Morgunblaðið - 11.11.2006, Qupperneq 49

MORGUNBLAÐIÐ LAUGARDAGUR 11. NÓVEMBER 2006 49
KIRKJUSTARF
Kristniboðsdagurinn
á sunnudag
ÁRLEGUR kristniboðsdagur Þjóð-
kirkjunnar verður á sunnudag, 12.
nóvember. Nú eru 70 ár síðan þessi
dagur var tekinn upp til að minna á
ábyrgð kirkjunnar á kristniboði. Í
tilefni dagsins hvetur biskup presta
og söfnuði til að nýta tækifærið til
að halda á lofti málefnum kristni-
boðsins og minna á þann mikilvæga
þátt í lífi og köllun kirkjunnar sem
kristniboðið er. Samskot til starfs-
ins eru tekin í mörgum guðsþjón-
ustum dagsins.
Útvarpsmessan verður helguð
kristniboðinu, en framkvæmda-
stjóri SÍK, Ragnar Gunnarsson,
prédikar í guðsþjónustu í Breið-
holtskirkju þar sem sóknarprest-
urinn, sr. Gísli Jónasson þjónar fyr-
ir altari. Kristniboðar og fulltrúar
Kristniboðssambandsins taka þátt í
guðsþjónustum víða um land þenn-
an dag.
Sérstök hátíðarsamkoma verður
um kvöldið í húsi KFUM og KFUK
við Holtaveg. Þar verða stutt viðtöl
og síðan mun séra María Ágústs-
dóttir flytja hugvekju kvöldsins.
Allir eru velkomnir á samkomuna.
Samband íslenskra kristniboðs-
félaga var stofnað árið 1929 og stóð
í fyrstu að baki íslenskum kristni-
boðum í Kína. Með valdatöku
kommúnista lokaðist landið og
stuttu síðar, eða árið 1954, hófu Ís-
lendingar starf í Eþíópíu, meðal
Konsómanna í suðurhluta landsins.
Um þrátíu Íslendingar hafa verið
að störfum í landinu á liðnum 50 ár-
um, flestir í áratug eða lengur.
Starf lúthersku kirkjunnar, Mek-
ane Yesus, hefur vaxið gríðarlega
og er hún ein af stærstu og öflug-
ustu lúthersku kirkjum í heimi.
Tvær íslenskar fjölskyldur eru að
störfum í Eþíópíu.
Árið 1978 hóf Kristniboðssam-
bandið starf í Keníu og þar eru þrír
fulltrúar þess nú við störf. Megin-
áherslan hefur verið á starf meðal
Pókotmanna í norðvesturhluta
landsins. Tveir fulltrúar sambands-
ins starfa sem kristnir sérfræð-
ingar í SA-Asíu.
Bæði í Keníu og Eþíópíu hafa
kristniboðarnir boðað fagnaðar-
erindið, byggt upp innlenda kirkju
með fræðslu og þjálfun og tekið
þátt í margvíslegu þróunarstarfi
sem miðar að því að veita öllum
stuðning til betra lífs og liðsinna
samfélagi fólks í heild sinni með
tækifæri til náms, heilsugæslu, að-
gangi að vatni, landbúnaðarbótum
og umhverfisvernd.
Tekið er á móti gjöfum til starfs-
ins í kirkjum landsins en þær má
einnig leggja inn á eftirtalda
bankareikninga: Hjá Íslandsbanka:
0515-26-2800, hjá Landsbanka:
0117-26-2800, hjá KB banka 0328-
26-2800 og hjá SPRON: 1153-26-
2800. Kennitala Sambands ís-
lenskra kristniboðsfélaga er
550269-4149.
Nú í vikunni kom út á íslensku á
vegum Kærleiksþjónustusviðs
Biskupsstofu kristniboðsyfirlýsing
Lútherska heimssambandsins. Yfir-
lýsingin var samþykkt og gefin út á
ensku, þýsku og frönsku fyrir
tveimur árum. Heiti plaggsins er
„Boðun í síbreytilegu samhengi. Að
umbreyta, sætta og efla.“ Allar að-
ildarkirkjur og kristniboðssamtök
sem tengjast LH fengu tækifæri til
að tjá sig um yfirlýsinguna og móta
hana. Áhersla er á kristniboð sem
samfylgd og mikilvægi þess að
kirkjan sé boðandi kirkja, bæði í
nærsamfélaginu og á fjarlægum
slóðum. Vel er við hæfi að skýrslan
skyldi koma út á íslensku í vikunni
fyrir kristniboðsdag.
