Morgunblaðið - 29.09.2007, Page 23

úr bæjarlífinu
MORGUNBLAÐIÐ LAUGARDAGUR 29. SEPTEMBER 2007 23
Bæjarlífið í Bolungarvík er nú óð-
um að taka á sig haustmyndina.
Skólastarfið í grunnskólanum er
komið á fullt skrið og atvinnulífið
er að skipta um gír, bæði til lands
og sjávar.
  
Menn vonast til að útgerðin og
fiskvinnslan hér í bæ hafi náð að
stilla sinn rekstur í samræmi við
það umhverfi sem framundan er
eftir niðurskurð í veiðiheimildum. Í
Bolungarvík eru að stofni tvær
fiskvinnslur, Bakkavík sem rekur
fyrst og fremst rækjuvinnslu og
Jakop Valgeir sem er með fisk-
vinnslu og útgerð.
Flestu starfsfólki Bakkavíkur var
sagt upp á vordögum og hafa
stjórnendur fyrirtækisins unnið að
því hörðum höndum að endur-
skipuleggja reksturinn miðað við
veruleikann í veiðum og vinnslu á
næstunni. Bakkavík hefur nú hafið
aftur rekstur með um helmingi
færri starfsmönnum. Fyrirtækið
Jakop Valgeir hefur verið að bæta
við sig aflaheimildum en vegna
niðurskurðar í aflaheimildum nær
fyrirtækið sennilega í besta falli að
halda í horfinu.
Mönnum hér í bæ er það deg-
inum ljósara að ekki verður gullið
sótt í greipar Ægis í sama mæli og
verið hefur og því er nauðsynlegt
að snúa bökum saman til sóknar á
öðrum sviðum. Og nú er kallað eft-
ir boðuðum mótvægisaðgerðum rík-
isvaldsins.
Bæjarstjórn Bolungarvíkur hefur
samþykkt aðgerðaáætlun sem bæði
felur í sér bráðaaðgerðir og upp-
byggingu atvinnulífs til lengri tíma
þar sem stefnt er inn í aðra at-
vinnuþætti en sjávarútveg.
  
Stærstu framkvæmdir sumarsins í
bænum er eflaust bygging sund-
laugargarðs, en framkvæmdir hóf-
ust við gerð hans í sumarbyrjun.
Sett var upp glæsileg 47 metra
vatnsrennibraut, og auk þess sem
svæðið við potta og rennibraut var
lagt gúmmíefni, sem eykur mjög
hálku- og slysavarnir, þá var reist-
ur nýr skjólveggur umhverfis garð-
inn.
  
Nú liggur fyrir Bolvíkingum að
hefjast handa við að endurbyggja
félagsheimili staðarins. Félags-
heimilið var tekið í notkun árið
1952 og var þá með glæsilegri hús-
um sinnar tegundar á landinu.
Bygginguna reistu Bolvíkingar af
miklum myndarskap og fórnfýsi en
húsið var að mestum hluta byggt í
sjálfboðavinnu og má segja að
byggingarsaga Félagsheimilis Bol-
ungarvíkur sé dæmi um hvað hægt
er að gera þegar samtakamátturinn
er virkur. Nú er lokið hönn-
unarvinnu vegna endurbótanna og
komið að framkvæmdum. Hörðum
höndum er unnið að því þessa dag-
ana að fjármagna verkið og standa
vonir til að hægt verði að hefjast
handa innan skamms tíma.
BOLUNGARVÍK
Gunnar Hallsson fréttaritari
Morgunblaðið/Gunnar Hallsson
Það var farið að grána í fjöll þegar
sundlaugargarðurinn var vígður.
KOLBEINN
ANNA MARGRÉT
ÁSGEIR PÁLL
BERGÞÓR
GUÐRÚN JÓHANNA
ÁGÚST
HRAFNHILDUR
INGVAR
JÓN
ÞORSTEINN HELGI
ÞORVALDUR
BRAGI
DAVÍÐ
HALLVEIG
HLJÓMSVEITARSTJÓRI: KURT KOPECKY
AÐSTOÐARHLJÓMSVEITARSTJÓRI: DANÍEL BJARNASON
LEIKSTJÓRI: ANDREAS FRANZ
LEIKMYND: AXEL HALLKELL JÓHANNESSON
BÚNINGAR: DÝRLEIF ÝR ÖRLYGSDÓTTIR
OG MARGRÉT EINARSDÓTTIR
LÝSING: BJÖRN BERGSTEINN GUÐMUNDSSON
HLÖÐVER
FRUMSÝNING: 4. OKTÓBER
AÐRIR SÝNINGARDAGAR: 6., 10., 12., 14. OG 19. OKTÓBER
MIÐASALA Á WWW.OPERA.IS
MIÐASÖLUSÍMI 511 4200F A
B
R
I K
A
N