Morgunblaðið - 05.05.2007, Side 26

Njarðvík | Systrafélag Ytri-
Njarðvíkurkirkju afhenti nýlega
tómstundastarfi eldri borgara að
gjöf kr. 100.000. Sigurbjörg Björns-
dóttir afhenti Jóhönnu Arngríms-
dóttur forstöðumanni gjöfina við
athöfn í Hvammi.
Ákveðið hefur verið nýta styrk-
inn til þess að kaupa ný hljómflutn-
ingstæki fyrir leikfimi eldri borg-
ara og dansæfingar. Einnig verða
keyptar teygjur sem notaðar eru
við leikfimiæfingar, svo og útskurð-
arjárn.
Gjöf til tómstundastarfs
26 LAUGARDAGUR 5. MAÍ 2007 MORGUNBLAÐIÐ
ÁRBORGARSVÆÐIÐ
Eftir Sigurð Jónsson
Eyrarbakki | Menningarsamningur
fyrir Suðurland til ársins 2009 var
undirritaður í Húsinu á Eyrarbakka
í vikunni. Tilgangur menningar-
samningsins er að efla menningar-
starf á Suðurlandi og beina stuðningi
ríkis og sveitarfélaga við slíkt starf í
einn farveg. Jafnframt eru áhrif
sveitarfélaga á forgangsröðun verk-
efna aukin.
Framlög ríkisins verða 30 milljón-
ir króna í ár, 35 milljónir á næsta ári
og 36 milljónir árið 2009 en sveit-
arfélögin leggja jafnframt fram fé til
sameiginlegra verkefna hvort heldur
er með framlögum frá einkaaðilum
eða með eigin framlögum. Árið 2008
mun framlag sveitarfélaga nema
17,5% af heildarfjárhæð sem veitt er
til verkefnastyrkja og 25% árið 2009.
Sérstakt fimm manna menningar-
ráð var skipað á fundi stjórnar Sam-
taka sveitarfélaga og er formaður
þess Jóna S. Sigurbjartsdóttir, odd-
viti í Skaftárhreppi. Ráðið hefur
meðal annars það hlutverk að standa
fyrir öflugu þróunarstarfi í menning-
armálum, úthluta fjármagni til
menningarverkefna og verkefna á
sviði menningartengdrar ferðaþjón-
ustu á Suðurlandi jafnframt því að
annast framkvæmd samningsins.
Starfsmaður til stuðnings
Að sögn Þorvarðar Hjaltasonar,
framkvæmdastjóra SASS, mun
samningurinn færa verulega meira
fé til menningarstarfsemi á Suður-
landi en áður var. Hægt væri að
sækja um stuðning við einstök verk-
efni til menningarráðsins sem hefði
það hlutverk að úthluta fé til ein-
stakra verkefna. Gert væri ráð fyrir
því að menningarráðið réði sér
starfsmann sem gæti lagt fjölmörg-
um menningarverkefnum lið og það
væri líka mikill ávinningur.
Gunnar Þorgeirsson formaður
SASS sem undirritaði samninginn
fyrir hönd sveitarfélaganna þakkaði
góða samstöðu sveitarstjórnar-
manna í þessu máli og sagði hana
mundu skila sér áfram við fram-
kvæmd samningsins. Þorgerður
Katrín Gunnarsdóttir menntamála-
ráðherra sagði góða samstöðu gefa
fyrirheit um farsæl verkefni í menn-
ingarmálum sem samningurinn fæli í
sér. Hún sagði sveitarfélögin axla
mikla ábyrgð við uppbyggingu
menningar á Suðurlandi og öruggt
væri að samningurinn myndi skila
sér til grasrótarinnar í menningar-
málum á svæðinu. Hún sagði að und-
anfarin ár hefðu sams konar samn-
ingar verið gerðir við aðra
landshluta og Suðurnes væru næst.
Allt samfélagið græðir
Hún hvatti sveitarfélögin til að líta
innávið og laða fram sérstöðu hvers
staðar. „Þannig græðir samfélagið
allt,“ sagði Þorgerður Katrín.
Árni M. Mathiesen fjármálaráð-
herra sagðist sannfærður um að
samningurinn yrði til góðs til fram-
tíðar. „Þessum peningum er vel var-
ið,“ sagði Árni.
