Morgunblaðið - 22.07.2006, Side 6

6 LAUGARDAGUR 22. JÚLÍ 2006 MORGUNBLAÐIÐ
FRÉTTIR
Morgunblaðið/Eggert
SUMARSKÓLINN efndi til lokahófs Austurbæjarskóla í
gær. Þar var verkefnið Málrækt í sumarvinnu sýnt og
þátttakendur í íslenskunámskeiði skemmtu gestum.
Námsflokkar Reykjavíkur hafa undanfarin ár boðið
fólki á öllum aldri af erlendu bergi brotnu upp á ís-
lenskunám og grunnfræðslu um íslenskt þjóðfélag.
Í hófið mættu Sabrina Bautz frá Þýskalandi og munk-
arnir Reter Fintor og Anton Hajercak frá Slóvakíu.
Læra íslensku í sumarvinnu
MAGNÚS Stefánsson félagsmálaráðherra og Siv
Friðleifsdóttir heilbrigðis- og tryggingamálaráð-
herra undirrituðu í Hinu húsinu í gær samkomulag
við samtökin Nýja leið ehf. um að sjá um meðferð-
arstarf fyrir ungt fólk með áhættusama hegðun og
geð- og hegðunarraskanir. Verkefnið hefur hlotið
nafnið Lífslist og hefst það strax í haust. Um er að
ræða tilraunaverkefni á sviði forvarnar sem nær til
næstu tveggja ára og á þeim tíma mun félagsmála-
ráðuneytið leggja 12 milljónir króna í verkefnið og
heilbrigðisráðuneytið samtals 4 milljónir kr.
Að sögn Páls Biering, formanns stýrihóps um
verkefnið, felur samkomulagið í sér að Ný leið bjóði
ungu fólki á aldrinum 15–18 ára upp á þann kost að
stunda listsköpun og þjálfun í samskiptum og lífs-
leikni í því skyni að minnka líkurnar á áhættusamri
hegðun. Segir hann að ungmennum verði kennt að
láta sér líða vel án vímuefna. Beitt verður hugrænni
atferlismeðferð til að kenna unglingum nýjar leiðir
til að bregðast við erfiðum aðstæðum og auka fé-
lagslega færni þeirra. Að sögn Páls byggist verk-
efnið á erlendri fyrirmynd, sem sálfræðingurinn
Harvey Milkman er höfundur að, en reynslan er-
lendis frá þykir góð og hafa rannsóknir sýnt að
meðferðarúrræði sem ekki fela í sér stofnanavistun
gagnist unglingum með hegðunarvandamál betur
en vist og meðferð á stofnun.
Spennandi verkefni
Í samtali við heilbrigðisráðherra sagðist hún
binda miklar vonir við verkefnið og hafa fulla trú á
því að þegar það verði metið að reynslutíma lokn-
um verði niðurstaðan sú að halda því áfram. Sagði
hún verkefnið að sínu mati sérlega spennandi fyrir
margra hluta sakir, þeirra á meðal að hér væri
sjónum beint að aldurshópi sem ekki hefur verið
sinnt með viðlíka hætti áður, í þessu felist meðferð
utan stofnana, auk þess sem hér væri um að ræða
samstarf tveggja ráðuneyta við einkaaðila.
Félagsmálaráðherra lagði áherslu á mikilvægi
forvarnar allan ársins hring í sem fjölbreytilegustu
myndum. Sagði hann markmiðið að ná til sem
flestra með árangursríkum hætti.
„Með þessum samningi er í mínum huga verið að
styrkja forvarnar- og meðferðarstarf í landinu,
þannig að börn og unglingar eigi enn frekar mögu-
leika til þess að eiga innihaldsrík og gefandi upp-
vaxtarár, sjálfum sér og samfélaginu öllu til hags-
bóta.“
Allar nánari upplýsingar um verkefnið má nálg-
ast á netinu á vefslóðinni: www.nyleid.is.
