Morgunblaðið - 09.08.2006, Blaðsíða 9

MORGUNBLAÐIÐ MIÐVIKUDAGUR 9. ÁGÚST 2006 9
FRÉTTIR
Opið virka daga frá kl. 10-18 Laugardaga frá kl. 10-16
• Engjateigi 5
• Sími 581 2141
Verðhrun
Síðasta útsöluvika

 



25-50%
afsláttur
Nýjar vörur
frá
Síðustu dagar útsölunnar
Eddufelli 2 Bæjarlind 6
sími 557 1730 sími 554 7030
Opið mán.-fös. kl. 10-18, lau. kl. 10-15
...eftir þínu höfði
Lyngháls 4 – s: 517 7727 – www.nora.is
Frumlegur vínkælir
TIL LEIGU VERSLUNAR- OG
ÞJÓNUSTUHÚSNÆÐI
Húsnæðið er 107 fm á jarðhæð í Faxafeni 9.
Nánari upplýsingar veitir
Kjartan Blöndal í símum 588 1569 og 694 1569.
ALLT að 10 þúsund manns komu á
9. Unglingalandsmót Ungmenna-
félags Íslands sem haldið var á
Laugum í S-Þingeyjarsýslu um
verslunarmannahelgina. Á mótinu
kepptu 1.100 keppendur á aldrinum
11–18 ára í ýmsum íþróttagreinum
og var veður með besta móti.
Að sögn Ómars Braga Stef-
ánssonar, framkvæmdastjóra móts-
ins, náði tjaldsvæði mótsgesta yfir
um 7 hektara og bar engan skugga á
framkvæmd mótsins, sem er rétt-
nefnd íþrótta- og fjölskylduhátíð.
Friðrika Björk Illugadóttir, verk-
efnisstjóri mótsins, segir að hátíðin
hafi verið afar vel heppnuð í það
heila og að um 6–7 þúsund manns
hafi verið á tjaldstæðinu þegar mest
var.
„Það var mikið líf hérna og allt
gekk vonum framar,“ segir Ómar.
„Það var hlýtt í veðri og krakkarnir
syntu í tjörninni og stukku í ána,
þannig að allir voru hressir og sátt-
ir.“
Friðrika segir aðstöðuna á Laug-
um til fyrirmyndar en keppt var á
nýjum frjálsíþróttavelli auk þess
sem leikin var knattspyrna á sex
fótboltavöllum, stundum öllum í
einu.
Ómar segir greinilegt að sama
fólkið mæti ár eftir ár. „Þetta er
fyrst og fremst fyrir krakkana sem
hafa gríðarlega mikið að gera frá
morgni til kvölds. Þetta er þeirra val
og hér er ekkert áfengissull á einum
eða neinum. Dagskránni lýkur
klukkan hálftólf á kvöldin og ekkert
er í gangi á nóttunni. Keppni hefst
síðan kl. 9 að morgni þannig að næt-
urbrölt hefur ekkert upp á sig.“
Ómar segir nýafstaðið mót vera
með þeim stærstu og skemmtileg-
ustu sem UMFÍ hefur haldið og
jafnframt með þeim fjölmennari.
Gæslan á staðnum var í samstarfi
við heilsugæsluna og lögregluna á
Húsavík ásamt björgunarsveitum á
Héraði. Læknir var einnig á staðn-
um en varla kom neitt upp á sem
krafðist íhlutunar þessara aðila.
„Þetta mót fær mjög góða ein-
kunn hjá mér og Þingeyingarnir og
aðrir sem unnið hafa myrkranna á
milli að uppbyggingu fyrir mótið
eiga hrós skilið,“ segir Ómar.
Um 10 þúsund manns á Unglingalandsmóti UMFÍ á Laugum
„Allt gekk vonum framar“
Ljósmynd/Örlygur Hnefill
Um 1.100 ungmenni kepptu á Unglingalandsmóti UMFÍ á Laugum.
EFTIRFARANDI yfirlýsing hefur
borist frá Stígamótum:
„Í nokkrum fjölmiðlum um
helgina var villandi fréttaflutningur
um sjónarmið Stígamóta varðandi
útihátíðahald og kynferðisbrot.
