Réttur - 01.05.1953, Side 16

104
RETTUR
falla bætumar niður, ef heildartekjurnar nema rúml. 19000
krónum. Samkvæmt tillögu sósíalista mega heildartekj-
urnar nema allt að 26 þúsund krónum áður en bótagreiðslur
falla niður. Þessar tillögur voru þó aðeins miðaðar við þá
fjárhæð, sem tryggingarnar höfðu til ráðstöfunar eins og
sakir stóðu í þinglok. Hvorttveggja var fellt af hinum
flokkunum.
Baráttan fyrir endurbótum á almannatryggingunum
heldur áfram. Hitt er þó aðalatriðið, að blómlegt atvinnu-
líf og afkomuöryggi landsmanna er nauðsynleg undirstaða
undir tryggingarkerfinu. Þessvegna er það fyrsta skilyrðið,
að víkja þeim flokkum til hliðar, sem eru að kippa þessum
grundvelli undan tryggingunum með allri stefnu sinni í
efnahagsmálum. Til þess að baráttan fyrir auknu félags-
legu öryggi beri árangur, þurfa kjósendurnir að sjá um að
gagnger breyting verði á skipan Alþingis.