Morgunblaðið - 09.01.2007, Blaðsíða 28

28 ÞRIÐJUDAGUR 9. JANÚAR 2007 MORGUNBLAÐIÐ
MINNINGAR
✝ Sara Líf Sigurð-ardóttir fæddist
á fæðingardeild
Landspítalans í
Reykjavík hinn 12.
október 2005. Hún
lézt á Barnaspítala
Hringsins hinn 4.
janúar síðastliðinn,
tæplega 15 mánaða
gömul. Foreldrar
hennar eru Sigurður
Villi Stefánsson, f.
23.1. 1972, og Sig-
urbjörg Guðdís
Hannesdóttir, f.
10.9. 1976 (Villi og Systa). Tvíbura-
systir Söru Lífar er Sóley Líf.
Foreldrar Villa eru Stefán O.
Sigurðsson, f. 8.6. 1941, og Jónína
Friðriksdóttir, f. 9.12. 1950, og
systkini hans eru
Dagný, Friðrik
Smári, Halldór Þor-
leifs og Stefán Ei-
ríks, Stefánsbörn.
Foreldrar Sig-
urbjargar eru Hann-
es Freyr Guðmunds-
son, f. 16.7. 1951, og
Hanna Sigríður Jós-
afatsdóttir, f. 23.10.
1951, og systkini
hennar eru Guð-
mundur Ragnar,
Pétur, Ólöf Þóranna,
Þórey, Sigríður Ósk
og Sunneva Ósk, Hannesarbörn.
Útför Söru Lífar verður gerð frá
Kapellunni í Hafnarfjarð-
arkirkjugarði í dag og hefst at-
höfnin klukkan 11.
Elsku yndislegi sólargeislinn okk-
ar, líf þitt var svo stutt og veikindi
þín svo mikil og erfið. Þrátt fyrir öll
veikindin var alltaf stutt í brosið þitt
ljúfa, og lítið þurfti til að gleðja þig
og kalla fram yndislegt bros. Það var
nóg að vera hjá þér, halda í litlu
hendurnar þínar, hjala við þig eða
strjúka og kyssa mjúkan vanga, þá
brostir þú og allt varð svo bjart. Þú
skynjaðir nærveru okkar svo sterkt
og þekktir raddirnar okkar og
gladdist þegar þú fannst nálægðina.
Brosið þitt sólskinsbjarta gaf
mömmu og pabba svo mikið og yljaði
okkur um hjartarætur í hvert sinn.
Við munum geyma það hlýtt og fag-
urt í sjóði minninganna um þig og þú
munt ávallt vera í hjörtum okkar.
Sóley Líf tvíburasystir þín passaði
alltaf svo vel upp á þig, klappaði þér
og kyssti, hún mun alltaf vera hluti
af þér, við vitum að hún mun sakna
þín.
Elsku litli gimsteinninn okkar, nú
hefur þú fengið friðinn og þarft ekki
að finna lengur til. Það er okkur
huggun. Við geymum þig vandlega í
hjörtum okkar og þú munt alltaf
vera dýrmætur hluti af okkur.
Guð blessi alla þá mörgu sem
komu nálægt henni Söru Líf og önn-
uðust hana eins og hún væri þeirra
eigin.
Elsku barnið okkar, Guð geymi
þig og blessi.
Sofðu rótt, við elskum þig.
Guð, ég fel þér barnið mitt
sem gengið hefur um dauðans dyr.
Ég bið þig um að hugsa um það,
eins og ég hefði viljað gera.
Haltu á því,
í föðurörmum þínum.
Barnið mitt mun aldrei
kynnast unglings- né fullorðinsárum.
Í huga mínum verður það
barn að eilífu.
Guð, ég fel þér barnið mitt.
Hjartans kveðjur, Sara Líf.
Mamma, pabbi og Sóley Líf.
Veikburða fæddist Sara Líf í
þennan heim og háði frá fæðingu
stöðuga baráttu fyrir lífi sínu. Bar-
áttuþrek hennar og lífsvilji lengdi
tíma hennar umfram vonir. Foreldr-
ar hennar báru hana á höndum sér í
öllum raunum af takmarkalausu ást-
ríki og trúfesti. Á milli mislangra
sjúkrahúsdvala komu á stundum
bjartari tímar sem gáfu ástvinum
betri von, meiri væntingar og einnig
ómetanlega samveru. Á heimili sínu
naut Sara Líf alls hins bezta sem
einu barni verður veitt í ást og um-
hyggju og systir hennar var við hana
ljúf og góð.
Þá fékk Sara á stundum umönnun
í Rjóðrinu og dagvist á Lyngási.