Ekki var stuðst við upplýsingar eða
viðtöl við fulltrúa Stígamóta. Sann-
leikurinn er sá að Stígamót sendu
út fréttatilkynningu í júní og í fram-
haldi af því bréf til umsjáraðila
útihátíða.
Bent var á þrennt. Í fyrsta lagi
nauðsyn þess að boðið væri upp á
áfallahjálp á slíkum samkomum og í
öðru lagi að tryggt væri að þjón-
ustan væri vel kynnt öllum hátíða-
gestum. Þriðja atriðið var það sjón-
armið Stígamóta að unglingar undir
18 ára aldri ættu ekki að hafa að-
gang að slíkum skemmtunum eft-
irlitslausir.
Til áréttingar buðu Stígamót upp
á þjónustu sína til þess eins að
tryggja að skortur á þjálfuðu starfs-
fólki kæmi ekki í veg fyrir að áfalla-
hjálp væri í boði.
Að sjálfsögðu er eðlilegast að
heimafólk á hverjum stað sé fært
um að sinna slíkum störfum og flest
bendir til að svo sé.
Í fjölmiðlum hafa Stígamót lofað
það framtak og þá ábyrgð sem flest-
ir mótshaldarar hafa sýnt með því
að gera ráð fyrir áfallateymi. Um
gæði þjónustunnar eða vinnubrögð
hafa Stígamót ekkert sagt, enda
ókunnugt um þau.
Gagnrýni Stígamóta hefur ein-
göngu snúist um að skort hefur á að
þjónustan hafi verið kynnt á sama
hátt og önnur þjónusta á mótssvæð-
um. Það er augljóslega hætta á að
góð þjónusta sé vannýtt ef hún er
ekki vel kynnt þeim sem kynnu að
þarfnast hennar.“
Yfirlýsing frá
Stígamótum
EINAR Kristinn Guðfinns-
son, sjávarútvegsráðherra og
þingmaður Sjálfstæðisflokks-
ins í norðvesturkjördæmi,
hyggst gefa kost á sér til
áframhaldandi setu á Alþingi
í kosningunum í vor. Hann
segir í samtali við fréttavef
Bæjarins besta að ekkert
annað standi til og að hann
vonist til að hljóta stuðning í
eitt af efstu sætunum, en
hann skipaði annað sætið á
lista flokksins í síðustu al-
þingiskosningum.
Einar Kristinn
Guðfinnsson
Gefur kost
á sér áfram
Í LOK sumars mun Landhelgisgæsl-
an halda hina árlegu sprengjueyð-
ingaræfingu „Northern Challenge“.
Æfingin fer fram á varnarstöð
NATO í Keflavík og á öðrum svæð-
um innan 80 km við hervöllinn. Á æf-
ingunni, sem er studd af NATO, er
aðaláhersla lögð á sprengjueyðing-
araðgerðir, bæði á landi og á sjó, sem
vörn gegn hryðjuverkum. Þetta mun
verða síðasta stóra æfingin sem
haldin verður á varnarstöðinni í
Keflavík á meðan að hún er undir
stjórn Bandaríkjahers.
Um 80 sprengjueyðingarsérfræð-
ingar frá 8 þjóðlöndum sem taka þátt
í æfingunni. Sprengjudeild Land-
helgisgæslunnar undirbýr og stjórn-
ar æfingunni með stuðningi annarra
deilda Landhelgisgæslunnar, varn-
armálaskrifstofu utanríkisráðuneyt-
isins, Bandaríkjahers, svo og lög-
reglu og flugvallarstarfsmanna.
Í tilkynningu segir að viðbúnaður
og þjálfun sprengjueyðingarsveitar
Gæslunnar sé mikilvægur fyrir varn-
ir gegn hryðjuverkum og er þessi
æfing stór þáttur í þeirri þjálfun.
Sprengjueyðing æfð í haust
AUGLÝSINGADEILD
netfang: augl@mbl.is eða sími 569 1111