Morgunblaðið - 11.04.2006, Blaðsíða 20

20 ÞRIÐJUDAGUR 11. APRÍL 2006 MORGUNBLAÐIÐ
ERLENT
JACQUES Chirac, forseti Frakklands, tilkynnti í
gær eftir fund með helstu ráðherrum stjórnarinn-
ar að hann myndi afturkalla umdeilda atvinnulög-
gjöf, sem ætlað var að gera atvinnurekendum auð-
veldara um vik að vísa starfsmönnum yngri en 26
ára úr starfi.
Ákvörðunin þykir mikill sigur fyrir námsmenn
og verkalýðsfélög sem hafa á síðustu tveimur
mánuðum staðið fyrir einhverjum fjölmennustu
mótmælum í sögu landsins gegn löggjöfinni sem
bar heitið „Contrat premiére embauche“ (CPE)
og þýða má sem „fyrsti vinnusamningurinn“.
Að sama skapi þykir niðurstaðan mikið áfall fyr-
ir Dominique de Villepin forsætisráðherra sem
ávarpaði þjóðina í sjónvarpi í gær. „Hin nauðsyn-
legu skilyrði trausts og sáttar voru ekki til staðar
á meðal ungs fólks eða atvinnurekenda til að gera
samþykkt CPE mögulega,“ sagði de Villepin. „Það
skildu ekki allir lögin og ég harma það.“
Í staðinn hyggst stjórnin leggja fram nýtt frum-
varp fyrir „ungmenni í erfiðleikum“, sem felst m.a.
í niðurgreiðslum til atvinnurekenda til að fjölga
störfum fyrir unga Frakka. Þrátt fyrir að lögin
verði afturkölluð hafa stærstu samtök háskóla- og
framhaldsskólanema boðað áframhaldandi mót-
mæli í dag til að þrýsta enn frekar á stjórnina um
að falla frá slíkum frumvörpum í framtíðinni.
Hefur áhrif á forsetakosningar
Vegna harðrar afstöðu sinnar í málinu hefur
fylgi de Villepins hrunið á síðustu vikum, en sam-
kvæmt könnun tímaritsins L’Express mælist
stuðningur við de Villepin nú 28% en var 48% í jan-
úar. Til marks um stuðning de Villepins við lögin
höfðu þingmenn nánir forsætisráðherranum áður
sagt að hann hefði hótað Chirac afsögn yrðu þau
ekki að veruleika. Því þykir afar ólíklegt að de
Villepin muni eiga raunhæfa möguleika í forseta-
kosningunum á næsta ári, en hann hefur löngum
verið talinn líklegur arftaki Chiracs í embætti for-
seta. Gæti sú staða rutt brautina fyrir hinn um-
deilda Nicolas Sarkozy innanríkisráðherra í kosn-
ingunum, en hann hefur leitt viðræður stjórnvalda
við verkalýðsfélög vegna málsins. Þessu til stuðn-
ings hafa stjórnmálaskýrendur upp á síðkastið
haft á orði að Sarkozy hafi komið fram af slægð í
deilunni með því að sitja á hliðarlínunni á meðan
fylgið hrundi af de Villepin.
Atvinnuleysið víða gríðarlegt
Þótt námsmenn og verkalýðsfélög hafi fagnað
„afgerandi sigri“, eins og námsmannaleiðtoginn
Bruno Juillard orðaði það, er ljóst að mikið at-
vinnuleysi ungs fólks í Frakklandi mun varla
dvína. Mælist atvinnuleysi Frakka undir 26 ára
aldri að meðaltali um 22 prósent, en í hverfum inn-
flytjenda er það víða mun hærra og mælist allt að
50 prósent sums staðar.
Í upprunalegri útgáfu laganna átti að heimila
atvinnurekendum að vísa starfsmönnum yngri en
26 úr starfi án ástæðu á fyrstu tveimur árum
starfssamnings, í því skyni að auka sveigjanleika á
franska atvinnumarkaðnum. Vegna þeirrar
óánægjuöldu sem skapaðist vegna frumvarpsins
ákvað Chirac að freista þess að ná sátt um mála-
miðlun um lögin, þegar hann tilkynnti Frökkum í
sjónvarpsávarpi 31. mars að hann myndi sam-
þykkja þau. Fólst sú tillaga í því að reynslutíma-
bilið var stytt í eitt ár, ásamt því að atvinnurek-
endur þurftu að gefa upp ástæðu fyrir uppsögn.
Er áætlað að kostnaður stjórnvalda vegna nýja
frumvarpsins verði ekki undir 40 milljörðum ís-
lenskra króna á tímabilinu 2006–2007.
Chirac forseti afturkallar
umdeild atvinnulög
Eftir Baldur Arnarson
baldura@mbl.is
AP
Stúdentaleiðtoginn Bruno Julliard sigri hrós-
andi á fundi með verkalýðsleiðtogum í gær.
Námsmenn og verkalýðsfélög í Frakklandi fagna „afgerandi sigri“
Nýju-Delhí. AFP. | Að minnsta 100 fór-
ust í eldsvoða á Indlandi í gær þegar
eldur læsti sig í sýningartjöld á raf-
tækjasýningu í borginni Meerut, sem
er um 80 km norður af Nýju-Delhí.
Um 150 manns hafa verið lagðir inn á
sjúkrahús vegna brunans, en sjónar-
vottar segja flesta hina látnu hafa
verið konur og börn.
