Morgunblaðið - 19.07.2006, Side 19

MORGUNBLAÐIÐ MIÐVIKUDAGUR 19. JÚLÍ 2006 19
MENNING
Hinn eini sanni Primus í ferðalagið!
H
im
in
n
o
g
h
a
f/
S
ÍA
Fiskislóð 1 • Sími 580 8500 • www.ellingsen.is
Tryggvabraut 1 • Akureyri • Sími 460 3636
Póstsendum um land allt
Primus-ferðagasgrill
Þyngd 2,5 kg
Orka 3000 W
Ending 10 klst. m.v. 2 kg kút
Primus-hella 2089
m/kveikju
Þyngd 726 g
Primus-lugt 2152
án kveikju
Þyngd 390 kg
Ending 20 klst.m.v 2 kg kút
Primus-lugt 2179
m/kveikju
Þyngd 740 g
Ending 40 klst. m.v. 2 kg kút
Ljósið í myrkrinu, ylurinn í kuldanum
og galdurinn við veisluna í útilegunni.
4.400 kr. 3.900 kr. 4.900 kr. 4.700 kr.
Vörunr. 06964 Vörunr. 07057 Vörunr. 29776Vörunr. 06962
„TILGANGURINN er að gefa
heildarmynd af menningunni á Ís-
landi,“ segir Bergur
Þorgeirsson, for-
stöðumaður Snorra-
stofu í Reykholti, um
menningarvef ferða-
þjónustunnar, en
hann hefur verið op-
inn sem til-
raunaverkefni um
skeið. Vefurinn er nú
óðum að taka á sig
endanlega mynd en
hugmyndin er sú að
gefa þeim sem bjóða
upp á menningar-
viðburði tækifæri til
að koma upplýs-
ingum um þá á fram-
færi ókeypis og að
landsmenn sem og ferðamenn hafi
aðgang að þeim upplýsingum.
Allir sem vilja koma einhverju
menningartengdu til skila geta gert
það með því að senda tölvupóst á
netfangið menningarvefur@snorra-
stofa.is og segir Bergur að tilkynn-
ingin verði í framhaldi birt á vefn-
um. „Það má segja að þarna sé öll
menning, við ætlum ekki að vera
með einhverja þrönga skilgreiningu
á menningu, en birtum til dæmis
ekki upplýsingar um íþróttavið-
burði. Ég sé nú heldur ekki alveg
fyrir mér að við förum að setja inn
leikhús- eða bíóauglýsingar vegna
þess að það er einfaldlega allt of
mikil vinna. Það er bara
ein manneskja sem sér
um að uppfæra vefinn og
er hann því ódýr í
rekstri,“ segir Bergur en
Snorrastofa byggði vef-
inn upp á vegum sam-
gönguráðuneytis en
hann hefur einnig notið
stuðnings frá ráðu-
neytum menntamála og
iðnaðar. Hugmyndina
um að Snorrastofa ætti
að sjá um menningarvef-
inn má rekja til nefndar
sem vann tillögur upp úr
skýrslu annarrar nefnd-
ar um menningartengda
ferðaþjónustu sem sam-
gönguráðherra skipaði fyrir nokkr-
um árum. „Það þarf ekki allt að vera
í Reykjavík. Við erum hér með mjög
góða aðstöðu fyrir þessa vinnu.“
Til í nágrannalöndum Íslands
Bergur segir að mesta undirbún-
ingsvinnan hafi farið í það að safna
saman upplýsingum um alla þá staði
sem tengjast menningu á Íslandi í
sérstakan gagnagrunn, sem finna
má á vefnum. Þetta hafi verið nauð-
synlegt til að vefurinn gæti þjónað
því hlutverki að veita upplýsingar
um menningu fyrir allt landið á ein-
faldan og aðgengilegan hátt en hann
segir að það hafi verið vöntun á því.
