Morgunblaðið - 08.10.2007, Blaðsíða 18

UNG börn, sem horfa of mikið á
sjónvarp, eru líkleg til að þróa
með sér hegðunarvandamál, en
góðu fréttirnar eru þær að þró-
uninni má snúa við með minnk-
andi áhorfi, að sögn sérfræðinga
við John Hopkins háskólann.
Þeir komust að því að börn
undir fimm ára aldri sem horfðu
að jafnaði á imbakassann í meira
en tvo tíma á dag voru í meiri
hættu en önnur börn. En þau
börn, sem minnkuðu sjónvarps-
glápið til muna við fimm ára ald-
ur, minnkuðu þessa áhættu til
muna, að því er vefmiðill BBC
greindi frá fyrir skömmu. Skað-
inn væri þó mjög einstaklings-
bundinn.
Eldheitar umræður eiga sér nú
stað um áhrif sjónvarpsgláps á
ung börn og eru vaxandi vísbend-
ingar um að talsvert mikið sjón-
varpsáhorf geti komið niður á
hegðun barna. Bandarískir
barnalæknar hafa til dæmis mælt
með því að foreldrar barna undir
tveggja ára aldri forði þeim frá
sjónvarpi og sjónvarpsgláp eldri
barna fari alls ekki umfram tvo
tíma á dag.
Engin viðtæki
í barnaherbergi
Ekki er mælt með sjónvarps-
viðtækjum í barnaherbergjum því
það geti kallað á enn meiri
hegðunarvanda, lélega félagslega
færni og ónógan svefn, enda séu
mörg börn ákaflega viðkvæm fyr-
ir áhrifamætti sjónvarpsins.
Rannsóknin leiddi hinsvegar í
ljós að þau tveggja ára börn, sem
horfðu á sjónvarp að jafnaði í tvo
tíma á dag, en höfðu dregið mjög
úr sjónvarpsáhorfinu við fimm
ára aldur, sýndu engin aukin
merki um skaðsemi sjónvarps-
glápsins þó enn séu auðvitað um
þetta skiptar skoðanir.
Sjónvarpsskaðinn
er læknanlegur
Morgunblaðið/Arnaldur
Sjónvarpsáhorf Sérfræðingar mæla með að sjónvarpsáhorf eldri barna
fari alls ekki yfir tvo klukkutíma á degi hverjum.
|mánudagur|8. 10. 2007| mbl.is
daglegtlíf
Hvað er til ráða er nýja drauma-
húsið breytist allt í einu í hrip-
lekt hreysi á meðan haustlægð-
in mjakast yfir? »20
fjármál
Miðbæjarrottan Guðmundur
var ekki aldeilis á því að flytja
búferlaflutningum upp í Graf-
arvog. »20
gæludýr
Barnshafandi konur sem eru
með mjög lágt kólesteról kunna
að vera í meiri hættu á að eign-
ast fyrirbura. »21
heilsa
Katrín Friðriks Stund milli stríða hjá listakonunni.
Katrín hefur alið allan sinnaldur í útlöndum og ekkisýnt á Íslandi. Á því verð-ur þó brátt breyting því
fyrir tilstilli Guðrúnar Bjarnadóttur,
sem búsett er við suðurströnd
Frakklands og vinnur að því að
kynna Katrínu og verk hennar á Ís-
landi og í Bretlandi, verður verk eft-
ir hana í miðdepli á Sequence-lista-
hátíðinni sem hefst í Reykjavík nú í
vikulok.
Verkið verður blandaðrar tækni
og sett upp í kassa í Hafnarstræti
þar sem gestir og gangandi geta virt
dýrðina fyrir sér utan frá. Um er að
ræða þrívíddarinnsetningu sem
byggir á ljósmyndum, málverkum
og myndbandstækni. Undirtónninn
er Pigalle-hverfið í París og er verk-
ið lýsing á breytingareðli samfélags-
ins.
Í samtali við Morgunblaðið segist
Katrín ekki við eina fjölina felld í
listinni. Málverkið sé undirstaðan en
hún njóti sín best er hún glími við
alls konar listform og aðferðir. Hún
kveðst grípa þau tækifæri sem gef-
ast til að vinna með öðrum og blanda
saman mismunandi listformum og
tækni.