Ný leið í forvarnarmálum fyrir
ungt fólk með hegðunarraskanir
Morgunblaðið/Jim Smart
Magnús Stefánsson, Siv Friðleifsdóttir og Páll Biering, formaður stýrihóps um verkefnið, skrifuðu
undir samkomulagið. Fyrir aftan eru Guðrún Björg Ágústsdóttir og Jón Guðbergsson frá Nýrri leið.
Lífslist verður hleypt af stokk-
unum með haustinu. Silja Björk
Huldudóttir kynnti sér málið.
silja@mbl.is
Eftir Berg Ebba Benediktsson
bergur@mbl.is
Á ÍSLANDI er ekki í gildi svokölluð CFC-
skattalöggjöf sem veitir skattyfirvöldum heim-
ild til þess að skattleggja tekjur einstaklings
eða félags í eigu íslenskra ríkisborgara í lönd-
um sem hafa litla sem enga skattskyldu.
„Ráðuneytið hefur skoðað þetta, en það liggur
ekki fyrir nein endanleg niðurstaða. Það eru
skiptar skoðanir um nytsemi þess og mikilvægi
að svona löggjöf verði tekin upp,“ segir Baldur
Guðlaugsson, ráðuneytisstjóri í fjármálaráðu-
neytinu, um málið.
Í Morgunblaðinu í gær er sagt frá því að að-
ilar sem skráðir eru á Ermasundseyjunni Gu-
ernsey eigi beina fjármunaeign upp á 41 millj-
arð á Íslandi. Haft var eftir ríkisskattstjóra að
um vaxandi skattundanskot væri að ræða.
„Það má líka nefna í því sambandi að það eru
að fara af stað viðræður við þessar eyjar um
upplýsingaskiptasamninga í skattamálum og
þar verðum við í samstarfi við hin Norðurlönd-
in,“ segir Baldur um þessa hlið málsins en Gu-
ernsey hefur litlar skattaálögur á fyrirtæki og
telst „skattaparadís“.
CFC er skammstöfun fyrir Control Foreign
Companies og eiga reglurnar rætur sínar að
rekja til Bandaríkjanna en er í dag að finna víð-
ast hvar á Vesturlöndum. Gera má ráð fyrir að
allt að 25 ríki hafi nú þegar sett sér eða séu um
það bil að setja sér slíkar reglur. Í reglunum er
miðað að því að bregðast við ólögmætum
skattaflótta þar sem eignarhaldsfélög á lág-
skattasvæðum eru notuð sem meginuppistaða í
skattskipulagningu.
Ákvæði á Íslandi
Samhliða upptöku CFC-reglna er gerður
listi þar sem lágskattasvæði eru skilgreind ná-
kvæmlega. Í Danmörku, eins og á hinum Norð-
urlöndunum, eru í gildi CFC-reglur sem taka
til félaga sem stofnuð eru erlendis en lúta í
raun meirihlutastjórn danskra hluthafa. Þurfa
danskir hluthafar fyrirtækisins að greiða fjár-
magnstekjuskatt vegna fyrirtækisins til
danskra yfirvalda, en þó dregst frá sá hluti sem
sannanlega hefur verið greiddur á lágskatta-
svæðinu.
Engin alþjóðleg samræming er til um fram-
kvæmd og setningu CFC-reglna og geta þær
því verið mjög fjölbreytilegar og ýtarlegar.
Í íslenskum skattalögum er sums staðar að
finna reglur sem eru settar með sömu mark-
mið í huga og CFC-reglur. Í 8. tl. 31. gr. tekju-
skattslaga segir t.d. að félag sem fái greiddan
arð frá erlendu félagi þurfi að sýna fram á að
hagnaður hins erlenda félags hafi verið skatt-
lagður með sambærilegum hætti og gert sé hér
á landi.
CFC-löggjöf til skoðunar hér á landi
ALÞJÓÐA Rauði krossinn hefur
lýst yfir neyðarbeiðni vegna
ástandsins í Líbanon í kjölfar
sprengjuárásanna sem nú hafa stað-
ið meira en viku. Í yfirlýsingunni
kemur fram að hundruð óbreyttra
borgara hafi farist í átökunum og
enn fleiri særst.
