Morgunblaðið - 05.05.2007, Blaðsíða 28

Morgunblaðið - 05.05.2007, Blaðsíða 28
|laugardagur|5. 5. 2007| mbl.is daglegtlíf Gaman Íris Kramer lemur húðir og skemmtir sér vel í leiðinni. Skriður á sviði Þessar ákveðnu konur tóku sig óneitanlega vel út á tónlistarhátíðinni Aldrei fór ég suður. Hér sjást þrjár Skriðnanna: Ylfa syngur, Elenor leikur á gítar og Helga Vala spilar á bassann. V ið erum sjö valkyrjur úr Bolungarvíkinni sem skipum þessa hljómsveit. Þetta eru allt sterkar konur og ákveðnar. Innan sveit- arinnar leynist skólastjóri, tónlist- arkona, héraðslæknir, athafnakona og bæjarstjórafrú svo eitthvað sé nefnt,? segir Helga Vala Helga- dóttir sem er bassaleikari í kvennahljómsveitinni Skriðunum frá Bolungarvík. ?Við erum allar dálítið ráðríkar og þegar stefndi í fyrsta giggið hjá okkur á tónlistarhátíðinni Aldrei fór ég suður á Ísafirði, þá var mjög margt sem þurfti að ræða innan hópsins og það var þó nokk- urt átak að fá svona margar ákveðnar konur til að vera sam- mála. Það var frekar fyndið.? Skriðurnar eru kornung hljóm- sveit sem byrjaði að spila um síð- ustu áramót. ?Þessi hljómsveit varð til einfaldlega vegna þess að það er svo gaman í Víkinni. Ef það eru til hljóðfæri þá er ekkert verið að spyrja að því hvort einhver kunni að spila, ef fólk er í stuði þá eru því allir vegir færir í Bolung- arvík. Svo einfalt er það.? Prófin tefja fyrir æfingum Þetta er í fyrsta sinn sem Helga Vala er í hljómsveit og hún kunni ekkert á bassa þegar hún byrjaði. ?Ég vissi ekki einu sinni hvernig ætti að halda á honum, en núna er ég orðin ógeðslega góð. Grímur maðurinn minn er bassaleikari og hann kenndi mér. Svo sat ég bara heima og plokkaði kvöld eftir kvöld eftir kvöld. Hinar konurnar í bandinu eru sprenglærðar tónlist- arkonur, en þær eru afskaplega umburðarlyndar gagnvart mér, amatörnum.? Helga Vala er í háskólanámi í lögfræði og er fyrir sunnan í próf- um þessa dagana. ?Ég hef ekki komist á æfingar í heilan mánuð og er skíthrædd um að ég verði rekin úr hljómsveitinni þegar ég kem aftur heim í Bolungarvík að loknum prófum.? Í skúrnum fram á nótt Konurnar sjö þurftu að æfa dag og nótt fyrir tónlistarhátíðina Aldrei fór ég suður. ?Við vorum ákveðnar í því að gera þetta með stæl og ætluðum ekkert að láta taka okkur í bólinu þar. Við erum orðnar geðveikt góðar og þetta fyrsta gigg gekk alveg rosalega vel og upp úr því fór að rigna yfir okkur símhringingum þar sem óskað var eftir að við kæmum fram og spiluðum. Meðal annars spiluðum við með heimsfrægum tónlistarmönnum eins og Lay Low, Pétri Ben og Ólöfu Arnalds á tónleikum sem Rás 2 stóð fyrir í Bolungarvík og voru hluti af ferða- lagi þeirra þar sem þau plokkuðu hringinn. Grímur hljóp í skarðið fyrir mig á bassann af því ég var í prófum.? Helga Vala segir að í Bolung- arvík geti fólk hitt nágranna sína miklu oftar en í stórborginni Reykjavík. ?Fólk kemur oft í kaffi og þessi hljómsveitarhugmynd varð einmitt til í kringum eldhús- borðið af því við vinkonurnar vor- um svo þyrstar í að spila í hljóm- sveit. Þetta er svo hryllilega gaman. Oft er þetta þannig hjá okkur að maður fer kannski í mat- arboð en endar svo í skúrnum að spila fram á nótt. Sumir fara að elda mat og drekka vín en við spil- um á hljóðfæri.? Eiginmenn í Grjóthruni Helga Vala segir að svolítil deila hafi risið í upphafi um hver ætti að spila á hvaða hljóðfæri og það er aldrei að vita nema þær róteri þeim hlutverkum eitthvað seinna. Í Skriðunum sjá Pálína og Ylfa Mist um sönginn, Soffía spilar á hljómborð, Íris og Elenor leika á gítar, Íris Kramer lemur trommur og Helga Vala plokkar bassann. Hljómsveitarnafnið Skriðurnar segir Helga Vala að hafi komið þannig til að hin hljómsveitin í Bolungarvík heitir Grjóthrun. ?Reyndar er sú hljómsveit að mestu skipuð mönnunum okkar sem erum í Skriðunum, þannig að þetta er hálfgerður hjónaklúbbur og ég komst náttúrlega í Skrið- urnar í gegnum bullandi klíku.? khk@mbl.is Morgunblaðið/Kristinn Vígaleg Helga Vala mundar bassann sem hún hefur plokkað bæði daga og nætur frá því hún byrjaði í Skriðunum. Bolvískar val- kyrjur láta vaða Hljómsveitir eingöngu skipaðar konum eru allt of fáar á Íslandi en nokkrar vinkonur í Bolungarvík bættu úr því. Kristín Heiða Kristinsdóttir spjallaði við Helgu Völu, bassaleikara í Skriðunum. Þessi hljómsveitar- hugmynd varð einmitt til í kringum eldhús- borðið af því við vinkon- urnar vorum svo þyrstar í að spila í hljómsveit. Ljósmynd/ Páll Önundarson Guðmunda Elíasdóttir söng- kona kann vel við sig á Vest- urgötunni og vill raunar hvergi annars staðar búa. »32 innlit Munstraðir skyrtuskokkar og skór í öllum regnbogans litum eiga eftir að setja svip sinn á sumartískuna. »30 tíska
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68