„Svona menningarvefir eru til í
flestum nágrannalöndum okkar og
vinnan við þennan vef hefur tekið
mið af því hvernig þeir eru upp-
byggðir,“ segir Bergur og nefnir að
nú þegar sé talsvert farið inn á vef-
inn, á íslensku útgáfuna en einnig þá
ensku. „Með því að hafa aðgang að
þessum gagnagrunni getur ferða-
maðurinn nú séð hvað er í gangi á
hverjum stað fyrir sig og ákveðið
hvert og hvenær hann ferðast með
hliðsjón af þeim upplýsingum.“
Fyrir utan það að veita upplýs-
ingar um viðburði er það einnig
hlutverk vefjarins að vera tengsl-
anet sem leiðbeinir fólki á aðrar síð-
ur sem eru með nánari upplýsingar
um einstaka staði. Bergur segist
bjartsýnn á að vefurinn muni festa
sig í sessi. Hann sé ókeypis, fullur
af upplýsingum og uppfærður
reglulega. Menningarvefritið Kist-
an.is er samstarfsvefur menning-
arvefjarins.
Allt á einum stað
Menning | Vefurinn Menning.is veitir upplýsingar um menningarviðburði
Morgunblaðið/Golli
Bergur segir aðstöðuna í Snorrastofu henta vel menningarvefnum.
Bergur Þorgeirsson
Eftir Jón Gunnar Ólafsson
jongunnar@mbl.is
www.menning.is (íslenska úgáfan)
og www.culture.is (enska útgáfan).
TÓNVERKIÐ Mozaik, eftir Kjartan
Ólafsson var frumlutt á tónlistarhá-
tíðinni New Music Indaba í Suður-
Afríku í byrjun júlí, en hátíðin mun
vera sú stærsta sinnar tegundar þar
í landi. Verkið er fyrir saxófónkv-
artett og fjölrása tónband, en það
var frumflutt af Stokkhólm Saxó-
fónkvartett. Í tilkynningu frá Ís-
lenskri tónverkamiðstöð er haft eftir
Jörgens Petterson einum meðlimi
kvartettsins að frumflutningurinn
hafi tekist mjög vel þrátt fyrir flókna
tækniumgjörð. Áheyrendur tóku
verkinu einnig vel að hans sögn, en í
tónsmíðinni er teflt saman gömlu
efni og nýjum aðferðum.
Mótíf frá Mozart notuð
sem efniviður
Árlega koma fram á hátíðinni
New Music Indaba margir af þekkt-
asta tónlistarfólki heims, á sviði
djass, þjóðlagatónlistar eða fram-
sækinnar nútímatónlistar. Hátíðin
er aðili að ISCM (International
Society for Contemporary Music)
sem er alþjóðleg samtök nútíma-
tónlistarhátíðar. Í ár var lögð
áhersla á 250 ára afmæli Mozarts og
eru margir viðburðir á hátíðinni
tengdir afmælisárinu.
Verkið Mozaik var samið á ár-
unum 2005–2006 að beiðni Stokk-
hólmssaxófónkvartettsins, sem er
vel þekktur í Evrópu, með stuðningi
frá NOMUS. Verkið er unnið með
tónsmíðakerfinu CALMUS þar sem
stutt mótíf úr minna þekktum tón-
smíðum Mozarts eru notuð sem efni-
viður í tónsmíðina. Stefnt er að
frumflutningi Mozaik á Íslandi á
Norrænum músíkdögum sem haldn-
ir verða í Reykjavík í október nk. en
Stokkhólmsaxófónkvartett verður
meðal fjölda erlendra gesta sem þá
koma hingað til lands.
Frumflutn-
ingur á
íslensku
verki í Suð-
ur-Afríku
Kjartan Ólafsson tónskáld.
Morgunblaðið/Kristinn
JOAN Backes má líklega flokka í hóp Íslandsvina,
en hún hefur nú sýnt verk sín nokkrum sinnum hér
á landi, í Hafnarborg og nú í fyrsta sinn í Safni við
Laugaveg. Joan sækir innblástur til náttúrunnar,
en hún kom hingað fyrst m.a. vegna áhuga síns á
málverkum Þórarins B. Þorlákssonar og fleiri ís-
lenskra málara frá upphafi síðustu aldar.