Kristniboðsdagurinn í
Seltjarnarneskirkju
SUNNUDAGINN 12. nóvember er
kristniboðsdagurinn haldinn hátíð-
legur. Í tilefni þess mun Haraldur
Jóhannsson varaformaður Sam-
bands íslenskra kristniboðsfélaga
predika. Tekið verður við fram-
lögum til Kristniboðssambandsins í
andyri kirkjunnar. Fermingarbörn
aðstoða við helgiahaldið og
Kammerkór Seltjarnarneskirkju
leiðir tónlistarflutning undir stjórn
Pavel Manasek organista. Prestur
er Sigurður Grétar Helgason.
Sunnudagaskólinn er á sama tíma.
Eftir messuna verður boðið upp á
kaffibolla í safnaðarheimili kirkj-
unnar. Verið öll velkomin.
Kaffihúsamessa með
gospelsveiflu
KAFFIHÚSAMESSA verður á
sunnudag kl.11:00 í hátíðarsal
íþróttamiðstöðvarinnar á Álftanes-
inu. Boðið verður upp á kaffi, djús
og rúnnstykki í upphafi guðþjón-
ustunnar í boði sóknarinnar í umsjá
sóknarnefndar Bessastaðasóknar.
Síðan mun Álftaneskórinn syngja
gospelsálma undir stjórn Bjarts
Loga Guðnasonar organista. Þá
mun sr. Jóna Hrönn Bolladóttir
predika og þjóna að helgihaldinu
ásamt Grétu Konráðsdóttur djákna.
Guðsþjónustan mun einkennast af
léttri sveiflu í helgri alvöru. Safnað
verður fyrir kristniboðið í lok
stundarinnar. Á sama tíma er
sunnudagaskóli í hátíðarsal Álfta-
nesskóla undir stjórn Kristjönu
Thorarensen. Allir velkomnir.
Afrískir tónar í
kvöldmessu í
Hafnafjarðarkirkju
og fjölskylduhátíð
AÐ KVÖLDI kristniboðsdags kirkj-
unnar, 12. nóvember, kl. 20. verður
æskulýðshátíð í Hafnafjarðarkirkju
með afrísku sniði. Þá munu félagar
úr Kanga-sönghópnum ásamt vin-
um leiða almennan söng og leika
tónlist frá Afríku en sönghópurinn
sérhæfir sig í þeirri tónlist. Einnig
verða sýndar myndir frá Kenýu.
Prestar verða sr. Kjartan Jónsson
sem starfaði sem kristniboði í
Afríku í tólf ár og sr. Gunnþór Þ.
Ingason.
Félagar í Æskulýðsfélagi
Hafnarfjarðarkirkju og fermingar-
börn klædd í afrískan fatnað munu
taka á móti kirkjugestum við
kirkjudyr og bjóða þeim til veislu í
Hásölum Strandbergs, þegar at-
höfninni lýkur, með veitingum sem
fermingarbörnin leggja sjálf til. Á
meðan kirkjugestir gæða sér á góð-
gerðunum verða sýndar myndir úr
ferðalögum fermingarbarnanna í
Vatnaskóg í haust.
Fyrr um daginn kl. 11 fer fram
Fjölskylduhátíð með afrískum brag
í kirkjunni.
Þá mun Kanga-sönghópurinn
einnig koma fram og flytja fjöl-
breytta tónlist frá Afríku og leiða
kirkjugesti í almennum söng ásamt
hljómsveitinni Gleðigjöfum. Sýndar
verða myndir af starfsvettvangi
kristniboða í Kenýu og brúðurnar
úr brúðuleikhúsinu spjalla við
kirkjugesti. Að messu lokinni verð-
ur boðið upp á góðgæti í Strand-
bergi.
Kristniboðsdagurinn
í Lindasókn
GUÐSÞJÓNUSTA ogsunnudaga-
skóli í Salaskóla kl. 11:00. Tekin
verða samskot til styrktar Sam-
bandi íslenskra kristniboðsfélaga.
Þorvaldur Halldórsson tónlistar-
maður leiðir safnaðarsönginn. Kór
Salaskóla syngur undir stjórn
Ragnheiðar Haraldsdóttur. Jónas
Þórisson, formaður Sambands ís-
lenskra kristniboðsfélaga prédikar.
Sr. Bryndís Malla Elídóttir þjónar.
Allir velkomnir!
Andabrauð, kristniboð
og feðradagur í Frí-
kirkjunni í Reykjavík
ALMENN guðsþjónusta verður í
Fríkirkjunni kl. 14:00. Sú hefð okk-
ar að gefa fuglunum á Tjörninni
brauð verður nú aftur tekin upp,
eftir að mælt var gegn því yfir sum-
armánuðina. Kristniboðsdagurinn
skipar ákveðinn sess, þó svo við lít-
um á alla daga sem kristniboðs-
daga. Fyrsti feðradagurinn verður
skoðaður og þessi málefni öll sett í
sameiginlegt samhengi með kær-
leikanum. Ása Björk þjónar fyrir
altari og þau Anna Sigga og Carl
Möller leiða almennan safnaðar-
söng.
