Morgunblaðið - 11.11.2006, Page 65

MORGUNBLAÐIÐ LAUGARDAGUR 11. NÓVEMBER 2006 65
LAUGARDAGINN 4. nóvember
fór fram í Íþrótttahúsinu við
Strandgötu í Hafnarfirði hin árlega
danskeppni, Lotto Open. Það er
Dansíþróttafélag Hafnarfjarðar,
undir stjórn Auðar Haraldsdóttur
danskennara, sem stendur að þess-
ari keppni. Þetta er í 15. sinn sem
mótið er haldið en upphaflega var
keppnin kölluð Lotto-danskeppnin
en hefur síðastliðin ár verið opin al-
þjóðleg keppni og nokkur erlend
pör tekið þátt í mótinu. Það var for-
maður Dansíþróttafélags Hafnar-
fjarðar, Haukur Eiríksson, sem
setti mótið. Hann sagði meðal ann-
ars í setningarræðu sinni að hann
vildi koma á fót landsliði hið fyrsta
og vonaðist þá til að danspör gætu
fengið meira fjármagn til þess að
stuðla að auknum og betri und-
irbúningi fyrir keppnispörin svo að
þau gætu stundað sína íþrótt á
sambærilegum grundvelli og dans-
pör annars staðar í heiminum. Það
voru fimm alþjóðlegir dómarar sem
dæmdu mótið, þrír erlendir og tveir
íslenskir. Það voru þau Izabela
Hannah og Damian Evens frá Eng-
landi, Heiðar Ástvaldsson og Hinrik
Norðfjörð Valsson frá Íslandi og
Vito Feldmanis frá Lettlandi.
Keppt var í þremur styrkleikaflokk-
um auk þess sem byrjendur mættu
í hús og sýndu nokkra dansa. Dag-
skráin hófst á keppni barna í A- og
K-riðlum. Síðan tók við keppni í
flokkum unglinga og fullorðinna og
þá bættist við keppni í F-riðlum en
þar dansa þau pör sem lengst eru
komin í dansinum.
Í flokki Unglinga I F (12–13 ára)
voru tvö pör jöfn í fyrsta sæti í
standarddönsum. Það voru þau
Freyþór Össurarson og Íris Dröfn
Magnúsdóttir frá Hvönn og Björn
Halldór Ýmisson og Björk Guð-
mundsdóttir frá Dansíþróttafélagi
Hafnarfjarðar. Mér finnst þessi tvö
pör með mjög ólíkan stíl en mér
fannst Freyþór og Íris Dröfn dansa
af meira öryggi. Í þriðja sæti höfn-
uðu svo þau Hilmar Steinn Gunn-
arsson og Elísabet Halldórsdótir
frá Dansíþróttafélaginu Gulltoppi. Í
s-amerísku dönsunum sigruðu síðan
Björn Halldór og Björk örugglega.
Í öðru sæti urðu þau Hilmar Steinn
og Elísabet og í því þriðja þau Þor-
kell Jónsson og Malín Agla Krist-
jánsdóttir, einnig frá Dansíþrótta-
félaginu Gulltoppi. Þessi flokkur er
yngsti hópurinn sem dansar með
frjálsri aðferð og voru sum pörin að
keppa í sinni fyrstu keppni í þess-
um flokki og því mikil reynsla fyrir
þau.
