Morgunblaðið - 19.07.2006, Qupperneq 7

MORGUNBLAÐIÐ MIÐVIKUDAGUR 19. JÚLÍ 2006 7
FRÉTTIR
Góðir farþegar
Við minnum á að framkvæmdir standa yfir
í Flugstöð Leifs Eiríkssonar og hvetjum því
farþega til að gefa sér góðan tíma fyrir flug.
Ókeypis sætaferðir
frá BSÍ kl. 4.30 í boði
Flugstöðvar Leifs Eiríkssonar
Finnið rúturnar með okkar merki
Farþegar eru vinsamlegast beðnir
um að sýna farseðil
FLUGSTÖÐ LEIFS EIRÍKSSONAR
Gefðu þér tíma
í Flugstöð Leifs Eiríkssonar
Innritun hefst kl. 5.00 eða 2 tímum fyrir brottför
Tilboðið gildir til 31. ágúst 2006
Njótið ferðarinnar,
mætið tímanlega
HJÓN á áttræðisaldri voru flutt á
slysadeild Landspítala – háskóla-
sjúkrahúss á sjöunda tímanum á
mánudag eftir jeppabifreið þeirra
valt í Norðurárdal. Samkvæmt upp-
lýsingum frá lögreglunni í Borg-
arnesi voru tildrög slyssins þau að
ökumaður jeppans reyndi fram-
úrakstur á norðurleið, rétt sunnan
við bæinn Hvamm. Maðurinn var
með hjólhýsi í eftirdragi og tók það
að rása við tilraunina. Við það missti
ökumaður stjórnina með þeim af-
leiðingum að bifreiðin valt.
Maðurinn var útskrifaður þá þeg-
ar um kvöldið en kona hans þurfti að
liggja yfir nótt vegna áverka. Hún er
þó ekki talin alvarlega slösuð. Bif-
reiðin er gjörónýt.
Velti bifreið eftir
framúrakstur
SIGLINGASTOFNUN og syst-
urstofnun hennar í Noregi, Kystver-
ket, hafa ákveðið að efla samstarf
sitt. Sérstök áhersla verður lögð á
vöktun skipumferðar á hafsvæðinu
milli Noregs og Íslands og miðlun
upplýsinga um veður og sjólag á
svæðinu, að því er fram kemur á vef
Siglingastofnunar.
„Þetta er mjög mikilvægt þar sem
nú er orðið ljóst að Ísland kemur til
með að liggja í þjóðbraut siglinga um
Norður-Atlantshafið næstu árin.
Það sem mestu ræður þar um er
stóraukin umferð stórra tankskipa
sem flytja munu gas og olíu frá Rúss-
landi og Noregi til Bandaríkjanna. Í
báðum löndunum er nú unnið að upp-
byggingu móttökubúnaðar fyrir sjálf-
virkt auðkennikerfa skipa (AIS) og
ætlunin er að miðla upplýsingum úr
þessum kerfum milli landanna.
Þá er ætlunin að útvíkka til austurs
svæðið sem upplýsingakerfi Sigl-
ingastofnunar um veður og sjólag
nær yfir þannig að það nái allt inn að
landgrunni Noregs,“ segir í frétt Sigl-
ingastofnunar.
Á vef Kystverket kemur m.a. fram
að samstarf þetta sé í samræmi við
reglur Evrópusambandsins um vökt-
un skipaumferðar við Evrópustrend-
ur. Í kerfinu verður hægt að afla upp-
lýsinga um veður á Norður-Atlants-
hafi, allt frá Noregsströndum að
austurströnd Ameríku. Siglinga-
stofnun og Kystverket hafa um árabil
átt gott samstarf. Þar má nefna að-
komu Siglingastofnunar að hönnun
grjótgarða í höfnum í Noregi og að-
stoð Norðmanna við að undirbúa
skipulag öryggiseftirlits (hafn-
arverndar) í höfnum hér á landi.
Vöktun
skipaumferðar
á N-Atlantshafi
verður efld
ATLANTSOLÍA, Orkan og ÓB hafa
hækkað eldsneytisverð á sjálfs-
afgreiðslustöðvum sínum eins og
önnur olíufélög. Bensínlítri kostar
131,20 krónur á stöðvum Orkunnar
og dísilolíulítrinn 123,80 krónur en
á stöðvum Atlantsolíu, ÓB og Ego
er verðið 0,10 krónum hærra.
Hækka líka
eldsneytisverð
VEIÐAR á hreintörfum hófust 15.
júlí síðastliðinn. Veiðar gengu vel
fyrsta veiðidag tímabilsins, að því er
fram kemur á heimasíðu veiðistjórn-
unarsviðs Umhverfisstofnunar
(UST). Fyrsta daginn féllu átta tarf-
ar og voru menn sammála um dýrin
hefðu verið ágætlega á sig komin,
þótt enn vantaði nokkuð upp á að
tarfarnir væru orðnir vel vænir sem
er eðlilegt á þessum tíma. Á mánu-
dagskvöld var búið að fella 11
hreintarfa.
„Menn eru bjartsýnir og stórar
hjarðir nálægt veginum á Fljótsdals-
heiði, þar sem þægilegt er að skoða
þau. Þar eru bæði kýr með kálfa og
eins tarfahópar,“ sagði Jóhann G.
Gunnarsson, starfsmaður UST á
Egilsstöðum. Hann sagði að aldrei
hefði verið úthlutað jafn mörgum
hreindýraveiðileyfum og í ár, eða
909 alls. Leiðsögumenn hreindýra-
veiðimanna eru um 80 talsins.
„Menn eru alltaf jafn spenntir og
hlakka til veiðanna. Maður heyrir á
þeim sem fá leyfi aftur og aftur að
þeim finnst það orðið hluti af tilver-
unni að fara í hreindýr. Ef þeir fá
ekki leyfi finnst þeim eitthvað vanta.
Það hljóta að vera meðmæli með
hreindýraveiðum,“ sagði Jóhann.
Veiðar á hreinkúm, og kálfum sem
fylgja felldum kúm, hefjast svo 1.
ágúst næstkomandi. Hreindýra-
veiðitímanum lýkur 15. september.
Hreindýraveiðin hafin
Morgunblaðið/Sigurður Aðalsteinsson
VEGNA óviðráðanlegra orsaka
seinkar útkomu Viðskipta-
blaðsins, þ.e. þess hluta sem
dreift er með Morgunblaðinu.
Blaðið berst því til áskrifenda
með Morgunblaðinu á morgun,
fimmtudag. Vonir stóðu hins
vegar til þess að sá hluti sem
Íslandspóstur dreifir næði til
áskrifenda í dag. Viðskipta-
blaðið í dag er hins vegar að-
gengilegt á vef þess, vb.is, á
pdf-formi. Áskrifendur Við-
skiptablaðsins eru beðnir vel-
virðingar á þessu.
Viðskipta-
blaðinu
seinkar