Morgunblaðið - 09.08.2006, Blaðsíða 17

MORGUNBLAÐIÐ MIÐVIKUDAGUR 9. ÁGÚST 2006 17
MINNSTAÐUR
HÖFUÐBORGARSVÆÐIÐ
AKUREYRI
Stekkjarbrekkur | Áætlað er að ríf-
lega fimm þúsund rúmmetrar af
sorpi hafi komið í ljós við jarðvinnu
í Stekkjarbrekkum, vestan við Vest-
urlandsveg, þar sem til stendur að
byggja húsnæði fyrir verslanir
Byko, Rúmfatalagersins og Mötu.
Er um að ræða gamlan öskuhaug
sem hætt var að urða í undir lok
sjöunda áratugarins. Varð hluta
hans vart við grunngröft fyrir versl-
unarhúsnæðið sem verður yfir 40
þúsund fermetrar að flatarmáli. Af-
ganginn var að finna undir vænt-
anlegu vegarstæði Reykjavíkur-
borgar.
Stekkjarbrekkur ehf. er verk-
kaupi framkvæmdanna við húsnæð-
ið og segir Arnar Hallsson, fram-
kvæmdastjóri fyrirtækisins, að
upplýsingar um tilvist öskuhaugsins
hafi ekki legið fyrir þegar bygging-
arréttur á lóðinni var keyptur.
„Við létum gera jarðvegskannan-
ir enda framkvæmdin mjög stór og
nauðsynlegt að sjá hve traustur
grunnurinn væri undir. Töluverður
fjöldi holna var grafinn en hvergi
komu menn niður á rusl,“ segir
Arnar. „Það má segja að um leynd-
an galla á vörunni, sem í þessu til-
felli er lóðin, hafi verið að ræða.“
Strax hafi verið gengið til samn-
ingaviðræðna við Reykjavíkurborg
og samið um að borgin urðaði sorp-
ið og tæki á sig kostnað vegna þess.
Sorpið hefur ekki allt verið flutt
til urðunar en verið er að flytja það
í Álfsnes þar sem það er urðað sam-
kvæmt kúnstarinnar reglum.
„Verktakinn okkar, KNH ehf.,
hefur staðið í því að flytja sorpið en
þeir eru slíkir tröllkarlar að sorp-
fundurinn hefur ekkert komið niður
á verktímanum,“ segir Arnar. Sami
verktaki flytur sorpið fyrir borgina.
Kostnaður hlutfallslega lítill
Ámundi Brynjólfsson, skrifstofu-
stjóri mannvirkjaskrifstofu Reykja-
víkurborgar, segir yfirvöld hafa
haft vitneskju að einhverju leyti um
öskuhaug á svæðinu en ekki hafi
verið vitað um nákvæma staðsetn-
ingu hans eða stærð.
„Borgin selur byggingarrétt á
lóðinni og er þá gert ráð fyrir því að
öll skilyrði séu til staðar. Þetta er
ekki eitthvað sem menn áttu von á
að koma niður á akkúrat þarna.
Þess vegna er það mjög eðlilegt mál
að Reykjavík beri þann kostnað
sem hlýst af því að urða sorpið,“
segir Ámundi. „Enda er hann í öllu
þessu dæmi mjög lítill, miðað við
verð á lóðinni og þær framkvæmdir
sem þarna eru í gangi.“
Allajafna þegar borgin þurfi að
koma burt jarðvegi eða öðru þurfi
hún að ráðstafa því á viðeigandi
staði. Aðstaðan nú sé sérstök því
greiða þurfi urðunargjöld fyrir
sorpið sem finnst á svæðinu, af því
hljótist viðbótarkostnaður sem ekki
komi til þegar mold er flutt í jarð-
vegstipp, svo dæmi sé tekið.
Engin spilliefni í sorpinu
Leitað var til umhverfissviðs
Reykjavíkur sem fjallaði um málið
og gerði í kjölfarið kröfu um að
sorpið færi á löglegan urðunarstað
þar sem staðsetning þess lægi fyrir.
„Það kom ekki til greina af okkar
hálfu að urða úrganginn annars
staðar en á löglegum urðunarstað
sem er að finna í Álfsnesi. Ekki
þótti fýsilegur kostur að nýta sorpið
í hljóðmanir eða annað slíkt,“ segir
Kristín Lóa Ólafsdóttir, heilbrigð-
isfulltrúi hjá umhverfissviði.
Engin spilliefni var að finna í
sorpinu heldur var um að ræða
grófan úrgang svo sem plast og
bein.
„Það er svipað og í urðunarstaðn-
um sem kom í ljós þegar verið var
að byggja Egilshöll. Þar komu
verktakar niður á sorp og var hluti
þess grafinn upp og honum fargað,“
segir Kristín Lóa. Það sorp sem var
utan byggingarreita á Egilshallar-
svæðinu var ekki grafið upp og það
urðað enda hafði það ekki að geyma
spilliefni og er eins staðið að verki í
Stekkjarbrekkum þar sem nægilega
þykkt jarðvegslag er ofan á sorp-
inu.
