Morgunblaðið - 28.09.2006, Blaðsíða 12

12 FIMMTUDAGUR 28. SEPTEMBER 2006 MORGUNBLAÐIÐ
FRÉTTIR
ÚR VERINU
VIÐSKIPTAHÚSIÐ hefur undir-
ritað sölusamning á Hafnarey SF
36 til Rússlands. Skipið verður
gert út frá Murmansk.
Hafnarey SF 36 er í eigu Kross-
eyjar ehf. en það fyrirtæki var fyrr
á þessu ári selt til Ingimundar hf. Í
Reykjavík og hafði Viðskiptahúsið
einnig milligöngu um þau viðskipti.
Togarinn Hafnarey SF liggur nú
í Reykjavíkurhöfn og er fyrirhugað
að hann leggi af stað í dag, fimmtu-
dag, áleiðis til Noregs og þaðan til
Rússlands. Togarinn mun stunda
togveiðar í Barentshafinu.
„Eftirspurn er eftir góðum tog-
bátum til Murmansk og ein ástæða
þess að Rússarnir leita hingað er
sú að hér eru yfirleitt bátar og skip
í góðu ástandi og uppfylla flest þau
skilyrði sem farið er fram á af
hálfu kaupenda. Við erum að vinna
núna í samningum um 2 önnur skip
til Rússlands sem vonandi klárast
innan skamms tíma en það tekur
oft langan tíma og mikla vinnu að
ljúka samningum við rússneska
kaupendur,“ segir Þórir Matthías-
son, framkvæmdastjóri Viðskipta-
hússins.
Hafnarey
seld til
Rússlands
Eftir Kristin Benediktsson
krben@internet.is
VEIÐIEFTIRLIT Hafrannsókna-
stofnunar lokaði stóru svæði á Hala-
miðum á mánudag eftir að í ljós kom
við skoðun á afla að um 49% af óskil-
greindum fisktegundum í sýnum
reyndust undir viðmiðunarmörkum.
Svæðið hefur verið lokað af og til í
sumar vegna smáfisks. Á svæðinu
fengu skipin vænan þorsk þegar tog-
að var niður í kantinn en þau sem
voru að flýja þorskinn fundu góðan
ufsa og karfa í bland, þegar togað
var norður Barðið.
Mikið er um síld á svæðinu sem
slær sér niður á nóttinni og greini-
legt að fiskurinn eltir ætið og er í
veiðanlegu ástandi fyrir togarana.
Nokkur frystiskip fengu frá sex og
upp í 20 tonn af ufsa sem gerði þeim
mögulegt að halda uppi fullri vinnslu
þar sem þorskkvótinn leyfði ekki
frekari þorskvinnslu. Á svæðinu
voru einnig ísfisktogarar og bátar.
Skipstjórar voru ekki sáttir er
þeir fengu tilkynningu um lokun því
mikill munur var á fiski eftir holum.
Misstór sýni tekin
Í samtali sem Morgunblaðið átti
við eftirlitsmann á miðunum fyrir
skömmu, taka eftirlitsmenn Fiski-
stofu sýni úr aflanum sem eru mis-
stór eftir aflamagni og er reglan sú
að ef 25% af sýninu er undir 55 cm
kallar það á lokun. Tekin eru fleiri
sýni til að ganga úr skugga um að
viðkomandi sýni sé ekki einstakt eða
tilviljun þannig að reynt er að full-
vissa sig um að smáfiskur flæði yfir
viðkomandi svæði áður en ákvörðun
um lokun er tekin. Eftirlitsmaður
Fiskistofu hefur samband við veiði-
eftirlit Hafrannsóknastofnunar en
þar er fiskifræðingur á vakt sem tek-
ur á móti upplýsingum og sendir út
tilkynningu til skipa um skyndilokun
sé þess þörf.
Hafrannsóknastofnun lokar
Halanum vegna smáufsa
Morgunblaðið/Kristinn Benediktsson
Á sjó Karlarnir á Baldvini Njálssyni GK vefja stroffu vel utan um belginn
til að hífingin með gilsinum á þungu trollinu gangi betur.
