Morgunblaðið - 09.08.2006, Blaðsíða 44
ÁSKRIFT-AFGREIÐSLA 569 1122 MIÐVIKUDAGUR 9. ÁGÚST 2006 VERÐ Í LAUSASÖLU 220 KR. MEÐ VSK.
endurskoðun
reikningsskil
skattar / ráðgjöf
www.ey.is
TÆPLEGA 400 ökumenn óku of hratt í gegnum
Hvalfjarðargöngin um verslunarmannahelgina og
náðist brot þeirra á hraðamyndavélar í göngunum
og eiga þeir von á sektum.
Líklega hefur aldrei eins rammt kveðið að hrað-
akstri í göngunum og um þessa helgi, og á það víð-
ar við. Þannig sá lögreglan í V-Skaftafellssýslu t.d.
hraðakstur sem aldrei fyrr og stöðvaði 100 manns
fyrir slík brot. Þá er ótalinn ofsaakstur bifhjóla í
sumar og reyndar bíla.
Að sögn Marinós Tryggvasonar, öryggisstjóra
Spalar, sem rekur Hvalfjarðargöngin, er sá mikli
fjöldi hraðakstursbrota í göngunum uggvænlegur
í ljósi þeirra afleiðinga sem árekstrar og óhöpp
inni í göngunum geta haft. „Ég held að þetta sé
mesti fjöldi hraðakstursbrota sem ég hef séð yfir
sambærilegan tíma,“ segir hann. „Ég er orðlaus
yfir þeim hraðakstri sem hefur komið fram í dags-
ljósið undanfarnar vikur. Það er óútskýrt hvað
veldur þessum hraðakstri en þetta veldur manni
áhyggjum. Það má ekkert út af bera í göngunum
ef óhapp verður. Þar eru engar vegaxlir og því
lendir viðkomandi annaðhvort á gangaveggnum
eða á næsta bíl. Það er því lítið svigrúm sem menn
hafa ef eitthvað ber út af. Afleiðingarnar verða því
miklu alvarlegri en úti í víðáttunni.“
Mikil vonbrigði
Einar Magnús Magnússon, upplýsingafulltrúi
Umferðarstofu, segir hraðaksturinn í göngunum
um helgina valda sér miklum vonbrigðum og sér
fallist hendur yfir þeirri staðreynd að ökumenn
skuli ekki gera sér grein fyrir þeim alvarlegu af-
leiðingum sem hraðakstur getur haft í för með sér.
„Hámarkshraði á vegum er miðaður við bestu
mögulegu aðstæður og allur akstur umfram það
hefur í för með sér gríðarlega áhættu,“ segir hann.
„Miðað við allan þann áróður sem hefur verið rek-
inn gegn hraðakstri, eru þetta mjög mikil von-
brigði. Hins vegar ber að horfa til þess að um
verslunarmannahelgina er langtum meiri umferð
en á öðrum tímum.
Einnig verður að taka með í reikninginn að nú
eru margfalt fleiri bílar í umferðinni en fyrir ára-
tug. Eftirlitið er meira á þjóðvegunum og ef til vill
má líkja niðurstöðum verslunarmannahelgarinnar
við átak lögreglu og tollgæslu við fíkniefnaleit, þ.e.
að vitanlega finnst meira af efnum þegar staðið er
fyrir átaki. Hins vegar verðum við alltaf fyrir von-
brigðum þegar fréttist af hraðakstri. En þrátt fyr-
ir allt hefur umferðarslysum stórfækkað á und-
anförnum árum sem þakka má áróðri, betri
ökukennslu og betri vegum að ógleymdum betri
bílum.“
Um 400 ökumenn óku of hratt í Hvalfjarðargöngum um verslunarmannahelgina
Orðlaus yfir hraðakstri
Eftir Örlyg Stein Sigurjónsson
orsi@mbl.is
VINIRNIR Arnór Ragnarsson, fjög-
urra ára, og hvolpurinn Perla sem
er sex mánaða, hoppuðu líkt og þau
ættu lífið að leysa í garði við Þrast-
arás í Reykjavík í gærkvöldi. Perla
hafði ekki síður gaman af hoppinu
en Arnór og stunda þau víst tramp-
ólínið grimmt þessa dagana. Fátt
virðist toppa hoppið í þeirra huga.
Morgunblaðið/Sverrir
Toppurinn
að vera á
trampólíni
Boðið að
Töfrafossi
ÓSK Vilhjálmsdóttir, sem hef-
ur ásamt öðrum staðið fyrir
ferðum félagsins Augnabliks á
öræfin norðan Vatnajökuls, vill
nú að ráðherrar landsins fái
tækifæri til að kynna sér svæð-
ið sem Kárahnjúkavirkjun mun
hafa áhrif á. Býður hún öllum
ráðherrunum í ókeypis tveggja
daga ferð 19. og 20. ágúst og
verður gist í skála við Snæfell.
„Þau kynnast þá landinu sem
á að hverfa,“ segir Ósk.
Hún segir að ferðirnar séu
fyrir alla sem vilja skoða nátt-
úruna á þessum slóðum eigin
augum, einnig það sem hverfi
undir lón vegna virkjana.