Í aldursflokknum Unglingar II
(14–15 ára) voru Sigurður Már
Atlason og Sara Rós Jakobsdóttir
frá Dansíþróttafélagi Hafnarfjarðar
öruggir sigurvegarar í báðum
greinum. Þau eru með mestu
reynsluna að baki af þeim pörum
sem mættu til leiks og hafa sótt þó-
nokkuð margar keppnir erlendis
undanfarin ár. Sama parið var
sömuleiðis í öðru sæti í báðum
greinum. Það voru Júlí Heiðar
Halldórsson og Telma Rut Sigurð-
ardóttir frá Hvönn. Þau dönsuðu af
miklu öryggi og þá sérstaklega í s-
amerísku dönsunum. Hún mætti
klára betur höfuðstöðuna í stand-
arddönsunum. Það er eins og hún
þurfi að treysta betur á stjórnun
herrans. Í þriðja sæti í standard-
dönsum voru síðan þau Jökull Ör-
lygsson og Unnur Birna Magnús-
dóttir frá Dansíþróttafélaginu
Gulltoppi. Þau ná að sýna vel hlut-
verk dömu og herra í dansinum en
það var eins og þau næðu ekki að
vera afslöppuð í dansinum allan
tímann. Í s-amerísku dönsunum
höfnuðu þau Gunnar Agnarsson og
Elísa Rut Hallgrímsdóttir, sömu-
leiðis frá Dansíþróttafélaginu Gull-
toppi, í þriðja sæti. Þau eru með
fínar línur í dansinum en voru óör-
ugg inn á milli. Mér finnst öll pörin
sem kepptu í þessum aldursflokki
hafa sýnt mikla framför frá því að
þau komu síðast saman á dans-
keppni síðastliðið vor og verður
gaman að fylgjast með þeim á þeim
mótum sem framundan eru á næsta
ári.
Í flokki Ungmenna (16–18 ára)
sigruðu þau Jón Eyþór Gottskálks-
son og Helga Soffía Guðjónsdóttir
frá Hvönn í standarddönsum. Mér
fannst þau öruggir sigurvegarar í
þessum flokki, þó fannst mér hún
ekki alltaf fylgja honum í dansinum.
Í öðru sæti voru þau Alexander
Mateev og Lilja Harðardóttir, einn-
ig frá Hvönn. Mér finnst komin
meiri mýkt í dansinn hjá þeim og
fannst mér quickstep þeirra besti
dans. Í þriðja sæti höfnuðu síðan
þau Magnús Arnar Kjartansson og
Rakel Magnúsdóttir frá Dans-
íþróttafélagi Kópavogs. Í s-amer-
ísku dönsunum sigruðu þau Aðal-
steinn Kjartansson og Rakel
Guðmundsdóttir frá Dansíþrótta-
félagi Hafnarfjarðar. Mér fannst
þau dansa mjög vel í þessari keppni
og að öðrum ólöstuðum fannst mér
Rakel vera sigurvegari þessa hóps.
Hún var greinilega í góðu formi og
virtist njóta sín vel á gólfinu. Í öðru
sæti voru þau Jónatan Arnar Ör-
lygsson og Ásta Björg Magnúsdótt-
ir. Þau eru bæði frábærir dansarar
en þau náðu ekki að skila sínu nógu
vel á þessari keppni. Í þriðja sæti
voru síðan þau Sigurður Þór Sig-
urðsson og Lilja Guðmundsdóttir
frá Dansíþróttafélagi Hafnarfjaðar.
Ég held að það megi segja að þau
hafi verið spútnikpar þessarar
keppni. Þau eru mjög efnileg bæði
tvö og geta átt framtíðina fyrir sér í
dansinum haldi þau rétt á spilunum.
Elsti flokkurinn sem keppti á
þessu móti var flokkur Fullorðinna.
Þar mega keppa dansarar sem eru
16 ára og eldri. Þ.a.l. gátu þau pör
sem kepptu í flokki Ungmenna
einnig keppt þar. Í standarddöns-
um röðuðust sömu pör í fyrstu
þrjú sætin og í flokki Ungmenna. Í
s-amerísku dönsunum bættust við
þrjú „hálf-íslensk“ danspör. Þetta
voru þrír íslenskir dansarar sem
allir dansa við erlenda dansfélaga
og stunda dansþjálfun erlendis.