„Nærri því 40 prósent slasaðra eru
með alvarleg brunasár,“ sagði lækn-
irinn C.B. Palliwal, sem bætti við að
sjúkrahúsið sem hann starfaði hjá
hefði ekki yfir að ráða nauðsynlegum
búnaði til að sinna sjúklingum með
brunasár.
Um var að ræða yfir hundrað
metra löng tjöld sem voru tengd með
sameiginlegum göngum. Vegna þess
að sýningarhaldarar höfðu sett upp
sölubása á endum tjaldanna áttu sýn-
ingargestir engrar undankomu auðið
þegar eldurinn tók að breiðast um
eldfim tjöldin.
Yfirvöld segja hættu á slysum
gjarnan skapast vegna slíkra atburða
í Indlandi, þegar mikil mannþröng og
litlar öryggisráðstafanir fara saman.
Minnst 100
fórust í
eldsvoða
Bristol. AP. | Borgarráð í Bristol á
Englandi staðfesti í gær að vinnu-
máladómstóll hefði vísað frá mál-
sókn bresks kennara, sem hafði far-
ið í mál vegna hávaða í stól í
kennslustofunni.
Staðfesti borgarráðið að dóm-
stóllinn hefði vísað frá umkvört-
unum Sue Storer, aðstoðaryfir-
kennara í Bedminster Down-fram-
haldsskólanum. Snerist kvörtun
Storers um að skólinn hefði ekki
orðið við beiðni um að fjarlægja
stól, sem gaf frá sér vandræðalegt
„viðreksturs-hljóð“ í hvert sinn sem
einhver settist á hann.
Storer sagði stólinn uppsprettu
vandræðalegra tilvika, sérstaklega
á fundum kennara og foreldra.
Hávaði í stólnum
Berlín. AP, AFP. | Matthias Platzeck,
formaður þýska Jafnaðarmanna-
flokksins (SPD), hefur látið af emb-
ætti fimm mánuðum eftir að hann
var valinn eftirmaður Gerhards
Schröders, fyrrverandi kanslara.
Platzeck er 52 ára og segist hætta af
heilsufarsástæðum.
Platzeck fór heim af sjúkrahúsi í
liðinni viku en þar hafði hann verið í
12 daga vegna heyrnarvandamáls.
Sagðist hann í gær hafa lent í svip-
uðum vandamálum í ársbyrjun, einn-
ig fengið taugaáfall í febrúar og ætti
við blóðrásarvandamál að stríða.
Platzek er afar vinsæll af alþýðu
og rætt um að hann yrði kanslaraefni
SPD í næstu kosningum.
Kurt Beck, forsætisráðherra í
Rheinland-Pfalz, tekur við for-
mennsku í SPD. Hann er 57 ára
gamall, rafvirki að mennt og á auð-
velt með að ná til kjósenda. „Ég er
áfram með báða fætur á jörðinni,“
sagði hann í gær eftir kjörið.
Reuters
Matthias Platzeck (t.v.) á leið á
blaðamannafund í Berlín í gær
ásamt arftakanum, Kurt Beck.
Platzek
segir af sér
formennsku
Katmandú. AFP. | Mikil spenna er nú
í Katmandú, höfuðborg Nepals, en
síðustu þrjá daga hefur útgöngu-
bann verið í gildi í borginni að fyr-
irskipun yfirvalda, sem brjóta vilja
á bak aftur mótmæli gegn konungi
landsins, Gyanendra. Þrír biðu
bana í hörðum bardögum er tengd-
ust mótmælunum um helgina, en
þúsundir manna hunsuðu þá út-
göngubannið.
Öryggislögreglan hefur haft fyr-
irmæli um að skjóta hvern þann
sem sést á ferli á meðan útgöngu-
bann varir, en í gær átti það að
gilda milli 5.15 um morguninn og
12.15 á hádegi. Þrátt fyrir útgöngu-
bannið höfðu þó nokkur hundruð
manns safnast saman í Kirtipur-
hluta borgarinnar í gærmorgun og
söng fólkið lýðræðissöngva og
hrópaði slagorð gegn konunginum.
Á sunnudag lauk fjögurra daga
verkfalli sem stjórnarandstaðan í
landinu efndi til í því skyni að mót-
mæla framgöngu Gyanendra kon-
ungs. Stjórnvöld fullyrtu hins vegar
að uppreisnarsveitir maóista hefðu
tekið mótmælin yfir, því væri nauð-
synlegt að bregðast hart við. Bann-
aði stjórnin alla fjöldafundi seint í
síðustu viku, setti útgöngubann,
lokaði fyrir öll farsímasamskipti og
lét handtaka hundruð stjórnarand-
stæðinga. Hafa þessar aðgerðir
sætt gagnrýni heima og heiman.
Gyanendra konungur rak ríkis-
stjórn sína fyrir rúmu ári síðan og
tók öll völd í Nepal í sínar eigin
hendur. Taldi hann ekki að nægi-
lega hart hefði verið tekið á upp-
reisn maóista, sem kostað hefur
13.000 manns lífið frá því að hún
hófst.
AP
Tiltölulega rólegt var í Katmandú í gær en í nokkrum hverfum kom til bardaga. Á myndinni sjást lögreglumenn berja á einum stjórnarandstæðinga.
Mikil spenna í Katmandú
Algert útgöngubann í höfuðborg
Nepals þriðja daginn í röð
♦♦♦