Morgunblaðið - 24.10.2007, Side 11

MORGUNBLAÐIÐ MIÐVIKUDAGUR 24. OKTÓBER 2007 11
FRÉTTIR
- kemur þér við
Skulda landspítala
370 milljónir
Hvalfjarðargöng
og heimsendaspár
Karlremba leggur öll
spilin á borðið
Mugison blóðugur og
limlestur fyrir vestan
Magni vill vini sína
austur fyrir fjall
Íslenskir auðmenn
vilja lúxusgemsa
Hvað ætlar þú
að lesa í dag?
MORGUNBLAÐINU hefur borist
eftirfarandi yfirlýsing:
„Í kjölfar fjölmiðlaumfjöllunar
undanfarna daga um starfslok mín
hjá Ratsjárstofnun vil ég árétta að
fréttir um að ég hafi sem forstjóri
Ratsjárstofnunar gengið á dyr án
þess að upplýsa ráðuneytið eru al-
gerlega rangar. Hið sanna er að ut-
anríkisráðherra hefur ákveðið að nýr
forstjóri verði ráðinn til þess að taka
við stofnuninni í breyttri mynd og
hafa forystu um þær breytingar sem
nú standa yfir. Mér var kynnt þessi
ákvörðun utanríkisráðherra í upp-
hafi þessa mánaðar og á fundi okkar
föstudaginn 12. október óskaði ráð-
herra eftir því að ég léti af störfum
um þá komandi
helgi. Ég varð við
því og kom síðan
á mánudags-
morgni (15. októ-
ber) til þess að
kveðja starfsfólk-
ið og sendi jafn-
framt ráðherra
og ráðuneytis-
stjóra tölvupóst
um að ég hefði
látið af störfum eins og óskað hefði
verið eftir. Ráðuneytinu var því ekki
aðeins kunnugt um starfslok mín
heldur voru þau ákvörðun ráð-
herrans og á þeim tíma sem ráð-
herrann óskaði og tilkynnt bæði hon-
um og ráðuneytisstjóra skriflega
með tölvupósti.
Bæði utanríkisráðherra og ráðu-
neytisstjóri tóku sérstaklega fram á
fundum sínum að ánægja ríkti með
störf mín hjá Ratsjárstofnun, sér-
staklega með þann árangur sem ég
ásamt frábæru starfsliði hefði náð í
hagræðingu í rekstri stofnunarinn-
ar, eins og fram kom í fréttatilkynn-
ingu utanríkisráðuneytisins.
Ég óska starfsmönnum og nýjum
forystumönnum Ratsjárstofnunar
velfarnaðar í áframhaldandi upp-
byggingu stofnunarinnar og þakka
gott samstarf.
Virðingarfyllst,
Ólafur Örn Haraldsson.“
Starfslok hjá Ratsjárstofnun
Ólafur Örn
Haraldsson
Eftir Silju Björk Huldudóttur
silja@mbl.is
„MÉR finnst þetta ótrúleg lýsing. Þetta lýsir því hvað
þessi leyfisfrumskógur er orðinn ógegnsær og erfiður yf-
irferðar fyrir fyrirtækin,“ segir Pétur Reimarsson, for-
stöðumaður stefnumótunar- og samskiptasviðs Samtaka
atvinnulífsins, um frétt í Morgunblaðinu í gær þess efnis
að ferðaþjónustufyrirtækið Hvíldarklettur þurfi tæplega
400 leyfi og vottorð til að fá að starfa.
Aðspurður segir Pétur þessar fréttir í raun ekki koma
sér á óvart, en forsvarsmenn SA hafa um nokkurra ára
skeið talað fyrir því að leyfisveitingar væru einfaldaðar.
Vorið 2004 kom m.a. út skýrsla á vegum SA sem nefnist
„Eftirlit með atvinnustarfsemi – tillögur til úrbóta“.
Lítið gerst síðan tillögurnar voru lagðar fram
„Við höfum verið að gera kröfu til ráðuneytanna um að
fækka leyfum, einfalda leyfisveitingar og eftirlitskerfið.
Þannig að menn gætu í raun á einum stað fengið öll þau
leyfi sem þyrfti til reksturs eins og þessa,“ segir Pétur
og segist vilja sjá að komið væri upp faggiltum skoð-
unarskrifstofum á markaði sem hefðu eftirlit með fyr-
irtækjum og sæju um öll samskipti milli fyrirtækja og
ráðuneytanna og eftirlitsaðila á þeirra vegum.