Starfsfólki þessara heimila er hér
þökkuð kærleiksrík umönnun.
Að áliðnu sumri gekkst Sara undir
aðgerð til að bæta heilsu hennar og
tók í framhaldi af því að eflast og
braggast til muna. Þrátt fyrir þetta
héldu aðrir kvillar áfram að hrjá
hana. Rétt fyrir jólin lagðist hún enn
inn á Barnaspítala Hringsins vegna
lungnabólgu. Allt virtist á réttri leið,
engar sérstakar áhyggjur í gangi og
foreldrar og ástvinir bjuggust við út-
skrift og heimkomu hennar á hverri
stundu.
Árla dags hinn 3. janúar dró
skyndilega ský fyrir sólu og veikindi
hennar ágerðust til muna. Aðfara-
nótt þess 4. hvarf Sara á braut í
faðmi föður síns, umvafin örmum
móður sinnar umkringd ástvinum.
Það er trú okkar og vissa að enn
hlýrri armar og öflugri hafi tekið á
móti henni. Kyrrð og friður, ást og
kærleiki einkenndi lát hennar sem
veitti ástvinum huggun.
Sara Líf var falleg stúlka og ynd-
isleg mannvera. Þótt augun hennar
sæju ekki var heyrnin næm og auð-
velt að gleðja hana með návist og
snertingu. Mamma hennar sagði
hana hafa yndislegasta og fallegasta
bros í heimi um leið og hún kallaði
hana elsku dúlluna sína eða elsku
stelpuna sína.
Tími Söru með foreldrum, tví-
burasystur sinni, öðrum ástvinum og
þeim sem henni kynntust og önn-
uðust var hrein og tær lind ótak-
markaðs kærleika og sérhver sá sem
veitti henni þáði margfalt í staðinn.
Foreldrar hennar, systir, afar og
ömmur og ástvinir áttu hana í tæpa
15 mánuði og væntu og vonuðu
lengri samveru.
Okkur mönnum er ekki gefið að
skilja hinstu rök tilverunnar og tím-
ann og stundina þekkir enginn nema
almáttugur og eilífur Guð. Það var
mikil gæfa og Guðsgjöf að eignast og
eiga Söru Líf og fyrir tímann með
henni verður ekki nógsamlega þakk-
að. Litla veika stúlkan okkar hefur á
skammri ævi kennt svo mörgum svo
margt, gefið svo mikið, veitt nýja sýn
og breytt lífsgildum. Hún efldi og
styrkti kærleikssamband foreldra
sinna og bjó sér varanlegan bústað í
hjörtum okkar, elskuð af öllum.
Þannig hefur líf hennar ótakmarkað
gildi í tilveru okkar, við verðum aldr-
ei söm og aðeins með því að verða
betri og kærleiksríkari manneskjur
getum við auðsýnt þakklæti okkar.
Af öllu hjarta þökkum við Guði fyrir
gjafir hans og það mikla traust og
ástúð sem hann sýndi okkur og fel-
um yndislega barnið okkar í hlýja
faðminn hans.
Starfsfólki Barnaspítala Hrings-
ins er hér sérstaklega þakkað fyrir
alla umönnun og sérstaklega fyrir
kærleiksríka umönnun og stuðning
síðustu stundirnar. Einnig séra
Gunnari Matthíassyni sjúkrahús-
presti fyrir handleiðslu og fagrar
fyrirbænir.
Við kveðjum elskulegu litlu og
yndislegu stúlkuna okkar með sár-
um söknuði í sátt við Guð með orðum
föður hennar og móður við dánar-
beð: „Sara ég elska þig.“ Fyrir hönd
ástvina.
Hannes afi og Hanna amma,
móðursystkin og fjölskyldur.
Lítil kveðja frá ömmunum og af-
anum í sveitinni.
Sara mín, elsku litla ömmustelpa.
Þú fæddist í þennan heim svo
ósköp veikburða en þó svo sterk.
Frá þeirri stundu er ég sá þig fyrst
elskaði ég þig. Síðan hefur enginn
dagur liðið svo ða þú hafir ekki verið
í huga mé.
Stundirnar með þér og minning
þín munu lifa í hjarta mínu að eilífu.
Það var svo gott að fá þig í heimsókn
í sveitina að Laugamýri og svo mikil
forréttindi að fá að annast þig elsku
stelpan mín. Þar fengum við að eiga
svo margar og góðar stundir saman
og tengdumst svo sterkum böndum.
