Morgunblaðið - 26.11.2006, Page 4

4 SUNNUDAGUR 26. NÓVEMBER 2006 MORGUNBLAÐIÐ
FRÉTTIR
Á MIÐSTJÓRNARFUNDI Fram-
sóknarflokksins í gær sagði Jón Sig-
urðsson, formaður flokksins og við-
skipta- og iðnaðarráðherra, að
nauðsynlegt væri fyrir Framsóknar-
flokkinn að aðgreina sig skýrlega frá
öðrum flokkum og þar með líka Sjálf-
stæðisflokknum. Hann sagði stjórnar-
andstöðuna aðeins vilja völd, valdanna
vegna, stefna Vinstri-grænna væri
hömlulaust afturhald en vingulshátt-
ur einkenndi Samfylkinguna.
Jón sagði að Framsóknarflokkur-
inn og Sjálfstæðisflokkurinn hefðu
ólíkar áherslur í velferðarmálum,
byggðamálum og málum sem snerta
tekjuskiptingu og skattkerfi. Flokk-
ana greindi á hversu langt eigi að
ganga í einkavæðingu og deilt væri
um samkeppni, óhefta frjálshyggju
eða þjóðleg samvinnuviðhorf. Ekki
væri síður djúpstæður ágreiningur
við stjórnarandstöðuna. Þar væru
andstæður milli þjóðlegrar félags-
hyggju og sósíalisma í mismunandi af-
brigðum hans. „Það er augljóst í
grundvallarþáttum atvinnumála,
landbúnaðar-, byggða- og fiskveiði-
málum og í viðskiptamálum. Þetta
blasir við þegar litið er til ábyrgrar og
varkárrar umhverfisstefnu okkar um
vernd og nýtingu auðlindanna eða
upphlaupa og öfgahugmynda stjórn-
arandstæðinga.“
Jón hrósaði ráðherrum og þing-
mönnum fyrir vel unnin störf og sagði
m.a. að Kristinn H. Gunnarsson væri
rödd hins „óbundna og einbeitta
gagnrýnanda“ og uppskar við það
nokkurn hlátur í salnum.
Skoða fjármagnstekjuskatt
Um baráttuna á kosningavetri
sagði Jón m.a. að um leið og jafnað-
aráhrifum væri náð vildi flokkurinn
hækka skattleysismörk, minnka
skerðingar í bótakerfinu og semja við
lífeyrissjóðina um sambærilega þró-
un. Á sviði skattamála þurfi að skoða
stöðu þeirra sem eingöngu telji fram
fjármagnstekjur enda verði aðrir
sjálfstæðir aðilar að reikna sér launa-
viðmið. Þá mætti endurskoða lág-
marksfjárhæðir í innheimtu fjár-
magnstekjuskatts. Þá þurfi að hlúa að
menningararfinum því miklu skipti að
þjóðin hafi lifandi þjóðarvitund og
þjóðarsjálfsmynd.
Formaður Framsóknarflokksins segir ágreining við stjórnarandstöðu djúpstæðan
Nauðsynlegt að flokkur-
inn aðgreini sig skýrlega
Morgunblaðið/Brynjar Gauti
Heilsast Guðni Ágústsson landbúnaðarráðherra heilsar upp á Birki J. Jóns-
son, formann fjárlaganefndar, á miðstjórnarfundi Framsóknarflokksins.
LÖGMENN
Kaupþings
banka skoða um
þessar mundir
möguleika á því
að lögsækja
Extra bladet fyr-
ir breskum dóm-
stólum vegna
skrifa danska
blaðsins í lok
október og byrj-
un nóvember, samkvæmt frétt
danska fréttavefjarins Erhverv í
gærdag.
Í umfjöllun Extra bladet var m.a.
fjallað um meint tengsl Kaupþings
banka við rússnesku mafíuna og
meint peningaþvætti.
Sigurður Einarsson, stjórn-
arformaður Kaupþings banka,
sagðist í samtali við Morgunblaðið
ekki geta staðfest að danska blaðið
yrði sótt til saka en þótti það afar
líklegt. Rökin fyrir því að höfða mál
í Bretlandi eru m.a. þau að grein-
arskrifin voru þýdd yfir á ensku og
birt á vefsvæði Extra bladet. Bank-
inn er alþjólegt fyrirtæki með útibú
í Bretlandi og því opnast sá mögu-
leiki.
Hugsanleg
málsókn í
Bretlandi
Sigurður
Einarsson
ÁTAK lögreglunnar á Blönduósi
gegn hraðakstri hófst á áttunda ára-
tug síðustu aldar og hefur staðið
sleitulaust síðan. Sýslumaðurinn á
Blönduósi segir átakið tvímælalaust
hafa haft áhrif, það viti það allir að
ökumenn hægi á sér í Húnavatns-
sýslunum. Lögreglan á Blönduósi
fékk viðurkenninguna Umferðar-
ljósið fyrir árangur sinn á dögunum.
„Þetta er verkefni sem hófst upp
úr 1985 þegar Jón Ísberg var sýslu-
maður á Blönduósi og í Húnavatns-
sýslum. Þá var vegakerfið þannig að
það var bundið slitlag og möl á víxl.
Það var talsvert mikið um alvarleg
umferðarslys á þessum tíma og þau
mátti rekja að miklu leyti til hrað-
aksturs og ógætilegs aksturs. Þá var
skorin upp herör gegn þessum um-
ferðarhraða og það verkefni stendur
enn,“ segir Bjarni Stefánsson, sýslu-
maður á Blöndu-
ósi.