Ef 25% af sýninu
eru undir 55 cm
kallar það á lokun
„VIÐ ætlum að
halda það hátíð-
legt að herinn er
að fara brott og
1. október verður
landið herlaust í
fyrsta sinn í 66
ár,“ segir Ólafur
Hannibalsson,
einn forsvars-
manna Þjóð-
arhreyfing-
arinnar en á blaðamannafundi í
gær var kynnt dagskrá almenns
borgarafundar og hátíðarhalda sem
Þjóðarhreyfingin stendur að á
NASA við Austurvöll á sunnudag.
Tilefnið er að þá verður erlendur
her farinn frá Íslandi. Ólafur sagði
að vera hersins hefði undanfarna
áratugi klofið þjóðina gersamlega í
fylkingar. Ákveðinn minnihluti
hefði alla tíð barist gegn veru hers-
ins en „svo var stór, þögull meiri-
hluti sem aldrei var sáttur við dvöl
hersins hér og hlýtur að fagna því
þegar þeir losna við hann. Meðal
annars af því tilefni hefur Matthías
Johannessen ort kvæði sem verður
frumflutt á þessari hátíð, en kvæðið
nefnir hann 1. október. Ég held að
það gefi vel til kynna að jafnvel
þeir sem sættu sig við dvöl hersins
en töldu hann illa nauðsyn, þeim
léttir núna. Við teljum þess vegna
fulla ástæðu til þess að skapa vett-
vang fyrir fólk til að sýna þennan
fögnuð sinn og láta hann í ljós.
Helst vildum við að landsmenn allir
héldu upp á daginn með því að
flagga þennan dag,“ sagði Ólafur.
Vonandi ekki
erlendur her aftur
Bandaríkjamenn hafi tekið af
skarið og telji enga ástæðu fyrir
því að vera hér með her. „Við hljót-
um að fagna þeirri ákvörðun. Við
vonum að það komi ekki til þess að
hér þurfi að hafa erlendan her aft-
ur,“ sagði Ólafur.
Þjóðarhreyfingin líti svo á að Al-
þingi eigi á þeim tímamótum sem
nú hafi orðið að taka utanríkis- og
öryggismál Íslands til umfjöllunar
og ráða til lykta hvað eigi að ger-
ast. „Við lítum ekki svo á að þetta
geti verið einkamál nokkurra ráð-
herra í ríkisstjórninni og Banda-
ríkjamanna,“ sagði Ólafur.
Hátíðin á sunnudag hefst klukk-
an 14 og mun Jón Baldvin Hanni-
balsson, fv. utanríkisráðherra og
sendiherra Íslands í Bandaríkj-
unum flytja ræðu, Pétur Gunn-
arsson rithöfundur mun ávarpa
fundinn. Þá munu m.a. Bogomil
Font, Steindór Andersen og barna-
kór koma fram.
Fagna herlausu landi
»Bandarísk yfirvöld til-kynntu 15. mars í vor að
bandaríska varnarliðið færi
senn af landi brott.
» Þá voru hér 1.242 varnar-liðsmenn en í sumar var
þeim fækkað jafnt og þétt.
» Í byrjun ágúst voru um 300hermenn eftir á landinu
»Varnarliðsmennirnir verðaallir farnir á sunnudag, 1.
október, en Þjóðarhreyfingin
hefur boðað til fundar og hátíð-
arhalda á Nasa.
Í HNOTSKURN
HÉRAÐSDÓMUR Suðurlands hef-
ur dæmt karlmann á fertugsaldri til
greiðslu 170 þúsund króna fyrir
fíkniefnabrot auk 34 þúsund króna í
sakarkostnað. Lögregla gerði hús-
leit á heimili mannsins í janúar sl. og
fundust þar 0,06 grömm af tóbaks-
blönduðu kannabisefni og 241
kannabisfræ. Greiði ákærði ekki
sektina innan fjögurra vikna þarf
hann að sitja í fangelsi í 12 daga.
Ákærði hefur áður gerst brotlegur
gegn lögum um ávana- og fíkniefni. Í
desember árið 1994 var hann dæmd-
ur til að greiða 100 þúsund krónur í
sekt og sviptur ökuleyfi í þrjú ár.
