Morgunblaðið - 12.07.2007, Page 27

MORGUNBLAÐIÐ FIMMTUDAGUR 12. JÚLÍ 2007 27
UMRÆÐAN
SÚ ákvörðun Jóhönnu Sigurð-
ardóttur félagsmálaráðherra að
lækka lánshlutfall
lána Íbúðalánasjóðs
úr 90% í 80% kemur
nær eingöngu niður á
húsnæðiskaupendum
á landsbyggðinni. Jó-
hanna gagnrýndi síð-
ustu ríkisstjórn harð-
lega þegar gripið var
til samskonar að-
gerða sumarið 2006. Í
ljós kom að þær
breytingar sem þá
voru gerðar á lána-
reglum Íbúðalána-
sjóðs bitnuðu fyrst og
fremst á kaupendum fasteigna á
landsbyggðinni. Magnús Stef-
ánsson, þáverandi félagsmálaráð-
herra, hækkaði því lánshlutfallið
upp í 90% fyrr á þessu ári við
dræmar undirtektir sumra þing-
manna Sjálfstæðisflokksins. Við
framsóknarmenn töluðum fyrir
sterkum Íbúðalánasjóði í kosninga-
baráttunni og vildum tryggja stöðu
sjóðsins á markaðnum sem og að-
gengi fólks að lánsfjármagni á sem
ódýrustum kjörum, óháð búsetu.
Ég stóð í þeirri trú að frambjóð-
endur Samfylkingar og einhverjir
frambjóðendur Sjálf-
stæðisflokks aðhylltust
þessa skoðun. En
reyndin er önnur. Það
á að kæla hagkerfið,
ekki á vaxtar- og
þenslusvæðunum held-
ur í þeim byggð-
arlögum sem búa við
fólksfækkun og tekju-
samdrátt.
Skilaboðin skýr
Verstu fréttir seinni
tíma fyrir sjáv-
arbyggðir landsins
voru tilkynntar af sjávarútvegs-
ráðherra nú á dögunum, um þriðj-
ungs minnkun á þorskveiðiheim-
ildum. Framundan blasa við erfiðir
tímar fyrir margar sjávarbyggðir.
Boðaðar mótvægisaðgerðir rík-
isstjórnarinnar eru vonbrigði, það
þarf meira til að efla margar
byggðir en þar er kveðið á um og í
raun er fátt sem hönd er á fest-
andi. Einu marktæku skilaboðin
sem stjórnvöld hafa sent íbúum
þessara byggðarlaga eru takmark-
að aðgengi að lánsfjármagni Íbúð-
arlánasjóðs. Til íbúa á svæðum sem
bankastofnanir eru ekki gírugar að
lána til, og ef þeim sýnist svo þá á
mun hærri vöxtum en Íbúðalána-
sjóður býður. Þetta eru skilaboð fé-
lagsmálaráðherrans og hinnar nýju
ríkisstjórnar til þeirra byggðarlaga
sem eiga eftir að heyja erfiða varn-
arbaráttu á næstunni. Hvers konar
ríkisstjórn er þetta eiginlega?
Á að kæla köldu svæðin?
Birkir Jón Jónsson skrifar
um lækkun á lánshlutfalli
Íbúðalánasjóðs
» Þetta eru skilaboðfélagsmálaráðherr-
ans og hinnar nýju rík-
isstjórnar til þeirra
byggðarlaga sem eiga
eftir að heyja erfiða
varnarbaráttu á næst-
unni.
Birkir Jón Jónsson
Höfundur er þingmaður
Framsóknarflokksins.
ÉG var að lesa grein Guðmundar
Gunnarssonar um skilningsleysi og
þekkingarskort á lífeyrissjóðum.
Eins og oft áður skrifar Guðmundur
að innborgun sé eign sjóðfélagans og
að í landslögum sé lagt
blátt bann við því að
sjóðirnir eigi fasteignir
utan hæfilegs skrif-
stofuhúsnæðis. Starfs-
fólk þeirra sé til að taka
á móti innlögnum og
ávaxta með besta hætti
o.s.frv.
Guðmundur skrifar
„ … öll upphæðin er
eign starfsmannsins,
sjóðfélagans. Hún er
hluti lögbundinna launa
hans.“ Þetta skil ég
þannig, að það sem tek-
ið hefur verið af launum mínum til
innborgunar í lífeyrissjóð sé mín
eign. En er það svona. Hvað fengi
kona mín eftir mig frá lífeyr-
issjóðnum, ef ég félli frá núna? Hvað
myndu mánaðarlegar greiðslur
skerðast mikið félli ég frá eftir að ég
fengi greitt úr sjóðnum? Svaraðu því
Guðmundur.
Það er hróplegt óréttlæti, að lífeyr-
issjóðsréttindi skuli ekki vera sam-
eign hjóna. Annar aðilinn vinnur
mest heima á meðan börnin eru ung.