Spurður um ár-
angurinn sagði
Bjarni alltaf erfitt
að sýna fram á ár-
angurinn af góðri
löggæslu. „Við
viljum trúa því að
með þessu
stranga umferð-
areftirliti hafi
verið komið í veg fyrir alvarleg um-
ferðarslys.“
Embættið á Blönduósi sker sig
talsvert úr öðrum lögregluembætt-
um á landinu. Á Blönduósi gaf hver
lögreglumaður í fullu starfi að með-
altali út 361 sektarboð í fyrra, átta
sinnum fleiri en meðallögreglumað-
ur í öðrum embættum sem gaf út 43
sektarboð á síðasta ári.
Bjarni segir að fyrir vikið sé um-
ferðin í umdæminu öruggari. „Ef
hlustað er á mál manna heyrist að
ökumennirnir hægja á sér í Húna-
vatnssýslunum. Ef okkur tekst að ná
niður umferðarhraðanum eykur það
öryggið á vegunum.“
Sektarmiðstöð á Blönduósi
Ákveðið var fyrir nokkru að inn-
heimtumiðstöð sekta og sakarkostn-
aðar yrði á Blönduósi og hófst starf-
semi þessu tengd sl. vor. Ekki er þó
búið að vígja miðstöðina formlega,
en til stóð að gera það fyrir tveimur
vikum. Þá kom óveður sem gekk yfir
landið í veg fyrir að hægt væri að
vígja miðstöðina enda nóg að gera
hjá lögreglu þegar óveður geisar.
Bjarni segir að vegna þessa verði
miðstöðin að líkindum ekki vígð fyrr
en eftir áramót.
Átak gegn hraðakstri
hefur staðið í 20 ár
Trúa því að komið hafi verið í veg fyrir alvarleg slys
Bjarni
Stefánsson
Eyjafjarðarsveit | Gömul, handknúin
skilvinda vakti mikla athygli nem-
enda í Hrafnagilsskóla þegar þema-
dagar voru haldnir þar nýverið.
Hér snýr Örn Ævarsson skilvind-
unni af miklum krafti og breytir ný-
mjólkinni í undanrennu og rjóma
en bekkjarsystkini hans fylgjast
forvitin með. Á þemadögunum var
unnið á þremur stöðvum; í þeirri
fyrstu voru kenndir gamlir leikir, í
þeirri næstu að þæfa ullarkembu og
vinna með ull, en þriðja stöðin var
matarstöð. Þar var börnunum
kennt að breiða út flatkökur og
steikja þær.
Ljósmynd/Benjamín Baldursson
Skilvindan heillaði
í Hrafnagilsskóla
Egilsstaðir | Á Fljótsdalshéraði hefur
verið settur í gang undirskriftalisti
þar sem skorað er á ríkisvaldið og
sveitarfélagið að koma heilbrigðis-
þjónustu á svæðinu til betra horfs.
Segir í áskoruninni að þess sé
krafist að ríkisvaldið sjái nú þegar
sóma sinn í að stórbæta aðstöðu
Heilbrigðisstofnunarinnar á Fljóts-
dalshéraði. Gríðarlegt aukið álag á
starfsfólk í heilsugæslu og umönnun
sjúkra hafi gengið nærri þjónustu
við almenning svo ólíðandi sé og eðli-
leg fjölgun starfsfólks og stækkun á
aðstöðu nauðsynleg til að standa
undir lögbundinni þjónustu við sjúka
og aldraða. Nóg sé komið af nefnda-
starfi og málalengingum og tími til
að láta verkin tala.
Brýnustu verkefnin eru sögð að
búa mun betur að öldruðum íbúum
sveitarfélagsins og koma á fót bráða-
móttöku, fæðingardeild og skurð-
stofu.
Ekki sótt um lausar stöður
Í greinargerð með áskoruninni
segir að viðbúið sé að atgervisflótti
bresti á meðal starfsfólks í heilbrigð-
isþjónustu vegna yfirgengilegs álags
og aðstöðuleysis enda fáist fólk
trauðla í lausar stöður vegna þessa.
Ekki sé nóg að setja fjárveitingu í
að manna stöður, þegar fólk hefur
ekki viðunandi aðstöðu né tækjabún-
að til að sinna störfum sínum. Fag-
fólk á heilbrigðissviði treysti sér ekki
til að starfa við svo ófullnægjandi að-
stæður sem raun beri vitni og verði
ríkisvaldið að bregðast við því.
Bæjarstjórn Fljótsdalshéraðs hef-
ur boðað uppbyggingu á þessu sviði
á næstu 2–3 árum.
Vilja betri heilbrigðis-
þjónustu á Héraði
Íbúar telja brýnt að bæta aðstöðu og fjölga starfsfólki
Í HNOTSKURN
»Bæjarstjórn Fljótsdalshéraðshefur upplýst að hún
hyggist beita sér fyrir að
byggt verði á næstu 2–3 árum
á Egilsstöðum hjúkrunarheim-
ili fyrir aldraða sem eru lang-
veikir og einnig dvalarheimili
og sambýli aldraðra.
»Sækja á um framlag úrríkissjóði, um 30 milljónir
króna, til að lagfæra gamla
heilsugæsluhúsið.