Morgunblaðið - 28.10.2006, Qupperneq 76

Hart undir fyrstu skóflustungunni
HÁTÍÐARMESSA var í Hallgrímskirkju í
gærkvöldi þar sem sungin var messa með svip-
uðum messusöng og tíðkaðist á tímum Hall-
gríms Péturssonar, en 27. október er dán-
ardagur Hallgríms. Hefur hans verið minnst
með slíkri messu allt frá stofnun Hallgríms-
safnaðar, en frumkvæðið áttu séra Jakob
Jónsson og séra Sigurbjörn Einarsson sem
voru fyrstu prestar Hallgrímssafnaðar. Jafn-
framt var minnst 20 ára vígsluafmælis kirkj-
unnar. Biskup Íslands, herra Karl Sig-
urbjörnsson, prédikaði og þjónaði fyrir altari
ásamt prestum og djákna kirkjunnar og mörg-
um öðrum sem komið hafa að prestsþjónustu
við kirkjuna s.l. áratugi. Meðal þeirra sem
tóku þátt í messunni í gær voru bræðurnir Þór
og Jón Einar Jakobssynir, synir séra Jakobs
Jónssonar. Lásu þeir úr ritningunni en tengsl
þeirra við kirkjuna ná áratugi aftur í tímann.
Tóku þeir m.a. þátt í fyrstu skóflustungunni
að Hallgrímskirkju um miðjan fimmta áratug-
inn. „Við vorum þarna, við bræðurnir þegar
fyrsta skóflustungan var stungin. Þetta var at-
höfn sem ekkert hafði verið tilkynnt. Ég man
að við vorum þarna ásamt föður okkar,“ segir
Þór, en þeir bræður voru þá 8 og 9 ára. „Við
bræðurnir komum við skófluna og ég man að
það var ákaflega hart undir. Ég man einnig að
það var nokkuð hvasst.“ Áður en Hallgríms-
kirkja reis voru prestarnir með messur í Aust-
urbæjarskóla og rámar Þór í það. „Þá voru
hermannabraggar á Skólavörðuholtinu,“ rifj-
ar Þór upp. „Eftir stríðið þegar losnaði um
svæðið, þá var byrjað á Hallgrímskirkju.“ Á
200 afmæli Reykjavíkurborgar árið 1986, var
lokið við byggingu kirkjunnar, sem Guðjón
Samúelsson húsameistari ríkisins teiknaði.
Fremst til hægri á myndinni má sjá bræðurna
Jón Einar og Þór í Hallgrímskirkju í gær.
Morgunblaðið/Árni Sæberg
ÁSKRIFT-AFGREIÐSLA 569 1100 LAUGARDAGUR 28. OKTÓBER 301. DAGUR ÁRSINS 2006 VERÐ Í LAUSASÖLU 220 KR. MEÐ VSK.
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
 Austlæg átt 8-
15 m/s, rigning
norðan og aust-
anlands en suðv.
3-8 m/s suðvestan og vest-
anlands. » 8
Heitast Kaldast
8°C 2°C
GJÖLD sem lögð eru á nýjar, erlendar
bækur, sem keyptar eru á netversluninni
Amazon, geta meira en tvöfaldað verð
bókanna hingað kominna.
Bók sem kostar 1.000 kr. á Amazon
kostar hingað komin 2.308 kr. eftir að búið
er að greiða 14% virðisaukaskatt, sending-
arkostnað og 450 kr. þjónustugjald sem
tekið er vegna umsýslu við virðisauka-
skattinn.
Lækkun virðisaukaskattsins í 7% næsta
vor mun ekki hafa mikil áhrif á verð er-
lendra bóka sem keyptar eru með þessum
hætti vegna þess að þjónustugjaldið verð-
ur eftir sem áður 450 kr.
Áætla má að tekjur ríkissjóðs vegna er-
lendra bókapantana árið 2005 hafi numið
22 milljónum króna. | Lesbók
Gjöld tvöfalda
verð bóka
HEIMSFERÐIR munu
hefja reglulegt flug til
kanadísku borgarinnar
Montreal í maí á næsta
ári og verður meðal
annars boðið upp á
tengiflug til Winnipeg.
Sala á farmiðum til
borgarinnar mun hefj-
ast nú um helgina.
Andri Már Ingólfs-
son, forstjóri Heims-
ferða, segir að með þessu sé verið að opna
Kanada fyrir Íslendingum, en þetta sé í
fyrsta sinn sem flogið sé frá Íslandi til kan-
adískrar stórborgar á borð við Montreal.
Flogið verður vikulega á fimmtudögum,
klukkan sjö síðdegis, í sumar, frá og með
17. maí næstkomandi.
„Þá munum við bjóða upp á tengiflug í
samstarfi við kanadískt flugfélag milli
Montreal og Winnipeg og er mikill áhugi
meðal Vestur-Íslendinga þar á ferðum til
Íslands, sem og meðal Íslendinga sem vilja
heimsækja Íslendingaslóðir í Kanada,“
segir Andri. |18
Heimsferðir hefja
flug til Kanada
Andri Már
Ingólfsson
ÁGÚST Guðmundsson, forstjóri Bakka-
varar Group, segir hvalveiðar í atvinnu-
skyni mikil mistök og að með þeim sé verið
að fórna miklum hagsmunum fyrir litla.