Á sama tíma eru tekjur heimilisins,
sem hinn aðilinn vinnur fyrir utan
heimilis skattlagðar með greiðslum í
lífeyrissjóðinn hans. Það er spurning
hvort þetta og margt annað hjá líf-
eyrissjóðunum stæðist fyrir mann-
réttindadómstólnum væri látið reyna
á það. Jóhanna þinn tími er kominn.
Þjóðin treystir þér best til að stöðva
þennan þjófnað.
Enginn efast um þekkingu Guð-
mundar á starfsemi lífeyrissjóða en
hann virðist ekki skilja að lög um líf-
eyrissjóði eru mannanna verk og
þeim má breyta sjóðsfélögunum til
hagsbóta. Í greininni „Lífeyrisþjófn-
aður“, sem birtist í Blaðinu í desem-
ber 2005 benti ég á, hvernig lífeyr-
issjóðirnir gætu byggt og leigt
sjóðsfélögunum íbúðir, þannig að allir
högnuðust. Á undirbúningsfundi fyrir
stofnun AFA í Hafnarfirði sagði Guð-
mundur að ekkert mál væri að
byggja. Vandamálið væri að reka
húsnæðið. Ég fæ ekki skilið að það sé
svo mikið mál og hefði haldið að það
væri kostur að fá lífeyrisgreiðslurnar
aftur í kassann í formi húsaleigu.
Guðmundur veitist að Helga í Góu,
sem hann kallar athafnaskáld. Skrif-
ar að spurningar í Gallup könnun,
sem Helgi stóð fyrir, hafi verið leið-
andi og fáir svarað. Nákvæmlega
sama skrifaði Guðmundur í Morg-
unblaðinu í fyrra. Þá benti ég honum
á að lífeyrissjóðirnir gætu sjálfir gert
svona könnun. Það
stæði þeim nær að
kanna hug sjóðsfélag-
anna. Þeir gætu gætt
þess að allir sjóðfélagar
fengju spurningalista
og að spurningarnar
væru ekki leiðandi.
Það er ekki of seint
að byggja leiguíbúðir og
mikið myndi það
tryggja starfslok yngri
sjóðsfélaga, sem nú
hafa eða eru að heitbin-
dast lánastofnunum til
40 ára. Margir hafa gef-
ist upp eftir afborganir í nokkur ár og
leigja nú af bankanum húsnæði, sem
átti að verða þeirra eigið.
Ekki alls fyrir löngu fékk ég staðl-
að bréf frá LVFI, sem segir hvað ég
fái mikið á mánuði taki ég greiðslur
úr sjóðnum við 67 ára aldur og hversu
miklu meira ég fái bíði ég til 70 ára
aldurs. Eftir lestur bréfsins hef ég
velt fyrir mér hvort stjórn sjóðsins
telji sjóðsfélaga hálfvita, sem ekki
kunni að reikna.
Það er mjög einfalt reiknisdæmi að
reikna út að við 82 ára aldur væri við-
bótin búin að vinna upp það sem ég
hefði fengið þessi 3 ár frá 67 til 70 ára.
Munurinn væri enn meiri þyrfti ég
ekki á þessum greiðslum að halda og
legði þær jafnóðum inn á verð-
tryggðan reikning. Þá myndaðist
sjóður, sem við hjónin ættum saman
og gætum notið án afskipta lífeyr-
issjóðsins 10 árum áður en ég verð
áttræður. Fjármagnstekjuskattur,
10%, kæmi á ávöxtunina og ekki
36,72% skattur á alla upphæðina, eins
og ég fékk á launaseðli, þegar ég tók
út „frjálsu séreignina“.
Er þetta hægt Guðmundur? Er
ekki jafnmikil ástæða að leiðrétta
þetta eins og t.d. að laga raflagnirnar
á vellinum?
Lífeyrissjóðirnir
og eignarétturinn
Sigurður Oddsson er
ósammála Guðmundi Gunn-
arssyni í lífeyrismálum
» Það er hróplegtóréttlæti, að lífeyr-
issjóðsréttindi skuli
ekki vera sameign
hjóna.
Sigurður Oddsson
Höfundur er verkfræðingur.
ÞAÐ snart mig eitt sinn er ég hlýddi
á stjórnmálamann, alþingismann, fyrir
áratugum síðan er hann ræddi um um-
burðarlyndi sitt gagnvart ólíkum
stjórnmálamönnunum og ólíkum
stjórnmálaskoðunum. Það þótti mér til
eftirbreytni. Þrátt fyrir að maður þurfi
að hlusta, horfa á annan láta ófriðlega í
pontu, jafnvel fá á sig greinarstúf með
látlausu litarhafti þá ber
að taka slíku öllu með
brosi – því sinn er siður í
hverri sveit.
Það á við um grein 6.
þingmanns Suðvest-
urkjördæmis, Ögmund-
ar Jónassonar, um mál-
efni Hitaveitu
Suðurnesja hf. og Sam-
fylkinguna. Fannst mér
greinin bera vott um að
þingmaðurinn hefði ekki
fylgst með frá upphafi.