Ráðherrum | 11
Leggja til
að einkavæða
Íbúðalánasjóð
FRAMKVÆMDASTJÓRN Alþjóða-
gjaldeyrissjóðsins telur að Seðla-
bankinn þurfi að hækka stýrivexti
sína enn frekar en orðið er, til að
stuðla að lækkun verðbólgu.
Þá hvetur framkvæmdastjórnin
íslensk stjórnvöld til að kanna þann
möguleika að breyta Íbúðalánasjóði
í einkarekinn heildsölubanka. Segir
hún að núverandi fyrirkomulag
Íbúðalánasjóðs hamli peninga-
málastefnu Seðlabankans.
Sturla Pálsson, framkvæmda-
stjóri alþjóðasviðs Seðlabanka Ís-
lands, segir að skýrsla Alþjóða-
gjaldeyrissjóðsins sé að mörgu leyti
samhljóða þeim sjónarmiðum, sem
Seðlabankinn hefur sett fram síð-
ustu misserin um verðbólgu, Íbúða-
lánasjóð og opinber fjármál. | 12
Eftir Jóhann M. Jóhannsson
johaj@mbl.is
ÞÉTTBÝLI Reykjavíkur teygir nú
anga sína yfir nánast alla urðunar-
staði Reykvíkinga frá fyrri tíð og eru
miklar líkur á að spilliefni hafi verið
urðuð á einhverjum þeirra þótt flest-
ir hafi að geyma hættulítinn úrgang.
Er þetta niðurstaða skýrslu um
gamla urðunarstaði í Reykjavík sem
unnin hefur verið af Kristínu Lóu
Ólafsdóttur og Svövu S. Steinars-
dóttur, heilbrigðisfulltrúum á um-
hverfissviði Reykjavíkurborgar.
Hefur sums staðar verið byggt of-
an á urðunarstaði án þess að fjar-
lægja gömul úrgangsefni og eru í
skýrslunni skráðar upplýsingar um
sextán urðunarstaði víðs vegar um
borgina. Er talið ýmist hugsanlegt
eða líklegt að spilliefni sé að finna á
fimm þeirra, við Skúlagötu neðan
Barónsstígs, í Geirsnefi, á Keldna-
holti, í Gufunesi við loftskeytastöð
Landsímans og á Gufuneshaugum.
Þá er átt við efni á borð við raf-
geymasýru, olíuefni, þungmálma og
jafnvel PCB.
Fram kemur í skýrslunni að lítið
sé vitað almennt um hegðun úr-
gangsefna hér á landi eftir förgun og
að alvarleg mengunarvandamál hafi
til þessa ekki komið upp þegar urð-
unarstöðum hefur verið raskað við
nýframkvæmdir.
Sorp finnst enn
við nýframkvæmdir
Fyrirvari er jafnframt gerður um
það í skýrslunni að samsetning úr-
gangs og magn einstakra úrgangs-
tegunda sé einungis hægt að áætla
út frá þeirri atvinnustarfsemi sem
hefur verið stunduð í gegnum tíðina.
Spilliefni sé fyrst og fremst að finna í
leifum urðunarstaða sem hætt var að
urða í á síðustu áratugum tuttugustu
aldarinnar.
Skýrslan er fyrst og fremst unnin
eftir munnlegum heimildum þar sem
fáum skriflegum heimildum um efnið
er til að dreifa. Er hún afrakstur
fyrsta áfanga verkefnis sem ákveðið
var að ráðast í eftir að gamall urð-
unarstaður fannst við Fossaleyni ár-
ið 2001 þegar unnið var að byggingu
Egilshallar.
Sá urðunarstaður hafði að geyma
mikið af tuskum, plasti, beinum og
skóm. Þrátt fyrir að þar hafi einnig
fundist rafhlöður og dósir með efna-
leifum sem gætu verið spilliefni segir
í skýrslunni að slík efni hafi ekki
virst vera í miklu magni.
Við framkvæmdir sem standa nú
yfir í Stekkjarbrekkum vestan við
Vesturlandsveg hefur gamall urðun-
arstaður komið í ljós og hefur jarð-
vinnuverktaki á svæðinu unnið að
því að flytja sorpið í Álfsnes þangað
sem urðun úrgangs frá Reykjavík
hefur verið flutt.
Urðunarstaði spilliefna
að finna undir þéttbýli
Öskuhaugur | 17
LAXVEIÐI í íslenskum ám mun að
líkindum dragast saman frá því í
fyrra en ekki stefnir þó í lélegt lax-
veiðisumar heldur miðlungsveiði
að sögn Guðna Guðbergssonar,
fiskifræðings á Veiðimálastofnun.
Hann segir þó óþarft að örvænta.
Hópur enskra laxveiðimanna
sem var við veiðar í Laxá í Leir-
ársveit fyrir nokkru virðist hafa
tekið Guðna á orðinu. Þannig ör-
væntu þeir ekki þegar á skall hita-
bylgja og lónbúinn sýndi hvorki
þeim né agni þeirra áhuga. Þeir
vissu sem var að fleiri fiskar væru í
sjónum og brugðu því á það ráð að
halda til sjóstangveiða ásamt leið-
sögumönnum sínum. Þar fundu
þeir áhugasama þorska og ufsa
sem létu glepjast af agninu og voru
grillaðir seinna um kvöldið – eftir
golfið. | 8
Golf og sjóstöng
í stað laxveiðinnar