Morgunblaðið - 08.10.2007, Blaðsíða 13

MORGUNBLAÐIÐ MÁNUDAGUR 8. OKTÓBER 2007 13
VIÐSKIPTI/ATHAFNALÍF
Eftir Björn Jóhann Björnsson
í Qingdao
bjb@mbl.is
MAREL Food Systems opnaði
með formlegum hætti um helgina
skrifstofu sína í Qingdao í tilefni af
heimsókn Ólafs Ragnars Gríms-
sonar, forseta Íslands, til Kína og
opnun frystigeymslu Eimskips,
þar sem fulltrúar fjölmargra ís-
lenskra og kínverskra fyrirtækja
voru viðstaddir. Að sögn Sigurjóns
Elíassonar, svæðisstjóra Marels í
Asíu, markar opnunin í Qingdao
upphaf að aukinni sókn fyrirtæk-
isins inn á Asíumarkað en fyrir er
Marel Food Systems með dóttur-
félög eða útibú í Taílandi, Víetnam,
Singapúr, Bangladesh og Indlandi.
Borgarstjóri Qingdao-borgar var
einnig viðstaddur opnunina og
lýsti yfir mikilli ánægju með að ís-
lenskt tæknifyrirtæki á borð við
Marel hefði ákveðið að hasla sér
völl í borginni. Borgaryfirvöld
myndu leggja sig fram af fremsta
megni til að styðja Marel, sem og
önnur íslensk fyrirtæki.
Komnir í fremstu röð
Grundvöllur að þeirri starfsemi
er samstarfssamningur sem Marel
náði fyrr á árinu við Pacific Andes,
eitt stærsta sjávarafurðafyrirtækið
í Kína. Mun skrifstofan í Qingdao
einbeita sér að því að þjóna þessu
kínverska fyrirtæki, auk þess að
skapa sambönd og viðskipti við
önnur fyrirtæki á sviði matvæla-
framleiðslu.
Sigurjón sagði við Morgunblaðið
að gríðarlegur vöxtur væri fyr-
irsjáanlegur í matvælaiðnaði í Kína
og þörfin að aukast fyrir því að fá
mest út úr því hráefni sem unnið
væri með. Þróaður tæknibúnaður
Marels ætti þar mikil tækifæri,
hvort sem um væri að ræða fisk-
afurðir, kjöt eða kjúklinga og ann-
að hvítt kjöt.
Ólafur Ragnar flutti ávarp við
opnunina. Hann sagði Marel eiga
sér merkilega sögu, íslenskt
tækni- og hugbúnaðarfyrirtæki
sem hefði á sínum tíma byrjað
smátt en á tiltölulega skömmum
tíma náð að skipa sér í fremstu röð
á sínu sviði í heiminum. Búnaður
fyrirtækisins hefði í raun aðeins
eitt markmið, að hámarka verð-
mæti matvælaframleiðslunnar og á
því sviði væru verkefnin ærin og
möguleikarnir óendanlegir fyrir
jafn gríðarstóran markað og Kína
væri.
Ólafur Ragnar sagði opnun
skrifstofu Marels í Qingdao enn
einn stóra áfangann sem náðst
hefði á stuttum tíma í auknum
samskiptum Íslendinga og Kín-
verja.
Opnunin í Qingdao markar
upphafið á sókn í Asíu
Ljósmynd/Þórhallur Jónsson
Stór áfangi Sigurjón Elíasson frá Marel, Ólafur Ragnar Grímsson og borgarstjórinn í Qingdao klippa á borða við
formlega opnun skrifstofu Marel Food Systems í borginni. Skrifstofan mun þjóna Pacific Andes fyrst um sinn.
 Samningur við eitt stærsta sjávarafurðafyrirtæki Kína grunnur að opnun nýrr-
ar skrifstofu í Qingdao  Gríðarlegur vöxtur framundan í matvælaiðnaði í Kína
STÓRU fjárfestingarbankarnir á
Wall Street og í Evrópu hafa á síð-
ustu dögum tilkynnt um uppsagnir
mörg þúsund starfsmanna, einkum
á þeim sviðum sem tengjast fast-
eignum. Í Hálffimm fréttum grein-
ingardeildar Kaupþings segir að
frá áramótum hafi um 40% banka-
starfa á veðlánasviðum í stóru
bönkunum verið lögð niður vegna
verðfalls á fasteignatengdum
skuldabréfum.