Auk þess var maðurinn dæmdur í
mars árið 1999 fyrir brot á umferð-
arlögum og þurfti þá að greiða 25
þúsund krónur.
Ástríður Grímsdóttir héraðsdóm-
ari kvað upp dóminn. Gunnar Örn
Jónsson fulltrúi flutti málið af hálfu
ákæruvaldsins.
Dæmdur
fyrir kanna-
bisfræ
OPNUM spjallvef á www.press.is vef
Blaðamannafélagsins hefur verið lok-
að tímabundið. Að sögn Birgis Guð-
mundssonar, ritstjóra Blaðamanns-
ins og umsjónarmanns press.is, er
ástæðan sú að í sumar hefur borið á
síendurteknum innrásum frá erlend-
um klámsíðum og sölumönnum sem
sendu upplýsingar sjálfvirkt inn á
vefinn. Aðspurður segir hann líklegt
að spjallvefnum verði lokað í allt að
hálfan mánuð meðan verið sé að finna
leið til þess að sporna við slíkum
sendingum í samráði við tæknimenn.
Segir Birgir að einnig sé verið að
skoða með hvaða sniði spjallvefurinn
skuli vera eftir opnun og segir hann
að komið hafi til tals að breyta honum
á þann hátt að hann verði aðeins op-
inn og aðgengilegur fyrir fé-
lagsmenn, en hingað til hefur vefur-
inn verið opinn fyrir allan almenning.
Segir hann vonir standa til að sú
breyting verði til þess að efla um-
ræðuna meðal fjölmiðlamanna og
stuðla að því að gera umræðuna fag-
legri á allan hátt.
Loka spjall-
vef sínum
♦♦♦
Matthías
Johannessen
Morgunblaðið/Eyþór
Brottför fagnað Yfirskrift hátíðarhalda Þjóðarhreyfingarinnar á sunnudag er Vopnin kvödd.
„ÉG ER himinlif-
andi, þetta er
glæsilegt, fallega
gert og mikil
hvatning,“ segir
Árni Johnsen en
honum hafa borist
á tólfta hundrað
undirskriftir þar
sem skorað er á
hann að taka þátt í
prófkjöri Sjálfstæðisflokksins í Suð-
urkjördæmi fyrir komandi alþingis-
kosningar. Þrátt fyrir að fá allan
þennan fjölda af áskorunum hefur
Árni þó ekki gert upp hug sinn, en
segist þó ekki ætla að láta bíða eftir
sér lengi og er svars að vænta frá hon-
um mjög fljótlega.
Undirskriftasöfnunin fór af stað
um miðjan ágústmánuð og hófst
þannig að nokkrir einstaklingar tóku
sig saman og byrjuðu að safna. Undir-
skriftalistar lágu ekki frammi neins
staðar en menn tóku lista með sér til
vinnu og gengu þannig manna á milli.
„Það er svo skemmtilegt að þetta er
frá hinum almenna grunni fólksins í
kjördæminu,“ segir Árni og segir
undirskriftir frá fólki úr nánast öllum
byggðakjörnum Suðurkjördæmis, úr
sveitum víða og utan af sjó. „Til dæm-
is í dag [í gær] fékk ég fax utan af sjó,
frá bát þar sem tíu menn eru um borð.
Þar voru átta sem skrifuðu undir og
það var mjög hlýlegt að fá slíkan
stuðning. Þetta er gaman því maður
hefur verið að vinna fyrir þetta fólk og
vill vinna fyrir það áfram.“
Hlýlegt að
fá slíkan
stuðning
Mikill fjöldi skorar
á Árna Johnsen
Árni Johnsen
ÖKUMAÐUR fólksbifreiðar var
fluttur á slysadeild Landspítala –
háskólasjúkrahúss í gær eftir bíl-
veltu á Grafningsvegi en skv. upp-
lýsingum frá lækni á slysadeild er
hann ekki alvarlega slasaður.
Auk ökumanns var lítið barn í
bílnum en það sakaði ekki. Öku-
maðurinn var fastur í bílnum og
þurfti að beita klippum til að ná
honum út.
Slasaðist í bílveltu
á Grafningsvegi
♦♦♦