Öskuhaugur grafinn
upp við Vesturlandsveg
Eftir Jóhann M. Jóhannsson
johaj@mbl.is
Heiðmörk | Skógræktarfélag
Reykjavíkur hefur staðið að end-
urbótum á einu vinsælasta áning-
arsvæði Heiðmerkur, Furulundi. Á
góðviðrisdögum fjölmenna Reyk-
víkingar í lundinn þar sem meðal
annars er að finna leiktæki, grill og
sparkvöll.
Sparkvöllurinn hefur hins vegar
látið á sjá að undanförnu og erfitt
fyrir gras að ná þar fótfestu. Því
brá skógarvörðurinn á það ráð að
setja gulan strandsand á völlinn og
breytti honum þannig í strand-
blakvöll. Hefur völlurinn notið mik-
illa vinsælda meðal útivistarunn-
enda, enda skemmtileg nýbreytni
að stunda blak í skógarrjóðri.
Furulundur hefur einnig stækk-
að til muna en bætt var við svæðið
sunnan við gamla Furulund. Vinnu-
skóli Reykjavíkur og vinnuhópur
frá Landsvirkjun voru starfs-
mönnum Skógræktarfélagsins inn-
an handar við gerð svæðisins. Þar
er nú grasflöt inni í skóginum þar
sem hægt er að fara í leiki eða
liggja í sólbaði.
Ljósmynd/Herdís Friðriksdóttir
Í blaki Ungt fólk kann vel að meta bætta aðstöðu í Heiðmörk.
Strandblakvöllur
í Heiðmörk
UM 300 manns fóru í siglingu með
Húna II, bát Iðnaðarsafnsins á Ak-
ureyri nú um verslunarmannahelg-
ina. Hollvinir Húna bjóða nú í kvöld
og tvö næstu miðvikudagskvöld upp
á kvöldsiglingar með bátnum í sam-
starfi við Minjasafnið. Lagt verður
af stað kl. 19.30 frá Torfunefs-
bryggju og siglt í um eina og hálfa
klukkustund, allt út fyrir mörk bæj-
arins að útgerðarstöðvunum í Jötun-
heimum og Þórsnesi.
Hörður Geirsson safnvörður verð-
ur leiðsögumaður um borð. Rifjuð
verður upp saga Akureyrar sem
hófst á sandeyri niður af Búðar-
gilinu. Skoðaðar verða byggingar og
önnur kennileiti í landi.
Á eftir verður hægt að renna fyrir
fisk. Siglingin er ókeypis og veiði-
stangir um borð. Allir eru velkomnir.
Morgunblaðið/Margrét Þóra
Saga og sigling Boðið verður upp
á ókeypis siglingu með leiðsögn um
borð í Húna II í kvöld og í leiðinni
gefst kostur á að renna fyrir fiski.
Þessar dömur fóru í eina sjóferð á
dögunum og voru heldur betur
hissa þegar þær handléku fenginn.
Sögusigling
í Húna II
LÚÐUBRAUT, Blálöngutorg og
Risarækjuvegur, þetta eru ný nöfn á
götum á Dalvík og er ein af nýjung-
um sem þeir Dalvíkingar brydda nú
upp á í tilefni af Fiskideginum mikla
en hann verður haldinn hátíðlegur
nú á laugardag, 12. ágúst. Kvöldið
áður opna fjölmargir íbúar bæjarins
heimili sín og bjóða gestum og gang-
andi upp á fiskisúpu.
Fiskidagurinn er nú haldinn í 6.
sinn og var dagskrá hans kynnt á
Akureyri í gær um leið og skrifað var
undir samning við KEA, sem veitir
styrk til hátíðahaldanna. Markmiðið
með Fiskideginum hefur frá upphafi
verið að fá fólk til að koma saman,
borða fisk og bjóða upp á ókeypis
skemmtun.
Fiskisúpa í 40 húsum
Fiskidagurinn verður með svip-
uðu sniði en alltaf bætast nýjar hug-
myndir við, fiskisúpukvöldið var nýj-
ung í fyrra og sló algjörlega í gegn
og má búast við því sama nú á föstu-
dagskvöld þegar Dalvíkingar opna
heimili sín og bjóða gestum og gang-
andi upp á sjóðheita fiskisúpu. Ef
tveir kyndlar eru logandi fyrir utan
húsið geta menn gengið að fiskisúpu
og vinalegheitum vísum innandyra.
Um 4.800 manns skrifuðu í gesta-
bækur á 30 heimilum í fyrrasumar,
en mikil eftirvænting er ríkjandi að
sögn skipuleggjenda nú í ár, margir
sem bjóða heim hafa staðið lengi í
undirbúningi, útvegað sér stærri
potta, þróað uppskriftir og jafnvel
eru menn að undirbúa tónlistaratriði
í görðum sínum. Nú á föstudag verð-
ur boðið upp á súpu í um 40 húsum.