Í frétt Financial Times segir að
bankarnir á Wall Street gætu þurft
að fækka störfum samtals um allt
að 10% til að bregðast við tekju-
samdrætti.
Bear Stearns tilkynnti í vikunni
um að 310 starfsmönnum tengdum
fasteignaútlánum verði sagt upp til
viðbótar við þau 230 samskonar
störf sem þegar hafði verið búið að
leggja niður. Í hagræðingarskyni
hafa tvær fasteignatengdar eining-
ar verið í sameinaðar í eina.
Í Hálffimm fréttum kemur fram
að Morgan Stanley ætlar að fækka
starfsmönnum um 600 og Credit
Suisse í Sviss um 320. Lehman
Brothers hefur boðað uppsagnir
um 2.500 starfsmanna. Svissneski
bankinn UBS ætlar svo að fækka
störfum um 1.500 á fjárfestingar-
bankasviði fyrir árslok en sú end-
urskipulagning kemur í kjölfar
mikils taps bankans á verðbréfum
tengdum bandarískum fasteigna-
lánum.
Fjöldauppsagnir
á Wall Street
Reuters
ATHAFNALÁN eru ný lán sem
veitt eru vegna rekstrar þar sem
konur eru í lykilhlutverki. Lánin
bjóðast fyrirtækjum sem eru í
eigu kvenna eða rekin af konum
og veitir SPRON lánin í sam-
vinnu við Þróunarbanka Evrópu
og Norræna fjárfestingarbank-
ann.
„Samkvæmt gögnum Hagstof-
unnar eru konur framkvæmda-
stjórar eða sitja í stjórnum hjá
einungis um fimmtungi fyrir-
tækja en það er þó misjafnt eftir
atvinnugreinum. Lánin eiga að
efla nýsköpun í fyrirtækjum þar
sem konur eru í lykilhlutverki
auk þess að auðvelda konum í
rekstri aðgang að fjármagni. Við
erum stolt af því að eiga sam-
starf við Þróunarbanka Evrópu
og Norræna fjárfestingarbank-
ann um þessi lán,“ segir Ólafur
Haraldsson, framkvæmdastjóri
SPRON, í fréttatilkynningu.
Þar kemur og fram að lánin
séu í samræmi við samfélags-
stefnu og þá jafnréttishugsun
sem ríki í SPRON en SPRON var
fyrst fjármálafyrirtækja til að
hljóta Jafnréttisverðlaun Jafn-
réttisráðs. Lánin eigi að auðvelda
konum að hefja rekstur en þau
eru einnig veitt starfandi fyrir-
tækum sem uppfylla áðurnefnd
skilyrði og vilja efla starfsemina
eða takast á við ný verkefni.
SPRON með
athafnalán
til kvenna
Morgunblaðið/Brynjar Gauti
♦♦♦
SJÓÐURINN Brú II Venture
Capital hefur fjárfest fyrir sjö
milljónir Bandaríkjadala, eða sem
nemur 449 millj-
ónum króna, í
sprotafyrirtæk-
inu FS-10 ehf.
sem er útgerðar-
fyrirtæki með
höfuðstöðvar í
Reykjavík.
FS-10 var stofn-
að í þeim til-
gangi að nýta ís-
lenska sérfræði-
þekkingu við
útgerð stórra fiskiskipa á hafinu
undan Máritaníu en framkvæmda-
stjóri félagsins er Sigurbjörn
Svavarsson, sem áður starfaði m.a.
hjá Brimi og Granda.
Í tilkynningu frá Brú kemur
fram að sjóðurinn sé eini aðilinn
sem hafi fjárfest í FS-10 en þetta
var fyrsta hlutafjárútboð fyrirtæk-
isins. Jafnframt er þetta fyrsta
fjárfesting Brúar á sviði sjávar-
útvegs. Umræddur sjóður hefur
það að markmiði að fjárfesta í
óskráðum og ört vaxandi fyrir-
tækjum. Fjárfestar sjóðsins eru
Lífeyrissjóður verslunarmanna,
Lífeyrissjóður starfsmanna ríkis-
ins, Gildi lífeyrissjóður, Stafir líf-
eyrissjóður, Sameinaði lífeyrissjóð-
urinn, Stapi lífeyrissjóður,
Straumur-Burðarás, Trygginga-
miðstöðin, Saxhóll og Nýsköpunar-
sjóður.
Brú fjárfest-
ir í útgerð-
arfyrirtæki
Sigurbjörn
Svavarsson