengra
því yngsti sonur Eddu, Róbert
Óliver, tólf ára, lék þar sjálfan for-
seta Íslands og tók sporið með Ind-
landsforseta í skemmtilegu atriði.
Enn einn ættinginn, Sara Ísabella, 7
ára, lék líka í skaupinu en Sara lýsti
framtíðardraumum sínum, sem fól-
ust meðal annars í því að kaupa
snekkju.
Björgvin viðurkennir að hann hafi
fyrir fram verið dálítið smeykur um
að tengsl hans sem leikara í skaup-
inu við leikstjórann myndu fara fyrir
brjóstið á fólki.
„En það gladdi mig svo mikið að
fólk fór að hringja eftir skaupið og
hæla mér fyrir að ég hefði staðið mig
vel og bróðir minn líka. Þannig að
eftir að fólk gladdist yfir þessu og
skemmti sér, held ég að fólk hafi
ekki litið þetta neikvæðum augum,
heldur verið jákvætt. Ég hef heyrt
margar ánægjuraddir, bæði með
skaupið og eins okkur og það gladdi
mig mikið,“ segir Björgvin og lætur
vel af samstarfi við móður sína við
gerð skaupsins, enda alvanur að
vinna með bæði móður sinni og föð-
ur. „Mér finnst gaman að vinna með
foreldrum mínum, þannig að ég
skammast mín ekki neitt fyrir
þetta,“ segir hann og hlær.
Þegar Björgvin er spurður út í
sjálft skaupið og hvort greina hafi
mátt nýjar áherslur þar miðað við
fyrri ár, t.d. minni áherslu á helstu
fréttir og viðburði ársins, segir hann
að reynt hafi verið að hafa fjölbreytt
úrval af efni í skaupinu, enda komi
allajafna nýjar áherslur með nýjum
leikstjórum.
„Það er auðvitað óhjákvæmilegt í
áramótaskaupum að tekið sé fyrir
það sem gerðist á árinu, en mér
finnst líka mikilvægt að hafa eitt-
hvert óskylt grín í þessum þáttum,“
segir Björgvin og er ánægður með
hvernig til tókst.
„Lá aldrei neitt annað fyrir“
Björgvin útskrifaðist úr Leiklist-
arskóla Íslands árið 2001 og segist
hafa fengið háskólagráðu fyrir
nokkra tilviljun, því skólinn hafi ver-
ið færður upp á háskólastig meðan
hann var í náminu og hann fékk því
BA-gráðu á endanum, þrátt fyrir að
hafa ekki lokið stúdentsprófi á sín-
um tíma. Árin í leiklistarskólanum
voru þó langt í frá hans fyrstu skref í
leiklistinni, því Björgvin hefur feng-
ist við leik og söng frá því hann man
eftir sér. Eflaust margir sem muna
eftir honum sem ungri stjörnu í Óla
prik eða úr Stellu í orlofi, en hann
gefur þó lítið fyrir þá goðsögn að
ekki rætist úr barnastjörnum. „Það
lá aldrei neitt annað fyrir en að gera
þetta,“ segir Björgvin. | 40
Leikarinn Björgvin Franz Gíslason lék stórt hlutverk í áramótaskaupi Sjónvarpsins á gamlárskvöld
Senuþjófur í söngvaragervi
Eftir Árna Helgason
arnihelgason@mbl.is
Morgunblaðið/Árni Sæberg
Björgvin segist hafa verið smeykur fyrirfram vegna tengsla sinna við Eddu
Björgvinsdóttur leikstjóra en jákvæð viðbrögð eftir á hafi glatt hann.
fjölgað jafnmikið og árið 2004 þeg-
ar nýskráðir hundar voru 299 tals-
ins.
Flestir skráðir hundar eru
blendingar, en af tegundum eru
labrador, golden retriever, íslensk-
ur fjárhundur, border collie og
cavalier king Charles algengastir.
Greinileg aukning er í fjölda smá-
hunda og líklegt að skráningu
þeirra sé nokkuð ábótavant.
Minna um lausagöngu
Fjöldi hunda, sem hafa verið
teknir af hundaeftirlitsmönnum
borgarinnar og fluttir að Leirum á
Kjalarnesi árið 2005, er 136. Árið
2004 voru þeir hins vegar 170 tals-
ins.
„Hundar sem eru merktir eru
nær undantekningarlaust sóttir af
eigendum sínum,“ segir Árný Sig-
urðardóttir, forstöðumaður Heil-
brigðiseftirlits og vöktunar um-
hverfissviðs Reykjavíkur. „Ef um
ómerkta hunda, sem ekki er vitað
um eigendur að, er að ræða er
reynt að koma þeim fyrir hjá nýj-
um eigendum. Ef það gengur ekki
þá þarf að aflífa þá. Síðan er í örfá-
um tilvikum farið fram á aflífun
hunda sem af sérfróðum aðilum
eru taldir hættulegir og hafa valdið
tjóni.“
Árný segir lausagöngu hunda
hafa minnkað undanfarin ár þrátt
fyrir að hundum hafi fjölgað. Hún
segir kvartanir sem berist á borð