Kristniboðsdagur ís-
lensku Þjóðkirkjunnar
VIÐ höfum af því tilefni sett fjöl-
skylduna í öndvegi og valið að
halda fjölskylduguðsþjónustu,
„popp guðsþjónustu“ í Lágafells-
kirkju.
Við leyfum okkur að brjóta upp
formið og taka nýja tóna og annan
rytma inn í lofgjörð okkar til Guðs
um leið og við skoðum í hverju
kristniboð felst innan fjölskyld-
unnar og hvernig við berum hinn
kristna boðskap í orði og verki til
annarra manna sem við umgöng-
umst dags daglega í samfélagi okk-
ar og sérstaklega til fjarlægra
landa, þar sem Jesús og boðskapur
hans er óþekktur. Margra ára hefð
og nútíminn mætast í tónlistinni, í
sálmunum og í hrynjanda og krafti
poppsins.
Við höfum fengið í lið með okkur
tónlistarmenn sem skipa hljóm-
sveitina „Gildran“, en þeir eru Karl
Tómasson, Sigurgeir Sigmundsson,
Birgir Haraldsson og Jóhann
Ámundason. Einnig mun Anna
Sigríður Helgadóttir, söngkona,
syngja og leiða almennan safnaðar-
söng. Jónas Þórir organisti sér um
píanóundirleik.
Fermingabörn munu aðstoða við
guðsþjónustuna og prestur verður
sr. Ragnheiður Jónsdóttir. Tekið
verður á móti fjárframlögum til
Kristniboðsstarfsins –SÍK- við
kirkjudyr. Allir velkomnir.
Prestarnir.
Kristniboðsdagurinn
í Hallgrímskirkju:
„14 ár í Kína“
FYRIR nokkrum árum tók Egill
Helgason, sjónvarpsmaður, saman
heimildarmyndina „14 ár í Kína“,
sem er byggð á myndum afa hans,
Ólafs Ólafssonar kristniboða. Í til-
efni Kristniboðsdagsins kemur
Egill á fræðslumorgun í Hallgríms-
kirkju, sýnir hluta úr myndinni og
minnist starfs þeirra hjóna, Ólafs
og Herborgar. Fræðslumorgunninn
er í suðursal Hallgrímskirkju kl. 10
og lýkur rétt fyrir messu og barna-
starf, sem hefst í kirkjunni kl. 11.
Sr. Jón Dalbú Hróbjartsson predik-
ar og þjónar að messunni ásamt sr.
Maríu Ágústsdóttur og áhugahópi
Hallgrímskirkju um kristniboð og
hjálparstarf. Í messunni syngur
Pétur O. Heimisson, framhaldsnemi
við Söngskólann í Reykjavík, en
organisti er Hörður Áskelsson.
Kvennakirkjan í
Grafarvogskirkju
KVENNAKIRKJAN heldur guðs-
þjónustu í Grafarvogskirkju sunnu-
daginn 12. nóvember kl. 20.30. Yfir-
skrift messunnar er myrkur og
hlýja. Prédikunin verður í höndum
séra Auðar Eirar Vilhjálmsdóttur
og Ingibjargar Kjartansdóttur. Kór
Kvennakirkjunnar leiðir sönginn
undir stjórn Aðalheiðar Þorsteins-
dóttur. Á eftir verður kaffi í safn-
aðarheimilinu.
Mánudaginn 13. nóvember kl. 20
hefst prédikunarnámskeið í
Kvennakirkjunni, Laugavegi 59,
gengið inn frá Hverfisgötu. Á nám-
skeiðinu verða æfingar í prédikun-
um og umræða um uppbyggingu
þeirra. Námskeiðið er öllum opið
sem hafa áhuga á kvennaguðfræði.
Safnaðarfélag
Dómkirkjunnar
SAFNAÐARFÉLAG Dómkirkj-
unnar boðar til fundar í safnaðar-
heimilinu Lækjargötu 14A, sunnu-
daginn 12. nóvember nk. að lokinni
árdegismessu.
Þórir Steingrímsson, leikari,
rannsóknarlögreglumaður og for-
maður félagsins Heilaheill, er gest-
ur fundarins og fjallar hann um
reynslu sína, en hann fékk heila-
blóðfall fyrir rúmlega ári síðan.
Safnaðarfélag Dómkirkjunnar er
stofnað til þess að vera vettvangur
starfsfólks og reglulegra kirkju-
gesta til samfélagseflingar og
framkvæmda á félagssviði safn-
aðarlífsins. Það heldur að jafnaði
fundi sína á eftir messu fyrsta eða
annan sunnudag hvers vetrarmán-
aðanna. Þá eru gjarnan haldin er-
indi sem ýmist fjalla um það sem er
að gerast á vettvangi safnaðarins
eða fróðlegt efni af öðru tagi. Allir
velkomnir. Léttur hádegisverður.