Við fengum líka að vera heilmikið
saman í borginni og nærveran þín
var svo ljúf og góð og þið systurnar
báðar svo yndislegar. Tíminn með
þér, elsku Sara Líf, var allt of stutt-
ur en svo mikilvægur og dýrmætur
af því að þú gafst mér svo miklu
meira en hægt er að tjá í orðum.
Nú ert þú farin frá okkur elsku
litla stelpan mín og ég kveð þig með
sorg í hjarta en samt svo miklu rík-
ari af því að ég átti þig. Það var mikil
huggun að fá að vera með þér síð-
ustu stundirnar og finna friðinn og
kærleikann sem var yfir þér. Nú ert
þú Guði falin og veikindi og erfiðleik-
ar að baki en sá kærleikur sem þú
veittir svo ríkulega af fylgir okkur
um ófarinn æviveg. Sigga langamma
í Laugahvammi syrgir þig líka mikið
og grætur það að fá aldrei aftur að
sjá yndislega fallega brosið þitt.
Við elskum þig, farðu í Guðsfriði.
Jónína amma og Stefán afi.
Kveðja frá langömmu.
Sara líf kvaddi þennan heim hinn
4. janúar eftir erfið veikindi.
Þessi elskulega stúlka sem var svo
ljúf og yndisleg og skynjaði nærveru
okkar sterkt. Hún hafði líka unun af
tónlist. Hún hafði einstaka nærveru
og frá henni stafaði ljúfleiki og friður
sem birtist í fallega brosinu hennar.
Ég finn ennþá hlýjuna af litlu hend-
inni sem hélt utan um fingurinn
minn á kveðjustund. Það var lær-
dómsríkt að kynnast henni. Ég fel
hana Guði.
Sunna langamma.
Kveðja frá föðursystkinum og fjöl-
skyldum.
Elsku Sara Líf.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Farðu í Guðs friði, litla frænka.
Með kærri þökk fyrir kynnin.
Elsku Villi, Systa og Sóley Líf.
Guð styrki ykkur á erfiðum tím-
um.
Friðrik og Rikke, Halldór og
Elísabet, Stefán og Steinunn,
Dagný og Róbert.
Verndi þig englar, elskan mín,
þá augun fögru lykjast þín;
líði þeir kringum hvílu hljótt
á hvítum vængjum um miðja nótt.
(Steingrímur Thorsteinsson)
Í dag kveðjum við litla vinkonu,
hana Söru Líf. Í september sl. kom
hún til okkar í Lyngás þar sem hún
var mikill gleðigjafi. Með sitt fallega
bros og dillandi hlátur.
Sara Líf átti misjafna daga sökum
veikinda en þrátt fyrir það stóð hún
sig eins og hetja í öllu því nýja sem
fyrir hana var lagt.
Sara Líf fékk ekki að vera lengi
hjá okkur en við trúum því að nú líði
henni vel.
Mér er sem leggi ég lófann
á litla höfuðið þitt,
biðjandi Guð að geyma
gullfagra barnið mitt.
(Þýð. B. Gröndal)
Við biðjum góðan Guð að styrkja
og styðja Sigurbjörgu, Sigurð og
litlu Sóleyju Líf og aðra aðstandend-
ur í sorginni.
Vinir á stofu A á Lyngási.
Það er alltaf sárt að þurfa að
skrifa minningargreinar um lítil
börn sem kvatt hafa þennan heim.
En mig langar að fá að skrifa nokkur
orð um litla fallega stúlku, hana Söru
Líf, sem lést í byrjun janúar. Þessi
stúlka var svo yndisleg og falleg,
ofsalega kát og sterkur persónuleiki.
Ég fékk að njóta þess að fara með
Systu, bestu vinkonu minni og móð-
ur Söru Lífar, í fyrsta sónarinn til að
fá staðfestingu á þunguninni og
Systa kom brosandi út því hún fékk
það staðfest að tvö lítil kríli væru í
maganum, það var mikil gleði að fá
þessar fréttir og Systa þurfti að
sannfæra marga að það væru tvö
kríli en ekki eitt vegna þess að frétt-
irnar fékk hún 1. apríl 2005! Sara Líf
fékk þó ekki að vera með okkur leng-
ur en þessa 15 mánuði sem hún lifði,
en minningin um hana geymist í
huga okkar sem urðum þess aðnjót-
andi að fylgjast með henni þennan
stutta tíma sem hún dvaldi með okk-
ur. Sara Líf var ofsalega sterk eins
og áður sagði og þurfti að ganga í
gegnum mikla baráttu í veikindum
sínum en aldrei var langt í fallega
brosið hennar. Það var ekki hægt að
sjá að henni liði illa því hún bar sig
svo vel þessi litla stúlka, enda á hún
yndislega foreldra sem hugsuðu
ofsalega vel um hana og litu aldrei af
henni. Ég bið því góðan Guð að gefa
Systu, Villa og litlu Sóleyju Líf styrk
í þessari miklu sorg. Ég hugsa til
ykkar daglega litla fjölskylda og bið
fyrir ykkur og Söru Líf í bænum
mínum. Megi Sara Líf hvíla í friði og
minningin um litla fallega stúlku lifir
ávallt með okkur.