hundaeftirlitsins annars eðlis en
þær voru og snúi meira að óþrifn-
aði og ónæði af völdum hunda en
lausagöngu þeirra í borgarlandinu.
Hún segir langflesta hundaeig-
endur til mikillar fyrirmyndar.
„Við teljum aðstöðu fyrir hunda í
borginni mjög góða,“ segir Árný.
„Geirsnefið er mjög glæsilegt
svæði og hefur umgengni þar batn-
að mikið.“
Gjaldskrá fyrir hundahald í
Reykjavík hefur verið óbreytt síð-
an í janúar 2003 og verður óbreytt
árið 2006. Gjöldum vegna hunda-
halds er ætlað að standa undir
kostnaði sem hlýst af hundahaldi.
SKRÁÐUM hundum í Reykjavík
fjölgaði um 75 á árinu 2005, en frá
árinu 2002 hefur þeim fjölgað um
309 samkvæmt upplýsingum
hundaeftirlits Umhverfissviðs
Reykjavíkurborgar. Eru skráðir
hundar nú 1.578 talsins. Talið er að
a.m.k. 15–20% allra hunda í borg-
inni séu óskráðir og má því leiða
líkum að því að heildarfjöldi hunda
í borginni sé á bilinu 1.800–1.900.
Skráðum hundum hefur aldrei
Mjög hefur fjölgað umsóknum
um innflutning hunda til landsins
undanfarin ár. Á árinu 2005 var
sótt um leyfi til að flytja inn 290
hunda og ketti, samkvæmt upplýs-
ingum hjá landbúnaðarráðuneyt-
inu. Um 10% umsóknanna varða
ketti en afgangurinn hunda. Árið
2004 voru umsóknirnar 248 og árið
2003 voru þær 194. Þess ber að
geta að ekki allar umsóknir enda
með innflutningi dýrs. En sé miðað
við þennan fjölda umsókna hefur
fjöldi þeirra aukist um 50% á
tveimur árum.
Róandi samvera
Jóna Th. Viðarsdóttir, formaður
Hundaræktarfélags Íslands,
HRFÍ, segir einnig hafa orðið
mikla fjölgun í skráningu hunda til
ættbókar árið 2005. „Það er sífelld
aukning og á árinu 2005 voru
skráðir rúmlega 150 fleiri hundar
til ættbókar en árið á undan,“ segir
Jóna.
Spurð um skýringuna á auknum
áhuga á hundum segir Jóna: „Fólk
er að kynnast þessum besta vini
mannsins betur og sér hvað er gott
að vera samvistum við hann. Það
fer mjög vel með hraða nútíma-
samfélagsins að eiga góðan hund.
Það er mjög slakandi að fara út að
labba með þá og róa sig niður.“
Jóna segir að sem fyrr séu
ákveðnar tegundir vinsælli en aðr-
ar. Hinn blíðlyndi Cavalier king
Charles spaniel nýtur sívaxandi
vinsælda og sömuleiðis íslenski
fjárhundurinn og labrador. „Það er
mjög jákvætt að íslenski fjárhund-
urinn njóti svona mikilla vinsælda,
enda fallegur og skemmtilegur
hundur.“
Jóna bendir á að víða megi bæta
aðstöðu fyrir hunda og hundaeig-
endur, „en við mætum alltaf meiri
og betri skilningi [yfirvalda] og ég
held að eftir því sem fleiri eignast
hunda þá aukist skilningur ráða-
manna á þessum málum. Hunda-
eigendur verða alltaf stærri og
stærri þrýstihópur.“
Eitt helsta hagsmunamál HRFÍ
nú um stundir er að aflétta banni
við hundahaldi sem t.d. gildir í
borginni. „Við teljum að það sé al-
veg kominn tími á að aflétta bann-
inu. Í sjálfu sér myndi það þýða
mjög litla breytingu aðra en þá að
það yrði jákvæðara, viðhorf til
hundahalds yrði jákvæðara.“
Minna um lausagöngu hunda í Reykjavík þrátt fyrir stöðuga fjölgun þeirra
Hátt í 2.000 hundar í borg-
inni en 20% þeirra eru óskráð
Eftir Sunnu Ósk Logadóttur
sunna@mbl.is
Morgunblaðið/Ingó

    





 

 
 
 



 



KONA, sem var að dytta að sumar-
bústað sínum nærri Laugarvatni,
fékk djúpt sár á handlegg þegar
hún fékk hjólsög í sig í gær. Konan
var ein í bústaðnum þegar atvikið
átti sér stað en komst að nærliggj-
andi bústað og fékk far í heilsu-
gæsluna að Laugarási og þaðan var
hún flutt til Reykjavíkur. Ekki var
ljóst hve alvarleg meiðslin eru.
Kona slasaðist
í hjólsagarslysi
ÍBÚI í Hafnarfirði varð fyrir því
óhappi að fá 60 gramma plasthólk,
sem virðist hafa komið úr flugeldi, í
gegnum afturrúðuna á bíl sínum á
nýársnótt.
Hugsanlegt er að um hafi verið
að ræða hólk úr skipablysi eða
neyðarblysi en ekki er ætlast til að
þeim sé skotið upp í byggð.
Plasthólkur í
gegnum rúðu