Fundir með foreldrum
fermingarbarna
í Selfosskirkju
ÞRIÐUDAGSKVÖLDIÐ 14. nóvem-
ber og fimmtudagskvöldið 16. nóv-
ember næst komandi, bæði kvöldin
kl. 20 verða haldnir fundir með for-
eldrum þeirra barna, sem fermast í
Selfossprestakalli á vori komanda.
Foreldrar geta valið um, hvorn
fundinn þeir sækja, eftir hentug-
leikum. Rætt verður um ferming-
una í vor, fermingarstörfin í vetur
og fleira, er að þessu efni lýtur.
Fundirnir verða haldnir í safn-
aðarheimili Selfosskirkju, og þar
verður heitt á könnunni. Vonast er
til að sem flestir foreldrar sjái sér
fært að mæta.
Gunnar Björnsson,
sóknarprestur.
Kvöldmessa í
Laugarneskirkju
NÚ ER komið að kvöldmessu nóv-
embermánaðar í Laugarneskirkju,
sunnudaginn 12. nóvember kl.
20:00. Í kvöldmessum er lífið til
skoðunar í því ljósi sem Jesús Krist-
ur hefur gefið okkur, og markmið
okkar er það að ganga út úr kirkj-
unni sem betri manneskjur. Við
messuna mun ein ágæt húsmóðir í
hverfinu ganga fram og svara
spurningunni: „Hvað gerið þið á
ykkar heimili til þess að halda fjöl-
skyldunni saman?“ En við hverja
kvöldmessu í vetur er einhver hús-
móðir eða fjölskyldufaðir sem stíg-
ur í pontu til að svara þessari for-
vitnilegu spurningu. Kór Laugar-
neskirkju mun leiða gospelsönginn
við undirleik djasskvartetts Gunn-
ars Gunnarssonar. Bjarni Karlsson
sóknarprestur prédikar og sr. Hild-
ur Eir Bolladóttir þjónar við altarið
ásamt Sigurbirni Þorkelssyni. Svo
bíður messukaffi Gunnhildar
kirkjuvarðar allra sem lyst hafa og
tíma að messu lokinni.
Málþing um hraða
samfélagsins
ÞRIÐJUDAGSKVÖLDIÐ 14. nóv-
ember kl. 20:00 verður haldið mál-
þing um hraða samfélagsins á veg-
um Náttúrulækningafélags Íslands
og Laugarneskirkju. Snúnings-
hraði nútímalífsins veldur mið-
flóttaafli svo að kjarni tilverunnar
verður gjarnan fjarlægur í hvers-
deginum. Frummælendur verða
Norbert Muller hjúkrunarfræð-
ingur, Steinunn Inga Stefánsdóttir
viðskiptasálfræðingur, Eyjólfur
Magnússon Scheving grunnskóla-
kennari, Eva María Jónsdóttir for-
eldri og fjölmiðlakona og Bridget
Ýr McEvoy hjúkrunarfræðingur.
Umræður og fyrirspurnir úr sal.
Fundarstjóri verður sr. Bjarni
Karlsson en tónlistaratriði verða í
höndum Þorvalds Halldórssonar
söngvara, Gunnars Gunnarssonar
organista, Ernu Blöndal söngkonu
og Arnar Arnarsonar sem leikur á
gítar.
Stofnfundur Íslands-
deildar Anglican
Lutheran Society
FÖSTUDGINN 17. nóvember nk.
kl. 09:00- 10:30 verður haldinn
stofnfundur Íslandsdeildar „Anglic-
an Lutheran Society“ í Grafarvogs-
kirkju. Boðið verður upp á léttan
morgunverð.
Þessi samtök hafa verið vett-
vangur samkirkjulegs starfs ang-
líkana og lútherana síðan 1984.
Leikir sem lærðir geta orðið fé-
lagar. Samtökin stuðla að einingu
og samtali þessara tveggja kirkju-
deilda á heimsvísu. Félagið heldur
reglulega ráðstefnur og fundi þar
sem aðilar geta sameinast í um-
ræðum og trúarsamfélagi. Vernd-
arar samtakanna eru þeir hr. Row-
an Williams, erkibiskup af Kantara-
borg, og hr. Mark Hanson, biskup
lúthersku kirkjunnar í Bandaríkj-
unum.
Sr. Dick Lewis, sóknarprestur
við Christ Church & St Marḱs í
Watford kemur sérstaklega á þenn-
an stofnfund. Hann mun halda
fyrirlestur og kynna félagið.
Troðfullt í guðsþjónsutu í Pusian, Pókothéraði í Keníu.