Meðal nýjunga í tengslum við
Fiskidaginn í ár er að allar götur á
Dalvík hafa skipt um nafn. Í eina
viku heita göturnar eftir þekktum og
minna þekktum fiskum, Mímisvegur
breytist í Risarækjuveg, Karls-
rauðatorg í Blálöngutorg og Svarf-
aðarbraut í Lúðubraut. Nýjar merk-
ingar hafa verið settar upp við hlið
gömlu nafnanna og geta gestir
skemmt sér í göngutúr um bæinn og
skoðað nýju nöfnin.
Saltfiskvöfflur meðal nýjunga
Alls verður boðið upp á 14 fiskrétti
og á matseðlinum nú er mikið um
nýjungar, rétti sem hvergi fyrirfinn-
ast annars staðar í heiminum. Sem
dæmi þar um má nefna saltfiskvöffl-
ur, sem menn gera sér vonir um að
muni vekja athygli matargesta.
Vöfflurnar verða bakaðar í 50 vöfflu-
járnum og bornar fram með súrsætri
sósu. Hulunni verður svo svipt af
fleiri nýjum réttum en nefna má að
Friðrik V. verður á staðnum ásamt
erlendum gestum, sjálfboðaliðasam-
tökunum SEEDS, fulltrúar þeirra
munu fara yfir fiskuppskriftir úr
heimalöndum sínum og velja 2–3
sem þykja bestar og bjóða þær gest-
um Fiskidagsins.
Stærsti súpupottur landsins
Þá stendur til að slá Íslandsmet
þegar framleidd verður asísk fiski-
súpa í stærsta súpupotti landsins.
Skemmtidagskrá verður á tveim-
ur sviðum á hátíðarsvæðinu allan
daginn með þátttöku um 200
skemmtikrafta. Þá verður fiskasýn-
ing, ein sú allra stærsta frá upphafi,
með hátt í 200 tegundum af ferskum
fiski. Færeyski kútterinn Jóhanna
TG 326 er svo væntanlegur til Dal-
víkur á morgun, fimmtudag og verð-
ur fram yfir helgi. Jóhanna er einn
þeirra færeysku kúttera sem sigldu
milli Íslands og Skotlands með fisk á
stríðsárunum.
Heiðursgestur Fiskidagsins mikla
nú verður Ólafur Ragnar Grímsson,
forseti og mun hann flytja ávarp á
aðalsviðinu á laugardag.
Dalvíkingar búast við miklu fjölmenni í fisk og súpu um helgina
Verða saltfiskvöfflur
í boði á Lúðubraut?
Morgunblaðið/Margrét Þóra
Gott og gaman Um 30 þúsund manns heimsóttu Dalvíkinga og tóku þátt í
Fiskideginum mikla í fyrra, þessi tvö voru í þeim hópi.
JÓLATÁKNIÐ fyrir árið 2006
hefur litið dagsins ljós, en það
er að þessu sinni eftir Krist-
ínu K. Þorgeirsdóttur. Þetta
er í ellefta sinn sem Jólagarð-
urinn í Eyjafjarðarsveit gefur
úr sérstakt jólatákn.
Kristín velur sér að heiðra
íslensku konuna, prúðbúna á
þjóðbúningi, sitjandi við
prjónaskap. Kristín er þekkt
fyrir einkar þjóðlega og vel
gerða útfærslu af gömlu ís-
lensku jólasveinunum. Kristín
naut þeirra forréttinda að
handavinna hverskonar var
aðalsmerki á æskuheimili
hennar og þá ekki síst þjóð-
búningasaumur. Lá leið henn-
ar síðan til náms í Húsmæðra-
skólunum á Laugum og á
Blönduósi og hlaut hún góða
viðurkenningu frá báðum
þessum skólunum.
Kristín hefur alla tíð unnið
við handverk samhliða störf-
um á almennum vinnumark-
aði.
Jólatáknið er samkvæmt
venju í 110 tölusettum eintök-
um og kemur í gjafaöskju sem
einnig er verk Kristínar.
Prúðbúin
við prjóna-
skap
Fleyta kertum | Kertafleyting fer
fram á flötinni fyrir framan Minja-
safnið á Akureyri og tjörninni sem
þar er í kvöld, miðvikudagskvöldið 9.
ágúst kl. 22.30, til að minnast
sprenginganna í Hiroshima og
Nagasaki í ágúst 1945.
Ávarp flytur Ragnar Stefánsson
jarðskjálftafræðingur.
Kertum hefur verið fleytt á Ak-
ureyri af þessu tilefni árlega síðan
1998. Á hverju ári hefur verið ærið
nóg af nýjum tilefnum til að andæfa
yfirgangi hernaðarsinna, segir í frétt
um viðburðinn, og einnig að nú horfi
menn upp á sprengjuregn og blóð-
bað í Líbanon, Palestínu og Írak.