Morgunblaðið - 02.01.2006, Síða 15

MORGUNBLAÐIÐ MÁNUDAGUR 2. JANÚAR 2006 15
VIÐSKIPTI/ATHAFNALÍF
FIH Erhvervsbank í Danmörku,
sem er í eigu Kaupþings banka, hef-
ur ráðið til sín um helminginn af
verðbréfasérfræðingum Alm. Brand
Bank eða 18 starfsmenn alls, en FIH
hyggst hasla sér völl í verðbréfavið-
skiptum hið fyrsta. FIH hefur sótt
um viðskiptaaðild að kauphöllinni í
Kaupmannahöfn og hefur raunar
þegar komið sér upp fjárfestingar-
bankastarfsemi með sjö starfsmönn-
um en fram til þessa hefur FIH
einkum stundað hefðbundna
útlánastarfsemi til atvinnufyrir-
tækja.
Brian Kudsk, einn af forstjórum
Alm. Brand Bank, afhenti uppsagn-
arbréf sitt ásamt 17 öðrum starfs-
mönnum á verðbréfasviði bankans
rétt fyrir áramótin en misjafnt er
hvenær starfsmennirnir geta hafið
störf fyrir FIH; uppsagnarfrestur
þeirra er frá einum og upp í sex
mánuði eins og í tilviki Kudsk, sem
bera mun ábyrgð á greiningu og við-
skiptum með verðbréf á vegum FIH.
Málið hefur vakið umtalsverða at-
hygli í dönskum fjölmiðlum enda
munu „hausaveiðar“ í þessum mæli
vera nýlunda þar, en FIH stóð ekki
sjálft að ráðningu starfsmannanna
heldur nýtti sér þjónustu „hausa-
veiðifyrirtækis“.
Útvíkkun starfseminnar
Lars Johansen, forstjóri FIH, tók
fram í dönskum fjölmiðlum, að ekki
bæri að skilja ráðningu starfsmanna
Alm. Brand Bank sem svo að bank-
inn hefði tekið upp sérstakan „ís-
lenskan stíl“; um ár sé frá því að
FIH hefði gefið til kynna að bankinn
myndi víkka starfsemi sína og þjón-
ustuframboð. „Menn verða að seilast
í veskið ef menn ætla inn á verð-
bréfamarkaðinn. Þetta er ekki ódýr
bransi,“ sagði Johansen við Berl-
ingske Tidende.
Hann minnti einnig á að bankinn
hefði þegar ráðið átta nýja starfs-
menn á verðbréfasvið og þeir hæfu
störf nú strax á nýja árinu. Þegar
hinir 18 starfsmenn Brand Bank
bætist svo við verði FIH komið með
afar gott og sterkt 25 manna
starfslið á þessu sviði en það verður
kallað FIH Markets og mun Peter
Secher, fyrrverandi framkvæmda-
stjóri hjá Den Danske Bank, stýra
því.
Johansen segir að það muni taka
nokkra mánuði að koma upplýsinga-
málum í lag svo FIH geti tengst
kauphöllinni og verslað með hluta-
og skuldabréf. Það verði væntanlega
að veruleika á vormánuðum.
FIH Erhvervsbank
á „hausaveiðum“
Eftir Arnór Gísla Ólafsson
arnorg@mbl.is
Í verðbréfamiðlun Lars Johansen
ætlar að tengjast kauphöllinni í vor.
HEILDARVELTA í viðskiptum
með hlutabréf í desember í fyrra
var ríflega 128,6 milljarðar króna
og þar með varð heildarvelta liðins
árs í slíkum viðskiptum ríflega
1.204 milljarðar króna. Er það í
takt við þá spá sem sett var fram í
Viðskiptablaði Morgunblaðsins
þann 1. desember sl. en þar kom
fram að velta í hlutabréfaviðskipt-
um á árinu stefndi yfir 1.200 millj-
arða, sem samsvarar 1,2 billjónum
króna. Miðað við veltu ársins 2004
er hér um nær 60% aukningu að
ræða.
Úrvalsvísitala aðallista hefur
einnig hækkað verulega á liðnu ári
en lokagildi hennar var 5.534,39
stig og hefur hún aldrei verið
hærri. Á síðasta viðskiptadegi 2004
var lokagildi vísitölunnar 3.559,6
stig og hefur hún því hækkað um
64,73% á árinu og er það meiri
hækkun en annars staðar í Evrópu.
Bakkavör og Landsbanki
Bakkavör var það fyrirtæki sem
hækkaði mest í verði á árinu en alls
hækkaði gengi bréfa bankans um
109,5%. Næstmest var hækkun
bréfa Landsbankans, 109,1%, en
þar á eftir kemur FL Group með
94% hækkun.
Tekið skal fram að hér er miðað
við óleiðrétt dagslokagildi en í síð-
ustu hálffimmfréttum KB banka á
árinu kemur fram að miðað við leið-
rétt dagslokagildi hafi gengi bréfa
Landsbankans hækkað um ríflega
112%, bréfa Bakkavarar Group um
ríflega 110% og bréf FL Group um
tæplega 102%.
Flaga og SÍF lækka
Meðal þeirra félaga sem ekki voru
reiknuð með í Úrvalsvísitölunni á
síðari hluta ársins hækkaði gengi
Dagsbrúnar mest, um 87,5%.
Aðeins þrjú félög lækkuðu í verði
á árinu en þar af voru tvö, Flaga og
SÍF, í Úrvalsvísitölunni. Þriðja fé-
lagið lækkaði mest en það er Fisk-
eldi Eyjafjarðar, sem lækkaði um
80%. Gengi bréfa Flögu lækkaði um
24,4% og SÍF lækkaði um 16,2%.
Af því sem fram kemur hér að
framan er ljóst að árið sem leið var
flestum fjárfestum gjöfult og má
því segja að kátt hafi verið í höllinni
á árinu 2005, eins og komist er að
orði í Vegvísi geringardeildar
Landsbankans í árslok.
Kátt í höllinni
á liðnu ári
Eftir Guðmund Sverri Þór
sverrirth@mbl.is
      

%
&&'
(

 








  
SEÐLABANKINN mun fara með
stýrivexti hæst í 11,5% undir mitt ár
og halda vöxtum háum fram í árs-
byrjun 2007, en hefja síðan lækkun-
arferli samfara lokum stóriðjufram-
kvæmda og rénun í vexti innlendrar
eftirspurnar, gangi spá greiningar-
deildar Íslandsbanka eftir.
Greiningardeildin gerir ráð fyrir
0,25 prósentustiga hækkun stýri-
vaxta 26. janúar næstkomandi, 0,50
prósentustiga hækkun 30. mars og
0,25 prósentustiga hækkun 18. maí.
Eftir það verði stýrivextir að líkum
óbreyttir út næsta ár en 2007 muni
einkennast af vaxtalækkun sem
standa mun allt það ár. Í Morgun-
korni segir að Seðlabankinn hafi
komið á óvart með hækkun stýri-
vaxta um 0,75 prósentustig í sept-
ember samhliða útgáfu Peninga-
mála. Bankinn gaf þá til kynna að
fram undan væri meiri vaxtahækkun
en almennt væri reiknað með.
Spáir 11,5% stýrivöxtum