Hún segist og heilluð af hvers
kyns nýrri tækni og ófeimin að fást
við hana. „Er það ekki eðli Íslend-
ingsins, að glíma alltaf við eitthvað
nýtt og óþekkt?“ spyr Katrín. Á
þetta reyndi er myndverk eftir hana
var múrað á vegg í nýrri sundlaug-
armiðstöð, þeirri stærstu í Frakk-
landi, sem senn verður vígð í borg-
inni Nimes í Suður-Frakklandi að
viðstöddum Frakklandsforseta,
Nicolas Sarkozy. Verkið vann hún að
beiðni arkitekts sundlaugarinnar og
franska ríkisins og er það 80 fer-
metrar. Aðeins Erró hefur selt
stærra verk í Frakklandi, en þeim
Katrínu er vel til vina.
„Verkið kalla ég „Rauða hafið“ en
í því felst pínulítil pólitísk afstaða.
Það er litríkt en ekki mjög hlut-
bundið og því viss rólegheit yfir því,“
segir Katrín. Rautt og grænt er
áberandi í verkinu enda meginlitir
skjaldarmerki Nimes.
Erró hvetur hana til dáða
Þó Katrín hafi, þar til nú, ekki
sýnt verk sín á Íslandi er engu að
síður að finna verk eftir hana í Lista-
safni Reykjavíkur. Verk sem Erró
gaf safninu.
„Ég fór á sýningu hjá honum og
gaf honum þrískipta mynd eftir mig,
Hetjuþrumuna. Hann tók sig til og
gaf safninu hana. Það uppátæki hans
fannst mér ægilegur heiður. Fallegri
virðingarvott er vart hægt að
ímynda sér af hendi annars lista-
manns.
Við Erró erum góðir vinir, hann
kíkir stundum til mín í vinnustofuna
og á sýningar. Hann kom á fyrstu
sýninguna mína, þegar ég var 18
ára, eða fyrir 15 árum. Og hann hef-
ur verið iðinn við að hvetja mig til
dáða, sem mér þykir vænt um,“ seg-
ir Katrín.
Þegar blaðamaður ræddi við
Katrínu var hún í óðaönn að und-
irbúa ferðalag til Sjanghæ í Kína til
að kynna sér aðstæður en þar hefur
henni verið boðið að fremja innsetn-
ingu á einni hlið skýjakljúfs, á 3.500
fermetra myndfleti. Sá gjörningur
fer fram á næsta ári, en árið 2009
hefur og Katrínu verið boðið að sýna
verk sín á Sjanghæ-tvíæringnum,
einni helstu listasamkundu Asíu.
„Ég hef voðalega gaman af að
ferðast og kynnast nýjum viðhorfum
og nýjum viðfangsefnum. Og þótt ég
hafi flutt frá Íslandi sem kornabarn
og alist upp í Lúxemborg og Þýska-
landi er ég mikill Íslendingur í mér
og sæki þangað innblástur. Sú kalda
og sú heita orka sem þar kraumar og
sýnir sig með ýmsum hætti, eins og í
hraungosum, er mér hugleikin. Og
fólk segist sjá þennan kraft í mál-
verkum mínum þegar ég útskýri fyr-
ir þeim íslenska náttúru.“
Hún hefur haft í nógu að snúast á
árinu, sýndi t.d. bæði í Hamborg og
Lúxemborg og var auk þess boðið að
sýna verk sín í listasafninu í Bene-
dictine-höllinni í Fecamp í Norm-
andí. Eigendur safnsins eru fram-
leiðendur Benedictine-líkjörsins og
nota þeir árlega myndverk eins
listamanns á hólk undir flöskurnar
og hlotnaðist Katrínu sá heiður að
myndskreyta hólkana í ár.
Kraftmikið Blessunarbænin, litríkt
málverk eftir Katrínu Friðriks í
upprunalegri útgáfu og svo hér til
hliðar sem hólkur um líkjörsflöskur
Benedictine.
Nýtur vaxandi
vinsælda í Frakklandi
Katrín Friðriks er ung ís-
lensk listakona sem vakið
hefur athygli víða erlendis
fyrir verk sín, sérstaklega
í Frakklandi, en þar hefur
hún verið búsett sl. ár og
stjarna hennar risið hratt.
Verk hennar hafa farið
víða og nýlega bauðst
henni að fremja mynd-
verk á 3.500 fermetra hlið
skýjakljúfs í Sjanghæ í
Kína. Ágúst Ásgeirsson
ræddi við hana.
Katrín Friðriks er með eigin
heimasíðu á Netinu, www.katabox-
.com en þar má sjá sýnishorn af
verkum hennar.
Við Erró erum góðir vinir,
hann kíkir stundum til mín
í vinnustofuna og á
sýningar. Hann kom á
fyrstu sýninguna mína,
þegar ég var 18 ára.