Backes er nú að nokkru leyti á svipuðum slóðum
og á sýningu sinni í Hafnarborg 2003 en hún hefur
þrengt viðfangsefnið og einfaldað heildarmyndina
sem kemur verkum hennar og ætlun til góða. Uppi-
staða sýningarinnar í Safni er málverk af trjáberki
ýmissa trjátegunda, tegundin er þó ekki tilgreind
heldur landið þar sem málverkið er málað en lista-
konan hefur dvalið á norðurslóðum, Íslandi, Finn-
landi og Nova Scotia. Innsetning hennar í litlu her-
bergi á annarri hæð er sannfærandi, þar sem
brúnleitur bakgrunnur skapar andrúmsloft sem
minnir á söfn fyrri tíma, náttúrugripasafn eða lista-
safn með dökkmáluðum veggjum en vísar líka til
lita náttúrunnar.
Backes leitast við að herma nákvæmlega eftir
dálitlum hluta trjástofna, en myndirnar verða,
mynstursins vegna og vegna tengslaleysis við
greinar, lauf eða annað þekkjanlegt, óhlutbundin.
Áhorfandinn getur því valið hvernig hann skoðar
þær, línur og liti eða hvort hann reynir að þekkja
trjátegundina. Á efstu hæð í Safni sýnir Backes
„lamíneruð“ laufblöð, svipað og sjá mátti 2003 og
lítil tré eins og steypt í mót, auk málverka en sá
hluti sýningarinnar er ekki eins heilsteyptur og
innsetningin á annarri hæð.
Í málverkum sínum kemur Backes inn á fleti sem
hafa verið ofarlega á döfinni í listum um nokkurt
skeið. Hún nálgast viðfangsefni sitt að hluta til á
vísindalegan hátt, setur sig í hlutverk rannsókn-
armanns sem rannsakar ekki aðeins myndefni sitt
heldur málverkið og eðli þess um leið. Þessi hálfvís-
indalega nálgun, eins konar skrásetning, birtist á
ýmsan máta í samtímalistum, myndlistarmaðurinn
Einar Garibaldi setti t.d. upp eftirminnilega sýn-
ingu á birtingarmyndum náttúrunnar í sýningunni
Flogið yfir Heklu þar sem hann var sýningarstjóri
árið 2001 og velti þannig fyrir sér hlutverki lands-
ins. Húbert Nói málar rómantískt landslag en skrá-
ir um leið GPS-staðsetningu líkt og landmæl-
ingamaður, Roni Horn rannsakar vatnsyfirborð,
Olga Bergmann vinnur að list sinni í nafni vísinda-
mannsins Doktor B.
Nálgun þessara listamanna er að sjálfsögðu ekki
vísindaleg í raun heldur aðeins í formi vísindalegrar
nálgunar, sá sem vildi rannsaka trjábörk tæki lík-
lega ljósmyndir frekar en að velja afmarkaða fleti
og mála þá eins og Backes gerir. Málverk hennar
falla heldur ekki undir raunsæisstefnu, til þess er
sjónarsviðið of afmarkað og markmið þeirra annað.
Innsetning Backes hefur nostalgískt yfirbragð sem
gefur verkum hennar ljóðrænan blæ og kallar fram
trega vegna hverfandi og deyjandi skóga. Hún sýn-
ir hvernig mjög afmörkuð og einföld hugmynd get-
ur margfaldast og orðið að eftirminnilegu lista-
verki, þó á hógværum nótum sé.
Skrásetning skógarins
MYNDLIST
Safn
Til 6. ágúst. Opið mið.–fös. frá kl. 14–18,
lau. og sun. kl. 14–17.
Joan Backes
Eitt verka Joan Backes í Safni.
Ragna Sigurðardóttir