Aðspurður segir Pétur fyrrgreinda skýrslu hafa verið
kynnta ráðuneytunum á sínum tíma, en fæstar af þeim
hugmyndum sem í skýrslunni voru hafi komist í fram-
kvæmd. „Viðtökurnar eru þannig að það er hlustað á
okkur með kurteisi, en svo gerist mjög lítið.“
Að sögn Péturs virðist vera mjög erfitt að fá hið op-
inbera til að leggja af eftirlit sem einu sinni er búið að
koma á. „Það tengist því að mönnum finnst fyrirtækj-
unum ekki treystandi til þess að standa almennilega að
hlutunum og að það þurfi opinbera eftirlitsmenn til að
fara á svæðið og tryggja það að allt sé í lagi, sem er í
raun og veru algjör misskilningur á því hvernig öryggi
verður best tryggt. Það verður best tryggt með því að
fyrirtækjunum sé falin sem mest ábyrgð á þessu sjálfum.
Og gera á kröfu um það að fyrirtækin reki gæðakerfi
sem hið opinbera getur haft aðgang að og fylgst með að
gerðar séu þær athuganir sem eðlilegt er að reksturinn
geri. En öll þessi leyfi og allt þetta eftirlit er í mörgum
tilfellum meira eða minna drifið af hagsmunum eftirlits-
ins, en ekki hagsmunum almennings eða fyrirtækjanna.“
„Leyfisfrumskógurinn
erfiður yfirferðar“
Morgunblaðið/Halldór Sveinbjörns
Stórlúða Þessi stórlúða veiddist á sjóstangaveiðimóti
sem Hvíldarklettur ehf. á Suðureyri stóð fyrir í sumar.
Í HNOTSKURN
»Að mati forsvarsmanna SA ætti að lágmarka um-fang opinbers eftirlits, einfalda það og tryggja
samræmda framkvæmd.
» Í skýrslu SA frá 2004 er lagt til að veiting skyldraleyfa sé samræmd og færð á færri hendur. Leyfi
séu gefin út til lengri tíma og eftirlitsskoðanir á veg-
um hinna ýmsu eftirlitsaðila verði sameinaðar.
HÉRAÐSDÓMUR Reykjavíkur
sýknaði í gær þrjá karlmenn af
ákæru um tilraun til kynferðisbrots
en þeir höfðu allir farið til móts við
tálbeitu fréttaskýringaþáttarins
Kompáss sem hafði sagst vera 13 ára
stúlka. Það var mat dómsins að net-
samskiptin við tálbeituna gætu ekki
talist sönnun fyrir því að þeir hefðu
haft ásetning til að fremja kynferð-
isbrot gegn 13 ára stúlku.
Einn mannanna var hins vegar
dæmdur fyrir að hafa í vörslu sinni
barnaklám, 91 ljósmynd og 11
hreyfimyndir. Sektin fyrir brotið
nemur 200.000 krónum.
Umfjöllun Kompáss byggðist á
auglýsingu sem fréttamenn þáttar-
ins settu inn á vefsíðuna einkamál.is
og hljóðaði svo: „Hæ ég er sæt og vel
vaxin stelpa, langar að kynnast eldri
strák. Ég er samt mjög fullorðinsleg,
ég er eigilega bara 13. Sendu mail á
addapink93@hotmail.com ekkert
rugl samt.“
Mennirnir játuðu allir að hafa átt í
netsamskiptum við tálbeituna en
sögðust jafnframt hafa gert sér
grein fyrir að þeir væru að ræða við
mun eldri einstakling. Einn þeirra
sagði að fólk fengi útrás fyrir draum-
óra sína á vefnum og hann hefði eins
átt von á því að vera að ræða við karl-
mann í netsamskiptum eins og kven-
mann. Þegar hann hringdi í tálbeit-
una hefði hann þar að auki gert sér
grein fyrir að um fullorðna konu
væri að ræða. Fyrir dómnum kom
fram að tálbeitan var tæplega þrítug
kona en hún kom ekki fyrir réttinn.
Í leiðbeiningum ríkissaksóknara
um notkun tálbeitna kemur fram að
ekki megi nota tálbeitu til að kalla
fram refsiverða háttsemi sem ella
hefði ekki verið framin. Af þessu
væri ljóst að lögreglu hefði ekki ver-
ið heimilt að beita aðferðum Komp-
áss við lögreglurannsókn. Því léki
verulegur vafi á því hvort lögreglu
hefði verið heimilt að nota gögn frá
Kompási sem grundvöll lögreglu-
rannsóknar. Sönnunargildi gagn-
anna væri því takmarkað, ef nokkuð.
Þar að auki hefðu mennirnir ekki
getað fullframið brotið enda tálbeit-
an tæplega þrítug. Netsamskiptin
gætu ekki verið grundvöllur sakfell-
ingar og ekki væri hægt að hafna því
að þeir hefðu í samtölum um síma
gert sér grein fyrir að þeir væru að
ræða við fullorðinn einstakling en
ekki 13 ára stúlku. Guðjón St. Mart-
einsson kvað upp dómana.
Tálbeita Kompáss var
ekki tæk fyrir dómi