Guð blessi ykkur. Ykkar vinkona
Berglind.
Elsku Sara Líf.
Líf þitt var stutt en mjög ánægju-
legt fyrir okkur vini þína. Þín stund
hér á jörðu var erfið og mikil barátta
en þú stóðst þig ótrúlega vel miðað
við aðstæður. Foreldrar þínir stóðu
sem klettur við hlið þér hverja ein-
ustu mínútu og héldu á þér á þinni
lokastundu í þessu lífi.
Allir sem þekktu þig stóðu með
þér og vildu allt fyrir þig gera. Ég
fór eitt sinn með móður þinni til þín í
Rjóðrið og hún Sóley Líf systir þín
var með okkur, þar sá ég hversu
mikil samstaða var á milli ykkar
systranna. Sóley kom til þín og lék
við þig og þú teygðir þig til hennar
því þú vissir alveg hver var hjá þér
og þér leið vel. Bros lék um varir
þínar og Sóley hló og skemmti sér
með þér. Svona stundum er seint
hægt að gleyma og aldrei mun ég
gleyma þér. Ég sá ljóð sem ég vil til-
einka þér og móður þinni:
Hún situr við vögguna
og ruggar barni sínu í svefn.
Hún horfir á það með stolti
og finnst ekkert eins fallegt
því barnið hennar
er það fallegasta.
Allt hennar líf er barnið.
Grátur þess, sorgir og gleði.
Móðurástin er yfirsterkari en vandamálin.
Úti er eymd og volæði.
En hún hugsar ekki langt.
Hennar hugsun er í vöggunni.
(Anna Soffía Halldórsdóttir)
Þú ert nú vonandi komin á betri
stað og laus við allar raunir. Við
sjáumst síðar og hlakka ég til þeirr-
ar stundar því að þú ert yndisleg
manneskja og sterkari en margur
maður mun nokkurn tímann geta
vonast eftir að verða. Elsku Sara
Líf, vinir þínir og vandamenn munu
halda anda þínum á lofti og segja
systur þinni sögur af baráttu þinni
og styrk.
Guð veri með þér elsku dúllan
mín.
Minning þín lifir í hugum okkar og
hjörtum. Elsku Systa, Villi, Sóley
Líf og aðrir ættingjar, ég votta ykk-
ur samúð mína og bið þess að Sara
Líf hvíli í friði.
Ykkar vinkona,
Birna Guðmundsdóttir.
Sara Líf
Sigurðardóttir
REYNSLA • UMHYGGJA • TRAUST
Þegar andlát ber að höndum
Önnumst alla þætti útfararinnar
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
✝
Ástkær eiginmaður minn, faðir okkar, tengdafaðir
og afi,
GUNNAR HELGASON,
andaðist á Heilbrigðisstofnuninni á Sauðárkróki
sunnudaginn 7. janúar.
Jarðsungið verður frá Sauðárkrókskirkju laugar-
daginn 20. janúar kl. 14.00.
Sigurlaug Jónsdóttir,
Jón Júlíusson,
Helgi Dagur Gunnarsson, Kristín Jóhannesdóttir,
Gunnar Gunnarsson, Helga Sigurðardóttir,
Þorgeir Gunnarsson, Elín Steingrímsdóttir,
Anna María Gunnarsdóttir, Þorleifur Konráðsson,
Elísabet Jóna Gunnarsdóttir
og afabörn.
✝
Okkar ástkæra eiginkona, móðir, tengdamóðir og
amma,
ÁGÚSTA HREFNA ÞRÁINSDÓTTIR,
Stekkjarseli 3,
Reykjavík,
lést á líknardeild Landspítalans í Kópavogi sunnu-
daginn 7. janúar.
Útförin fer fram frá Seljakirkju miðvikudaginn
17. janúar k. 13.00.
Jónas Guðmundsson,
Ragnheiður Jónasdóttir, Skúli Jónsson,
Guðmundur Jónasson, Guðfinna Helga Þórðardóttir,
Þráinn Jónasson,
Elísabet, Hilmar, Birgir,
Hrefna Lind og Jónas Þór.