„Þegar ástandið verður svona
hræðilegt, hvort sem það er vegna
náttúruhamfara eða átaka, og starfs-
menn stjórnvalda eða Rauða kross-
ins í landinu ráða ekki við það, er
send út svona neyðarbeiðni. Þá er
kallað eftir aðstoð Rauða krossins í
öllum löndum og eftir atvikum eru
starfsmenn sendir á vettvang,“ segir
Sólveig Ólafsdóttir, sviðsstjóri hjá
Rauða krossi Íslands.
Að mati Rauða krossins bitna
sprengingarnar hvað verst á
óbreyttum borgurum og verður sí-
fellt erfiðara að veita læknisaðstoð.
Alþjóðaráð Rauða krossins hefur
aukið við stuðning sinn í Líbanon til
að hjálpa særðum og sjúkum og kall-
ar eftir frekari
aðstoð. Neyðar-
beiðnin hljóðar
upp á 590 millj-
ónir íslenskra
króna. Þá hafa
ísraelsk yfirvöld
og liðsmenn
Hezbollah-sam-
takanna verið
minntir á að
virða í einu og
öllu alþjóðleg mannúðarlög.
Fleiri starfsmenn
„Það er verið að leita eftir fjár-
stuðningi til þess að geta haldið úti
nauðsynlegum heilbrigðisverkum og
sjúkraflutningum,“ segir Sólveig og
bætir við að til þess þurfi meira fólk
og að alþjóðaráðið ætli að fjölga
starfsmönnum. „Rauði kross Íslands
mun að sjálfsögðu leggja til mann-
skap ef eftir því verður leitað,“ bætir
Sólveig við, spurð um aðkomu Rauða
kross Íslands að verkefninu.
Neyðarbeiðni
vegna Líbanons
Sólveig Ólafsdóttir
STEFNT er að opnun nýrrar
stórverslunar Ikea í Urriða-
holti í Garðabæ í september
næstkomandi, að sögn Þórarins
Ævarssonar, verslunarstjóra
Ikea. Þá verður versluninni
sem verið hefur í Holtagörðum
lokað. Nýja verslunarhúsið í
Garðabæ verður um 21 þúsund
fermetrar að stærð og stendur
á 56 þúsund fermetra lóð.
Verslunarhúsnæði Ikea í
Holtagörðum er í eigu Fast-
eignafélagsins Stoða hf. og er
um níu þúsund fermetrar að
stærð. Örn V. Kjartansson, hjá
eignaumsýslu Fasteignafélags-
ins Stoða hf., sagði ljóst að
þarna yrði áfram verslun, en
ekki hafi verið gengið frá samn-
ingum við nýja leigjendur sem
taki við húsnæðinu eftir að Ikea
flytur.
Góður staður
„Við erum að skoða þau mál,“
sagði Örn. Hann sagði enn
fremur að reynt yrði að fá nýja
leigjendur í húsnæðið sem
fyrst. Ef til vill þyrfti að gera
einhverjar breytingar á hús-
næðinu áður en nýr verslunar-
rekstur hefst í Holtagörðum.
„Þetta er góður staður og
gott húsnæði að okkar mati,“
sagði Örn enn fremur um versl-
unarhúsnæðið í Holtagörðum í
Reykjavík.
Nýtt Ikea
opnað
í haust
Ekki enn ljóst hver
flytur í Holtagarða
GERA má ráð fyrir að um 120 einstaklingar á
aldrinum 15–18 ára njóti góðs af verkefninu
Lífslist á næstu tveimur árum. Rápgert er að
allt að 15 einstaklingar á höfuðborgarsvæðinu
standi úrræðið til boða á hverju misseri, auk
15–30 einstaklinga utan höfuðborgarsvæð-
isins. Ný leið mun alfarið sjá um allan rekstur
verkefnisins á höfuðborgarsvæðinu, en rekst-
ur verkefnisins við ungmennahús á lands-
byggðinni verður í samvinnu við Rauða kross
Íslands.
Mun nýtast um
120 ungmennum