Meira fé til menningar-
starfs á Suðurlandi
Morgunblaðið/Sigurður Jónsson
Menning Árni M. Mathiesen, Þorgerður Katrín Gunnarsdóttir og Gunnar
Þorgeirsson samfögnuðu menningarsamningi við Húsið á Eyrarbakka.
Árborg | Dagur umhverfisins í Ár-
borg var tengdur upphafi hreins-
unarátaks í sveitarfélaginu sem
íbúar eru hvattir til að taka þátt í
og að huga að nánasta umhverfi
sínu. Verðlaun voru afhent í
Tryggvagarði og eftir það hófst
hreinsunarátakið formlega með því
að Ragnheiður Hergeirsdóttir bæj-
arstjóri og bæjarstjórnarfólk
hreinsaði til á Austurveginum í
kringum miðbæinn.
Sigríður Jónsdóttir frá Björk
hlaut umhverfisverðlaun sem ein-
staklingur fyrir virðingarverða
umgengni um náttúruna svo og fyr-
ir hinn athyglisverða og umhverf-
isvæna ferðamáta sinn. Sigríður
ferðast um á reiðhjóli og hefur gert
lengi.
Olís á Arnbergi þar sem er bens-
ínstöð og myndarleg ferða-
mannaverslun og þjónustustöð
hlaut verðlaun fyrir góðan frágang
á lóð og umhverfi. Stöðin er felld
inn í landslagið og rómuð fyrir góð-
an frágang. Ingvar Guðmundsson
tók við verðlaununum fyrir Olís.
Morgunblaðið/Sigurður Jónsson
Umhverfi Ingvar Guðmundsson, Sigríður Jónsdóttir, María Hauksdóttir
formaður umhverfisnefndar og Ragnheiður Hergeirsdóttir bæjarstjóri.
Veitt umhverfisverðlaun
Þorlákshöfn | Ung listakona, Helga Halldórsdóttir, hefur opnað sína fyrstu
málverkasýningu. Sýningin er í Gallerí undir stiganum á bókasafni Ölfuss í
Þorlákshöfn.
Helga hefur mestan hluta ævi sinnar búið í Þorlákshöfn. Frá því hún man
eftir sér hefur hún haft áhuga á listsköpun og myndlist en byrjaði þó ekki að
mála fyrr en fyrir fjórum árum. Hún hefur sótt myndlistarnámskeið.
Efnivið í verkin sækir Helga í náttúruna við Þorlákshöfn.
Sýnir í fyrsta skipti
Reykjanesbær | Stjórn Byggða-
stofnunar hefur ákveðið að lána allt
að 200 milljónum til uppbyggingar á
fyrsta áfanga Iceland Motopark
svæðisins í Reykjanesbæ.
Um er að ræða langtímafjár-
mögnun á þessum fyrsta áfanga
verkefnisins og gert er ráð fyrir að
svæðið verði fullbyggt í lok ársins,
samtals um 7 hektarar, segir í
fréttatilkynningu frá fyrirtækinu.
Í þessum fyrsta áfanga aksturs-
íþróttasvæðisins verður meðal ann-
ars byggð körtubraut á heimsmæli-
kvarða ásamt þjónustubyggingu
sem hýsir m.a. kennslustofur, að-
stöðu fyrir ökukennara, veitinga-
sölu ofl. Hönnun brautarinnar hefur
nú þegar hlotið samþykki CIK-FIA,
alþjóðasambands akstursíþrótta.
Ökugerði verður með tilheyrandi
brautum til þjálfunar aksturs við
mismunandi aðstæður í samræmi
við reglugerð sem tekur gildi frá og
með 1. janúar 2008 og kveður á um
að allir sem taka ökupróf verði að
hafa hlotið viðhlítandi kennslu í
ökugerði.
Forsvarsmenn verkefnisins telja
ákvörðun Byggðastofnunar mikil-
vægan áfanga í langtímafjármögn-
un þessa hluta svæðisins og að það
muni einnig hafa jákvæð áhrif á
verkefnið í heild. Akstur Reiknað er með að fyrsti áfangi akstursíþróttasvæðis verði tekinn í notkun fyrir lok ársins.
Lána til akstursíþróttasvæðis í Reykjanesbæ
SUÐURNES