Þetta kom fram í máli Ágústs á aðalfundi
Landssambands smábátaeigenda í gær.
Ágúst sagðist eiga mjög erfitt með að
skilja þá ákvörðun stjórnvalda að heimila
hvalveiðar í atvinnuskyni. Sagðist hann
ósáttur við þá málsmeðferð að Hvalur hf.
hefði fengið góðan tíma til undirbúnings,
en stór íslensk útrásarfyrirtæki hefðu
fyrst fengið fréttirnar í erlendum fjöl-
miðlum.
Þeim hefði ekki verið gert kleift að búa
sig undir þau harkalegu viðbrögð sem
hefðu orðið við veiðunum. Íslendingar
gætu ekki litið á það sem sitt einkamál að
veiða hvali. | 16
Mistök að veiða
hvali í atvinnuskyni
Eftir Hjört Gíslason
hjgi@mbl.is
AÐALFUNDUR Landssambands
smábátaeigenda veitti í gær sam-
tökunum umboð til að leita eftir
samningum um kaup og kjör á
smábátum fyrir hönd félagsmanna
sinna, sem yrðu lagðir fyrir aðild-
arfélög til afgreiðslu. Lengst af
hefur ekki verið þörf fyrir slíka
kjarasamninga þar sem eigendur
hafa þá róið einir á bátum sínum,
en við annan mann. Nú hafa þær
breytingar orðið að margir bátar
geta verið í eigu sama aðila og eig-
andinn ekki um borð. Því hefur
þurft að semja um hlut hvers og
eins sérstaklega. Fleira hefur kom-
ið til eins og að bann við þátttöku
sjómanna í kvótakaupum hefur
ekki náð til smábátanna. Þetta hef-
ur í raun þýtt að samningar geta
verið mjög mismunandi milli báta,
Sjómannasamtökin hafa fyrir
nokkru óskað sameiginlega eftir
viðræðum við LS um kjarasamn-
inga. LS varð við því og hafa þegar
nokkrar viðræður átt sér stað.
„Það er trú mín, eftir að hafa
komið með beinum hætti að kjara-
málunum með því að rýna í upp-
gjör frá ykkur, að fastari grunnur
verði byggður undir reksturinn
þegar kjarasamningur hefur verið
gerður. Við gerð hans er þó að
mörgu að hyggja. Við komum inn í
umhverfi sem er okkur að mörgu
leyti framandi,“ sagði Örn Pálsson
framkvæmdastjóri LS á fundinum.
LS veitt umboð til þess
að gera kjarasamning
Engir kjarasamningar hafa verið í gildi á smábátunum fram til þessa
Í HNOTSKURN
» Til þessa hafa engir op-inberir samningar verið
í gildi á smábátum.
» Stuðst hefur verið viðtvo óopinbera samninga.
» Landssamtök sjómannasegja að mörgu að
hyggja við gerð kjarasamn-
inganna.
Fagna breytingu |16
Eftir Brján Jónasson
brjann@mbl.is
RÓTTÆKAR tillögur um breytingar á skipulagi
Alþýðusambands Íslands (ASÍ) voru felldar á
ársfundi sambandsins í gær. Aukinn meirihluta,
2⁄3 hluta atkvæða, þurfti til að samþykkja tillög-
urnar. Þegar atkvæði höfðu verið talin kom í ljós
að 61,5% samþykktu en 38% voru andvíg og til-
lagan var því felld.
„Þetta þýðir væntanlega það að æðistór hluti
af okkar samfélagi er tiltölulega sáttur við það
skipulag sem við búum við,“ segir Grétar Þor-
steinsson, sem endurkjörinn var forseti ASÍ á
fundinum í gær. Hann sagði það þó alltaf von-
brigði þegar vel undirbúnar tillögur væru felldar.
„Það breytir því hins vegar ekki í mínum huga,
að miðað við þær miklu breytingar sem hafa orð-
ið á okkar umhverfi á síðustu árum – og eru fyr-
irséðar í næstu framtíð – þá hljóta þær að kalla á
það að umræða um skipulagsmálin verði ágeng,“
sagði Grétar.
Aðalsteinn Á. Baldursson, formaður Verka-
lýðsfélags Húsavíkur, sagðist ánægður með nið-
urstöðuna. „Skoðanir eru skiptar um þetta en
það er ljóst að andstaðan var til staðar á lands-
byggðinni og þetta var fellt, sem betur fer,“ segir
Aðalsteinn. Hann segir að landsbyggðarfólk hafi
almennt verið andsnúið tillögunum. „Okkur hef-
ur fundist á síðustu árum að okkar rödd ætti erf-
itt uppdráttar gagnvart höfuðborgarvaldinu.“
Einnig bendir Aðalsteinn á að jafnréttinu hefði
ekki verið gert hátt undir höfði með 9–11 manna
framkvæmdastjórn með 1–2 konum innanborðs.

Landsbyggðin | 6
Felldu tillögur um breytt skipulag
Róttækar tillögur sem lagðar voru fram á ársfundi ASÍ hlutu ekki brautargengi