Fengið útdrátt og ákveðið
að láta frá sér heyra enda málið heitt
síðustu daga - tækifæri fyrir þing-
manninn að láta ljós sitt skína.
Samfylkingin hefur staðið vörð um
þau grunnatriði sem svo sannarlega
þarf í málefnum Hitaveitu Suðurnesja
hf. Það hefur Samfylkingin í Hafn-
arfirði gert með vitund og vilja allra
stjórnmálaflokka í bæjarstjórninni,
Vinstri grænna og Sjálfstæðisflokks.
Slíkt hið sama á við um Samfylkinguna
í Grindavík, þar náðist samstaða með
öllum flokkum. Um var að ræða hags-
muni sem skipta milljörðum. Hags-
muni sem skipta íbúa
sveitarfélaganna miklu.
Hagsmuni sem m.a. snú-
ast um grunnþarfir íbú-
anna.
Það eru vissulega
kaldar kveðjur að væna
Samfylkinguna um und-
anhlaup í þessum efnum.
Það þótti mér ekki til eft-
irbreytni. Málefnaleg
umræða á að beinast að
verkefninu, ekki blanda
inn að ósekju öðrum hlut-
um sem tengjast eft-
irmálum síðustu kosninga. Veldur
hver á heldur í þeim efnum. Það er
vissulega gott að vera á grænni grein,
en það þarf að gilda um alla daga, ekki
bara þá daga þar sem þingmenn vilja
láta ljós sitt skína í Morgunblaðinu –
þakka að lokum þá hvatningu sem fjöl-
margir hafa veitt Hafnarfjarðarbæ á
undanförnum dögum til að tryggja
stöðu sína innan Hitaveitu Suðurnesja
hf.
Á grænni
grein alla daga
Gunnar Svavarsson reifar
málefni Hitaveitu Suður-
nesja að gefnu tilefni
Gunnar Svavarsson
»Um var að ræðahagsmuni sem
skipta milljörðum.
Hagsmuni sem skipta
íbúa sveitarfélaganna
miklu. Hagsmuni sem
m.a. snúast um grunn-
þarfir íbúanna.
Höfundur er alþingismaður
og bæjarfulltrúi í Hafnarfirði.
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is
ÞAÐ er ekki langt síðan þjóðinni var
tilkynnt að tekjur af útrás stórfyr-
irtækja og banka væru svo miklar að
útgerð væri nánast orðin aukabú-
grein. Nú heyrist ekki minnst á þess-
ar tekjur og útgerð aftur orðin eina
lífsbjörg okkar Íslendinga. Það er sí-
fellt verið að auka útflutning á óunn-
um fiski, og fyrir stuttu var gerður
samningur við erlent fyrirtæki um
vinnslu á miklu magni af fiski frá Ís-
landi. Væri ekki nær að fiskurinn væri
unnin hér á landi til að halda uppi at-
vinnu? Sjávarútvegsráðherra ætti að
gera kröfu til þess að útgerðarmenn
nýttu aflaheimildir til atvinnusköp-
unar í landinu, fremur en að styrkja
atvinnu erlendra fyrirtækja á kostnað
íslensks atvinnulífs. Fiskurinn í sjón-
um er auðlind íslensku þjóðarinnar og
hún á fullan rétt á því að tekjur af auð-
lindinni séu nýttar atvinnulífinu sem
best. Þessu eiga ráðherrar að stjórna.
GUÐVARÐUR JÓNSSON,
Hamrabergi 5, Reykjavík
Kvótinn og kjökrið
Frá Guðvarði Jónssyni:
Óskar R. Harðarson hdl. löggiltur fasteignasali - Jason Guðmundsson Lögfræðingur BA
MIKLABORG
F A S T E I G N A S A L A N
• Rúmgott 526 fm atvinnuhúsnæði (endabil)
við Suðurhraun 12 b er laust til leigu.
• Húsnæðið er með 7 metra lofthæð og
tveimur innkeyrsludyrum.
• Við húsið er gott athafnarsvæði.
Miklaborg - Síðumúla 13 - 108 Reykjavík
sími 569 7000 - fax 569 7001 - miklaborg@miklaborg.is
Höfum fengið í sölu 3.700 fm lóð við Furugerði í Reykjavík. Lóðin sem er
leigulóð af hálfu Reykjavíkuborgar er um 3.700 fm. Ekki liggur fyrir hversu
mikið magn má byggja á lóðinni. Á lóðinni stendur í dag einbýlishús auk
tveggja gróðurhúsa. Staðsetning lóðarinnar er afar miðsvæðis og bíður
upp á ýmsa möguleika. Tilvalið tækifæri fyrir byggingaverktaka.
Nánari uppl. á skrifstofu.
Sverrir Kristinsson, löggiltur fasteignasali.
Byggingarlóð við Furugerði í Reykjavík