Þau röðuðu sér í efstu sætin eins
og við mátti búast. Í fyrsta sæti
voru þau Steven McCann og Ásta
Sigvaldadóttir en þau dansa fyrir
England. Þau eru bæði alveg frá-
bærir dansarar. Ásta er mjög
kvenleg en samt með mikinn kraft
og gefur hvergi eftir. Þau passa
vel saman og virðast hafa enda-
lausa orku. Það sást enginn munur
á þeim hvort þau væru að dansa
fyrsta dansinn eða þann síðasta,
það sáust engin þreytumerki á
þeim. Mér fannst hin pörin ekki
halda þetta eins vel út og þau. Í
öðru sæti voru þau Clive Uter og
Helga Dögg Helgadóttir sem einn-
ig keppa fyrir England. Þau eru
mjög þroskaðir dansarar og hafa
fáar dömur eins mikla útgeislun og
Helga Dögg. Í þriðja sæti voru síð-
an þau Gunnar Hrafn Gunnarsson
og Melissa Ortes Gomes frá Dans-
íþróttafélagi Hafnarfjarðar. Þetta
er í fyrsta sinn sem ég sé þau
dansa saman. Mér finnst þau
henta vel hvort öðru en mér sýnist
helsti munurinn á þeim og pör-
unum fyrir ofan þau að þau eru
ekki eins örugg í því sem þau eru
að gera en það kemur með aukinni
reynslu.
Á danskeppnum fer dómgæsla
þannig fram að þangað til í úrslit-
um er þetta eins konar útslátt-
arkeppni. Dómarar velja fyrir
fram ákveðinn fjölda para áfram í
næstu umferð. Þegar kemur að úr-
slitum raða dómarar pörunum nið-
ur í sæti og er hver dans dæmdur
sér. Það par sem fær oftast fyrsta
sæti frá dómurunum er sigurveg-
ari. Á Lotto Open eru árlega valin
Lottopör árins. Þá er valið eitt par
sem keppir í dansi með grunn-
aðferð og annað sem keppir með
frjálsri aðferð. Þau pör sem fá oft-
ast dæmt fyrsta sæti hjá dóm-
urunum hljóta þennan titil. Að
þessu sinni voru það þau Andri
Fannar Pétursson og Helga Krist-
ín Ingólfsdóttir frá DÍH sem hlutu
titilinn fyrir dans með grunnaðferð
og þau Sigurður Már Atlason og
Sara Rós Jakobsdóttir, einnig frá
DÍH, fyrir dans með frjálsri að-
ferð.
Á keppninni tilkynnti eitt dans-
par að það hefði lagt dansskóna á
hilluna og sýndi dans við mikinn
fögnuð. Það voru þau Björn
Sveinsson og Bergþóra María
Bergþórsdóttir sem keppt hafa í
áraraðir í flokki Seniora (35 ára og
eldri) og verið fulltrúar Íslands á
mörgum dansmótum erlendis.
Mér fannst keppnin takast í
heildina vel og var umgjörðin mjög
skemmtileg. Lagt hafði verið mikið
í að skreyta salinn og var lýsingin
á gólfinu með ágætum. Helst
fannst mér tónlistarvalið einhæft.
Hægt er að sjá öll úrslit keppn-
innar á heimasíðu Dansíþrótta-
félags Hafnarfjarðar www.dih.is.
Þetta var síðasta danskeppni
ársins og nú fara pörin að und-
irbúa sig fyrir næsta ár. Þó er
möguleiki á að sjá pörin koma
saman á árlegri jólasýningu Dans-
ráðs Íslands sem haldin verður á
Broadway sunnudaginn 26. nóvem-
ber. Þar mun fara fram keppni
fyrir þau pör sem lengst eru komin
í dansinum á Íslandi en dómgæsla
mun ekki verða í höndum fag-
lærðra danskennara heldur munu
þjóðþekktir einstaklingar sjá um
hana.
Vil ég að lokum óska Auði Har-
aldsdóttur og Dansíþróttafélagi
Hafnarfjarðar til hamingju með
keppnina.
Vel heppnað dansmót
DANS
Lotto open
Íþróttahúsinu við Strandgötu í Hafnarfirði
Kara Arngrímsdóttir
danskennari
Aðalsteinn Kjartansson og
Rakel Guðmundsdóttir
Gunnar Hrafn Gunnarsson og
Melissa Ortes Gomes.
Freyþór Össurarson og
Íris Dröfn Magúsdóttir.
Jónatan Arnar Örlygsson og
Ásta Björg Magnúsdóttir.
Steven McCann og
Ásta Sigvaldadóttir.
Clive Uter og
Helga Dögg Helgadóttir.
Morgunblaðið/Jón Svavarsson
Lottopör ársins Sigurður Már, Sara Rós, Andri Fannar og Helga Kristín.